Lûm 1:17 - Mundani

¹⁷ Ntu̧ Ntsɔ̧̀ Mbɔ̧ɔ̧mà nàà nyɨ̀Ꞌta ndɨ Mbɔ̧ɔ̧mà nàa nɨa wòt mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, è wu wòt wu tà zi èntɨ̧ɨ̧ vi ane waã tò Yesò Klistò tè èlu̧ tsa è ka tsi ngu la. Bɔ shɨ a èbem Àkata Mbɔ̧ɔ̧mà nê, “Wòt tà zi èntɨ̧ɨ̧ vi ane Mbɔ̧ɔ̧mà, tè Mbɔ̧ɔ̧mà nɨa tò mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, naa li wu ane àlia nè àlia.”

Lûm 1:17 Iomraidhean Croise

Jɔ̌n 3:36

Wòt tà zǐ èntɨ̧ɨ̧ vi ane Waã Mbɔ̧ɔ̧mà la è bɔ mèmpème kàlìà, è we tà tu̧ ezǐ èntɨ̧ɨ̧ vi ane tò la ka wu li ebɔ mèmpème, mbɔ̂ ntsǒ Mbɔ̧ɔ̧mà kà wu li elìa, è bele àtsəa tò è nɔ̀ŋkè la.

Lûm 10:3

Ndɨ̀ wu bɔ li bɔ̀ ka ko ntsɔ̧̀ ndɨ Mbɔ̧ɔ̧mà nàa nɨa wòt mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, mè ntsiꞋi me kɨ wuê wɔb ne alu̧ la, a ghɨ̀ bɔ̀ ka bɨ̧ɨ̧nè ane we ne alu̧ Mbɔ̧ɔ̧mà wu tàa nɨa bòt mbɨ̀Ꞌɨ̀ bòt bɔ tɨ̧ɨ̧ ndɨŋndɨ̀ŋ a mbì li la.

Lûm 3:21

Mbɔ̧ɔ̧mà lâ nyɨ̀Ꞌte àfɨ̀Ꞌ yaa ndɨ yèa ngɨ̀à ka nɨa wòt nê tà tɨ̧ɨ̧ ndɨŋndɨ̀ŋ a mbì li la. Àyaa a bakà bɔ àghɨa ko àa ghɨ̌ nê mànɔŋa mbɨ̧ la. Ka mbɨ̧ nè àghɨa bèndàꞋàtɔŋ e li shɨŋ la a li nyɨ̀Ꞌte a èlɨ ngaa mɨ̧̂.

Lûm 3:22

Èlɨ mbɔŋ wu nê bòt àa ngɨ̀ bɔ̀ zì mèntɨ̧ɨ̧ mɔb ane Yesò Klistò, Mbɔ̧ɔ̧mà nɨ awɔb bàgème mbɨ̀Ꞌɨ̀ bòt bɔ tɨ̧ɨ̧ ndɨŋndɨ̀ŋ a mbì li la. Mbɔ̧ɔ̧mà a nɨ bòt bàgème mbɨ̀Ꞌɨ̀ àghɨ yeamɔꞋ,

Lûm 3:3

Ka àbəèꞋ àyɔb ako a li à ka ghɨ̂ mbɨ̀Ꞌɨ̀ Mbɔ̧ɔ̧mà shu la. Tè betsiꞋa Mbɔ̧ɔ̧mà gha ane èlɨ̀ ngaa, è nkùbte àghɨa tà li nkàꞋ nê ye ghɨ̌ ane yɔb la a?

Lûm 9:30

Tè bà wu anè e laꞋ nê ghàà? Nê bòt kà wu Bèjuê bu bɔ̀ le kaꞋa wua nùà nkɨà Mbɔ̧ɔ̧mà naa nɨ awɔb mbɨ̀Ꞌɨ̀ bòt bɔɔ tɨ̧ɨ̧ ndɨŋndɨ̀ŋ a mbì li la, e li ntsìꞋi bòt bɔ tɨ̧ɨ̧ ndɨŋndɨ̀ŋ a mbì tò la, nkàà èntɨ̧ɨ̧ wɔb wu bɔ zi ane Yesò la.

2 Kɔlìn 3:9

Ale, àghɨa a li ngua ngɨ̀à bòt e ye awɔb nê bɔ bakà kuꞋu e mbì Mbɔ̧ɔ̧mà la a wu enyɨꞋte mètàŋ Mbɔ̧ɔ̧mà, ko àyea àa ngɨ̀à bòt e kuꞋa a mbì Mbɔ̧ɔ̧mà la aa nyɨꞋte mètàŋ mbɔŋ tè tsě.

2 Kɔlìn 5:21

Mbɔ̧ɔ̧mà li nga ambo ya nɔŋa kàbɔ̀ŋ bɔbȩ a ègwet Yesò Klistò wu tà li tà kà ko a kàbɔ̀ŋ la. Mbɔ̧ɔ̧mà li ngɨ̀ àyaa mbɨ̀Ꞌɨ̀ baa kùꞋù èbe Mbɔ̧ɔ̧mà kɨà la ndɨ̀ wu ba Yesò Klistò ba è tsiꞋi àghɨ yeamɔꞋ la.

Gàlashìà 3:11

Ba ye àfɨ̀Ꞌ yaa nê è ntsě mbɨ̧ Musì ka naa ngɨ̀à wòt tɨ̧ɨ̧ ndɨŋndɨ̀ŋ e mbì Mbɔ̧ɔ̧mà la, nkàà nê àkata Mbɔ̧ɔ̧mà a laꞋnê, “Wòt tà tɨ̧ɨ̧ ndɨŋndɨ̀ŋ a mbì Mbɔ̧ɔ̧mà nkàà na tà zì èntɨ̧ɨ̧ vi ane Yesò la naa li ebɔ mèmpème.”

Filìpȩ 3:9

e mě lâ etsiꞋi àghɨ yeamɔꞋ ba tò. Mmɔ̌ mbɔŋ e mbakà tsi ntɨ̧ɨ̧ ndɨŋndɨ̀ŋ e mbì Mbɔ̧ɔ̧mà nkàà mbɨ̧te Bèjuê tu màa nkùŋà la. Mâ tsiꞋi tɨ̧ɨ̧ ndɨŋndɨ̀ŋ a mbì Mbɔ̧ɔ̧mà àfɨ̀Ꞌ yaa nkàà nê mâ zǐ èntɨ̧ɨ̧ am ane Yesò Klistò.

Ebùlù 10:38

Mbɔ̂ bòt bɔ̧ bu bɔ̀ɔ ngɨ̀à mènəè ndɨŋndɨ̀ŋ la aa peme nkàà èntɨ̧ɨ̧ wu bɔ zi ane yaã la. Ka wòt tà tsǐ èntɨ̧ɨ̧ vi ane yaã la, ba tò è ka tsi wu ane ntsɔ̧̀ a.”