Lûm 1:14 - Mundani

¹⁴ Eyaa wu àfaꞋa mâ bɔ ndɨ màa faꞋa abua bòt bàgème la. Abua bòt àghɨ ayɔb a ghaꞋa la, nè èbe kà ayɔb a ghaꞋà, nè bòt bɔ ko àkatè la, nè èbe kà koê.

Lûm 1:14 Iomraidhean Croise

Matìù 11:25

ÀfɨꞋa mbɔŋ Yesò nê, “Tê, Fɔ̧̀ ègwet nè sitsǎꞋ, mâ kɔ̀ŋkè àwê na à lô̧ èghɨ bàa abua bòt èyì nè bòt àkatè, mbɔ̂ nyɨ̀Ꞌte abua bòt kà ko èdziꞋ la.

Lûk 10:21

AfɨꞋa mbɔŋ Fo Kèfə ghɨ̀ èntɨ̧ɨ̧ Yesò e lu̧u̧ nê mèngùꞋte, Tà nê, “Tê, Fɔ̧̀ ègwet nè sitsǎꞋ leꞋ, mâ kɔ̀ŋke àwê na à lô̧ èghɨ bàa abua bòt èyì nè bòt àkatè, mbɔ̂ nyɨ̀Ꞌte abua bòt kà ko èdziꞋ la. Oò Tê, à li ngɨ̀ àyaa ane mènkɔ̀ŋke mê, mè nè ndɨ àa bɔ̀ àwê la.

ÀfaꞋa 22:21

“Yesò shu abua am nê, ‘Dù, nkàà nê maa nga etsàà awê a endɨ̌ abua bòt kà wu Bèjuê.’ ”

ÀfaꞋa 28:2

Bòt àlaꞋ a mbɔŋ e li ntàꞋa baãaã awa ntsɔ̧̀. Ndɨ̀ wu mbɨ̀ŋ li mbùꞋ me lu fo mè me ghɨ̀ la, bɔ tsəꞋtè èwet nɨŋ sèè àwa.

ÀfaꞋa 28:4

Bòt àlaꞋ a Mɔɔltà e ye ndɨ nyà̧kàbɔ̀ŋ yu è tsoŋa ane àbu a Pɔ̂l la, me làꞋa a kètsìà wɔb shua nê, “A ghɨ̀ nà leꞋ, ko mbê waa è li te mè bùŋe wɔ̀bȩ̂. Tà mbatè mpème a *èdzî ale, ka ndɔ̀ yu bela nkuŋa tò.”

ÀfaꞋa 9:15

Tè Yesò mè shu abua Ànàniàs nê, “Ghà wuê ghǎ, nkàà nê mâ lȩ̀ atò nê tà faꞋa àfàꞋ am. Nê tà tɨŋe bòt kà wu Bèjuê bɔ̂ bèfɔ̧̀ bɔb, nè bòt Izəèlȩê bàgème bɔ ko wòt è ngu wùà la.

Lûm 1:22

Bɔ batè me tseka shua nê bɔ wu bòt èyì, ka mbɔ̂ ntsìꞋi èkèghɨ̧̀.

Lûm 11:25

Bɔnyɨ bɔ̧, ànəa ndò̧ àko aa və màa nkɨà bɨa ko la, mbɨ̀Ꞌɨ̀ bɨa baka wua mɨ̀ɨ̀tà nê bɨ ko nyaŋ. Ànəa mbɔŋ wu nê, àtsəa kekweelè Bèjuê à ka li wu àfɨ̀Ꞌ àgème a. Aa li lìa àfɨꞋa kèmpà̧ bòt kà wu Bèjuê bu Mbɔ̧ɔ̧mà làà àwɔb la, è kùꞋù la.

Lûm 12:16

Bɨ̀ me tseke ane ètsəê wemɔꞋ nè bɔnyɨ bɨ̧, bɨ̀ ka me ŋeꞋe tèkwȩ tɨ̧ a ègwet, mè me ghɨ̀ èshu̧ nè bòt bɔ̀ wu ne si la. Bɨ̀ ka me mɨ̀ɨ̀te nê bɨ bɔ èyì nyaŋ.

Lûm 13:8

À ka mbèà njû wòt a èbèm lê, kà wu wuê ndɨ àa me kɔ̀ŋke waa waa la, nkàà nê wòt tàa nkɔ̀ŋkà wanyɨ vi la è ghɨ̀ àghɨa mbɨ̧ kɨà la.

Lûm 16:19

Wòt ègème è zə ndɨ bɨ̀a ngɨ̀à àghɨa Ntu̧ Ntsɔ̧̀ Mbɔ̧ɔ̧mà shu la, tè a taꞋa bɔ̀ am mɨ̧̂. Maà nkɨà nê bɨ̀ bɔ èyì a mànkoa àghɨa àa mbɔ̀ la, mè ngu mbɨ̀Ꞌɨ̀ bòt kà ko àghɨ a màngɨa kàbɔ̀ŋ.

Lûm 8:12

È wu ale, bɔnyɨ bɔ̧, àghɨa ko aà və baà bɔ ndɨ bàa ghɨ̀ la, ka è kà wu nê bàà me tseke mbɨ̀Ꞌɨ̀ mbɨ̧te ènyit ta tèa nkɨà nê bàà me ghɨ̀ la.

1 Kɔlìn 14:11

Ka e mbakà ko ndɨ̧ yu bɔ làꞋà la, ko wòt wu ndàꞋà yùà la naa wu mbɨꞋɨ̀ gɨ̧̀ abua am, e mè ngu mbɨ̀Ꞌɨ̀ gɨ̧ abua tò.

1 Kɔlìn 14:16

À me tsàꞋta Mbɔ̧ɔ̧mà nkɔ̀ŋkà tò wuê ane fo yùà yùà, ko wòt kànəè tà kɨꞋɨ a èbem àbù̧ù̧tà yɨ̧ la nàa ghɨ̀ na te ko shu nê “Àmèn” adù̧ kà lem nko ànəa à shua la à?

1 Kɔlìn 2:13

Ale, bà ka wua ndàꞋà ane èyǐ bòt ngɔ̀ŋ. Baa ndàꞋà mbɨ̀Ꞌɨ̀ Fo Kèfə nàa nyɨ̀Ꞌta wa la, ndzààtà mènəè Fo Kèfə ndàꞋà abua bòt bu bɔ bɔ Fo mbɔŋ la.

1 Kɔlìn 3:18

Ko mbɨ̀Ꞌɨ̀ wòt fɨ̀te avi. Wòt kǒ ane yɨ̧ me mɨ̀ɨ̀te nê ye bɔ èyì ane ndɨ bòt ngɔ̀ŋ àa mɨ̀ɨ̀tà la, tà tsiꞋi nɨ avi mbɨ̀Ꞌɨ̀ àkèghɨ̧̀ mbɨ̀Ꞌɨ̀ lâ bɔ èyì.

2 Kɔlìn 10:12

BetsiꞋa bà ka me kɨ efɨ̀Ꞌnè àwa nè bòt bu ayɔɔ yɨ̧ bɔ̀ɔ shua nê bɔ ghe la. Bɔɔ̀ fɨ̀Ꞌnà wɔb nè bɔnyɨ bɔb nkɨ eye bòt bɔ tsè beko la. Àyaa a wua nyɨ̀Ꞌta nê bɔ bakà bɔ èyì.

2 Kɔlìn 11:19

Bɨa shua nê bɨ bɔ èyì, mbɔ̂ me bɨ̧ɨ̧ne ànəa èkèghɨ̧̀ àa shua la nè mèngùꞋte.

Kɔ̀losìà 3:11

Mbɔ̧ɔ̧mà ghɨ a èlɨ̀ waa ale, Bèjuê è ka tsi ngu tsa, bòt kà wu Bèjuê aa wu tsa. Bòt bɔ naŋè àwɔb la è ka wu tsa, èbe kà bɔ naŋè àwɔb aa wu tsa. Bòt Sintìà è ka mê ngu tsa, bòt tèbemtebàꞋ aa wu tsa, èbùꞋ è ka wu tsa, bòt kà wu èbùꞋ aa wu tsa. Wòt bɔ yea àfɨ̀Ꞌ yaa la wu ndàꞋ Yesò Klistò, è mè ngu tòà tà wu ane yɨ̧ bɨ̀agème la.

2 Tɔ̀màtià 2:10

Mbɨ̀Ꞌɨ̀ àa anè la, maà nkìà ngoꞋ tègème nkàà bòt bu Mbɔ̧ɔ̧mà è làà àwɔb ane bòt ebi la. E nkìà ale mbɨ̀Ꞌɨ̀ Yesò Klistò naa ŋa awɔb mèmpème mi, bɔɔ ghǎ me tseke a èbem Kèfɔ̧̀ nɨ̧ tò wu kà wu li elìa la.

Tȩtɔ̀s 3:3

À wu ale nkàà nê bàambɔŋ e li ndzaã ngu èkèghɨ̧̀, me ghɨ̀ àtsəa kekweelè, mè ngɨ̀à mènəè kàbɔ̀ŋ. Ba li ndzaã ngu èbùꞋ èbɨꞋte mènəè, mè me zì mèntɨ̧ɨ̧ ma wuê adù̧ tèwuute èghɨ tèa mbɔ̀ awa la. Ba li ngua ntsèka nkwàꞋtà wuê mènəè kàbɔ̀ŋ mè ngòꞋnà bòt. Bòt ko e li ngua mpààbà awa, ba mèà mpààbà àwɔb mɨ̧̂.