Filìpȩ 4:3 - Mundani

³ Mè me shu abua yê, shu̧ yaã wafàꞋ ba nè àa fàꞋà nɔ̂ la nê, à tɨŋe bèzi baa mpaâ nèètè ànəa yɔb. Ba tò ba nè Klemin, nè bòt ko bu bàgème bɔ li ngua nkùŋà àwa la e li ntaꞋa fàꞋà a màntsɔta Ntu̧ Ntsɔ̧̀. Mbɔ̧ɔ̧mà shɨ tèlen tɔb bɔ̀ɔgème a èbem àkata mèmpème.

Filìpȩ 4:3 Iomraidhean Croise

Lûk 10:20

Ka, bɨ̀ ka ngùꞋtè àwɨ̧ ndɨ fote kàbɔ̀ŋ tèa ndzəèà awɨ̧ la, bɨ̀ wùꞋte àwɨ̧ wuê ndɨ Mbɔ̧ɔ̧mà shɨ tèlen tɨ̧ a èbem àkatè àzi a ègwet la.”

Lûm 12:1

Ale, bɔnyɨ bɔ̧, màa shù̧ù̧ta wɨ̧ nê ndɨ̀ wu Mbɔ̧ɔ̧mà ku tèsȩ tɨ̧ la, bɨ̀ ŋa awɨ̧ abua Mbɔ̧ɔ̧mà mbɨ̀Ꞌɨ̀ nkɔ̀Ꞌ èpɨ̧̀, àghɨa èpɨ̧̀ à wu yu̧, bɔ ŋa abua Mbɔ̧ɔ̧mà nènkèm àa mbɔ̌ atò la. Eyaa lâ ngu èlɨ wòt bɔ ndɨ tàa me wùꞋte a Mbɔ̧ɔ̧mà la.

Lûm 16:12

Bɨ̀ tsàꞋte Tȩ̀fenà bɔ̂ Tȩ̀fosà, è wu bòt bɔ̀ɔ fàꞋà abua Yesò Klistò la. Bɨ̀ tsàꞋtè ngule shu̧ yaã Pesìs wu tàa ndâ fàꞋa abua Yesò Klistò la.

Lûm 16:9

Bɨ̀ tsàꞋtè Yubanùs, è wu wòt bàa tò ba àa fàꞋà abua Yesò Klistò nɔ̂ la, mè ntsàꞋtè ngule shu̧ yaã Stachis.

Filìpȩ 1:12

Bɔnyɨ bɔ̧, maa nkɨ̀a bɨa ko nê, mènəè maa ndze am la è paà ntsiꞋi ghaꞋa èlu̧ bòt e me zə Ntu̧ Ntsɔ̧̀ Yesò Klistò nɨa ngà nè mbì.

Filìpȩ 1:16

nkàà nê bɔ̀ɔ nkɔ̀ŋkà am la. Bɔ ko nê wu Mbɔ̧ɔ̧mà ka tà tsàà am a si ŋàa nê è nyɨꞋte ndɨ Ntu̧ Ntsɔ̧̀ yu wu nkûŋ la.

Filìpȩ 1:27

Ànəa nɨ̧ àfɨ̀Ꞌ yaa wu nê, bɨ̀ me ghɨ̀ mènəè mɨ̧ ègème wuê mbɨ̀Ꞌɨ̀ Ntu̧ Ntsɔ̧̀ Yesò Klistò nàa nkɨà la. Bɨ̀ ghɨ̀ ale, mbɨ̀Ꞌɨ̀ è nkɨꞋɨ e ndze awɨ̧, kò è mbaka nkɨ̀Ꞌɨ̂ leꞋ, e ndzə ndɨ bɨ̀a nèètà mbǎ̧ èngǎ̧ Yesò Klistò nè èntɨ̧ɨ̧ wɨ̧ wemɔꞋ la. Mè ndzəâ ndɨ bɨ̀a fàꞋà nè ètsəê wemɔꞋ mbɨ̀Ꞌɨ̀ bɨ fɔtà nùà nê Ntu̧ Ntsɔ̧̀ Yesò Klistò me ghà nê mbì la.

Filìpȩ 1:5

nkàà nê bɨ li ndzaŋe wua ntɨ̀ŋa am a màntsɔta Ntu̧ Ntsɔ̧̀ Yesò Klistò, e bùꞋu àfɨꞋa bɨ li mbɨ̧̀ɨ̧̀ne èngǎ̧ tò la, ekɨꞋɨ edzəè laane waa.

Filìpȩ 1:7

Mâ bɔ̂ ndɨ màa me tseka mɨ̀ɨ̀tà àwɨ̧ wuê anè la, nkàà nê bɨ wu èntɨ̧ɨ̧ am. Aa ale, nkàà nê ba nɨ̧̀ ba e ye a ntsɔ̧̀ wu Mbɔ̧ɔ̧mà è ghɨ abua ya la. Ba ye a ntsɔ̧̀ mbɔŋ àfɨ̀Ꞌ yaa è ngu a tèfȩ la, fɔ̀ɔ̀le ne àfɨ̀Ꞌ yu e ndi ngua ngèèba ntsɔ̀tà Ntu̧ Ntsɔ̧̀ Yesò Klistò nyɨ̀Ꞌta ndɨ è wû nkûŋ la.

Filìpȩ 4:2

Maà shù̧ù̧ta awê à Èyodià bɨ Sintichè nê, bɨ̀ wu ane ètsəê wemɔꞋ ndɨ̀ wu bɨ̀ wu bòt Yesò la.

Kɔ̀losìà 1:7

Bɨ li mbɨ ndzə ànəa ntsɔ̧̀ Mbɔ̧ɔ̧mà mbɔŋ abua Èpaflàs, shu̧ ya wafàꞋ Yesò Klistò wu tà ŋà avi abua Yesò me tɨŋa awa la.

Ètsə 13:8

Waa waa a sitsǎꞋ bɔ̀ le kaꞋa shɨ èlen tò a èbem àkata mèmpème ka ngɔ̀ŋ naa li bùꞋu la naa wùꞋte atò. Àkata mbɔŋ wu àkata Wanjɨ̀ wu bɔ li mbùŋe atò la.

Ètsə 17:8

Nyà̧mɔ̀Ꞌ mbɔŋ à li ndze la li ndzaã ngu yu̧, ka nè àfɨ̀Ꞌ yaa tà te ntsě yu̧. È bele nyaŋe edzəâ a èbem ebɨ lu kà ye ndìa la, eghǎ bɔɔ bùŋè atò. AfɨꞋa bòt sitsǎꞋ bu bɔ̀ le kaꞋa shɨ tèlen tɔb a èbem àkata mèmpème a mèmbùꞋu ngɔ̀ŋ la àa ye nyà̧mɔ̀Ꞌ yu la, aa taꞋa tsè àwɔb, nkàà nê tà li ndzaã ngu yu̧, ka nè àfɨ̀Ꞌ yaa tà kà tsi ngu yu̧, mbɔ̂ ngu è li e mě kɨꞋɨ.

Ètsə 20:12

E mè ndze bòt bɔ li mpfəèꞋtê la, bɔjûŋ nè bɔ̀techɨɨle, bɔ tɨ̧ɨ̧te a mbì àtɨ̧a kèfɔ̧̀ yu. Bɔ ghaꞋa èkatè ko. Bɔ ghɨ̀ ale, mè ngaꞋa àyea ko nè àkatè, è wù àkatè mèmpème la. Bɔ ghaꞋte èkatè bu saꞋa bòt bu bɔ li mpfəèꞋtê la ane mènəè bɔ li ngɨ̀ la.

Ètsə 20:15

Bɔ nɨ a waa waa èlen tò è le kaꞋa wu a èbem àkata mèmpème yu la, maꞋa a èbem èlemè wu nkòòla la.

Ètsə 21:27

Ka àghɨa kàbɔ̀ŋ ko àa li nyi a èbèm la à ka wuê, fɔɔle nê bòt bɔ̀ɔ ngɨ̀à èbɨꞋte mènəè, kò fɨ̀ta la leꞋ. Bòt bu bɔ li shɨ tèlen tɔb a èbem àkatè mèmpème Wanjɨ̀ wu la, ka bɔ̀ɔ li e nyi a èbem àpfəèà nɨ̧ a mbɔŋ la.

Ètsə 3:5

Wòt kùùla èntɨ̧ɨ̧ vi nùà tè ntsèà, ko tàa li kwaã ndìte kèfə, è nka mè ngu tsì èlen tò a èbem àkata mèmpème. Maa li mě tɨ̧ɨ̧ a mbì Tǎt am nè bɔntu̧ bi e shu nê tà wu wòt am.