Lûm 1:32 - Mundani

³² Bɔ batè nko ànəa Mbɔ̧ɔ̧mà shu la nê bɔ bɔ̂ ndɨ bɔ̀ɔ bùŋe bòt bɔ̀ɔ ngɨ̀à èwuu èghɨ mbɔŋ la, ka bɔ̀ wua ngɨ̀à wuê ndàꞋà bùà, bɔ me wùꞋta fɔ̀ɔ̀la bòt bu bɔ̀ɔ ngɨ̀à èwuu èghɨ mbɔŋ la mɨ̧̂.

Lûm 1:32 Iomraidhean Croise

Lûk 11:48

Bɨ̀a ngɨ̀ bɨ bɔ̧ɔ̧ ale, bɨ wua nyɨ̀Ꞌta nê bɨ bɨ̧ɨ̧nè àghɨa bètǎt bɨ̧ è le lɔ̂Ꞌ ngɨ̀ la. Bɔ̀ li mbùŋè bèndàꞋàtɔŋ Mbɔ̧ɔ̧mà, bɨ bɔ̧ɔ̧ ètsəsì bɔb.

ÀfaꞋa 22:20

È li mè ngu àfɨꞋa bɔ bùŋà wɔ̀fàꞋ wê Stifèn la, e ngu abot è mbɨ̧̀ɨ̧̀nè nê bɔ̀ bùŋe atò, tè bòt e sɔ̀tè mèmà̧ mɔb ŋa e mbèa ka bɔ me bùŋe atò.’

ÀfaꞋa 8:1

Sɔ̂l li mbɔ̂ mbɨ̧̀ɨ̧̀ne nê bɔ̀ bùŋe atò mbɨ̀Ꞌɨ̀ bɔ li ngɨ̀ la. EbuꞋu ane àlia ngaa bɔ bùꞋ me ŋa ngoꞋ kèkweelè abua chɔsì wu a Jèlusalèm la. Bòt chɔsì bu bàgème e taatè ngà àbâ àlaꞋ a Jùdià bɔ̂ Sàmalìà tè è tsìꞋi wuê bɔntu̧ tò bu a Jèlusalèm.

Lûm 1:18

Mbɔ̧ɔ̧mà è tse a ègwet me nyɨꞋte ndɨ yèa ntsòa ane bòt bàgème bɔ tu̧u̧ zə atò, me ghɨ wuê kàbɔ̀ŋ, tè kàbɔ̀ŋ mbɔŋ kele bòt, bɔ̀ ka tsi nko nkûŋ la.

Lûm 1:21

Bɔ li mbàte nko nê Mbɔ̧ɔ̧mà nàà və, ka bɔ̀ ka ŋa kènuke abua tò mbɨ̀Ꞌɨ̀ Mbɔ̧ɔ̧mà, bɔ̀ ka mě nkɔ̀ŋkè atò ane àghɨa tà ghɨ̀ la. Ale, mèmɨ̀ɨ̀te mɔb è tsìꞋi àku, bɔ̀ ka meè nko àghɨa Mbɔ̧ɔ̧mà li ngua nkɨa nê bɔ̀ ko la.

Lûm 6:21

Àbȩ̀ yu bɨ̀ le wua mbɔ a màngɨa èghɨ bu bɨ tsiꞋa mbɔ àtsəa kɔꞋɔ adù̧ àfɨ̀Ꞌ yaa la wu ghàà? Èghɨ mbɔŋ aa ŋa èvə.

Lûm 6:23

Àbȩ̀ a kàbɔ̀ŋ wu èvə, ka àghɨa Mbɔ̧ɔ̧mà nàa ŋa mbɨ̀Ꞌɨ̀ tà kɔ̀ŋkè la wu mèmpème kàlìà, ndɨ̀ wu bàà tsiꞋi àghɨ yeamɔꞋ nè Yesò Klistò Lefɨ̀Ꞌ wa la.

2 Tèsàlonikà 2:12

Àfɨta mbɔŋ aa ghɨ ndɔ̀ Mbɔ̧ɔ̧mà naa nɔ̀ŋke àtsəa yɔb wu bàgème bɔ̀ɔ nkɔ̀ŋkà e me ghɨ a kàbɔ̀ŋ, mbɔ̂ ntù̧u̧ ebɨ̧ɨ̧ne èngǎ̧ nkûŋ la.