Lûk 10:3 - Mundani

³ Bɨ̀ ghǎ, e ngua ntsàà àwɨ̧ mbɨ̀Ꞌɨ̀ bɔɔnjɨ̀ a kètsìà ngwitenyà̧.

Lûk 10:3 Iomraidhean Croise

Matìù 10:16

“Bɨ̀ zə ntsɔ̧̀, e ngua ntsàà àwɨ̧ àbȩ mbɨ̀Ꞌɨ̀ njɨ̀tsə ayɔɔ ngwitenyà̧. È wu ale, bɨ me yìa mbɨ̀Ꞌɨ̀ ètsɔꞋ, mè me yu ane mènəè mɨ̧ mbɨ̀Ꞌɨ̀ bèbaba.

Matìù 10:22

Bòt bàgème aa li me pààbè àwɨ̧ ambo yaã, ka wòt tà baãaã èntɨ̧ɨ̧ vi tè ngà ndìà la, wu li e peme.

Matìù 7:15

“Bɨ̀ me ko awɨ̧ mbɨ̀Ꞌɨ̀ bèndàꞋàtɔŋ Mbɔ̧ɔ̧mà fɨte e nyi ayɔɔ yɨ̧. Bɔ̀ɔ ngɨ̀ bɔ me nyɨꞋte nê bɔ̀ɔ njùa ane mènəè mɔb mbɨ̀Ꞌɨ̀ njɨ̀tsə, ka mbɔ̂ ngu a èbem mbɨ̀Ꞌɨ̀ ngwitenyà̧.

Lûk 10:4

Mbɨ̀Ꞌɨ̀ bɨa ngà la, wòt ka mbèà ka wuê ntaꞋ, ka wuê ambè, eghǎ dzəâ ane gùbtsə. Bɨ̀ ka ntsòkè àfɨ̀Ꞌ nyaŋ a màntsaꞋta wòt alu̧.

Jɔ̌n 10:12

Ka è me wu wɔ̀fàꞋ wu, bɔ ŋa atò èkab ka tà me baabe njɨ̀tsə la, tà kà wu ngule mbaabà njɨ̀, njɨ̀ tu ka wuê è te tò. Tàa ngɨ̀ tà ye anyà̧ kǒ mbɨ̀Ꞌɨ̀ ngwìnyà̧ nkɨ̀Ꞌa la, tà saame njɨ̀ tu ndùùlà. Tà lùùlà ale anyà̧ wu kɨꞋɨ, tà bà̧aã yekǒ, ngɨ̀ àbəèꞋ a taatè.

Jɔ̌n 15:20

Bɨ̀ ku̧u̧te èngǎ̧ wu mâ yaã shu abua yɨ̧ la, wafàꞋ bakà tse a tǎt àfàꞋ vi. È wu nê bɔ li ngua nkɨà àtsəa am enɨ, ko bɔɔ me kɨa ayɨ̧ enɨ mɨ̧̂. È wu nê, bɔ li ngɨ̀ mbɨ̀Ꞌɨ̀ èngǎ̧ am e shua la, ko bɔɔ̀ me ghɨ̌ mbɨꞋɨ̀ bɨ shu la mɨ̧̂.

Jɔ̌n 16:2

Bòt aa kɨ̀ŋè àwɨ̧ a èbem lobte Mbɔ̧ɔ̧mà etsǎ àbȩ. Ane nkûŋ, àfɨ̀Ꞌ àko aa nkɨ̀Ꞌa wòt bùŋà wɨ̧ ko taa mɨ̀ɨ̀te nê ye wua nkùkta Mbɔ̧ɔ̧mà ane àghɨa ye ghɨ̀à la.

ÀfaꞋa 20:29

Mâ ko nê, maa me ghɨ̀ tê sà àwɨ̧, bòt ko mbɨ̀Ꞌɨ̀ ngwitenyà̧ e nyi a kètsìà wɨ̧ ka bɔ̀ ka wu sa wòt ane yɨ̧.

ÀfaꞋa 9:16

Mmɔ̌ mbɔŋ, maa nyɨꞋte atò ngoꞋ tàa ye mbɨ̀Ꞌɨ̀ e ghɨ̌ bòt àa ko am la.”

ÀfaꞋa 9:2

nê tà ŋa mèkatè nàa nyɨ̀Ꞌta wòt ye wu wùà la, ye nɨŋ nga a lobte Mbɔ̧ɔ̧mà àpfəèà nɨ̧ a Dàmaskɔ̀s. Mbɨ̀Ꞌɨ̀ ye gha abàꞋ və, yè ye bòt bɔ̀ɔ nkùŋà alu̧ Yesò la, ye ko mbà̧à̧ àwɔb, mbâ̧ nè àvi nɨŋ nkua akwèn nkɨ̀Ꞌɨ̂ a Jèlusalèm.