Filìpȩ 2:7 - Mundani

⁷ Tà sà àdziꞋa mbɔŋ ntsiꞋi nɨ ayea àbùꞋ bɔ bi atò, tà tsiꞋi mbɨ̀Ꞌɨ̀ wɔ̀bȩ̂.

Filìpȩ 2:7 Iomraidhean Croise

Matìù 12:18

“Eyaa wu wafàꞋ am mâ lȩ̀ la, Ngule wòt èkɔŋ am èntɨ̧ɨ̧ am àa mbɔ̀ ane tò la. Maa zǐ Fo yaã ane tò, Taa tsɔ̀te bòt kà wu bòt Izəèlȩê aa zə ndɨ màa sàꞋa mènəè la.

Matìù 20:28

A bê ngu wuê mbɨ̀Ꞌɨ̀ àa ane Waã Wòt la. Tà lè kaꞋa wua nkɨ̀Ꞌa e ghɨ̌ bòt aa me fàꞋa abua tò. Tà li ngua nkɨ̀Ꞌa e me fàꞋa abua bòt, e lɔ̀Ꞌɔ e ŋà àtsə azi mbɨ̀Ꞌɨ̀ bòt nyaŋ aa peme.”

Ntu̧ Ntsɔ̧̀ MAK 9:12

Yesò bɨ̀ɨ̀lè nè, “Wu nkûŋ nê Èlȩjà naa kɨꞋɨ a mbì mbɨ̀Ꞌɨ̀ e ghɨ èghɨ ègème aa wu mbɨ̀Ꞌɨ̀ e ghɨ̂ ngu ewu la. Ghǎ ghɨ̂ ka bɔ shɨŋ nê Waã Wòt bɔ ndɨ tàa ye ngoꞋ, bɔɔ tsǐ atò ayɔɔ la à?

Lûk 22:27

Wàà wu wɔ̀jûŋ à? Wu wòt wu tà tseke a si me jɨ la, kò wòt tà bɨ̧ɨ̧ne ewu wafàꞋ tò la à? Ane nkûŋ, wu wòt tà tseke a si la. Ka e ngu a kètsìà wɨ̧ mbɨ̀Ꞌɨ̀ wafàꞋ.

Jɔ̌n 1:14

Èngǎ̧ wu e li ntsìꞋi wɔ̀bȩ̂, nkɨ̀Ꞌɨ̂ ntsèke ayɔɔ bòt, me nyɨꞋte èwuu ntsɔ̧̀ Mbɔ̧ɔ̧mà bɔ ane bòt la, mè nyɨ̀Ꞌta nkûŋ ane àghɨa Mbɔ̧ɔ̧mà wû yùà la. Ba ye ènɨ̧ tò. Eyaa wu ènɨ̧ wu Tǎt tò Mbɔ̧ɔ̧mà li ŋǎ abua tò mbɨ̀Ꞌɨ̀ ngule waã tà dzə abua tò la.

Lûm 1:3

Ntu̧ Ntsɔ̧̀ Mbɔ̧ɔ̧mà wua ndàꞋà ànəa Waã tò wu bɔ le mbi mbɨ̀Ꞌɨ̀ wɔ̀bȩ̂ a èbem àndǎ̧ a fɔ̧̀ Dàbid la.

Lûm 15:3

Yesò Klistò li tà kà ghɨ̂ wuê àghɨa àa mbɔ̀ àvi la. A wu mbɨ̀Ꞌɨ̀ bɔ shɨ ànəa tò a èbem Àkata Mbɔ̧ɔ̧mà la nê, “Tèntsɔ̧̀ɔ̧̀mè tu bòt e li ntsɔ̧̀ɔ̧̀te àwê adù̧ la tê nɔ̀ŋke a ègwet laã.”

Lûm 15:8

Maà nkɨà bɨa ku̧u̧te nê Yesò Klistò li ntsìꞋi wɔ̀fàꞋ abua Bèjuê ale, nɨŋ nyɨ̀Ꞌte nê Mbɔ̧ɔ̧mà wu wòt nkûŋ ane àghɨa tà li nkàꞋ bètǎt nyaꞋ ba la.

Lûm 8:3

Mbɔ̧ɔ̧mà li ngɨ̀ àghɨa mbɨ̧ li è kà wu ko ghɨ̌, ndɨ̀ wu bɔbȩ àa njùa, bɔ̀ ka wu e ghɨ̀ àghɨa nàa shua la, ntsàà waã vi tà kɨꞋɨ nè mbɨ̧̀ ènyit nàa mbɨ̀Ꞌɨ̀ ye bɔbȩ bu bɔ̀ɔ̀ ngɨ̀a kàbɔ̀ŋ la, mpfə mbɨꞋɨ̀ nkɔ̀Ꞌ èpɨ̧̀. Tà pfə ale, Mbɔ̧ɔ̧mà tsòkè mètàŋ mu kàbɔ̀ŋ è bɔ adù̧ wɔ̀bȩ̂ la.

2 Kɔlìn 13:4

Bɔ li mbàte ngù̧ù̧te atò a mbɨ̧̀ mbasa mbɨ̀Ꞌɨ̀ wòt tàa njùa la, ka tà wu yû̧ àfɨ̀Ꞌ yaa ane mètàŋ Mbɔ̧ɔ̧mà. Bàa bòt Yesò Klistò e gha ane àbâ ko me yu mbɨ̀Ꞌɨ̀ tà lè wu la, ka bɨ bɔ̂ ngu eye nê baa ntsèka ane mètàŋ Mbɔ̧ɔ̧mà wuê mbɨ̀Ꞌɨ̀ Yesò nàa ntsèka la, faꞋa a kètsìà wɨ̧.

2 Kɔlìn 8:9

Bɨ ko ndɨ Yesò Klistò Lefɨ̀Ꞌ wa li nyɨ̀Ꞌte a ntsɔ̧̀ vi abua ya la. Tà li ngu wòt nè èghɨ bi, ka nga ambo yɨ̧ ntsìꞋi wòt kà ye àghɨa zi. Tà li ngɨ anè mbɨ̀Ꞌɨ̀ bɨa tsiꞋi bòt bɔ bɔ àyɔb la a mbì Mbɔ̧ɔ̧mà.

Gàlashìà 4:4

Ka àfɨ̀Ꞌ a li ntsèke tè nkùꞋ, Mbɔ̧ɔ̧mà tsàà Waã vi a ngɔ̀ŋ. A tò li mbi àvi àfɨꞋa mbɨ̧te Musì tèa mbǎ̧ àlaꞋ la.

Filìpȩ 2:6

Tà li mbàte ngu àzi Mbɔ̧ɔ̧mà mɨ̧̂, ka tà kà ŋweele laꞋnê yea wu wuê ane akɔ̀Ꞌ wemɔ̀Ꞌ bɔ̂ Mbɔ̧ɔ̧mà.

Ebùlù 12:2

Bà neeta ntsìte àghɨ aya ane Yesò wu tà wu mèmbùꞋu nè mèndìa ànəê yu ba zǐ èntɨ̧ɨ̧ wa adù̧ la. Tà li nga ambo mèngùꞋte mu nchɨꞋa tò la, nkùùle èntɨ̧ɨ̧ vi mpfə a mbɨ̧̀ mbasa kà bɔ àtsəa kɔꞋɔ. Tà wu àfɨ̀Ꞌ yaa àbâ àbualu̧ àtɨ̧a kèfɔ̧̀ Mbɔ̧ɔ̧mà tà tseke la.

Ebùlù 13:3

Bɨ̀ me ku̧u̧te bòt bu bɔ̀ wu a tèfȩ la, mbɨ̀Ꞌɨ̀ bɨ wu a fȩ bɨ tò ba, mè nkù̧ù̧ta bòt bu bɔ̀ɔ ngɨ̧̀ɨ̧̀nà wɔb la nkàà nê wu ànəa betsiꞋa a ye awɨ̧ la mɨ̧̂.

Ebùlù 4:15

Àtsəa bèntsìà mèpɨ̧̀ a Mbɔ̧ɔ̧mà yaa ntsě èwuu wòt wu betsiꞋa tà kà ko nkù tèsȩ ta ane mènəè mu bàa njùa adù̧ la. Ka, tà wu wòt bɔ li nkɨke atò ane balu̧ bàgème wuê mbɨ̀Ꞌɨ̀ bàa, ka tà kà ghɨa kàbɔ̀ŋ la.