Filìpȩ 4:7 - Mundani

⁷ Bɨ ghɨ̀ ale ko Mbɔ̧ɔ̧mà naa ŋa awɨ̧ àlàŋkè a tsè ayea betsiꞋa wɔ̀bȩ̂ koê la, aa kaba mèntɨ̧ɨ̧ mɨ̧, nè mèmɨ̀ɨ̀te mɨ̧ mbɨ̀Ꞌɨ̀ àghɨa ko a ghɨ̀ adù̧, ndɨ̀ wu bɨ Yesò Klistò ba è tsiꞋi àghɨ yeamɔꞋ la.

Filìpȩ 4:7 Iomraidhean Croise

Lûk 1:79

eŋa èkaꞋà ane bòt bu a èbem ndzěm yu è wuê mbɨ̀Ꞌɨ̀ mbàꞋ èvə la, e ghɨ̌ bàa ghȩ̀ȩ̀ne ane alu̧ àlàŋkà èntɨ̧ɨ̧.”

Lûk 2:14

“TsiꞋ mèngùꞋte wu abua Mbɔ̧ɔ̧mà wu a ègwet la. Tà ŋa àlàŋkè abua bòt sitsǎꞋ bàgème nkàà nê tàà nkɔ̀ŋkà àwɔb.”

Jɔ̌n 14:27

Mâ sa àlàŋkè abua yɨ̧, mâ ŋa àlàŋkè am abua yɨ̧, ka è nka ŋa mbɨ̀Ꞌɨ̀ bòt ngɔ̀ŋ àa ŋǎ la. Mbɨ̀Ꞌɨ̀ mèntɨ̧ɨ̧ mɨ̧ me bente, bɨ̀ ka mbɔa.

Jɔ̌n 16:33

“E shu awɨ̧ mènəè maa ègème mbɨ̀Ꞌɨ̀ bɨa bɔ àlàŋkè a mèntɨ̧ɨ̧ mɨ̧ ndɨ̀ wu ba nɨ̧̀ ba è tsiꞋi àghɨ yeamɔꞋ la. Ngɔ̀ŋ naa ghɨ̌ bɨa ye ngoꞋ kèkweelè. Ka mèntɨ̧ɨ̧ mɨ̧ ka mbèntê nkàà nê mâ nù tè ntsòkè mètàŋ ngɔ̀ŋ yaa.”

Lûm 1:7

Tà shɨ abua bòt Mbɔ̧ɔ̧mà bu bàgème a Luêm, Mbɔ̧ɔ̧mà nàa nkɔ̀ŋkà àwɔb mè ntɔ awɔb ane bòt bi la. Maà shù̧ù̧ta Tǎt wa Mbɔ̧ɔ̧mà bɔ̂ Yesò Klistò Lefɨ̀Ꞌ nê bɔ̀ nyɨꞋte a ntsɔ̧̀ wɔb abua yɨ̧, ngɨ̀ bɨ̀ bɔ àlàŋkè a mèntɨ̧ɨ̧ mɨ̧.

Lûm 14:17

Ànəa nɨ̧ a kèfɔ̧̀ Mbɔ̧ɔ̧mà ntsě mànjɨa èghɨjɨ, kò mànua leꞋ, wu màngɨa àghɨa Mbɔ̧ɔ̧mà kɨa la, nè màntseka ane àlàŋkè nè bòt, mè nè màngua ane mèngùꞋte, è wu èghɨ Fo Kèfə nàa ŋa la.

Lûm 15:13

Maà ntsàꞋta Mbɔ̧ɔ̧mà wu tàa ngɨ̀à bòt e chɨ̀Ꞌà àghɨa tà kàꞋà la nê, tà ghɨa Fo Kèfə ghɨa mèntɨ̧ɨ̧ mɨ̧ mu bɨ zi ane tò la lu̧u̧ nê mèngùꞋte nè àlàŋkè.

Lûm 5:1

Ndɨ̀ wu Mbɔ̧ɔ̧mà nɨ awa mbɨ̀Ꞌɨ̀ bòt bɔ tɨ̧ɨ̧ ndɨŋndɨ̀ŋ a mbì li nkàà ndɨ̀ wu baa zì mèntɨ̧ɨ̧ ma ane tò la, baa bɔ àlàŋkè nè Mbɔ̧ɔ̧mà nkàà àghɨa Yesò Klistò Lefɨ̀Ꞌ wa ghɨ ane ya la.

Lûm 8:6

Wòt me mɨ̀ɨ̀tè wuê ànəa èghɨ mbɨ̧̀ ènyit nàa nkɨà la, ko tàa pfə. È we tàa mɨ̀ɨ̀tà ànəa èghɨ bu Fo Mbɔ̧ɔ̧mà nàa nkɨà la, naa bɔ mèmpème nè àlàŋkà èntɨ̧ɨ̧.

2 Kɔlìn 10:5

Baa nɨa nkèla mènkwàꞋte kàbɔ̀ŋ ègème, nè àghɨ àgème bòt àa mɨ̀ɨ̀tà nê bɔ ko nyaŋ, a kela wɔb a mànkoa a Mbɔ̧ɔ̧mà la. Mbà̧aã mènkwàꞋte ègème mbɨ̀Ꞌɨ̀ ghɨ̌ bòt bu nè èwuu mènkwàꞋte mbɔŋ la aa me zəa Yesò Klistò.

2 Kɔlìn 13:11

Bɔnyɨ bɔ̧, enɨ lìa e ngua shua nê bɨ̀ tseke ntsɔ̧̀. Bɨ̀ kubte mènəè mɨ̧, mè me zə ànəa mâ shu la, ngɨ̀à mènəè mɨ̧ nè èntɨ̧ɨ̧ wemɔꞋ, mè ntsèka ane àlàŋkè bɨ bɔnyɨ bɨ̧. Bɨ me ghɨ̀ anè ko Mbɔ̧ɔ̧mà èkɔŋ nè àlàŋkè èntɨ̧ɨ̧ naa wu ne nɨ̧̀.

Gàlashìà 5:22

Ka èghɨ Fo Mbɔ̧ɔ̧mà nàa ŋǎ la wu èkɔŋ, nè mèngùꞋte, nè àlàŋkè, nè màmbɔɔla èntɨ̧ɨ̧, mànkua tèsȩ nè màngɨa ntsɔ̧̀, nè màndaꞋa nkûŋ,

Efesɔ̀s 3:19

e mě, kɨꞋɨ te ndzə àdziꞋa bɨ̀a ko èkɔŋ Yesò Klistò la, mbɔ̂ èkɔŋ mbɔŋ e faŋ ntsè àghɨ betsiꞋa bòt e koê la. Bɨ koa èkɔŋ Yesò waa ko bɨa bɔ èntɨ̧ɨ̧ wu Mbɔ̧ɔ̧mà bɔ la nènkèm.

Filìpȩ 1:1

Letà Pɔ̂l bɔ̂ Tɔ̀màtià bɔfàꞋ Yesò Klistò, Abua bòt Mbɔ̧ɔ̧mà bu bàgème a Filìpȩ bɔ̂ Yesò Klistò ba è tsiꞋi àghɨ yeamɔꞋ la. Ba shɨa fɔ̀ɔ̀le abua bɔɔjuŋ nè bèdikɨ̀n bu ayɔɔ yɨ̧ la.

Filìpȩ 1:2

Baa shù̧ù̧ta Tǎt wa Mbɔ̧ɔ̧mà bɔ̂ Yesò Klistò Lefɨ̀Ꞌ nê bɔ̀ me nyɨꞋte a ntsɔ̧̀ wɔb abua yɨ̧ mè ngɨ̀ bɨ̀ bɔ àlàŋkè.

Filìpȩ 4:19

Mbɔ̧ɔ̧mà am naa nɨ èghɨ kèfɔ̧̀ vi eŋa èghɨ ègème bɨ̀a nkɨ̀ŋkà la kà kuꞋte àbu, ndɨ̀ wu bɨ Yesò Klistò ba è tsiꞋi àghɨ yeamɔꞋ la.

Filìpȩ 4:21

Bɨ̀ tsàꞋte bòt Mbɔ̧ɔ̧mà bu bàgème bɔ̀ tsiꞋi àghɨ yeamɔꞋ bɔ̂ Yesò Klistò ba la. Bɔnyɨ ba bòt Yesò bu bɔ̀ wu a si ŋàa nè nà̧ la aà ntsàꞋtà wɨ̧.

Filìpȩ 4:9

Bɨ̀ me ghɨ̀ mènəè mu mâ nyɨꞋte awɨ̧ mè ndzì à tèkitebu tɨ̧ la, nè mènəè mu bɨ li ndzə a ètsəê am mè ndzě ndɨ e ngɨ̀à la. Bɨ ghɨ̀ ale, ko Mbɔ̧ɔ̧mà wu tàa ŋàa awa àlàŋkè la naa wu ne nɨ̧̀.

Kɔ̀losìà 3:15

Bɨ me kɨ èghɨ àghɨ, bɨ ye nê bɨ ghɨ̀ ne àlàŋkè yu a kètsìà wɨ̧ a dzə abua Yesò Klistò la. Mbɔ̧ɔ̧mà lâ ntɔ awɨ̧ nê bɨ̀ kɨꞋɨ ntsìꞋi mbɨ̧̀ ènyit yemɔ̀Ꞌ mbɨ̀Ꞌɨ̀ ebɔ èwuu àlàŋkè yaa. È wu ale bɨ me ŋa mènkɔ̀ŋke abua Mbɔ̧ɔ̧mà.

2 Tèsàlonikà 3:16

Baa ntsàꞋtà nê, Tǎt wa Yesò zìambɔŋ, wu tàa ngɨ̀à bòt e bɔ àlàŋkè la, ghɨa bɨ̀ bɔ àlàŋkè a mèntɨ̧ɨ̧ mɨ̧ ane balu̧ bàgème àfɨ̀Ꞌ àgeme. Baa ntsàꞋtà nê, Tè Yesò wu ne nɨ̧̀ bɨ̀agème.

Ebùlù 13:20

TsiꞋ Mbɔ̧ɔ̧mà àlàŋkè wu, tà li njù̧ù̧ma Yesò Lefɨ̀Ꞌ, TaꞋà Mbaabà njɨ̀tsə la, è tsě ane àlo̧ a mènkàꞋa kèkweelè mu kà wu èli lìa la,

Jûd 1:1

Letà Juêd, wɔ̀fàꞋ Yesò Klistò, wanyɨ Jimsì, Abua bòt bu bàgème Tǎt waa Mbɔ̧ɔ̧mà làà àwɔb ane bòt bi me nèèta nkɔ̀ŋkè àwɔb, Yesò Klistò mè me baabe awɔb la.

Ètsə 1:4

Àkatè yaa shɨa Jɔ̌n: Abua bèchɔsì bu basà̧à̧mbe àlaꞋ a Esìà la. Maà shù̧ù̧ta nê Mbɔ̧ɔ̧mà nyɨꞋte a ntsɔ̧̀ vi abua yɨ̧, ngɨ̀ àlàŋkè à wua mèntɨ̧ɨ̧ mɨ̧. Wu tòà wu tàa və, tà li ndzaŋe wu, mè ngu li ekɨꞋɨ la. Ntsɔ̧̀ waa nè àlàŋkè yaa a mè ndzəa abua fote Mbɔ̧ɔ̧mà tu tesà̧à̧mbe te tɨ̧ɨ̧te a mbì àtɨ̧a kèfɔ̧̀ a tò la.

Ètsə 2:17

“ ‘Wòt bɔ ètû̧, tà yùte ànəa Fo Mbɔ̧ɔ̧mà nàa shua abua bèchɔsì bu la. Wòt kùùla èntɨ̧ɨ̧ vi nùà tè ntsèà, ko maa ŋa àbəꞋa èghɨjɨ ndò̧ Mbɔ̧ɔ̧mà abua tò, e mě ŋa atò èti kèfə, bɔ shɨ èlen fi adù̧, kà wòt tsa ko lùà, kà wu wòt wu mâ ŋa èlen mbɔŋ abua tò la.