Lûm 1:13 - Mundani

¹³ Bɔnyɨ bɔ̧, bɨ̀ ko nê mâ taŋke ngò̧ nyaŋ nê e nkɨ kɨꞋɨ e ye awɨ̧ (ka àghɨa ko a kele am e kɨꞋɨ e dzə àfɨ̀Ꞌ yaa). E nkɨ kɨꞋɨ mbɨ̀Ꞌɨ̀ ghɨ̌ bòt ko aa zì mèntɨ̧ɨ̧ mɔb ane Yesò, mbɨ̀Ꞌɨ̀ mâ ghɨ̌ ayɔɔ bòt kà wu Bèjuê a èdzìꞋ èko la.

Lûm 1:13 Iomraidhean Croise

Jɔ̌n 12:24

Ane nkûŋ, tsiꞋ è shu awɨ̧ nê bɔ bakà nyɔꞋɔ kèmbèm ntsəè a si tè kea tuu, kèmbèm fu kea fì, ko kea tèꞋà wuê kemɔꞋ. Mbə kè tu kèmbèm fu kè fia ka ke shɨꞋ ndzì tèbèmtsə nyaŋ.

Jɔ̌n 15:16

È ntsě bɨa ka bɨ li ndȩ̀ am la, wu mmɔ̌ mbɔŋ ka e ndi ndȩ̀ awɨ̧ ntsàà nê, bɨ̀ ghǎ ngɨ̀ mènəè ntsɔ̧̀, è wù mènəè ntsɔ̧̀ mu nàa taꞋa tseke la. Bɨ ghɨ̀ ale, ko Tǎt am naa ŋa awɨ̧ àghɨ àgème bɨ lo̧ abua tò ane èlen laã la.

Jɔ̌n 4:36

Wòt wu tàa fùꞋà la, tàà mbɔ àbȩ̀ àfàꞋ àzi, mbɔ̂ ngua fete bòt mbɨ̀Ꞌɨ̀ bɔɔ bɔ mèmpème kàlìà. Ale, wòt màndiꞋa nè wòt màfuꞋa bɔɔ fɔte ewùꞋtè àwɔb.

ÀfaꞋa 1:15

Èli ko e li ntsè, bòt bu bɔ zì mèntɨ̧ɨ̧ mɔb ane Yesò la, bɔ bù̧ù̧te a si mbɔ̀ŋè ènkɨ̀ nè èghem yebe. Pità lɔ̀Ꞌɔ a si ndàꞋ èngà̧ waa abua yɔb, nê,

ÀfaꞋa 14:27

ÀfɨꞋa bɔ nyi a Antìɔ̀k la, bɔ fetè bòt chɔsì bàgème adzìꞋ yeamɔꞋ. Mbɔ̂ shu awɔb ndɨ Mbɔ̧ɔ̧mà li ngɨ̀ nè nɔ̀b a lèghȩ̀ȩ̀nè wu la, mè shu awɔb ndɨ Mbɔ̧ɔ̧mà ghaꞋa alu̧ tè bòt kà wu Bèjuê e zì mèntɨ̧ɨ̧ mɔb ane Yesò la.

ÀfaꞋa 15:12

Pità làꞋa ale ènɔ̧̂ bòt bu e buŋ ntsiꞋi me yute ndɨ Pɔ̂l bɔ̂ Bànabasì e shua tèwuute ènəê kà ye fɨ̀Ꞌ bɔ̂ mènəè ngɨŋa Mbɔ̧ɔ̧mà eŋa wɔb mètàŋ bɔ ghɨ̀ a kètsìà bòt kà wu Bèjuê la.

ÀfaꞋa 19:21

Mbɨ̀Ꞌɨ̀ mènəè maa è tsè la, Pɔ̂l è kwàꞋtè nê yea ghǎ a Màsèdonìà, nga àlaꞋ Akayà, mbɔ̂ ntsè ngà nè mbì tè ngu a Jèlusalèm. Tà ghɨ̀ ale, tà mè nkwàꞋtè nê, ye ghà tè ngu abàꞋ və, ko yea ghà tê wu a Luêm.

ÀfaꞋa 21:19

Pɔ̂l è tsàꞋtè àwɔb, mbɔ̂ nèètè shu awɔb èghɨ ègème Mbɔ̧ɔ̧mà è ghɨ ye ghɨ a kètsìà bòt kà wu Bèjuê la.

ÀfaꞋa 28:14

Bà nyi abàꞋ və, ba ye bɔnyɨ ba ko bɔ shu abua ya nê, ba tò ba è tseke ane èli besà̧à̧mbe. Eyaa wu ndɨ ba li ngɨ̀ tè nyi a Luêm la.

Lûm 1:12

E nkɨ kɨꞋɨ e ye awɨ̧ mbɨ̀Ꞌɨ̀ èntɨ̧ɨ̧ wɨ̧ wu bɨ zi ane Yesò la aa zǐ èntɨ̧ɨ̧ am, è wɔ̧ wu ane tò la aa zǐ mèntɨ̧ɨ̧ mɨ̧.

Lûm 11:25

Bɔnyɨ bɔ̧, ànəa ndò̧ àko aa və màa nkɨà bɨa ko la, mbɨ̀Ꞌɨ̀ bɨa baka wua mɨ̀ɨ̀tà nê bɨ ko nyaŋ. Ànəa mbɔŋ wu nê, àtsəa kekweelè Bèjuê à ka li wu àfɨ̀Ꞌ àgème a. Aa li lìa àfɨꞋa kèmpà̧ bòt kà wu Bèjuê bu Mbɔ̧ɔ̧mà làà àwɔb la, è kùꞋù la.

Lûm 7:1

Bɔnyɨ bɔ̧, e ngua ndàꞋà abua bòt bu bɔ ko ànəa mbɨ̧ nàa shua la. Bɨ lâ nko nê mbɨ̧ nàà nkùùla wòt wuê àfɨꞋa ŋut bele yû̧ la.

1 Kɔlìn 1:10

Bɔnyɨ bɔ̧, e ngua shù̧ù̧ta wɨ̧ ane èlen Yesò Klistò Lefɨ̀Ꞌ wa nê, bɨ̀ wu ane ètsəê wemɔꞋ, mbɨ̀Ꞌɨ̀ àyɔ̀ŋ a wu a kètsìà wɨ̧. Bɨ̀ wu àghɨ yeamɔꞋ ane ndɨ bɨ̀a nkwàꞋtà mènəè la.

1 Kɔlìn 10:1

Bɔnyɨ bɔ̧, maà nkɨà bɨa ku̧u̧te nê, è li ngu àfɨ̀Ꞌ yu bètǎt nyaꞋ ba àa nkuŋa Musì àbâ àlaꞋ àyuube la, mbàꞋ me nyɨꞋte awɔb alu̧, bɔ mè ntsè a èbem *Èdzî Mèmbaŋ wu kà àghɨ a ghɨ̀ àwɔb.

1 Kɔlìn 12:1

Bɔnyɨ bɔ̧, maà nkɨà bɨa ko nkûŋ ane ànəa mèghàb mu Fo Mbɔ̧ɔ̧mà nàa ŋǎ la.

1 Kɔlìn 14:20

Bɔnyɨ bɔ̧, bɨ̀ ka ngu mbɨ̀Ꞌɨ̀ bɔtechɨɨle ane mènkwàꞋte mɨ̧. Ka è me wu ane ànəa kàbɔ̀ŋ, bɨ wu mbɨꞋɨ̀ bɔtechɨɨle, mbɔ̂ bɨ̀ wu mbɨ̀Ꞌɨ̀ bɔɔjuŋ ane mènkwàꞋte mɨ̧.

1 Kɔlìn 14:26

Bɔnyɨ bɔ̧, ye ndɨ bɨ̀a me ghɨ̀ la. Bɨ bù̧ù̧tà, wòt ane yɨ̧ bɔa èkù̧, wekǒ bɔa àghɨa tàa nyɨꞋte la, wekǒ bɔa ènəê Mbɔ̧ɔ̧mà nyɨꞋte atò la, wekǒ bɔa èngǎ̧ tàa làꞋa ane ndɨ̧ tsǎ la, ko ghaꞋte ànəa bɔ làꞋa ane ndɨ̧ tsǎ la e shu leꞋ, bɨ ghɨ̀ àghɨ àgème ane ndɨ àa tɨŋe lɔ̀ktè mèntɨ̧ɨ̧ ènɔ̧̂ bòt Mbɔ̧ɔ̧mà la.

1 Kɔlìn 9:2

È wu nê bòt ko aa kà nɨ am mbɨ̀Ꞌɨ̀ wantu̧ Yesò, ko mâ ko nê bɨ̀a nɨ am mbɨ̀Ꞌɨ̀ wantu̧ tò, nkàà nê bɨ wu àghɨa àa nyɨ̀Ꞌta nê e ngu wantu̧ Yesò, ndɨ̀ wu bɨ̀ tsiꞋi àghɨa yeamɔꞋ nê tòà la.

2 Kɔlìn 1:8

Bɔnyɨ ba, baa nkɨà bɨa ko ndɨ ba li ndzě ngoꞋ àbâ àlaꞋ a Esìà la. Ba li ndzě ngoꞋ è ghɔ̀ɔ̀ àwa tè ba tsiꞋa mɨ̀ɨ̀tà nê ba lem.

2 Kɔlìn 2:14

Ka mèngùꞋte wu abua Mbɔ̧ɔ̧mà. Tà gha ambo èlɨ̀ wu bà tsiꞋi àghɨ yeamɔꞋ nè Yesò Klistò la ntse a mbì la me ghaꞋa èlu̧ ba me nû a Satàn ntsèà. Tà ghɨ̂ ba wu mbɨ̀Ꞌɨ̀ mèwet àghaa ntsɔ̧̀ bàa ntsèà àdziꞋ àgème ngɨ̀à bòt e koa àghɨa Yesò Klistò wu yùà la.

Gàlashìà 3:15

Bɔnyɨ bɔ̧, tsiꞋ è fɨ̀Ꞌne ànəê yaa ane àghɨa bɨ̀a ndzèa àli àgème la. Bòt babe àa ngɨ̀ bɔ̀ tsia ànəê tè bɔ̀ shɨ a si, wòt kà tsi nko nkùbte.

Gàlashìà 6:18

Bɔnyɨ bɔ̧, maà ntsàꞋtà nê Yesò Klistò Lefɨ̀Ꞌ wa è me nyɨꞋte a ntsɔ̧̀ vi abua yɨ̧, mè baabe awɨ̧. Àmèn.

Filìpȩ 1:22

Ka è wu nê, e ntsèke a sitsǎꞋ ŋàa ko maa ghɨ àfaꞋa betsiꞋa a tɨŋe bòt la, ko e mbakà tsi nko àbâ màa ghà la.

Filìpȩ 4:17

È ntsě wuê èghɨ bu bɨ li ntsaa abua am la ka èntɨ̧ɨ̧ am àa adù̧ la. Àghɨa àa ngɨ̀à èntɨ̧ɨ̧ am e bɔ̀ kwàꞋ ànyaꞋne la wu èghɨ bu bɨ̀a ngɨ̀à, àa ghɨ̌ Mbɔ̧ɔ̧mà naa kwèꞋne àbȩ̀ a yɨ̧ la.

Kɔ̀losìà 1:10

Bɨ ko ale ko bɨa me tseke mbɨꞋɨ̀ Mbɔ̧ɔ̧mà nàa nkɨà la, mè ngɨ̀à àghɨa àa mbɔ̀ abua tò la àfɨ̀Ꞌ àgème. Ko bɨa mèe me ghɨa ntsɔ̧̀ ane balu̧ bàgème, mè nkoa Mbɔ̧ɔ̧mà ngà nè mbì.

Kɔ̀losìà 1:6

Ntu̧ Ntsɔ̧̀ yaa bɔ tsɔte abua yɨ̧ la nàà ngà̧aã a èdzìꞋ ègème a ngɔ̀ŋ ŋaa mɨ̧̂, ngɨ̀à bòt e zəa ntsɔ̧̀, wuê mbɨ̀Ꞌɨ̀ nàa ngɨ̀à èghɨ ngaa ègème a kètsìà wɨ̧ la. E li ngua ngɨ̀à anè e bùꞋù tê ane àlia mbì yu bɨ li ndzə ànəa ntsɔ̧̀ Mbɔ̧ɔ̧mà ndɔ̀Ꞌ a me lìa bɨ mè ndâ nko ndɨ nàa la.

1 Tèsàlonikà 2:18

Ba li ngua nkɨ ekua akwèn ekɨꞋɨ àpfəè ayɨ̧. Mmɔ̌ Pɔ̂l e ndi nyɔꞋte a ngo̧ a ngò̧ nê bà mě nkɨ̀Ꞌɨ̂, ka Satàn kèlè awa.

1 Tèsàlonikà 4:13

Bɔnyɨ ba, baa kà kɨ laꞋ nê bɨ̀ tseke ane lèmàkè, ane ànəa bòt bu bɔ pfəꞋte la. Ba kɨ eshu awɨ̧ ale, mbɨ̀Ꞌɨ̀ ka bɨ me dɨ̌ a èlɨ̀ wu bòt bu kà bɔ ntɨ̀ ane Yesò àa ndɨ̀à la.

2 Tèsàlonikà 2:7

Bòt nyaŋ bɔ̀ɔ ka bê nkɨ ezə mènəè Mbɔ̧ɔ̧mà la e yaŋe ewu àbȩ tè ndɔ̀Ꞌ, ka ndàꞋ àghɨa àa ghɨ baa ko ayea mbɔŋ la, wu àghɨa Mbɔ̧ɔ̧mà ghɨ baa ko la. Ka betsiꞋa àghɨa e ndi nê aa ghɨ la à ka ghɨ tè Mbɔ̧ɔ̧mà ghɨ̀ ntsì wòt wu nkèla èlu̧ nê èghɨ ngaa ègème è ka ngɨ̀ la.

2 Tɔ̀màtià 4:17

Ka Mbɔ̧ɔ̧mà li ngu nè nà̧, ŋa am mètàŋ, e nɨŋ ntsɔ̀tè Ntu̧ Ntsɔ̧̀ yu ègème tè bòt kà wu Bèjuê bàgème e zə. Mbɔ̧ɔ̧mà li ntɨ̀ŋe ngɨ̀ e mpem èvə mbɨ̀Ꞌɨ̀ wòt bɔ fàa tò a ètsəê sambàŋ la.