Lûm 1:12 - Mundani

¹² E nkɨ kɨꞋɨ e ye awɨ̧ mbɨ̀Ꞌɨ̀ èntɨ̧ɨ̧ wɨ̧ wu bɨ zi ane Yesò la aa zǐ èntɨ̧ɨ̧ am, è wɔ̧ wu ane tò la aa zǐ mèntɨ̧ɨ̧ mɨ̧.

Lûm 1:12 Iomraidhean Croise

ÀfaꞋa 11:23

Tà ghà abàꞋ və ndze ndɨ Mbɔ̧ɔ̧mà è nyɨꞋte a ntsɔ̧̀ vi ane bòt ngaa la, ànəa mbɔŋ a bɔ̀ atò, tà kààtè àwɔb nê bɔ̀ zì àtsə me kùŋè wuê a Yesò nkûŋ nkûŋ ngà nè mbì kà lɨŋke kwèn.

Lûm 1:11

Maa ndâ nkɨ e kɨꞋɨ ye awɨ̧ mbɨ̀Ꞌɨ̀ nyɨꞋte awɨ̧ mènəè Mbɔ̧ɔ̧mà kǒ, bɨa me kweele ane èntɨ̧ɨ̧ wɨ̧ wu bɨ zi ane Yesò la.

Lûm 1:13

Bɔnyɨ bɔ̧, bɨ̀ ko nê mâ taŋke ngò̧ nyaŋ nê e nkɨ kɨꞋɨ e ye awɨ̧ (ka àghɨa ko a kele am e kɨꞋɨ e dzə àfɨ̀Ꞌ yaa). E nkɨ kɨꞋɨ mbɨ̀Ꞌɨ̀ ghɨ̌ bòt ko aa zì mèntɨ̧ɨ̧ mɔb ane Yesò, mbɨ̀Ꞌɨ̀ mâ ghɨ̌ ayɔɔ bòt kà wu Bèjuê a èdzìꞋ èko la.

Lûm 15:24

mâ mɨ̀ɨ̀tè nê maa kɨꞋɨ afɨ̀Ꞌ yaa. Maa tsě e ye awɨ̧ mbɨ̀Ꞌɨ̀ è ngu nga a Spen la. Maa nga kɨꞋɨ e wu baa nɨ̧̀ ba ane àfɨ̀Ꞌ à ko bɨa tɨŋe am ane lèghȩ̀ȩ̀nè am a mànga Spen.

Lûm 15:32

Ale, Mbɔ̧ɔ̧mà bɨ̧̀ɨ̧̀na, ko maa me kɨꞋɨ eye awɨ̧, e kɨꞋɨ ane mèngùꞋte, baa nɨ̧̀ ba e mě ndzì mèntɨ̧ɨ̧ ma.

2 Kɔlìn 7:13

Ale, àyaa a zì mèntɨ̧ɨ̧ ma. È ntsě wuê ndàꞋà àyaa a li ndzì mèntɨ̧ɨ̧ ma la. Ba li mpàa ngùꞋtà wa nê bɨ li ngɨ̀ Tȩtɔ̀s me wùꞋtè àvi, nkàà nê bɨ̀agème e li ngɨ̀ èntɨ̧ɨ̧ tò e nɔ̀ŋke a èbèm ntsɔ̧̀.

Efesɔ̀s 4:5

Lefɨ̀Ꞌ nàà wemɔ̀Ꞌ, alu̧ màndzia èntɨ̧ɨ̧ ane Yesò e wu wemɔꞋ, èlɨ màndzia a èdzî e wu wemɔꞋ.

2 Tɔ̀màtià 1:4

Màa ngɨ̀ è ku̧u̧te àfɨ̀Ꞌ yu e ndi me sà awê mèsi chu àghɨ ayê la, e me nùa nkɨ eye awê, mbɨ̀Ꞌɨ̀ èntɨ̧ɨ̧ am aa lu̧u̧ nè mèngùꞋte.

Tȩtɔ̀s 1:4

E shɨa letà waa abua Tȩtɔ̀s, ngule waã am, ba tò e zì mèntɨ̧ɨ̧ ma ane wòt wemɔ̀Ꞌ la. Maà shù̧ù̧ta Tǎt wa Mbɔ̧ɔ̧mà bɔ̂ Yesò Klistò Mpemnà wa nê bɔ̀ me nyɨꞋte awê a ntsɔ̧̀ wɔb, mè ngɨ̀ à bɔ àlàŋkè a èntɨ̧ɨ̧ wê.

2 Pità 1:1

Letà Simùn Pità, wɔ̀fàꞋ nè wantu̧ Yesò Klistò, Abua bòt bu bɔ̀ɔ nkùŋà alu̧ Mbɔ̧ɔ̧mà, è wù alu̧ bàa bɔntu̧ àà nkùŋà la. Wu Yesò Klistò ka tà ghɨ̂ bɨ me kùŋè ale la, nkàà nê tàà ngɨ̀à mènəè wuê mbɨ̀Ꞌɨ̀ Mbɔ̧ɔ̧mà nàa nkɨà la. Wu Mbɔ̧ɔ̧mà bɔ̂ Yesò Klistò Mpemnà wa.

2 Jɔ̌n 1:4

Mâ taꞋa wùꞋtè am ndɨ̀ wu mâ ye nê bɔ̧ bè ko aà nkùŋà mènəè nkûŋ wuê mbɨ̀Ꞌɨ̀ Tǎt wa li shuê nê bà me ghɨ̀ la.

Jûd 1:3

Ngule bèshu̧ bɔ̧, è ndi ngua nkɨ e shɨ letà waa abua yɨ̧ ane ànəa mèmpème mu ba nɨ̧̀ ba e fɔtè mbɔŋ la. È ngɨ̀ ale èntɨ̧ɨ̧ am e tsiꞋi me ŋwèèlè am nê è shɨŋ ngɨ̀ bɨ̀ neeta mbà̧aã ànəa Ntu̧ Ntsɔ̧̀ yu Mbɔ̧ɔ̧mà ŋa abua bòt bi nènkèm tè ndɔ̀Ꞌ la.