Filìpȩ 3:12 - Mundani

¹² BetsiꞋa è nka shu nê mâ ghɨ àghɨa mâ bɔ ndɨ màa ghɨ̀ la tè ndɔ̀Ꞌ, è nka meè ngu eshu nê mâ kùꞋù àghɨa mâ bɔ ndɨ màa wu yùà la. Ka, maa ndùùlà ngà nè mbì mbɨ̀Ꞌɨ̀ ebɔ èghɨ bàa mâ nɔ̀ŋè èghɨ laã adù̧ la, è wù àghɨa a li ngɨ̀ ka Yesò Klistò zìambɔŋ tɔ am ane wòt vi la.

Filìpȩ 3:12 Iomraidhean Croise

Matìù 5:48

È wu ale, mènəè mɨ̧ bɔ ndɨ nàa nèète tɨ̧ɨ̧ ndɨŋndɨ̀ŋ mbɨ̀Ꞌɨ̀ tǎt wɨ̧ a ègwet nàa ndɨŋndɨ̀ŋ la.

ÀfaꞋa 9:15

Tè Yesò mè shu abua Ànàniàs nê, “Ghà wuê ghǎ, nkàà nê mâ lȩ̀ atò nê tà faꞋa àfàꞋ am. Nê tà tɨŋe bòt kà wu Bèjuê bɔ̂ bèfɔ̧̀ bɔb, nè bòt Izəèlȩê bàgème bɔ ko wòt è ngu wùà la.

Lûm 8:39

kò ngɔ̀ŋ yu a ègwet la, kò ye si leꞋ, kò àghɨa ko tsa ane èghɨ bu ègème Mbɔ̧ɔ̧mà ghɨ̀ la leꞋ, à ka tsì èkɔŋ Mbɔ̧ɔ̧mà bɔ ane ya nkàà Yesò Klistò Lefɨ̀Ꞌ wa la.

1 Kɔlìn 13:10

À yu à wu nènkèm la aa me ghɨ̀ tê nkɨ̀Ꞌɨ̂, à yu è wù àtem la, à ka tsi nguê.

1 Kɔlìn 13:12

Àghɨa bàa ndzea àfɨ̀Ꞌ yaa la, a wu mbɨ̀Ꞌɨ̀ ba lɨ̀ŋke a èbem àlùgɨ̀lâ, me ye mbàꞋtsə, ka àfɨ̀Ꞌ aa li kɨꞋɨ bàa me ye èghɨ ntsɔ̧̀ la. Mâ ko wuê àdzìꞋ àfɨ̀Ꞌ yaa, mbɔ̂ ngu li ko nènkèm, wuê mbɨ̀Ꞌɨ̀ Mbɔ̧ɔ̧mà ko am nènkèm la.

1 Kɔlìn 9:24

Bɨ bakà ko laꞋ nê bɔ̀ɔ ngɨ̀ bɔ̀ gha ane àlùùlà, waa waa me lùùla, ka è bɔ̂ ngu wuê wòt wemɔ̀Ꞌ tà jɨ bɔ tsɔꞋɔ atò la? Ale, luula mbɨ̀Ꞌɨ̀ jɨ bɔɔ tsɔꞋɔ awê.

2 Kɔlìn 13:9

Ba màà me yu ka bɨ bɔ̂ me kweele ane alu̧ Mbɔ̧ɔ̧mà, ko ànəa ngaa aa me bɔ̀ àwa. Ale, baà ntsàꞋta Mbɔ̧ɔ̧mà nê tà ghɨa bɨ̀ paa nkwèèle.

2 Kɔlìn 7:1

Bɔnyɨ ba, ndɨ̀ wu Mbɔ̧ɔ̧mà kàꞋà wa èghɨ ba la, bà ka mbà̧à̧te àghɨa àa tsòkè àwa a èbèm nè àbȩ̂ a mbì Mbɔ̧ɔ̧mà la. Bà ŋa awa nènkèm abua Mbɔ̧ɔ̧mà me ŋa kènuke abua tò ntsèka mbɨ̀Ꞌɨ̀ tàa nkɨà la.

Gàlashìà 5:17

Aa ale nkàà nê, àghɨa mbɨ̧̀ ènyit nàa nkɨà la ntsě àghɨa Fo Mbɔ̧ɔ̧mà nàa nkɨà la, àyea Fo Mbɔ̧ɔ̧mà nàa nkɨà la è kà wu àyea mbɨ̧̀ ènyit nàa nkɨà la. Èghɨ baa aà ngà èlu̧ tsa tsa, mbɨ̀Ꞌɨ̀ ka bɨ ghɨ̀ àghɨa bɨ ghɨ̂ mbɔ ndɨ bɨ̀a ghɨ̀ la.

Efesɔ̀s 1:4

Ngɔ̀ŋ li me laꞋ nê nàà mbùꞋà, Mbɔ̧ɔ̧mà lȩ̀a wa mbɨ̀Ꞌɨ̀ baa tsiꞋi àghɨ yeamɔꞋ nè Yesò Klistò, ngɨ̀ àwa ane bòt mènəè ntsɔ̧̀ kà ye àghɨa ko bɔ̀ɔ fèèlè àwa adù̧ la a mbì li.

Efesɔ̀s 4:12

Tà li ngɨ̀ àyaa mbɨ̀Ꞌɨ̀ e ghɨ̌ bòt Mbɔ̧ɔ̧mà bàgème aa kùꞋu a màngɨa àfaꞋa bɔ bɔ ndɨ bɔ̀ɔ ghɨ̀ la, ngɨ̀à bòt bu bɔ̀ wu mbɨ̧̀ ènyit Yesò Klistò la e kweelà.

Filìpȩ 1:1

Letà Pɔ̂l bɔ̂ Tɔ̀màtià bɔfàꞋ Yesò Klistò, Abua bòt Mbɔ̧ɔ̧mà bu bàgème a Filìpȩ bɔ̂ Yesò Klistò ba è tsiꞋi àghɨ yeamɔꞋ la. Ba shɨa fɔ̀ɔ̀le abua bɔɔjuŋ nè bèdikɨ̀n bu ayɔɔ yɨ̧ la.

Filìpȩ 3:16

A màà ngu wuê nà leꞋ, ko bɨ̀ tsiꞋ bà ghȩ̀ȩ̀nè wuê ane alu̧ wu baa wua ndzìà ngȩ̀ȩ̀nà te kɨꞋɨ ewu àfɨ̀Ꞌ yaa la.

Filìpȩ 3:3

Bàa ka bà wu ngule bòt Mbɔ̧ɔ̧mà la. Aa anè nkàà nê wu Fo Mbɔ̧ɔ̧mà ka è ŋa awa mètàŋ ba me tsàꞋte atò la, ba mè ngua ngùꞋtà àwa ndɨ̀ wu ba Yesò Klistò ba è tsiꞋi mbɨꞋɨ̀ àghɨ yeamɔꞋ la. Mèntɨ̧ɨ̧ ma ntsě ane èghɨ bu bɔbȩ àa ngɨa ane mɔb ne mètàŋ la.

Filìpȩ 3:8

Ane nkûŋ, è ndem ntsě wuê ndàꞋ èbùà. Mâ ntsiꞋa ndzèa èghɨ ègème àfɨ̀Ꞌ yaa mbɨ̀Ꞌɨ̀ e te ntsě èghɨ, mbɨ̀Ꞌɨ̀ e lâ eko wòt Tǎt am Yesò Klistò wû wùà la. Àyaa a bɔ̀ tê ntsè èghɨ tsa bu ègème. Mâ sǎ èghɨ bu ègème e ndi ngua ngɨ̀à la nkaa atò. Mâ ntsiꞋa ndzèa èghɨ ngaa ègème mbɨ̀Ꞌɨ̀ tabtsə, mbɨ̀Ꞌɨ̀ è ngu e tsiꞋi wuê ba Yesò Klistò,

1 Tèsàlonikà 5:15

Ko mbɨ̀Ꞌɨ̀ bɨ bɨ̧ɨ̧nè wòt kǒ vəə a kàbɔ̀ŋ ane kàbɔ̀ŋ, ka bɨ̀ me nyɔ̀Ꞌte àfɨ̀Ꞌ àgème ngɨ̀à a ntsɔ̧̀ a kètsìà wɨ̧ fɔɔle abua waa waa.

2 Tèsàlonikà 2:13

Bɔnyɨ, bɨ̀a wu Mbɔ̧ɔ̧mà nàa nkɔ̀ŋkà àwɨ̧ la, ba bɔ ndɨ bàa me kɔ̀ŋka Mbɔ̧ɔ̧mà ane ànəa yɨ̧ àfɨ̀Ꞌ àgème la. Aa ale nkàà nê Mbɔ̧ɔ̧mà li me laꞋ nê yea ngɨ̀à ngɔ̀ŋ, ndàà àwɨ̧ tè ndɔ̀Ꞌ, mbɨ̀Ꞌɨ̀ e ghɨ̌ bɨa peme. Mbɔ̧ɔ̧mà li ngɨ̀ ayaa ane Fo zi yu tà li ngɨ̀ è ghɨ̀ àwɨ̧ bɨ tsiꞋi mbɨ̀Ꞌɨ̀ tòà la, mè nè ndɨ bɨ li ndzì èntɨ̧ɨ̧ ane èngà̧ wu è wu nkûŋ la.

1 Tɔ̀màtià 5:10

mè ngu àvi bòt e neetè nko nê tà lè wua ngɨ̀à mènəè ntsɔ̧̀ la. Shɨ wuê èlen àvi tà li ngùa nèètà ndìà bɔ̧ bi, mè sèà bègɨ̧̀ a lob zi, shùà èka bòt Mbɔ̧ɔ̧mà, ntɨ̀ŋa bòt ngoꞋ, mè ŋǎ èntɨ̧ɨ̧ vi a màngɨa èfàꞋ ntsɔ̧̀ ègème la.

1 Tɔ̀màtià 6:19

Bɔ ghɨ̀ anè, bɔ ko nê bɔ wua nɔ̀ŋà èghɨ bɔb adzìꞋa ntsɔ̧̀, mbɨ̀Ꞌɨ̀ wòt ntàŋka mèntsèke ntsɔ̧̀ mi nàa li ewu ane àli ako la. ÀfɨꞋa mbɔŋ àa kɨꞋɨ bɔɔ bɔ ngule mèmpème mbɔŋ.

Ebùlù 12:14

Bɨ nyɔta ndze nê bɨà ntsèke ane àlàŋkè nè waa waa, mè me tseke mbɨ̀Ꞌɨ̀ bòt mènəè ntsɔ̧̀ nkàà nê, wòt bakà wua ngɨ̀à ale, tà kà ye a Mbɔ̧ɔ̧mà.

Ebùlù 12:23

Bɨ kɨꞋɨ àdziꞋa bòt bu bɔ̀ wu mbɨꞋɨ̀ bɔ̧ mbì Mbɔ̧ɔ̧mà bɔ shɨ tèlen tɔb a ègwet la, e bù̧ù̧tè la. Bɨ kɨꞋɨ abua Mbɔ̧ɔ̧mà wu tàa saꞋa wòt ègème la, mè nkɨ̀Ꞌɨ̂ abua bòt mbì bu bɔ li ngu bòt ntsɔ̧̀, Mbɔ̧ɔ̧mà ghɨ̀ àwɔb bɔ tsiꞋi àghɨa tàa nkɨà nê bɔ̀ wu yùà la.

Ebùlù 13:21

ŋà àwɨ̧ àghɨa ntsɔ̧̀ àgème mbɨ̀Ꞌɨ̀ bɨa me ghɨ̀ àghɨa tàa nkɨà la. TsiꞋ tà tsě ane Yesò ngɨ̀ àghɨa àa mbɔ̂ atò la. MèngùꞋte wu abua tò ane àlia nè àlia! Àmèn.

Jimsì 3:2

Bàa gème aà fà̧à̧tà mènəè. Ale, wòt me làꞋa mbakà wua fà̧à̧tà mènəè, tà ko nê, mènəè mi ègème lâ nkùꞋ, ye mè ngu ko ebaabe mbɨ̧̀ ènyit zi ègème.

1 Pità 5:10

Bɨ̀ ko nê ngoꞋ yaa bɨ yea la wu wuê ane àtem àfɨ̀Ꞌ àko, mbɔ̂ Mbɔ̧ɔ̧mà wu tàa ntsèka nkua tèsȩ tɨ̧ la naa tsì àwɨ̧ a èbem tùà. Tà li nɨ̀ àwɨ̧ ngɨ̀ bɨ Yesò Klistò ba e tsiꞋi àghɨ yeamɔꞋ mbɨ̀Ꞌɨ̀ bɨa li ebɔ mèngùꞋte tò mu kà wu li elìa la. Taa ghɨ̌ bɨa kùꞋu ane mènəè tò etɔ̀kè àwɨ̧ bɨa nèète ntɨ̧ɨ̧ me kweele ka wu ekwene.

2 Pità 3:18

È me wu awɨ̧ ko bɨ̀ tsiꞋ èkɔŋ wɨ̧ ane Yesò Klistò Lefɨ̀Ꞌ wu tà wu Mpemnà wa la è me tsə, bɨ̀ mèe me ko atò nɨa ngà nè mbì. TsiꞋ mèngùꞋte wu abua Yesò Klistò ebùꞋu àfɨ̀Ꞌ yaa egha wu ane àlia nè àlia. Àmèn.