Lûk 8:3 - Mundani

³ Wekǒ nè àvi wu Jòanà wu è wuê vi Chuzà la. Chuzà waa li ngu wantu̧ kèkweelè a ntɔꞋ Fɔ̧̀ Elɔ̀d. Wekǒ wu Sùsanà bɔ̂ bèzi ko nyaŋ. Bèzi bàa e li ngua nɨ̀a èghɨ bɔ bɔ̂ la nɨa ntɨ̀ŋa Yesò bɔ̂ bɔkatè bi.

Lûk 8:3 Iomraidhean Croise

Matìù 14:1

È li ngu àfɨꞋa mbɔŋ Elɔ̀d wu tà lè wu fɔ̧̀ àbâ àlaꞋ a Galìlî là zə àndǎ Yesò.

Matìù 14:3

Elɔ̀d ko nê ye li ngɨ̀ bɔ baãaã Jɔ̌n nkùùle atò è maꞋa fȩ ambo Èlɔdìà, vi wanyɨ tò Filìb.

Matìù 14:6

Àlia bɔ li mbia Elɔ̀d la à kɨꞋɨ, tà kàꞋà èpà̧ enɨ ku̧u̧te àlia mbɔŋ, waã Èlɔdìà waàvi mbene a mbì Elɔ̀d nè bègɨ̧̀ bi, a taꞋa bɔ̌ Elɔ̀d

Matìù 2:11

Ale, bɔ nyi a lob ndzè waã wu bɔ̂ nyɨ̌ vi Màlià, ŋɔ̀Ꞌne a si, ngùꞋtè atò, mbɔ̂ ngàꞋte bambě bɔb ntsì a goêl, bɔ̂ èwuu èlȩê ko e bɔ àghaa ntsɔ̧̀ la, nè èghɨbə ko bɔ̀ɔ ntɔ nê məə la ŋǎ abua tò.

Matìù 20:8

“Nyèm tseke te fen, tǎt mbȩ yu tɔ àtsəa bɔfàꞋ yu shu abua tò nê tà tɔ bɔfàꞋ bu ŋà èkab àfàꞋ wɔb. Nê taa me ŋa, tà buꞋu ane bòt bɔ ghɨ̂ nkɨ̀Ꞌɨ̂ akwèn la ngà ndìà ane e bu be ghɨ̂ nkɨ̀Ꞌɨ̂ a mbì la.

Matìù 25:40

“Bɔ biite ale ko fɔ̧̀ wu naa bɨ̀ɨ̀le èngǎ̧ wɔb laꞋnê ‘Ane nkûŋ, tsiꞋ è shua wɨ̧ nê mbɨ̀Ꞌɨ̀ bɨ li ngɨ̀ ane we tà lìa à kwèn ane bɔnyɨ bɔ̧ baa la, bɨ li ngua ngɨ̀à abua am’.

Matìù 26:11

Bɨa me bɔ̂ bòt mbuŋ bɨ tò ba àfɨ̀Ꞌ àgème, ka è nka wu ewu ba nɨ̧̀ ba àfɨ̀Ꞌ àgème.

Matìù 27:55

Bèzi nyaŋ e li ngu abot mɨ̧̂ bɔ tɨ̧ɨ̧ a endɨ̌ me lȩ̀ la. Eyaa wu bèzi bu bɔ li ndzə a Galìlî me ghȩ̀ȩ̀ne akwene Yesò ntɨ̀ŋa tò la.

Lûk 24:10

Bèzi mbɔŋ li ngu Màlià Màdàlin, bɔ̂ Jòanà, nè Màlià nyɨ̌ Jimsì, ndɔ̀Ꞌ nè, bèzi ko bu bɔ̂ tò ba la, bɔ ghà shuê ànəê yaa abua bɔntu̧ Yesò la.

Jɔ̌n 12:6

Tàà mbììta ale è kà lem ngu nê, tàà ŋǎ èghɨ abua bòt ntseb, tà wua mbììta wuê èlɨ wu tà wu tsɔŋ la. Tà li ngu mpàŋa ambè èkab ale, me tsi è we ye kɔ̀ŋke la njɨ̀a vi.

ÀfaꞋa 13:1

BèndàꞋàtɔŋ nè bènyɨꞋtà èngǎ̧ Mbɔ̧ɔ̧mà e li ngu ayɔɔ bòt chɔsì bu àpfəèà nɨ̧ yu è wu Antìɔ̀k la. Bòt ngaa li ngu Bànabasì, nè Simiòn (wu bɔ̀ le wua ntɔ̀ atò nê wòt kèfen la), nè Lusiɔ̀s (wu tà lè dzəa àpfəè yu è wu Silenè la), nè Manèn (wu tà li ntsə àpfəa fɔ̧̀ Elɔ̀d la), nè Sɔ̂l.

2 Kɔlìn 8:9

Bɨ ko ndɨ Yesò Klistò Lefɨ̀Ꞌ wa li nyɨ̀Ꞌte a ntsɔ̧̀ vi abua ya la. Tà li ngu wòt nè èghɨ bi, ka nga ambo yɨ̧ ntsìꞋi wòt kà ye àghɨa zi. Tà li ngɨ anè mbɨ̀Ꞌɨ̀ bɨa tsiꞋi bòt bɔ bɔ àyɔb la a mbì Mbɔ̧ɔ̧mà.

Filìpȩ 4:22

Bòt Mbɔ̧ɔ̧mà bu a si ŋàa la bàgème e tsàꞋtè àwɨ̧ mɨ̧̂, tè mpàâ ngu èbu a ntɔꞋɔ empelɔ̀ la.

1 Tɔ̀màtià 5:10

mè ngu àvi bòt e neetè nko nê tà lè wua ngɨ̀à mènəè ntsɔ̧̀ la. Shɨ wuê èlen àvi tà li ngùa nèètà ndìà bɔ̧ bi, mè sèà bègɨ̧̀ a lob zi, shùà èka bòt Mbɔ̧ɔ̧mà, ntɨ̀ŋa bòt ngoꞋ, mè ŋǎ èntɨ̧ɨ̧ vi a màngɨa èfàꞋ ntsɔ̧̀ ègème la.