Lûm 1:30 - Mundani

³⁰ Ntsòkà tèlente bòt, mpààbà a Mbɔ̧ɔ̧mà, ntsò̧ò̧tà bòt, ŋèꞋa tèkwȩ tɔb a ègwet, shua nê bɔ ghe. Bɔ mè me ntsèka mɨ̀ɨ̀tà wuê balu̧ fi a màngɨa kàbɔ̀ŋ, bɔ̀ ka wua ndzəa bètǎt bɔb bɔ̂ bènyɨ̌ bɔb.

Lûm 1:30 Iomraidhean Croise

Matìù 15:4

Mbɔ̧ɔ̧mà li shu nê, ‘Me zəa tǎt wè bɔ̂ nyɨ̌ wè,’ mè nê, ‘Wòt làꞋ ànəa kàbɔ̀ŋ ane tǎt vi kò nyɨ̌ vi leꞋ, bɔ bùŋè atò.’

Matìù 16:21

E buꞋu àfɨꞋa mbɔŋ e ghà nè mbì, Yesò bùꞋ me shu bɔkatè bi ndɨ yèa ghǎ a Jèlusalèm e tàꞋa ye ngoꞋ a tèkitebu bɔɔjuŋ nè bètǎt bèntsìà mèpɨ̧̀ Mbɔ̧ɔ̧mà ndɔ̀Ꞌ nè bènyɨꞋtà mbɨ̧te Musì la. Nè, bɔɔ̀ li ebùŋè àvi ka naa me wu ane èlibȩ betat yea yu̧u̧me.

Lûk 21:16

Bètǎt bɨ̧ nè bɔnyɨ bɨ̧, bɔ̂ bòt lətelob tɨ̧, nè bèshu̧ bɨ̧ aa li jɨ mènàŋ mɨ̧, e ghɨ̌ bɔɔ bùŋè bòt ko ane yɨ̧.

Jɔ̌n 7:7

BetsiꞋa bòt ngɔ̀ŋ è ka ye àghɨa bɔ̀ɔ me pààbè àwɨ̧ adù̧ la, ka mbɔ̂ me pààbè am, nkàà nê maa shua àghɨa mâ ye mè nko ane yɔb la, nê mènəè mɔb nàà kàbɔ̀ŋ.

ÀfaꞋa 5:36

È li ndɔ̀Ꞌ ngu àfɨ̀Ꞌ àko, Tìodà kǒ lɔ̀Ꞌ me fɨta shua nê, ye wu wòt nɨ̧, tè bòt mbɔ̀ŋè ènkɨ̀ yekwì e kuŋe atò. AdzìꞋ me wù̧ù̧ne, bɔ kɨ̧ɨ̧mè atò, bòt tò bu bàgème e taatè, èngǎ̧ tò wu e mî.

Lûm 2:17

È me wu awê wu àa ntɔ awê ane Juê la, ko àyê àa li wu naa? À gha ane ndɨ̀ wu à ko mbɨ̧ Musì la me wu̧u̧ nkùꞋ ye shua nê ye ko a Mbɔ̧ɔ̧mà.

Lûm 2:23

Àwɔ̀ wu àa ngù̧a nkùꞋ yê shua nê ye ko mbɨ̧ Mbɔ̧ɔ̧mà la, àà kà kweele àtsə abua tò e pààte mbɨ̧ mbɔŋ?

Lûm 3:27

A wu anè, ko wòt nàa mě me wu̧u̧ nkùꞋ zi shua nê ghàà? Àghɨ a te ntsě. Àghɨa àa kele wòt nê tà ka me wu̧u̧ nkùꞋ zi la wu ghàà? Wu mbɨ̧ wòt nàa me shu nê yea nɔ̀ŋà la? ÀwɔꞋ, wu màndzia èntɨ̧ɨ̧ ane Yesò Klistò, ka nàa kele wòt a màngu̧a nkùꞋ zi la.

2 Kɔlìn 10:15

Bà ka ghaꞋte awa te gha ewu àdziꞋa kà wu ayea Mbɔ̧ɔ̧mà ŋa abua ya la. Ka àghɨa ba kɨa la wu nê mèntɨ̧ɨ̧ mɨ̧ mu bɨ zi ane Yesò Klistò la me kweela ngà nè mbì, mbɨ̀Ꞌɨ̀ aa wu nê èlu̧ e ghaꞋà abua ya baa kwèꞋne àfàꞋ àya a kètsìà wɨ̧.

2 Kɔlìn 12:20

Maà mbɔ̀ɔ mbɨ̀Ꞌɨ̀ ka e nkɨ̀Ꞌɨ̂, bɨ̀ ka wu ane ndɨ màa mɨ̀ɨ̀tà la, mmɔ̌ mbɔŋ è nka mê ngu ane ndɨ bɨ̀a mɨ̀ɨ̀tà la. Maà mbɔ̀ɔ mbɨ̀Ꞌɨ̀ ka ateko e nkɨ̀Ꞌɨ̂, àyɔ̀ŋ a wuê a kètsìà wɨ̧, nè ghɔ̀Ꞌnà, nè ntɨ̧ɨ̧ bɨ̌, bɨ mè me tseka a mètsəê a mètsəê, mè me làꞋa kàbɔ̀ŋ ane tèlente bòt ko, ngɨ̀à mènàŋ, ŋeꞋa tèkwȩ tɨ̧ a ègwet, mè nəèꞋà mènəè.

2 Tèsàlonikà 2:4

Taa kɨꞋɨ etu̧u̧ àghɨ àgème bòt àa ngùꞋtà nê wu mbɔ̧ɔ̧mà la, e me ŋeꞋe avi a ègwet shua nê ye tse bùà ègème. Taa ghǎ fɔɔle a èbem lob nɨ̧ Mbɔ̧ɔ̧mà, e tseke a èbem e me shu bòt nê zìambɔŋ ka ye wu Mbɔ̧ɔ̧mà la.

2 Tɔ̀màtià 3:2

Naa li ngu ane èli mbɔŋ, waa waa tsiꞋa kɔ̀ŋkà wuê avi zìambɔŋ, nkwàꞋtà wuê ànəa mèkab mɔb, ngù̧a nkùꞋ tɔb mè ŋèꞋa tèkwȩ tɔb a ègwet. Naa li ngu ane èli mbɔŋ, bòt e tsiꞋa ntsɔ̧̀ɔ̧̀tà beko, ngɨ̀à àtsə àkekweelè abua bètǎt bɔb, bɔ̀ ka tsi ngùa nkuŋà Mbɔ̧ɔ̧mà, wòt ghɨa ntsɔ̧̀ abua wòt tà kà lem ntsi nkɔ̀ŋkè atò.

Tȩtɔ̀s 3:3

À wu ale nkàà nê bàambɔŋ e li ndzaã ngu èkèghɨ̧̀, me ghɨ̀ àtsəa kekweelè, mè ngɨ̀à mènəè kàbɔ̀ŋ. Ba li ndzaã ngu èbùꞋ èbɨꞋte mènəè, mè me zì mèntɨ̧ɨ̧ ma wuê adù̧ tèwuute èghɨ tèa mbɔ̀ awa la. Ba li ngua ntsèka nkwàꞋtà wuê mènəè kàbɔ̀ŋ mè ngòꞋnà bòt. Bòt ko e li ngua mpààbà awa, ba mèà mpààbà àwɔb mɨ̧̂.

Jimsì 3:5

Eyaa bê ngu wuê ndɨ èlɨ̧ wɔ̀bȩ̂ àa la mɨ̧̂. E taꞋa wua nkòa mbɔ̂ betsiꞋa e koê èŋwèèle atò ta làꞋà taꞋà mèngà̧. Bɨ̀ ye ndɨ awa àdziꞋ èwet nàa ngɨ̀ è tò̧ èbàꞋ e faŋ nge la.

Jimsì 4:16

Ka bɨa ŋèꞋe tèkwȩ tɨ̧ a ègwet, ngù̧a nkùꞋ tɨ̧, ka bɔ̂ tèkwȩ tɨ̧ ngaa bɨ ŋeꞋe a ègwet la wu ànəa kàbɔ̀ŋ.

2 Pità 2:18

Bɔ taꞋa wua ngwàbta mètsəê mɔb ngù̧a nkùꞋ tɔb, mbɔ̂ ngua ndàꞋà mènəè àku. Bɔɔ nyɨ̀Ꞌta nê bòt è me ghɨ̌ àghɨ àgème mbɨ̧te ènyit tɔb tèa nkɨà la, nɨa səèà bòt bu mbèla ndzəèa dzəâ ayɔɔ bòt bɔ fà̧à̧tè èka bɔb la, mè mvəèəè àwɔb a èbèm.

Jûd 1:16

Bòt baa aà ntsèka ndèmà a tèbèm tɔb, fèèlà bòt. Bɔɔ ngɨ̀à mènəè wuê mbɨ̀Ꞌɨ̀ mbɨ̧te ènyit tɔb tèa nkɨà la, ngwàbta mètsəê mɔb ngù̧a nkùꞋ tɔb. Bɔɔ fɨ̀ta bòt mɨ̧̂ mbɨꞋɨ ejɨ àbȩ̀ akwen yɔb.