Filìpȩ 3:6 - Mundani

⁶ Ànəa mbɨ̧te Bèjuê a li ngu àtsə am tè e me gheeba nkɨà àtsəa bòt chɔsì enɨ. È wu ànəa màntɨ̧a ndɨŋndɨ̀ŋ a mbì Mbɔ̧ɔ̧mà mbɨ̀Ꞌɨ̀ mbɨ̧te Bèjuê tèa nkɨà la, ko e ndi è nka ghɨ̂ àghɨa ko bòt àa fèèlè am adù̧ la.

Filìpȩ 3:6 Iomraidhean Croise

Matìù 23:25

“Àa li bɨa wɨ̧ bɨ̀a bènyɨꞋtà mbɨ̧te Musì nè Bèfalèsiì, Bɨ̀a wu bɨ̀a shua nê bɨ wu àghɨa kà wu yùà la! Bɨ̀a ngɨ̀ bɨ shùù kwènte bapfəèꞋ nè ndɔŋ tɨ̧, ka tèbemtsə te lu̧ ne èghɨ bɨ ghòꞋne bòt ngɨ̀ɨ̀la awɔb nɨŋ la.

Matìù 5:20

Ka e ngua shua wɨ̧ nê bɨ bakà ghɨ àghɨa Mbɔ̧ɔ̧mà nàa nkɨà la, te tse bènyɨꞋtà mbɨ̧te Musì nè Bèfalèsiì, ko bɨ̀ ka li nyi a kèfɔ̧̀ Mbɔ̧ɔ̧mà à.

Lûk 1:6

Bòt baa babe la bɔ li ntɨ̧̀ɨ̧ ndɨŋndɨ̀ŋ a mbì Mbɔ̧ɔ̧mà mè me paŋe mbɨ̧te tò nè nkɨ̀atsə tò tègème.

ÀfaꞋa 21:20

Mbɨ̀Ꞌɨ̀ bɔ zə èngǎ̧ tò la, bɔ wùꞋte a Mbɔ̧ɔ̧mà bàgème, mbɔ̂ shu abua Pɔ̂l nê, “Wanyɨ wa, à ye àwɔ̀ mbɔŋ ndɨ Bèjuê mbɔ̀ŋè bètɔsì kà pà̧ be zì mèntɨ̧ɨ̧ mɔb ane Yesò mbɔ̂ mbèla nkùŋà mbɨ̧ ta ntsɔ̧̀ la.

ÀfaꞋa 22:5

Bɨ biitè àtsəa bèntsìà mèpɨ̧̀ Mbɔ̧ɔ̧mà, bɔ̂ bòt lob èsaꞋa, ko bɔɔ shu awɨ̧ nê e ndàꞋà nkûŋ. Bɔ li ŋà mèkatè abua am nê, è nga ŋa abua Bèjuê bu è wu bòt Yesò a Dàmaskɔ̀s la. Ale, e nchu nga abàꞋ və ebaãaã bòt Yesò bu ekuule awɔb ane fȩtsə enɨ ewène a Jèlusalèm bɔɔ ŋa awɔb ngoꞋ.”

ÀfaꞋa 26:5

Bɔ ko ane àfɨ̀Ꞌ à seè, na bɔ wuê ebɨ̧ɨ̧ne e shu awê la, nê ebùꞋu tê àfɨꞋa mbì, maà ngɨ̀à mènəè mɔ̧ wuê mbɨ̀Ꞌɨ̀ ènɔ̧̂ bòt bu bɔ̀ɔ mbê ndâ ntsàꞋta a Mbɔ̧ɔ̧mà ndɨ mbɨ̧ ta tèa nkɨ̀a la. Bòt baa e shua la wu Bèfalèsiì.

ÀfaꞋa 8:3

Ka è me wu a Sɔ̂l tà nyɔ̀Ꞌte nê yea me tseke a si ntaa chɔsì wu. Tà me ghǎ a lobtsə səèŋnà mbâ̧ ègème nè àvi tà zì èntɨ̧ɨ̧ vi ane Yesò la nɨa wɔb ngà maꞋa a tèfȩ.

Lûm 7:9

È li ngua afɨꞋa è mbaka ko àghɨa mbɨ̧ kɨa la, e ngua am ntsɔ̧̀, èntɨ̧ɨ̧ am è ka wua fèèlà am ane àghɨa ko. Ka afɨꞋa mâ ko mbɨ̧ la, e ntsiꞋi me kɨ ghɨ̌ wuê a kàbɔ̀ŋ, tè è ghɨ̀ e mpfə.

1 Kɔlìn 10:32

Bɨ̀ me tseke ntsɔ̧̀ ane ndɨ bɨ̀ ka ghɨ̌ ngoꞋ ane wòt Juê, kò wòt kà wu Juê, kò bòt chɔsì Mbɔ̧ɔ̧mà la leꞋ.

1 Kɔlìn 15:9

E ngu tandiakwèn ane bɔntu̧ Yesò Klistò. E mbakà kuꞋu wòt bɔ̀ɔ me tɔ atò ane wantu̧ Yesò Klistò la nkàà nê, e ndi ngua nkɨà ètsə bòt chɔsì Mbɔ̧ɔ̧mà enɨ.

Filìpȩ 2:15

Bɨ ghɨ ale, ko bɨa tsiꞋi bòt kà fâ̧ ànəê a mbì Mbɔ̧ɔ̧mà, bòt è ka meè ngu ye àghɨa bɔ̀ɔ nɨ efèèlè àwɨ̧ la, bɨ mè ngu etsiꞋi ngule bɔ̧ Mbɔ̧ɔ̧mà kà ye àlɔꞋ a èbem ngɔ̀ŋ yaa, è lu̧u̧ ne bòt mènəè mɔb è toŋke la, nè bòt kàbɔ̀ŋ la. Bɨ̀ me beꞋe ayɔɔ yɔb mbɨ̀Ꞌɨ̀ těnto̧tsə tèa nkaꞋa a èbem ndzěm la,

Filìpȩ 3:9

e mě lâ etsiꞋi àghɨ yeamɔꞋ ba tò. Mmɔ̌ mbɔŋ e mbakà tsi ntɨ̧ɨ̧ ndɨŋndɨ̀ŋ e mbì Mbɔ̧ɔ̧mà nkàà mbɨ̧te Bèjuê tu màa nkùŋà la. Mâ tsiꞋi tɨ̧ɨ̧ ndɨŋndɨ̀ŋ a mbì Mbɔ̧ɔ̧mà àfɨ̀Ꞌ yaa nkàà nê mâ zǐ èntɨ̧ɨ̧ am ane Yesò Klistò.

1 Tɔ̀màtià 1:13

È li mbàte ngu àfɨꞋa mbì, e me làꞋa mènəè kàbɔ̀ŋ ane tò nkɨà àtsəa bòt tò enɨ, mè ntsò̧ò̧ta atò, tà bɔ̂ nkù tèsȩ taã. Me ku tèsȩ taã ale ngu nê e ndi è nka ko àghɨa e ngɨ̀à la, nkàà ndɨ̀ è baka zìꞋ ndzì èntɨ̧ɨ̧ am ane tò la.