Lûk 9:2 - Mundani

² Tà tsàà àwɔb nê bɔ̀ gha ntsɔ̀tè mènəè Kèfɔ̧̀ Mbɔ̧ɔ̧mà mè mbəâ bòt àghɔ̧.

Lûk 9:2 Iomraidhean Croise

Matìù 10:5

Yesò li ntsà bɔntu̧ bi bàa ntsɔ̀b babe la àbȩ shu abua yɔb nê, “Bɨ̀ ka ngà àdziꞋa ko a èbem àlaꞋ a bòt kà wu Bèjuê. Bɨ̀ ka ngà ka wuê a èbem àpfəa ko ane èpfəè bòt Sàmalìà.

Matìù 13:19

Wòt nàa ngɨ̀ tà zə èngǎ̧ kèfɔ̧̀ Mbɔ̧ɔ̧mà, è bakà nyi èntɨ̧ɨ̧ tò ntsɔ̧̀, Satàn wòt kàbɔ̀ŋ kɨ̀Ꞌɨ̂ ntsì wùà. Eyaa wu mbɨ̀Ꞌɨ̀ èsaãaãme wu e kwente èbuꞋ èlu̧ la.

Matìù 24:14

Bɔɔ li tsɔ̀te Ntu̧ Ntsɔ̧̀ kèfɔ̧̀ Mbɔ̧ɔ̧mà yaa a èlaꞋ ègème a sitsǎꞋ mbɨ̀Ꞌɨ̀ waa waa naa zə, ka ngɔ̀ŋ naa lìa.

Matìù 3:2

“Bɨ̀ waꞋa mènəè kàbɔ̀ŋ mɨ̧ nkàà nê Kèfɔ̧̀ Mbɔ̧ɔ̧mà kɨꞋɨ̀ tê ntsìꞋi a ngèt yɨ̧.”

Ntu̧ Ntsɔ̧̀ MAK 16:15

Tà li shu abua yɔb nê, “Bɨ̀ ghǎ a ngɔ̀ŋ ègème ntsɔ̀tè Ntu̧ Ntsɔ̧̀ abua waa waa.

Ntu̧ Ntsɔ̧̀ MAK 6:12

Bɔkatè Yesò bu e zə ànəa tà shu la, ngà me tsɔ̀te nê bòt è waꞋa mènəè kàbɔ̀ŋ mɔb.

Lûk 10:1

Yesò Lefɨ̀Ꞌ li ntsèke tè ndàà bɔkatè ko èghem yesà̧à̧mbe ntsɔ̀b babe nɨŋ nkwèꞋnè ane bɔkatè bi bu èghem ntsɔ̀b babe la. Tà ghɨ̀ ale, ntsàà àwɔb babe babe a mbì, a èpfəè nɨ̧ ègème nè èdziꞋ ègème tà bɔ̂ ndɨ yèa ghǎ la,

Lûk 10:11

‘Ba yò ka wuê àbeb àpfəè àyɨ̧ a nyî ane èka ba la, dèbe kwèn ta ŋa abua yɨ̧. Ka bɨ̀ ko nê kèfɔ̧̀ Mbɔ̧ɔ̧mà ekɨꞋɨ̀ tê ntsìꞋi a ngèt yɨ̧.’

Lûk 10:9

mbəâ bòt àghɔ̧ àpfəè və, è shu abua bòt nê, ‘Kèfɔ̧̀ Mbɔ̧ɔ̧mà kɨꞋɨ̀ tê ntsìꞋi a ngèt yɨ̧’.

Lûk 16:16

“Bòt e li ngua ndzəa wuê mènəè mbɨ̧te Musì nè mèngǎ̧ bèndàꞋàtɔŋ Mbɔ̧ɔ̧mà eghǎ edzəâ ane àfɨ̀Ꞌ Jɔ̌n ndzìà èdzî. E bùꞋu àfɨꞋa mbɔŋ Ntu̧ Ntsɔ̧̀ kèfɔ̧̀ Mbɔ̧ɔ̧mà wu a mètsəê bòt bɔ̀ tsɔ̀tà, tè waa waa tà zə la tsiꞋa nùà ane ètɨ̧̂ nkɨ enyi a èbem.

Lûk 9:11

Mbɨ̀Ꞌɨ̀ bòt e zə la, bɔ nkùŋè atò. Tà sèè àwɔb mè shu awɔb mènəè kèfɔ̧̀ Mbɔ̧ɔ̧mà mbəâ bòt bɔ̀ɔ ngò̧ò̧nà la.