Filìpȩ 4:5 - Mundani

⁵ Bɨ̀ me yu ane mènəè mɨ̧ a mbì waa waa mbɨ̀Ꞌɨ̀ nê Tǎt wa bele yàŋe ekɨꞋɨ.

Filìpȩ 4:5 Iomraidhean Croise

Matìù 6:25

“Ale e ngua shua wɨ̧ nê bɨ̀ ka me mɨ̀ɨ̀te nê bɨ̀a jɨ ghǎ ko nu ghǎ ka etseke leꞋ. Bɨ̀ ka ndem mɨ̀ɨ̀tè nê bɨ̀a kwaã ghǎ a mbɨ̧̀ tɨ̧ leꞋ. Tè mèmpème wɔ̀bȩ̂ bakà tse èghɨjɨ, mbɨ̧̀ tò naa mě tsě ndǐtsə?

Matìù 6:34

Mbɨ̀Ꞌɨ̀ àa anè la, bɨ̀ ka me mɨ̀ɨ̀te atetsɔꞋ nyaŋ. Bɨa sàꞋa atetsɔꞋ ka bɨ me mɨ̀ɨ̀tè àlia mbɔŋ. TsiꞋ mènəè àliabȩ kùꞋu ane àliabȩ ngaa.

Lûk 21:34

Yesò paa èngà̧ waa ale mè shu abua yɔb nê, “Bɨ̀ me ko awɨ̧, mbɨ̀Ꞌɨ̀ bɨ sà àwɨ̧ èghɨjɨ nyaŋ nè mèlùꞋ kèkweelè e tsòke ètsə bɨ̧. Bɨ̀ ka me mɨ̀ɨ̀tè mènəè sitsǎꞋ nyaŋ mbɨ̀Ꞌɨ̀ àli yu a kɨꞋɨ̀ mbà̧à̧ àwɨ̧ kà bɨ koê, mbɨ̀Ꞌɨ̀ àtaã àa ngɨ̀ a baãaã nyà̧ la

1 Kɔlìn 16:22

Wòt bakà wua nkɔ̀ŋkà Lefɨ̀Ꞌ, ndɔ̀ nɔ̀ŋke àtsəa tò. Lefɨ̀Ꞌ wa, kɨꞋɨ!

1 Kɔlìn 6:7

Wòt Mbɔ̧ɔ̧mà nɨa wanyɨ vi nga a lob saꞋa ko a wua nyɨ̀Ꞌta nê bɨ̀a bòt Mbɔ̧ɔ̧mà bɨ kwen. Bɨ tsiꞋa te ghǎ a mbì bòt ngɔ̀ŋ yaa, a bɔ̀ŋ bɨ bi ndɔ̀Ꞌ. Bɨ wuê tsiꞋi naa wu bòt ko tsa bɔ̀ɔ nəèꞋà wɨ̧ la.

1 Kɔlìn 8:13

Ale, è wu nê e njɨ̀a èghɨjɨ ko aa ghɨ̌ wanɔ̧ naa ghɨ̌ a kàbɔ̀ŋ, ko è nka tsi lɔ̀Ꞌɔ̀ àlia e kwele nyà̧ a, mbɨ̀Ꞌɨ̀ ka e ngɨ̀ wanɔ̧ ghɨ a kàbɔ̀ŋ.

1 Kɔlìn 9:25

Wòt ègème tàa ngɨ̀à àlùùlà la nàa ngɨ̀ tà me kuule èntɨ̧ɨ̧ vi ndàna. Bɔ̀ɔ ngɨ̀ bɔ wua ngɨ̀à ale mbɨ̀Ꞌɨ̀ bɔ àbȩ̀ kà wu tseke, ka è wu awa è wu àbȩ̀ àa wu ane àlia nè àlia la.

2 Kɔlìn 10:1

Mmɔ̌ Pɔ̂l, mâ shu̧u̧te awɨ̧ ane èlen Yesò Klistò wu tà wu mbɔɔlà wòt, mè me yu ane mènəè mi la. Wu mmɔ̌ wu bòt àa shua nê màa ngɨ̀ è ngu ba nɨ̧̀ ba, èngǎ̧ am e me yu, ka è ngu a endɨ̌ è me shɨ àkatè abua yɨ̧ e me shɨ ne nkȩ la.

2 Tèsàlonikà 2:2

bɨ̀ ka sàŋ ànəa ko a gheblè ètsə bɨ̧ ngɨ̀ bɨ yaŋe mbènte mbɨ̧̀ɨ̧̀ne nê, àli yu Lefɨ̀Ꞌ wa nàa mèe kɨꞋɨ la a kɨꞋɨ tê ndɔ̀Ꞌ. A teko wu ànəa wòt kǒ laꞋnê è shua Fo Mbɔ̧ɔ̧mà abua zi la, kò èngǎ̧ wòt kǒ laꞋnê e kɔꞋɔ àtsəa zi la leꞋ, kò wuê àkatè ako bɔ laꞋnê a dzə abua ya la leꞋ.

Tȩtɔ̀s 3:2

Shu abua yɔb nê, wòt ka ndàꞋa kàbɔ̀ŋ adù̧ wòt kǒ, wòt ka nkɨ̀ àyɔ̀ŋ, bɔ̀ nɨ a waa waa mbɨ̀Ꞌɨ̀ shu̧, mè me ghɨ a ntsɔ̧̀ abua wòt ègème.

Ebùlù 10:25

Bà ka me tseke ka wua mbù̧ù̧tà mbɨ̀Ꞌɨ̀ bòt ko àa ngɨ̀à la. Bɨ̀ ghɨa bà me lɔ̀ktè mèntɨ̧ɨ̧ bɔnyɨ ba tè ntsè ndɨ bàa ndzìà ngɨ̀à la, ndɨ̀ wu bàa ndzèa nê, Àlia Mbɔ̧ɔ̧mà aà nkɨ̀Ꞌa la.

Ebùlù 10:37

Àkata Mbɔ̧ɔ̧mà a laꞋnê, “AdzìꞋ naa me wù̧ù̧ne, wòt wu nga ekɨꞋɨ la naa kɨꞋɨ, tà ka tsòke àfɨ̀Ꞌ a.

1 Pità 1:11

Fo Yesò Klistò li ngu ane yɔb, nyɨ̀Ꞌte awɔb ndɨ Yesò nàa li kɨꞋɨ eye ngoꞋ naa ghǎ me lìa Mbɔ̧ɔ̧mà naa ghɨ̌ taa bɔ ènɨ̧ la. Ale, bɔ me nyɔ̀Ꞌta nkɨ eko àfɨꞋa èghɨ bàa àa ghɨ̀ la, mè nè ndɨ àa li ghɨ̀ la.

1 Pità 4:7

ÀfɨꞋa ngɔ̀ŋ nàa lìà la a tsiꞋa nkùꞋà, è wu ale bɨ̀ zì àtsə me baabe ènyit yɨ̧ ntsɔ̧̀ mbɨ̀Ꞌɨ̀ me ko ntsàꞋta Mbɔ̧ɔ̧mà.

Ètsə 22:20

Wòt wu tà shu nê èghɨ bàa wu nkûŋ la, è laꞋnê, “Ane nkûŋ, e mbele yàŋe kɨꞋɨ.” Àmèn, Yesò Lefɨ̀Ꞌ, kɨꞋɨ.

Ètsə 22:7

Yesò nê, “Bɨ̀ zə, e mbele yàŋe kɨꞋɨ. Ntsɔ̧̀ wu wòt wu tàa nɔ̀ŋà èghɨ bu bɔ li shu bɔ shɨ a èbem àkatè yaa la.”