Filìpȩ 4:8 - Mundani

⁸ Bɔnyɨ bɔ̧, ànəa e nkɨ elìa eshu awɨ̧ la wu nê, bɨ̀ me mɨ̀ɨ̀tè wuê mènəè è wû nkûŋ la, nè mènəè bòt àa nkùkta la, mè nè mènəè è kùꞋù la. Bɨ̀ me mɨ̀ɨ̀te mènəè kà ye àŋɔꞋte adù̧, nè mènəè nàa mbɔ̀, bòt e mè me kɔ̀ŋke la. Èghɨ bu e taꞋa wua mbɔ̀, bòt e mè me wùꞋte bùà la wu èbe bɨ̀a me mɨ̀ɨ̀tè la.

Filìpȩ 4:8 Iomraidhean Croise

Matìù 22:16

Ale, bɔ tsà bɔkatè bɔb nè bòt bu bɔ̀ɔ nkuŋa Elɔ̀d la abua Yesò, bɔ kɨꞋɨ̀ mbììte atò nê, “NyɨꞋtà, baa ko nê àà ndàꞋà wuê nkûŋ, mè nyɨ̀Ꞌta mènəè Mbɔ̧ɔ̧mà wuê mbɨ̀Ꞌɨ̀ nàa la, kà wua njùta ànəa bòt àa ndàꞋà la. Nkàà nê àà kà nɨ àghɨa wòt wu yùà la mbɨ̀Ꞌɨ̀ àghɨa ko.

Ntu̧ Ntsɔ̧̀ MAK 6:20

ngu nê Elɔ̀d li ngua mbɔ̀a a Jɔ̌n, ndɨ̀ wu tà lè ko nê tà wu wòt ntsɔ̧̀, mè ngu wòt Mbɔ̧ɔ̧mà la, ale, tà nɔ̀ŋè atò ntsɔ̧̀. Elɔ̀d li ngua nkɔ̀ŋkà e zə èngǎ̧ Jɔ̌n, ka tà zə a tàꞋa kɨ̀Ꞌne atò.

Lûk 16:15

Yesò shu abua yɔb nê, “Wu bɨ̀a bɨ̀a ŋèꞋa wɨ̧ a ègwet a mbì bòt nê mènəè mɨ̧ tɨ̧ɨ̧ ndɨŋndɨ̀ŋ la, ka Mbɔ̧ɔ̧mà bɔ̂ ko mèntɨ̧ɨ̧ mɨ̧. Bɨ̀ ko nê àghɨa bòt àa nɨ̀a nê wu taꞋa àghɨ la, a bakà kùꞋ àghɨ a mbì Mbɔ̧ɔ̧mà.

Lûk 2:25

È li ngu àfɨꞋa mbɔŋ wòt kǒ wu a Jèlusalèm èlen tò wu Simiòn. Tà li ngua nkùkta Mbɔ̧ɔ̧mà mè ntɨ̧ɨ̧ ndɨŋndɨ̀ŋ a mbì tò. Tà li ngua nchɨ̀Ꞌà àlia bòt Izəèlȩê bɔ̀ɔ li dzəâ a èbem ngoꞋ tɔb la, Fo Kèfə mè ngu ane tò.

Lûk 23:50

Wòt kǒ li ngu èlen tò wu Jòsêb, tà dzəa àpfəèa Bèjuê yu bɔ̀ɔ ntɔ̀ nê Àlimàtià la. Tà li ngu wòt lob èsaꞋa mè ngu wòt ntsɔ̧̀, mènəè tò è tɨ̧ɨ̧ ndɨŋndɨ̀ŋ la. Tà li ngua nchɨ̀Ꞌà kèfɔ̧̀ Mbɔ̧ɔ̧mà nàa kɨꞋɨ. Tà li mbàte ngu wòt kǒ ane bòt saꞋa bu ale, ka tà kà bɨ̧̀ɨ̧̀nè ànəa bɔ li ngɨ̀ la.

Jɔ̌n 7:18

Wòt tàa ndaꞋa ane èlen li zìambɔŋ la wua nkɨà mbɨ̀Ꞌɨ̀ bòt aa me ŋeꞋe atò a ègwet, ka wòt tàa nkɨà nê bɔ̀ ŋeꞋe wuê èlen wòt wu tà tsàà avi la, wua ndàꞋa nkûŋ, ànəa ko à ka wu ane tò è wu ànəa fɨte la.

ÀfaꞋa 10:22

Bɔ bɨ̀ɨ̀lè nê, “Kɔ̀nelìà, tǎt bèshujà è tu̧u̧ awa. Tà wu wòt tàa nguꞋta Mbɔ̧ɔ̧mà la. Bèjuê bàgème e taꞋa wua nkùkta atò. Wantu̧ Mbɔ̧ɔ̧mà kǒ shu abua atò nê, tà kàꞋà àwê à kɨꞋɨ a lob tò, mbɨ̀Ꞌɨ̀ taa zə ànəa àa shu la.”

ÀfaꞋa 22:12

“Wòt kǒ li ngu abàꞋ və èlen tò wu Ànàniàs la, mbɔ̂ ngu wòt Mbɔ̧ɔ̧mà, me kùŋe mbɨ̧ ta. Bèjuê bàgème bèa ntsèka a Dàmaskɔ̀s la e mè ntàꞋa wua nguꞋta atò.

ÀfaꞋa 6:3

È wu ale, bɔnyɨ ba, bɨ lȩ̀ bòt basà̧à̧mbe a kètsìà wɨ̧ bɨ ko nê bòt aa ndaꞋa ntsɔ̧̀ ane tèlen tɔb, Fo Mbɔ̧ɔ̧mà mè ndù̧u̧ a mèntɨ̧ɨ̧ mɔb, bɔ mè mbɔ èyì la, bà zi ànəa yaa a tèkitebu tɔb.

Lûm 13:13

Bàà me ghɨ̀ mènəè ma ane ndɨ è wu wu la, mbɨ̀Ꞌɨ̀ bòt bɔ̀ɔ ntsèka a èbem èkaꞋà la. Bàà ka me jɨ mèpǎ̧ màpaꞋta àbɨ̧, kò nùa mbea leꞋ, bàà ka me jɨ àbȩ kò ngɨ̀à èbɨꞋte mènəè leꞋ, bàà ka me nù èbet kò ngòꞋna bòt leꞋ.

Lûm 13:3

Bòt bu bɔ̀ɔ mbà̧aã èlaꞋ la e ntsě abot mbɨ̀Ꞌɨ̀ e ghɨ bòt bu bɔ̀ɔ ngɨ̀a ntsɔ̧̀ la aa me bɔa, wu bòt bu bɔ̀ɔ ngɨ̀a kàbɔ̀ŋ la ka bɔ̀ɔ me bɔa la. Àà nkɨ me tseke kâ wua mbɔ̀a wòt wu tàa mbà̧aã àlaꞋ la à? Ale, me ghɨ̀ wuê mènəè ntsɔ̧̀ mbɨ̀Ꞌɨ̀ tàa me làꞋa a ntsɔ̧̀ adù̧ ye,

Lûm 14:18

Wòt tàa fàꞋà abua Yesò Klistò a èlɨ̀ waa la, wu wòt èntɨ̧ɨ̧ Mbɔ̧ɔ̧mà àa mbɔ̀ ane tò la, bɔbȩ e mè ngu me làꞋa a ntsɔ̧̀ adù̧ tò.

Lûm 2:29

Wòt tà wu ngule wòt Juê la wu wu tàa ale ane èntɨ̧ɨ̧ vi la. E lâ naŋe wòt mbɨ̀Ꞌɨ̀ tàa tsiꞋi wòt Mbɔ̧ɔ̧mà, mě ngu ànəa èntɨ̧ɨ̧. Wu Fo Mbɔ̧ɔ̧mà ka tàa nàŋa wòt a èlɨ̀ waa la, è ntsě a màngɨa mbɨ̀Ꞌɨ̀ mbɨ̧ nàa shua la. Wɔ̀bȩ̂ màà mbakà wuꞋte èwuu wòt waa, ko Mbɔ̧ɔ̧mà naa wùꞋtè atò.

1 Kɔlìn 4:5

È wu ale, bɨ̀ ka ndzìꞋ mbàŋè wòt kà àfɨ̀Ꞌ a zìꞋ nkùꞋ. Tè Yesò Klistò naa kɨꞋɨ kaa me bàŋe bòt. Taa li ghɨ̌ èghɨ ndò̧ bu bòt àa ngɨa a èbem ndzěm la aa pùùla ayaã, e ghɨ̌ bòt aa ye èghɨ waa waa nàa nkwaꞋta a èntɨ̧ɨ̧ vi la. ÀfɨꞋa mbɔŋ Mbɔ̧ɔ̧mà naa ŋa a waa waa mèngùꞋte è kuꞋu ane tò la.

2 Kɔlìn 13:7

Baa shù̧ù̧ta Mbɔ̧ɔ̧mà nê tà ghɨa bɨ̀ ka tsi ngɨ a kàbɔ̀ŋ. Ba shua àyaa nkàà nê ba ntsea nkɨà bɔɔ ko nê Mbɔ̧ɔ̧mà ka tà tsàà wa la. È màà ngu wuê nê bɨa kà ye awa mbɨ̀Ꞌɨ̀ bòt Mbɔ̧ɔ̧mà tsàà la, ko àghɨa ba kɨa la wu nê bɨ̀ me ghɨ̀ mènəè è kùꞋù la.

2 Kɔlìn 6:8

Bòt ko aa nkùkta wa, èbeko e ghɨ̀à ba bɔ àtsəa kɔꞋɔ, èbeko elaꞋa kàbɔ̀ŋ ane èlen la. Bòt ko aa nɨa wa nê ba wu bòt mèfà̧. Mbɔ̂ ba me làꞋà nkûŋ àfɨ̀Ꞌ àgème,

2 Kɔlìn 8:18

Tà gha ekɨꞋɨ bɔ̂ wòt kǒ ba tsàà la. Wu wanyɨ wa wu bèchɔsì bàgème bèa ngùꞋta tò ane àfaꞋa to a màntsɔta Ntu̧ Ntsɔ̧̀ Yesò Klistò la.

2 Kɔlìn 8:21

Ba ghɨa anè nkàà nê ba kɨ e ghɨ̀ àghɨa àa mbɔ̀ a mbì Mbɔ̧ɔ̧mà, mè mbɔ̀ a mbì bɔbȩ la mɨ̧̂.

Gàlashìà 5:22

Ka èghɨ Fo Mbɔ̧ɔ̧mà nàa ŋǎ la wu èkɔŋ, nè mèngùꞋte, nè àlàŋkè, nè màmbɔɔla èntɨ̧ɨ̧, mànkua tèsȩ nè màngɨa ntsɔ̧̀, nè màndaꞋa nkûŋ,

Efesɔ̀s 4:25

Bà ka tsi ndàꞋà mèfà̧. Waa waa me làꞋa nkûŋ abua wanyɨ vi, nkàà nê, bàagème etsiꞋi bòt mbɨ̧̀ ènyit yemɔ̀Ꞌ ane Yesò.

Efesɔ̀s 5:9

Wu èkaꞋà waa ka àa ngɨ̀à bòt e ghɨ̀à àghɨ àgème è wù àyea ntsɔ̧̀ la, nè àyea a kùꞋù la, nè àyea è wû nkûŋ la.

Efesɔ̀s 6:14

Ale, bɨ̀ tɨ̧ɨ̧ ntsɔ̧̀, ngɨ̀ mènəè nkûŋ mɨ̧̂ wuê mbɨ̀Ꞌɨ̀ àleb bɨ kuule a èloŋ lɨ̧ la, mè nɨ̀ mènəè è kùꞋù la mbɨ̀Ꞌɨ̀ àbǎ àtɨ̧ɨ̧na a kaba ghàmnà wɨ̧ la.

Filìpȩ 3:1

Bɔnyɨ bɔ̧, ànəa e nkɨ lìa eshu awɨ̧ la wu nê, bɨ̀ wùꞋtè àwɨ̧ ndɨ̀ wu bɨ Yesò Klistò ba è tsiꞋi àghɨ yeamɔꞋ la. E màà me shɨ wuê mènəè mu e ndi shɨŋ abua yɨ̧ la, à ka lem sàà am. E mè shɨa mùà, ko nàà ngà ekele mbɨ̀Ꞌɨ̀ ànəa kàbɔ̀ŋ a ye awɨ̧.

Kɔ̀losìà 4:5

Bɨ̀ me ghɨ̀ mènəè mɨ̧ a mbì bòt bu kà zi mèntɨ̧ɨ̧ mɔb ane Yesò la nè èyì. Àfɨ̀Ꞌ àgème èlu̧ e dzəâ a si la, bɨ nyɔ̀Ꞌtè ndze nê, bɨ ghɨ̂ bɔ ko nê bɨ wu bòt Yesò. Àfɨ̀Ꞌ a dzə a si, bɨ nyɔ̀Ꞌtè ndaꞋa abua bòt mbɔŋ.

1 Tèsàlonikà 4:12

Bɨ me ghɨ̀ anè, ko bòt kà zi mèntɨ̧ɨ̧ mɔb ane Yesò aa me kukte awɨ̧, bɨ̀ ka mê ngu me lȩ̂ wòt kǒ ane àghɨa bɨ̀a nkɨ̀ŋkà la.

1 Tɔ̀màtià 2:2

Bɔ mè tsàꞋte a Mbɔ̧ɔ̧mà àtsəa bèfɔ̧̀, nè waa waa tàa mbà̧aã àlaꞋ la, mbɨ̀Ꞌɨ̀ baa me tseke ane àlàŋkè kà ye ànəa kàbɔ̀ŋ. À wu anè mbɨ̀Ꞌɨ̀ baa me nèèta ndzəèa a Mbɔ̧ɔ̧mà, mènəè ma naa mě me tsě ndɨŋndɨ̀ŋ.

1 Tɔ̀màtià 3:11

Bèzi bɔb e bɔ̂ ndɨ bɔ̀ɔ bɔ mènəè ntsɔ̧̀ la, bɔ̀ ka me ghɨ̀ mènàŋ. Bɔ̀ ka me nu mèlùꞋ nyaŋ. Bɔ̀ me ghɨ̀ wuê mènəè è kùꞋu ane balu̧ bàgème la.

1 Tɔ̀màtià 3:4

Ŋut è bɔ̂ ndɨ tàa me koa mbà̧aã lob zi ntsɔ̧̀, mè ngɨ̀ ndɨ bɔ̧ tò àa me nèèta ndzəèa atò la.

1 Tɔ̀màtià 4:12

Ko mbɨ̀Ꞌɨ̀ à sàŋ wòt kǒ tà me waa awê nê à bele watèchɨɨle. Ka me ghɨ̀ mènəè mê ane ndɨ bòt Yesò àa me kùŋè teka tè ane ndɨ àa ndàꞋà la, nè ndɨ àa ngɨ̀à mènəè mê la, nè ndɨ àa nkɔ̀ŋkà bòt la, ka nè ndɨ à zǐ èntɨ̧ɨ̧ wê ane Mbɔ̧ɔ̧mà e me fəə la.

1 Tɔ̀màtià 5:10

mè ngu àvi bòt e neetè nko nê tà lè wua ngɨ̀à mènəè ntsɔ̧̀ la. Shɨ wuê èlen àvi tà li ngùa nèètà ndìà bɔ̧ bi, mè sèà bègɨ̧̀ a lob zi, shùà èka bòt Mbɔ̧ɔ̧mà, ntɨ̀ŋa bòt ngoꞋ, mè ŋǎ èntɨ̧ɨ̧ vi a màngɨa èfàꞋ ntsɔ̧̀ ègème la.

1 Tɔ̀màtià 5:2

mbà̧aã bèzi juŋ mbɨ̀Ꞌɨ̀ bènyɨ̌ bê, mbà̧à̧ bɔɔ̀zi techɨɨle mbɨ̀Ꞌɨ̀ bɔnyɨ bè, à kà bɔ mèmɨ̀ɨ̀te ko tsa.

Tȩtɔ̀s 1:8

Ka ŋut e bɔ ndɨ tàa wu wòt tàa nkòa èsèà bègɨ̧̀ a lob zi la, mè ngu wòt tàa nkɔ̀ŋkà wuê àghɨa àa mbɔ̀ la. Ngu wòt tàa mbà̧aã èntɨ̧ɨ̧ vi ka ngɨ̀à mènəè, mènəè tò mè ntɨ̧ɨ̧ ndɨŋndɨ̀ŋ la. Tà bɔ ndɨ tàa wu ngule wòt Mbɔ̧ɔ̧mà, e mě me ghɨ̌ mènəè mbɨ̀Ꞌɨ̀ wòt tà ko èdziꞋ la.

Tȩtɔ̀s 2:14

Tà li ŋà àtsəa zi mbɨ̀Ꞌɨ̀ enɨ echùꞋù ètsə ba ane mènəè kàbɔ̀ŋ ma, e mě ghɨ̌ baa tsiꞋi bòt tò bɔ bɔ mèntɨ̧ɨ̧ kèfə, baa ndzìà àtsə ngɨ̀à wuê mènəè ntsɔ̧̀ la.

Tȩtɔ̀s 2:2

Shu abua mbà̧te juŋ nê, bɔ̀ me yu ane mènəè mɔb, nɨ̀a èyì ka ngɨ̀à mènəè, mè mbà̧aã mèntɨ̧ɨ̧ mɔb ka ngɨ̀à mùà. Bɔ̀ mě me nèèta ndzìà mèntɨ̧ɨ̧ mɔb ane Mbɔ̧ɔ̧mà, nèètà nkɔ̀ŋkà bòt, mè nkìà ngoꞋtsə.

Tȩtɔ̀s 2:7

Àwɔ̀ mbɔŋ, à me ghɨ̀ wuê mènəè ntsɔ̧̀ ane èfàꞋa bê ègème, nɨ̀a nyɨ̀Ꞌta èkaꞋà abua bòt ko. À me nyɨꞋte ànəê, à bê ndzì àtsə nyɨ̀Ꞌte nè èntɨ̧ɨ̧ wê wemɔꞋ.

Tȩtɔ̀s 3:14

NyɨꞋte bòt Yesò baa nê, bɔ̀ me zì ètsə bɔb fàꞋa èfàꞋ ntsɔ̧̀, mbɨ̀Ꞌɨ̀ e me tɨŋe bòt bu bɔ̀ɔ nkɨ̀ŋkà èghɨ la. Nê, bɔ̀ ka me tseke mbɨꞋɨ̀ bòt kà ye àtsə ànəê àyɔb.

Ebùlù 11:2

Wu èntɨ̧ɨ̧ wu baliambì e li ndzi ane Mbɔ̧ɔ̧mà la ka e li ngɨ̀ èntɨ̧ɨ̧ tò e me bɔ̌ ane yɔb la.

Ebùlù 13:18

Bɨ̀ me tsàꞋte a Mbɔ̧ɔ̧mà àtsəa ya. Mèntɨ̧ɨ̧ ma nàà kà feele awa nê ba fâ̧ ànəê. Ba nkɨa e ghɨ̀ àghɨa a kùꞋù la àfɨ̀Ꞌ àgème.

Jimsì 1:27

Wòt Tǎt wa Mbɔ̧ɔ̧mà nɨa tò mbɨ̀Ꞌɨ̀ wòt tà nèètè nko avi la, wu wòt tàa ntɨ̀ŋa batsi bɔ̂ bènempfə a èbem ngoꞋ tɔb, mè me baabe avi mbɨ̀Ꞌɨ̀ ngɔ̀ŋ zi a kàbɔ̀ŋ ane zi la.

Jimsì 3:17

Ka èyì wu e dzəâ abua Mbɔ̧ɔ̧mà la wu ndâ èyì. Wòt tà bɔ èyì mbɔŋ la è bɨ̂ ngu wòt tàa ka zi àbu àzi a èbem mènəè kàbɔ̀ŋ la, mbɔ̂ me ghɨ̌ àlàŋkè, me bɔɔle avi, njùtâ ànəa bòt ko tsa àa shua la, ntaꞋa wua nkua tèsȩ, mè me ghɨ̀ mènəè ntsɔ̧̀, tà kà wua mbà̧à̧ta bòt ndȩ̀à mèsi, tà kà meè ngua fɨ̀tâ.

1 Pità 1:22

Àfɨ̀Ꞌ yaa bɨ tsiꞋa ngɨ̀à mbɨ̀Ꞌɨ̀ nkûŋ yu è dzə abua Mbɔ̧ɔ̧mà la nàa shua la, bɨ bɔ mèntɨ̧ɨ̧ kèfə tè ntsìꞋa ndâ nkɔ̀ŋkà bɔnyɨ bɨ̧ bòt Mbɔ̧ɔ̧mà. È wu ale, bɨ̀ me kɔ̀ŋkè bɔnyɨ bɨ̧ nɨa ngà nè mbì nè èntɨ̧ɨ̧ wɨ̧ ègème.

1 Pità 2:12

Bɨ̀ wu bòt mènəè ntsɔ̧̀ ayɔɔ bòt bu kà ko a Mbɔ̧ɔ̧mà la, mbɨ̀Ꞌɨ̀ bɔ̀ me shu nê bɨ wu bòt kàbɔ̀ŋ, bɔ ye mènəè ntsɔ̧̀ mu bɨ̀a ngɨ̀à la, ngùꞋtè a Mbɔ̧ɔ̧mà ane àli yu tàa li esaꞋa ngɔ̀ŋ la.

1 Pità 4:8

Ànəa mbì wu nê bɨ̀ me kɔ̀ŋkè bɔnyɨ bɨ̧ nè èntɨ̧ɨ̧ wɨ̧ ègème, nkàà nê èkɔŋ e taꞋa wua nkàba mènəè nyaŋ bòt e fà̧à̧tè la.

2 Pità 3:1

Bèshu̧ bɔ̧, eyaa wu ngò̧ tebe e shɨa àkatè abua yɨ̧. E shɨa èkatè mbɔŋ enɨ ku̧u̧te awɨ̧ mènəè mu bɨ ko tê ndɔ̀Ꞌ la, mbɨ̀Ꞌɨ̀ elɔ̀ktè mèntɨ̧ɨ̧ mɨ̧ bɨa bɔ mèmɨ̀ɨ̀te ntsɔ̧̀.

1 Jɔ̌n 3:18

Bɔ̧ bɔ̧, mbɨ̀Ꞌɨ̀ àa anè la, bà me nèèta nkɔ̀ŋkà bɔnyɨ ba mè ngɨ̀à èghɨ àa nyɨ̀Ꞌta nê baa ndâ nkɔ̀ŋkà àwɔb la. Bà kà me kɔ̀ŋkè bòt wuê ane mèngǎ̧ ètsəê.

1 Jɔ̌n 3:3

Waa waa tà nɔ̀ŋe ntɨ̀ zi ane Yesò Klistò la, nàà nɔ̀ŋà èntɨ̧ɨ̧ vi è kèfə wuê mbɨ̀Ꞌɨ̀ èwe Yesò Klistò àa fəèa la.

1 Jɔ̌n 4:1

Ngule bèshu̧ bɔ̧, wòt nê ye bɔ Fo Mbɔ̧ɔ̧mà, bɨ̀ ka mbê mbɨ̧̀ɨ̧̀nê nèmbuꞋ kà nyɔꞋte a ŋut eye nê kò fo yu ane tò la wu Fo Mbɔ̧ɔ̧mà leꞋ. Bɨ̀ me ghɨ̀ ale nkàà nê bèndàꞋàtɔŋ Mbɔ̧ɔ̧mà fɨte be taꞋa wu àbȩ àfɨ̀Ꞌ yaa.