Filìpȩ 3:2 - Mundani

² Bɨ̀ me ko awɨ̧ ane bòt kàbɔ̀ŋ bu bɔ̀ wu mbɨꞋɨ̀ babə bɔ̀ɔ ŋwèèla shua nê bɔ naŋe wòt mbɨ̀Ꞌɨ̀ mbɨ̧te Bèjuê tèa shua la, ka tà bɔ̂ ngu wòt Mbɔ̧ɔ̧mà la.

Filìpȩ 3:2 Iomraidhean Croise

Matìù 24:10

Bòt nyaŋ aa li lùùlà am àfɨꞋa mbɔŋ, e mě me jɨ mènàŋ a ègwet bɔnyɨ bɔb, mè mpààbà àwɔb.

Matìù 7:15

“Bɨ̀ me ko awɨ̧ mbɨ̀Ꞌɨ̀ bèndàꞋàtɔŋ Mbɔ̧ɔ̧mà fɨte e nyi ayɔɔ yɨ̧. Bɔ̀ɔ ngɨ̀ bɔ me nyɨꞋte nê bɔ̀ɔ njùa ane mènəè mɔb mbɨ̀Ꞌɨ̀ njɨ̀tsə, ka mbɔ̂ ngu a èbem mbɨ̀Ꞌɨ̀ ngwitenyà̧.

Matìù 7:6

“A batè ngu ale ka à ka ŋa àghɨa betsiꞋa à ŋa abua Mbɔ̧ɔ̧mà la abua babə mbɨ̀Ꞌɨ̀ bɔ jɨ, ngèble awɔb ntsìꞋi me kɨa wê. À ka ndzì àtuꞋ àmî a èkunyà̧ mbɨ̀Ꞌɨ̀ ka tà nɨŋ fele a èbem àtɔ̀blè.

Lûm 2:28

È ntsě èghɨ bu wòt nàa ngɨ̀à mbɨ̀Ꞌɨ̀ ndɨ̧ Bèjuê è kɨa la, ka àa ngɨ̀à wòt ane ndâ wòt Juê la. È kà meè ngu a mànaŋa wòt a mbɨ̧̀ ènyit tò ka àa ngɨ̀à Mbɔ̧ɔ̧mà bɨ̧̀ɨ̧̀nâ nê tà wu wòt vi la.

2 Kɔlìn 11:13

Èwuu bòt mbɔŋ ntsě ngule bɔntu̧ Yesò. Bɔɔ nɨa àfàꞋ àyɔb mvəèəlà àghɨ a bòt nkɨà bɔɔ me mɨ̀ɨ̀te nê awɔb tsàà Yesò Klistò.

Gàlashìà 5:13

Bɔnyɨ bɔ̧, Fo Mbɔ̧ɔ̧mà tɔ awɨ̧ nê bɨ̀ ka tsi mbɨ̧̀ɨ̧̀ne èbùꞋ abua mbɨ̧te Musì, wuê nê bɨ̀ ka nɨ àyea mbɔŋ mbɨ̀Ꞌɨ̀ alu̧ a màngɨa àghɨa mbɨ̧te ènyit tɨ̧ tèa nkɨà la, ka bɨ̀ me kɔ̀ŋkè bɔnyɨ bɨ̧ mbɔ̂ ntɨ̀ŋe awɔb.

Gàlashìà 5:15

È wu nê bɨa ndù̧a bɔnyɨ bɨ nkwèla, bɨ me ko awɨ̧, mbɨ̀Ꞌɨ̀ ka bɨ bela ngɨ̀à ndììme awɨ̧ bɨ̀ambɔŋ.

Gàlashìà 5:6

Ndɨ̀ wu bà wu bòt Yesò Klistò la, ba bakà tsi mbɔ̌ ndɨ bàa me lȩ̂ nê bɔ naŋe wòt kò bɔ bakà nàŋe atò leꞋ la. Àghɨa bɔ kɨa la wu èntɨ̧ɨ̧ wu wòt zi ane Yesò Klistò la, e wu bɔ̀ɔ ndzèa ane èkɔŋ wu ŋut bɔ ane bɔbȩ la.

Filìpȩ 3:19

Bɔɔ li nyɔ, nkàà bɔ nɨ èghɨ mbɨ̧te ènyit tɔb tèa nkɔ̀ŋkà la ngɨ̀ e tsiꞋi mbɨ̀Ꞌɨ̀ mbɔ̧ɔ̧mà. Bɔɔ ngɨ̀à tè ngù̧a nkùꞋ tɔb ane àghɨa ètsə bɔb e wu me kɔꞋɔ adù̧ la. Bèŋût aà nkwàꞋtà wuê èghɨ ngɔ̀ŋ yaa.

Filìpȩ 3:3

Bàa ka bà wu ngule bòt Mbɔ̧ɔ̧mà la. Aa anè nkàà nê wu Fo Mbɔ̧ɔ̧mà ka è ŋa awa mètàŋ ba me tsàꞋte atò la, ba mè ngua ngùꞋtà àwa ndɨ̀ wu ba Yesò Klistò ba è tsiꞋi mbɨꞋɨ̀ àghɨ yeamɔꞋ la. Mèntɨ̧ɨ̧ ma ntsě ane èghɨ bu bɔbȩ àa ngɨa ane mɔb ne mètàŋ la.

1 Tɔ̀màtià 1:19

Me zi èntɨ̧ɨ̧ wê wuê ane Mbɔ̧ɔ̧mà, mè ngɨ̀ èntɨ̧ɨ̧ wê è ka me fèèlè àwê a mbì tò. Bòt ko aà və bɔ tu̧u̧ e ghɨ̀ mènəè bɔ ko nê è kùꞋù la, tè ntsì mèntɨ̧ɨ̧ mɔb ane Yesò Klistò la.

Tȩtɔ̀s 1:16

Bɔ̀ɔ ngɨ̀ bɔ me shu nê, bɔ ko a Mbɔ̧ɔ̧mà ka èghɨ bɔ̀ɔ ngɨ̀à la e me nyɨꞋte nê bɔ bakà ko atò. Bèŋût e bê ngɨ̀ àtsəa kekweelè nge, mènəè mɔb mè mbɨ̀ɨ̀ nenkèm, tè ntsɔ̧̀ kà tsi ngu ane yɔb.

2 Pità 2:22

Àghɨa a li ngɨ ane èwuu bòt baa la a ghɨ̂ mèngà̧teme màa è te. Nê, “Abə tɨ mè nkua akwèn ngà me jɨ ètɨɨ mbɔŋ”, “Èkunyà̧ bɔ shùù la e kua akwèn ngà me fèlè àvi a èbem àtɔ̀blè.”

Jûd 1:4

E shɨa ale nkàà nê, bòt ko bɔ tu̧u̧ a Mbɔ̧ɔ̧mà la e yɨ̧ɨ̧tè nyi a kètsìà wɨ̧. Bɔɔ ngèbla èngǎ̧ tò wu àa nyɨ̀Ꞌta èkɔŋ tò la, mbɨ̀Ꞌɨ̀ ebɔ èlu̧ e me ghɨ̌ èbɨꞋte ènəê, mè ntù̧a Yesò Klistò Lefɨ̀Ꞌ wu tà wu Tǎt wa mè ngu ndàꞋ wòt ba bɔ ndɨ bàa me zə atò la. Mbɔ̧ɔ̧mà li ndzaŋe saꞋa ànəa bòt baa, tè nê aa li ebɨɨ abà yɔb.

Ètsə 2:9

Mâ koê ngoꞋte bɨ̀a ndzèa la, nè ntseb bɨ̀ wu a èbèm la, (ka ane nkûŋ) bɨ bɔ èghɨ nyaŋ. Mâ koê mɨ̧̂ ndɨ bòt bu bɔ̀ɔ fɨ̀ta nè bɔ wu Bèjuê, ka bɔ̀ ka wu bùà la, àa ndàꞋa kàbɔ̀ŋ ane èlen lɨ̧ la. Bɔ wu ènɔ̧̂ bòt Satàn.

Ètsə 21:8

Ka è me wu bòt bu kà bɔ èntɨ̧ɨ̧ kekweelè la, nè bòt bu kà zi mèntɨ̧ɨ̧ mɔb ane Yesò la, nè bòt bu bɔ̀ɔ ngɨ̀à èbɨꞋte mènəè la, nè bòt bu bɔ̀ɔ mbùŋà bòt la, nè bòt bu bɔɔ njɨ̀a ngò̧ò̧tètsə la, nè bɔtebə, nè bòt bu bɔ̀ɔ ngùꞋtà bènàmbəa la, ndɔ̀Ꞌ nè bòt mèfà̧ bàgème, ko bɔɔ li màꞋà àwɔb a èbem èlemè wu èwet àa nkòòla adù̧ nè èkem la. Eyaa wu èvə lu wòt nàa mpfəa mè mpfəa la.”

Ètsə 22:15

Bòt bu kà wu li nyi a èbem àpfəèà nɨ̧ yu la, wu bòt bu bɔ̀ɔ ngɨ̀à mbɨ̀Ꞌɨ̀ babə la, nè bɔtebə, nè bòt bɔ̀ɔ njɨ̀a ngò̧ò̧tètsə la, nè bòt bu bɔ̀ɔ mbùŋà bòt la, nè bòt bɔ̀ɔ ngùꞋtà bènàmbəa la, ndɔ̀Ꞌ nè bòt bu bàgème bɔ̀ɔ nkɔ̀ŋkà àfɨte mè ndàꞋà àyùà la.

Ètsə 3:9

È me wu bòt ènɔ̧̂ Satàn, bòt mèfà̧ bu bɔ̀ɔ shua nê bɔ wu Bèjuê kà wu bùà la, ko maa ghɨ̌ bɔɔ kɨꞋɨ eŋɔꞋne a si a mbì lɨ̧ ekukte awɨ̧. Bɔɔ ko bàgème nê maà nkɔ̀ŋkà àwɨ̧.