Lûm 1:26 - Mundani

²⁶ Àyaa a ghɨ̀ Mbɔ̧ɔ̧mà sà àwɔb nè bɔ̀ me ghɨ̀ wuê èbɨꞋte èghɨ bu àa ŋa àtsəa kɔꞋɔ bɔ zì mèntɨ̧ɨ̧ mɔb adù̧ la. Bèzi bɔb e sà mbâ̧tsə ntsìꞋa nɔ̀ŋkà nè bèzi ko.

Lûm 1:26 Iomraidhean Croise

Lûm 1:24

Mbɔ̧ɔ̧mà ye ale, sà àwɔb nê bɔ̀ me ghɨ̌ èbɨꞋte èghɨ bu bɔ zì mèntɨ̧ɨ̧ mɔb adù̧ la, bɔ tsiꞋa ngɨ̀à mènəè àtsəa kɔꞋɔ a kètsìà wɔb bɔ̀ɔmbɔŋ.

Lûm 1:28

Ndɨ̀ wu bòt mbɔŋ e tu̧u̧ zì mèntɨ̧ɨ̧ mɔb ane mènəè nkûŋ mu nàa nyɨ̀Ꞌta wòt Mbɔ̧ɔ̧mà wu wùà la, Mbɔ̧ɔ̧mà sà àwɔb bɔ tsiꞋi zì mèntɨ̧ɨ̧ mɔb ane èbɨꞋte èghɨ àa ŋa àtsəa kɔꞋɔ la.

1 Kɔlìn 6:9

Bɨ bakà ko laꞋ nê bòt mènəè kàbɔ̀ŋ è ka li bɔ àdziꞋ a kèfɔ̧̀ Mbɔ̧ɔ̧mà a? Bɨ̀ ka fɨ̀te awɨ̧ bɨ̀ambɔŋ. Bòt bu bɔ̀ɔ njɨ̀a ngò̧ò̧tètsə la, nè è bu bɔ̀ɔ nkùkta bènàmbəa la, nè è bu bɔ̀ɔ njɨ̀a àbȩ la, nè mbâ̧ tu tèa mpàꞋta te ko la, è ka li bɔ àdziꞋ a kèfɔ̧̀ Mbɔ̧ɔ̧mà a.

Efesɔ̀s 4:19

Àghɨa ko a te ntsě àa mè ngɨ̀à bɔ bɔ àtsəa kɔꞋɔ la. Bɔɔ ngɨ̀à wuê èghɨ mbɨ̧te ènyit tɔb tèa nkɨà la, nè èwuu èbɨꞋte ènəê ègème, tè àghɨa ko à ka tsi nguê àa nkèla wɔb la.

Efesɔ̀s 5:12

Wu kwàꞋ ànəa àtsəa kɔꞋɔ a màndaꞋa ànəa èghɨ bu bòt àa ndò̧ò̧tà ngɨ̀à la.

1 Tèsàlonikà 4:5

Ko mbɨ̀Ꞌɨ̀ wòt me ghɔ̀Ꞌɔ akwen bèzi mbɨ̀Ꞌɨ̀ mbɨ̧̀ ènyit tò nàa nkɨà la. Bòt kà ko a Mbɔ̧ɔ̧mà ka bɔ̀ɔ ngɨ̀à ale la.

1 Tɔ̀màtià 1:10

Mbɨ̧ taa te wu abua bòt bu bɔ̀ɔ nɔ̀ŋkà nè bèzi kà wu ebɔb la, nè mbâ̧ tu tèa mpàꞋta teko la. Mbɔ̧ɔ̧mà li ngɨ̀ mbɨ̧ taa abua bòt bu bɔ̀ɔ mbà̧aã bɔbȩ efɨ̧̀ɨ̧̀nà la. Mè ngɨ̀ abua bòt mèfà̧, nè bòt bu bɔ̀ɔ ndàꞋà mèfà̧ àtsəa bòt ko la, nè bòt bu bɔ̀ɔ ngɨ̀à mènəè kà kuꞋ ane èlɨ wu Mbɔ̧ɔ̧mà è nyɨꞋte awa nê bà me ghɨ̌ la.

Jûd 1:10

Ka bòt ba aà ndàꞋa kàbɔ̀ŋ adù̧ ànəê àgème bɔ̀ bakà ko la. Bɔɔ ngɨ̀à mènəè mbɨ̀Ꞌɨ̀ mbɨ̧te ènyit tɔb tèa nkɨà la kà kwàꞋtè, wuê mbɨ̀Ꞌɨ̀ banyaãbàꞋ. Bɔɔ ye ngoꞋ nkàà èghɨ bàa.

Jûd 1:7

Bòt Sodòm nè bòt Gòmolà nè èlaꞋ bu a ngèt yɔb la e li ngɨ̀ wuê a èlɨ mbɔŋ. Bɔ li ngua mpàꞋta bòt kà yɔꞋɔ awɔb, njɨ̀a àbȩ, mbâ̧tsə te nɔ̀ŋkà nè è teko, tè Mbɔ̧ɔ̧mà lììme awɔb a èbem èwet nɨŋ nyɨ̀Ꞌte àghɨa tàa li ghɨ̀ ne bòt bu bɔ̀ɔ li eye ngoꞋ a èbem èwet ane àlia nè àlia la.