Lûm 1:20 - Mundani

²⁰ EbuꞋu tea àfɨꞋa Mbɔ̧ɔ̧mà li ngɨ̀ ngɔ̀ŋ la, tàa ngɨ̀à àfɨ̀Ꞌ àgème bòt e yea nê tà wu Mbɔ̧ɔ̧mà, mè ndzea nê mètàŋ tò nàa kà lìà. Bɔ li ngu ko ye nê tàa və ane èghɨ tà ghɨ̀ la. Ale, àghɨa ko bɔ̀ɔ mě nɨ ghɨ̌ te gha àku la a ntsě.

Lûm 1:20 Iomraidhean Croise

Matìù 5:45

Bɨ̀ ghɨ̀ ale, mbɨ̀Ꞌɨ̀ ewu bɔ̧ tǎt wɨ̧ a ègwet. Tàà ngɨ̀à nyèm tea a ègwet bòt kàbɔ̀ŋ nè èbe ntsɔ̧̀, mè ntsàà mbɨ̀ŋ è lua a ègwet bòt mènəè ntsɔ̧̀ nè bòt mènəè kàbɔ̀ŋ.

Ntu̧ Ntsɔ̧̀ MAK 10:6

Mbɔ̂ ngɔ̀ŋ li me bùꞋu ‘Mbɔ̧ɔ̧mà ghɨ̀ mbâ̧ nè àvi.’

Jɔ̌n 1:18

Wòt kǒ tà li mè yea Mbɔ̧ɔ̧mà la ntsě. Wu ndàꞋà tòà wu tà wu àzi Mbɔ̧ɔ̧mà mè ngu a ngèt Mbɔ̧ɔ̧mà la ka tà ghɨ̂ bòt e ko atò la.

Jɔ̌n 15:22

Mâ ghɨ̀ ale, è nka kɨꞋɨ elaꞋa abua yɔb, ko bɔ bakà ko laꞋ nê bɔ wu bòt kàbɔ̀ŋ, ka nè àfɨ̀Ꞌ yaa betsiꞋa bɔ ka tsi nkoê shu nê, àghɨa bɔ ghɨ̀ la ntsě kàbɔ̀ŋ.

ÀfaꞋa 17:29

“Ndɨ̀ wu bà wu bɔ̧ Mbɔ̧ɔ̧mà la, bàà kà mɨ̀ɨ̀tè laꞋ nê, bɔ̀ kɔ̧ɔ̧ atò mbɨ̀Ꞌɨ̀ wòt nàa ngɨ̀ tà nèètè nkɔ̧̀ kèbaa èti, kò wuê èfe silbà, kò wuê èfe goêl la leꞋ. Bɔ bakà kɔ̧ɔ̧ atò a èlɨ̀ wu wɔ̀bȩ̂ nàa nkɔ̧̀ɔ̧ èghɨ bi la.

ÀfaꞋa 22:1

Pɔ̂l nê, “Bètǎt bɔ̧ nè bɔnyɨ bɔ̧, bɨ̀ yute èngǎ̧ am mbɨ̀Ꞌɨ̀ è nkɨ etsǐ ànəê àtsə am a mbì lɨ̧ anè la.”

Lûm 1:19

BetsiꞋa waa waa ko àghɨa Mbɔ̧ɔ̧mà wu yùà la, ndɨ̀ wu Mbɔ̧ɔ̧mà zìambɔŋ è nyɨꞋte abua yɔb la.

Lûm 16:26

Nkûŋ mbɔŋ è pùùla ayaã àfɨ̀Ꞌ yaa ane àghɨ a bèndàꞋàtɔŋ Mbɔ̧ɔ̧mà e li shɨŋ la. Mbɔ̧ɔ̧mà wu tà wu ane àlia nè àlia la è shu nê èlaꞋ ègème e ko, mbɨ̀Ꞌɨ̀ bòt bàgème aa bɨ̧ɨ̧ne ànəa tà shu la, e me zə atò.

Lûm 2:1

Àwɔ̀ wu àa ntsìà mpəèəète bòt la, à ka ghà àku a, ka à màà ngu wuê wà leꞋ. Àa ngɨ̀ a me tsì mpəèəète wòt à wua ndzìà ndɔ̀ àtsəa yê, nkàà nê àwɔ̀ wu ntsìà mpəèəète mbɔŋ la à bela ngɨ̀à wuê èghɨ mbɔŋ mɨ̧̂.

Lûm 2:15

Èghɨ bɔ̀ɔ ngɨ̀à la e nyɨꞋtè nê Mbɔ̧ɔ̧mà zi mbɨ̧ mbɔŋ a mèntɨ̧ɨ̧ mɔb, nkàà nê bɔ̀ɔ ngɨ̀ bɔ̀ ghɨ̀ àghɨ mbɨ̀Ꞌɨ̀ mbɨ̧ shu la, mèntɨ̧ɨ̧ mɔb ka feele àwɔb, ka bɔ̀ pààte mbɨ̧, mèntɨ̧ɨ̧ mɔb me fèèlè àwɔb.

1 Kɔlìn 1:20

Ale, wòt wu tà bɔ èyì la wu neŋàà? NyɨꞋtà mbɨ̧te Musì naa wa à? Bòt bu bɔ̀ɔ nkàànà mènəè àlia laane la bɔ̀ɔ wa à? Mbɔ̧ɔ̧mà nyɨꞋte nê, èyì ngɔ̀ŋ yaa wu àghɨ̧̀ɨ̧̀nè.

Kɔ̀losìà 1:15

Yesò Klistò wu bà le wua ndzèa tò la nàà mbɨ̀Ꞌɨ̀ Mbɔ̧ɔ̧mà wu bàa ka ye atò la. Tà lè wuê ka bɔɔ ghɨ̌ èghɨ ègème, tà mè ngu àtsə àghɨ àgème bɔ li ngɨ̀ la.

Kɔ̀losìà 2:9

Bɨ̀ lùùlà èwuu mènəè maa nkàà nê Yesò Klistò wu bɔ bi atò mbɨ̀Ꞌɨ̀ wɔ̀bȩ̂ la, bê ngu wuê mbɨ̀Ꞌɨ̀ Mbɔ̧ɔ̧mà ane balu̧ bàgème,

1 Tɔ̀màtià 1:17

TsiꞋ bòt è wùꞋte a Mbɔ̧ɔ̧mà wu tà wu Fɔ̧̀ mè ngu wòt tàa mbà̧aã ngɔ̀ŋ àfɨ̀Ꞌ àgème la. Tà wu ndàꞋ Mbɔ̧ɔ̧mà wu tàa ka pfə, bɔ ka meè ngua dzea tò la. TsiꞋ mèngùꞋte wu abua tò ane àlia nè àlia. Àmèn.

1 Tɔ̀màtià 6:16

Tà wu ndàꞋà wòt kà wu li epfə, mè me tsèke a kètsìà èkaꞋa vi wu betsiꞋa wòt kà ko ntsě abot la. Wɔ̀bȩ̂ bakà li mè ye atò, wòt kà mè ngu eko eye atò. TsiꞋ bɔbȩ è wùꞋte atò mè ŋeꞋe atò a ègwet tè ndɨ ngɔ̀ŋ naa li ghǎ elìa la. Àmèn.

Ebùlù 11:27

Èntɨ̧ɨ̧ wu tà li ndzi ane Mbɔ̧ɔ̧mà la e li ngɨ̀ tà dzə a Ejìb kà bɔ̀a laꞋnê fɔ̧̀ naa me tsoo ane zi. Tà li nkùùle èntɨ̧ɨ̧ vi ngà, mbɨ̀Ꞌɨ̀ wòt tà ye a Mbɔ̧ɔ̧mà wu kà bɔ wua ndzea tò la.

Ebùlù 9:14

Tè a wu ewu anè, ko àlo̧ Yesò Klistò à ka faꞋa te tsè ale a? Fo Mbɔ̧ɔ̧mà àlia nè àlia li ngɨ̀ tà ŋà àtsəa zi mbɨ̀Ꞌɨ̀ nkɔ̀Ꞌ èpɨ̧̀ kà ye àlɔꞋ, mbɨ̀Ꞌɨ̀ enɨ àlo̧ azi e shùù mèntɨ̧ɨ̧ ma ane èghɨ bàa kà nɔŋe lə la, mbɨ̀Ꞌɨ̀ baa me ghɨ̀ àghɨa Mbɔ̧ɔ̧mà yû̧ nàa nkɨà nê bà me ghɨ̀ la.