Filìpȩ 3:9 - Mundani

⁹ e mě lâ etsiꞋi àghɨ yeamɔꞋ ba tò. Mmɔ̌ mbɔŋ e mbakà tsi ntɨ̧ɨ̧ ndɨŋndɨ̀ŋ e mbì Mbɔ̧ɔ̧mà nkàà mbɨ̧te Bèjuê tu màa nkùŋà la. Mâ tsiꞋi tɨ̧ɨ̧ ndɨŋndɨ̀ŋ a mbì Mbɔ̧ɔ̧mà àfɨ̀Ꞌ yaa nkàà nê mâ zǐ èntɨ̧ɨ̧ am ane Yesò Klistò.

Filìpȩ 3:9 Iomraidhean Croise

Matìù 9:13

Bɨ̀ ghǎ nkɨ lə èngà̧ waa e shua la, ‘Maà nkɨà wuê bèmǎnkua tèsȩ, è nka kɨa banyà̧ bɔ kɨ̧ɨ̧me la.’ È nka kɨꞋa etɔ bòt bɔ mɨɨtè nê bɔ tɨ̧ɨ̧ ndɨŋndɨ̀ŋ la, e nkɨ̀Ꞌa etɔ bòt kàbɔ̀ŋ.”

Lûm 1:17

Ntu̧ Ntsɔ̧̀ Mbɔ̧ɔ̧mà nàà nyɨ̀Ꞌta ndɨ Mbɔ̧ɔ̧mà nàa nɨa wòt mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, è wu wòt wu tà zi èntɨ̧ɨ̧ vi ane waã tò Yesò Klistò tè èlu̧ tsa è ka tsi ngu la. Bɔ shɨ a èbem Àkata Mbɔ̧ɔ̧mà nê, “Wòt tà zi èntɨ̧ɨ̧ vi ane Mbɔ̧ɔ̧mà, tè Mbɔ̧ɔ̧mà nɨa tò mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, naa li wu ane àlia nè àlia.”

Lûm 10:10

Wòt nàa ngɨ̀ tà bɨ̧ɨ̧ne a èntɨ̧ɨ̧ vi, Mbɔ̧ɔ̧mà nɨa tò mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, wòt mee tà làꞋa ane ètsəê vi, tà bɔ̀ mèmpème.

Lûm 16:7

Bɨ̀ tsàꞋte Àndòlonikùs bɔ̂ Junìàs, è wu bòt àlaꞋ bɔ̧, bàà tò ba e li ngua tèfȩ nɔ̂ la. Bòt e ko awɔb ntsɔ̧̀ ayɔɔ bɔntu̧ Yesò Klistò, bɔ mè ngu bòt bɔ li mbɨ̀ ndzì mèntɨ̧ɨ̧ mɔb ane Yesò ka maa zì èwɔ̧ la.

Lûm 5:21

Ale, mbɨ̀Ꞌɨ̀ kàbɔ̀ŋ èbɔ mètàŋ ngɨ̀ bòt e me pfəꞋte la, wu wuê ndɨ̀ ntsɔ̧̀ Mbɔ̧ɔ̧mà wu tà nyɨꞋtè abua bòt la, èbɔ mètàŋ mè ngu ghɨ̌ bòt aa tsiꞋi bòt bɔ tɨ̧ɨ̧ ndɨŋndɨ̀ŋ a mbì tò, mè mbɔ̀ mèmpème kàlìà, nkàà àghɨa Yesò Klistò Lefɨ̀Ꞌ wa ghɨ̀ la.

Lûm 8:1

Ale, ndɔ̀ Mbɔ̧ɔ̧mà te ntsě adù̧ bòt bu bɔ̀ tsiꞋi àghɨ yeamɔꞋ nè Yesò Klistò la àfɨ̀Ꞌ yaa.

Lûm 8:3

Mbɔ̧ɔ̧mà li ngɨ̀ àghɨa mbɨ̧ li è kà wu ko ghɨ̌, ndɨ̀ wu bɔbȩ àa njùa, bɔ̀ ka wu e ghɨ̀ àghɨa nàa shua la, ntsàà waã vi tà kɨꞋɨ nè mbɨ̧̀ ènyit nàa mbɨ̀Ꞌɨ̀ ye bɔbȩ bu bɔ̀ɔ̀ ngɨ̀a kàbɔ̀ŋ la, mpfə mbɨꞋɨ̀ nkɔ̀Ꞌ èpɨ̧̀. Tà pfə ale, Mbɔ̧ɔ̧mà tsòkè mètàŋ mu kàbɔ̀ŋ è bɔ adù̧ wɔ̀bȩ̂ la.

1 Kɔlìn 1:30

Wu Mbɔ̧ɔ̧mà ka tà ghɨ̂ ba tsiꞋi àghɨ yeamɔꞋ nè Yesò Klistò la. Yesò Klistò wu mbɨ̀Ꞌɨ̀ èyǐ Mbɔ̧ɔ̧mà abua ya. Tà ghɨ̂ ba tsiꞋi bòt mènəè ntsɔ̧̀ e mbì Mbɔ̧ɔ̧mà, mè ntsìꞋi bòt bɔ ŋa wɔb abua Mbɔ̧ɔ̧mà la. Wu tòa tà tsì àwa a èbem kàbɔ̀ŋ la mɨ̧̂.

2 Kɔlìn 5:17

Ale, wòt nàa ntsìꞋa àghɨ yeamɔꞋ nè Yesò Klistò, tà tsiꞋi wòt fi. Mènəè nyǎꞋ tà li ngua ngɨ̀à la è tsê, mènəè tàa ngɨ̀à la tsiꞋi me fi.

2 Kɔlìn 5:21

Mbɔ̧ɔ̧mà li nga ambo ya nɔŋa kàbɔ̀ŋ bɔbȩ a ègwet Yesò Klistò wu tà li tà kà ko a kàbɔ̀ŋ la. Mbɔ̧ɔ̧mà li ngɨ̀ àyaa mbɨ̀Ꞌɨ̀ baa kùꞋù èbe Mbɔ̧ɔ̧mà kɨà la ndɨ̀ wu ba Yesò Klistò ba è tsiꞋi àghɨ yeamɔꞋ la.

Gàlashìà 2:16

e ko nê, betsiꞋa wòt kà tɨ̧ɨ̧ ndɨŋndɨ̀ŋ a mbì Mbɔ̧ɔ̧mà nkàà wuê na tàa nkùŋà mbɨ̧te Musì la. Wu èntɨ̧ɨ̧ wu wòt zi ane Yesò Klistò la ka àa ngɨ̀à Mbɔ̧ɔ̧mà nɨ̀a ŋut mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la. Bàa mbɔŋ e bɨ̧ɨ̧nè ane Yesò Klistò. Ba ghɨ̀ ale, mbɨ̀Ꞌɨ̀ Mbɔ̧ɔ̧mà naa nɨa wa ane bòt bɔ tɨ̧ɨ̧ ndɨŋndɨ̀ŋ a mbì li nkàà èntɨ̧ɨ̧ wu ba zi ane Yesò Klistò la. E ntsě mbɨ̧te Bèjuê wòt nàa nkùŋà la ka betsiꞋa te ghɨa tò ale la, nkàà nê betsiꞋa wòt kà tɨ̧ɨ̧ ndɨŋndɨ̀ŋ e mbì Mbɔ̧ɔ̧mà wuê ambo na tàa nkùŋà mbɨ̧tsə la.

Filìpȩ 3:6

Ànəa mbɨ̧te Bèjuê a li ngu àtsə am tè e me gheeba nkɨà àtsəa bòt chɔsì enɨ. È wu ànəa màntɨ̧a ndɨŋndɨ̀ŋ a mbì Mbɔ̧ɔ̧mà mbɨ̀Ꞌɨ̀ mbɨ̧te Bèjuê tèa nkɨà la, ko e ndi è nka ghɨ̂ àghɨa ko bòt àa fèèlè am adù̧ la.

2 Tɔ̀màtià 1:9

Mbɔ̧ɔ̧mà li ŋà àwa ngule mèmpème mi, mè ndȩ̀ àwa nê, bà wu bòt ebi. Tà li tà kà wua ndȩ̀à àwa nê, ba ghɨ ànəa ntsɔ̧̀ ako. Tà li nkɔ̀ŋkè nê yea lȩ̀ àwa mbɨ̀Ꞌɨ̀ eyɨꞋte a ntsɔ̧̀ vi abua ya. È li ngu àfɨꞋa kà ngɔ̀ŋ ya bùꞋ, tà taŋke nê yea li etsàa Yesò Klistò, taa kɨꞋɨ e ghɨ̌ baa wu bòt tò.

Tȩtɔ̀s 3:5

ngɨ̀ ba pem, kà wu nê bàambɔŋ e ghɨ̀ àghɨa tàa nkɨà la. Tà li ngua ngɨ̀à ale ane tèsȩ ti. Fo Kèfə li shùù mènəè kàbɔ̀ŋ ma, mè ŋà àwa mèmpème fi tè ba tsiꞋi mbɨ̀Ꞌɨ̀ bòt bɔ mè mbì àwɔb la.

Ebùlù 6:18

Èghɨ aa bebe betsiꞋa è ka kubtè la, Mbɔ̧ɔ̧mà kà mê ngu elàꞋà mèfà̧ adù̧ la. Ale, bàa wu ba ghǎ abua Mbɔ̧ɔ̧mà mbɨ̀Ꞌɨ̀ epeme la, e lâ nko nê, baa bɔ àghɨ yu ba nɔ̀ŋe ntɨ̀ ya me chɨ̀Ꞌɨ nê Mbɔ̧ɔ̧mà nɔ̀ŋe abua ya la.

Jimsì 3:2

Bàa gème aà fà̧à̧tà mènəè. Ale, wòt me làꞋa mbakà wua fà̧à̧tà mènəè, tà ko nê, mènəè mi ègème lâ nkùꞋ, ye mè ngu ko ebaabe mbɨ̧̀ ènyit zi ègème.

2 Pità 1:1

Letà Simùn Pità, wɔ̀fàꞋ nè wantu̧ Yesò Klistò, Abua bòt bu bɔ̀ɔ nkùŋà alu̧ Mbɔ̧ɔ̧mà, è wù alu̧ bàa bɔntu̧ àà nkùŋà la. Wu Yesò Klistò ka tà ghɨ̂ bɨ me kùŋè ale la, nkàà nê tàà ngɨ̀à mènəè wuê mbɨ̀Ꞌɨ̀ Mbɔ̧ɔ̧mà nàa nkɨà la. Wu Mbɔ̧ɔ̧mà bɔ̂ Yesò Klistò Mpemnà wa.

1 Jɔ̌n 3:4

Waa waa tàa ngɨ̀à kàbɔ̀ŋ la ko nê ye pààte mbɨ̧te Mbɔ̧ɔ̧mà, ngu nê màngɨa kàbɔ̀ŋ wu màntu̧a Mbɔ̧ɔ̧mà bɔ̂ mbɨ̧te tò.