Filìpȩ 3:3 - Mundani

³ Bàa ka bà wu ngule bòt Mbɔ̧ɔ̧mà la. Aa anè nkàà nê wu Fo Mbɔ̧ɔ̧mà ka è ŋa awa mètàŋ ba me tsàꞋte atò la, ba mè ngua ngùꞋtà àwa ndɨ̀ wu ba Yesò Klistò ba è tsiꞋi mbɨꞋɨ̀ àghɨ yeamɔꞋ la. Mèntɨ̧ɨ̧ ma ntsě ane èghɨ bu bɔbȩ àa ngɨa ane mɔb ne mètàŋ la.

Filìpȩ 3:3 Iomraidhean Croise

Lûm 1:9

Mbɔ̧ɔ̧mà wu mâ ŋa am nènkèm abua tò a mànstsɔta Ntu̧ Ntsɔ̧̀ waã tò la, è koê nê ànəa e ndàꞋà la wu nkûŋ nê, màa ngɨ̀ e me tsàꞋte atò àfɨ̀Ꞌ àgeme e me làꞋà ànəa yɨ̧ abua tò,

Lûm 15:17

Ale, maà ngàꞋtà am ane àfàꞋ yu màa fàꞋà abua Mbɔ̧ɔ̧mà la, è wu àfaꞋa mâ fàꞋa ane mètàŋ Yesò Klistò la.

Lûm 7:6

Mbɨ̧ nàà ka tsi nkùùle awa afɨ̀Ꞌ yaa, nkàà nê baa li mpfə ndùùlà àghɨ yu a li mbà̧aã awa mbɨ̀Ꞌɨ̀ bɔtefȩ la. Baà tsiꞋa ngɨ̀à wuê àghɨa alu̧ fi wu Fo Mbɔ̧ɔ̧mà nàa nyɨ̀Ꞌta awa la nàa nkɨa la. Baà ka tsi ndzə ànəa alu̧ nyaꞋ wu bɔ li shɨ a èbem àkata mbɨ̧ la.

Lûm 8:15

Fo yu Mbɔ̧ɔ̧mà li ŋa abua yɨ̧ la bakà ghɨ awɨ̧ ane èbùꞋ, e ghɨ̌ bɨa me bɔa, ka tà ŋa awɨ̧ Fo è ghɨ̌ bɨ tsiꞋi bɔ̧ tò la. Eyaa wu lə bàa ngɨ̀ bàà dɨa bà tɔ Mbɔ̧ɔ̧mà, baa nê, “Tè leꞋ! Tǎt wa leꞋ!”

Lûm 8:39

kò ngɔ̀ŋ yu a ègwet la, kò ye si leꞋ, kò àghɨa ko tsa ane èghɨ bu ègème Mbɔ̧ɔ̧mà ghɨ̀ la leꞋ, à ka tsì èkɔŋ Mbɔ̧ɔ̧mà bɔ ane ya nkàà Yesò Klistò Lefɨ̀Ꞌ wa la.

Lûm 9:6

Ka la, e ntsèa shua nê tà bakà ghɨ àghɨa èngǎ̧ tò e shu la, nkàà nê è ntsě wòt ègème bɔ bi atò àndǎ̧ bòt Izəèlȩê la, è wu wòt Mbɔ̧ɔ̧mà làà la.

2 Kɔlìn 11:18

Ndɨ̀ wu bòt nyaŋ àa ngàꞋtà wɔb ane èlɨ bòt ngɔ̀ŋ àa ngɨ̀à la, maa me ghɨ̀ àyaã a èlɨ mbɔŋ mɨ̧̂.

Gàlashìà 5:25

Ndɨ̀ wu Fo Mbɔ̧ɔ̧mà ŋa awa mèmpème la, ba bɔ ndɨ bàa me ghɨ̀ mbɨꞋɨ̀ nàa nkɨà la.

Gàlashìà 6:16

Maà ntsàꞋtà nê Mbɔ̧ɔ̧mà ŋa àlàŋkè, mè nkù tèsȩte bòt bɔ̀ɔ ngɨa èlɨ̀ waa la, fɔ̀ɔ̀lè ne bòt Mbɔ̧ɔ̧mà bàgème.

Efesɔ̀s 6:18

Bɨ̀ me tsàꞋte a Mbɔ̧ɔ̧mà mbɨ̀Ꞌɨ̀ Fo tò nàà ŋwèta àwɨ̧ la, ndò̧a ètɨŋe abua tò. Bɨ̀ me tsàꞋta Mbɔ̧ɔ̧mà ane èghɨ ègème bɨ baãaã me ghɨ̀ la. Bɨ̀ ka ngwàꞋà ndo̧o̧na bɨ̀ ka nkaã. Bɨ̀ me tsaꞋta Mbɔ̧ɔ̧mà àfɨ̀Ꞌ àgème ane bòt tò bàgème.

Filìpȩ 1:1

Letà Pɔ̂l bɔ̂ Tɔ̀màtià bɔfàꞋ Yesò Klistò, Abua bòt Mbɔ̧ɔ̧mà bu bàgème a Filìpȩ bɔ̂ Yesò Klistò ba è tsiꞋi àghɨ yeamɔꞋ la. Ba shɨa fɔ̀ɔ̀le abua bɔɔjuŋ nè bèdikɨ̀n bu ayɔɔ yɨ̧ la.

Filìpȩ 3:12

BetsiꞋa è nka shu nê mâ ghɨ àghɨa mâ bɔ ndɨ màa ghɨ̀ la tè ndɔ̀Ꞌ, è nka meè ngu eshu nê mâ kùꞋù àghɨa mâ bɔ ndɨ màa wu yùà la. Ka, maa ndùùlà ngà nè mbì mbɨ̀Ꞌɨ̀ ebɔ èghɨ bàa mâ nɔ̀ŋè èghɨ laã adù̧ la, è wù àghɨa a li ngɨ̀ ka Yesò Klistò zìambɔŋ tɔ am ane wòt vi la.

Filìpȩ 3:14

Maà ŋwèèlà ngà wuê nè mbì, mbɨ̀Ꞌɨ̀ à gha à me lìa, e mbɔ àghɨ yu, è wù mèmpème mu Mbɔ̧ɔ̧mà tɔ am nê è nkɨꞋɨ a ègwet mbɔŋ ndɨ̀ wu ba Yesò Klistò è tsiꞋi àghɨ yeamɔꞋ la.

Kɔ̀losìà 2:11

Mbɨ̀Ꞌɨ̀ bɨ Yesò Klistò ba è tsiꞋi àghɨ yeamɔꞋ la, tà naŋe awɨ̧ ane ènɔ̧̂ bòt Mbɔ̧ɔ̧mà, ka tà kà naŋe ane èwuu èlɨ̀ wu bɔbȩ àa nàŋa bòt la. Tà tsiꞋi naŋe awɨ̧ ane e vi ne èlɨ̀, è wu ndɨ̀ wu bɨ̀a ka tsi ngɨ̀ èbɨꞋte ènəê bu è le wua ndzəa a èbem mèntɨ̧ɨ̧ mɨ̧ la.

Jûd 1:20

Bèshu̧ bɔ̧, è me wu awɨ̧ ko bɨ̀ baãaã mènəè mu bɨ bɨ̧ɨ̧ne la me kweela ngà nè mbì. Mènəè maa dzə abua Mbɔ̧ɔ̧mà zìambɔŋ. Bɨ̀ me tsàꞋte Mbɔ̧ɔ̧mà ane mètàŋ Fo Kèfə.