Filìpȩ 2:2 - Mundani

² Ale, bɨ ghɨa èntɨ̧ɨ̧ am è paa me bɔ̌ a màngɨa mènəè mɨ̧ nè èntɨ̧ɨ̧ wemɔꞋ, nè mànkɔŋka waa waa ndɨŋndɨ̀ŋ, mè nè màndaŋka mènəè nè ètsəê wemɔꞋ.

Filìpȩ 2:2 Iomraidhean Croise

Jɔ̌n 3:29

Wòt tà bɔ ndzà la wu lu̧ ndzà mbɔŋ. Shu̧ lu̧ ndzà nàa ntɨ̧a ndzəa àtɔŋ shu̧ zi lu̧ ndzà yu, tà taꞋa wùꞋte àvi. Eyaa wu ndɨ mèngùꞋte lu̧ a èntɨ̧ɨ̧ am la.

ÀfaꞋa 1:14

Bɔ li ntaꞋa wua mbu̧u̧ta adzìꞋ yeamɔꞋ ntsàꞋta Mbɔ̧ɔ̧mà bɔ̀ɔgème fɔ̀ɔ̀le ne bèzi, nè Màlià nyɨ̌ Yesò, ndɔ̀Ꞌ nè bɔnyɨ tò.

ÀfaꞋa 2:1

Àlia Pentekɔ̀s a li me kɨꞋɨ, bòt bu bɔ zì mèntɨ̧ɨ̧ mɔb ane Yesò la e bu̧u̧te adzìꞋ yeamɔꞋ.

ÀfaꞋa 2:46

Bɔ li ngua mbù̧ù̧tà ane ènɔ̧̂ wemɔꞋ a èbem lob nɨ̧ Mbɔ̧ɔ̧mà a Jèlusalèm àli àgème. Bɔ li ngua njɨ̀a èghɨjɨ bɔb adzìꞋ yeamɔꞋ a èpfəè bɔb, nè èntɨ̧ɨ̧ kèfə mè ngùꞋtà wɔb.

ÀfaꞋa 5:12

Bɔntu̧ Yesò bu e li ntàꞋa ghɨ̀ tèwuute ènəê kà ye fɨ̀Ꞌ nɨŋ nyɨ̀Ꞌte mètàŋ Mbɔ̧ɔ̧mà, mè ngɨ̀ ngɨŋa ènəê a kètsìà bòt. Bòt bu bɔ zì mèntɨ̧ɨ̧ mɔb ane Yesò la, e li ngua mbù̧ù̧tà ane ènɔ̧̂ wemɔꞋ adzìꞋ yu a mbì lob nɨ̧ Mbɔ̧ɔ̧mà a Jèlusalèm bɔ̀ le wua ntɔ nê wu ètsələèꞋ Fɔ̧̀ Sàlemun la.

Lûm 12:16

Bɨ̀ me tseke ane ètsəê wemɔꞋ nè bɔnyɨ bɨ̧, bɨ̀ ka me ŋeꞋe tèkwȩ tɨ̧ a ègwet, mè me ghɨ̀ èshu̧ nè bòt bɔ̀ wu ne si la. Bɨ̀ ka me mɨ̀ɨ̀te nê bɨ bɔ èyì nyaŋ.

1 Kɔlìn 1:10

Bɔnyɨ bɔ̧, e ngua shù̧ù̧ta wɨ̧ ane èlen Yesò Klistò Lefɨ̀Ꞌ wa nê, bɨ̀ wu ane ètsəê wemɔꞋ, mbɨ̀Ꞌɨ̀ àyɔ̀ŋ a wu a kètsìà wɨ̧. Bɨ̀ wu àghɨ yeamɔꞋ ane ndɨ bɨ̀a nkwàꞋtà mènəè la.

2 Kɔlìn 13:11

Bɔnyɨ bɔ̧, enɨ lìa e ngua shua nê bɨ̀ tseke ntsɔ̧̀. Bɨ̀ kubte mènəè mɨ̧, mè me zə ànəa mâ shu la, ngɨ̀à mènəè mɨ̧ nè èntɨ̧ɨ̧ wemɔꞋ, mè ntsèka ane àlàŋkè bɨ bɔnyɨ bɨ̧. Bɨ me ghɨ̀ anè ko Mbɔ̧ɔ̧mà èkɔŋ nè àlàŋkè èntɨ̧ɨ̧ naa wu ne nɨ̧̀.

2 Kɔlìn 2:3

E ndi ngua shɨa àkata ngaa a èlɨ mbɔŋ mbɨ̀Ꞌɨ̀ è ngɨa è nkɨ̀Ꞌɨ̂, bɨ̀a wu bɨ wuê è ghɨ̌ èntɨ̧ɨ̧ am aa me bɔ̀ la è ka ghɨ̂ èntɨ̧ɨ̧ am aa me ghò̧ò̧ne. Mâ lâ nko nê èntɨ̧ɨ̧ am e me bɔ̌ ko èntɨ̧ɨ̧ wɨ̧ bɨ̀agème aa me bɔ̌ mɨ̧̂.

2 Kɔlìn 7:7

È ntsě wuê mènkɨ̀Ꞌɨ̂ Tȩtɔ̀s è li ndzì mèntɨ̧ɨ̧ ma la. Tà li shu awa nê bɨ zǐ èntɨ̧ɨ̧ vi ale, a paà ndzì mèntɨ̧ɨ̧ ma mɨ̧̂. Tà li shu awa nê bɨa ndâ nkɨ eye am, mè nê àghɨ yu a li ngɨ̀ la a li à ka bɔ awɨ̧. Tà li mè shu am ndɨ bɨ lâ mbɔ̌ èntɨ̧ɨ̧ a màngɨa àghɨa mâ shu la. Mènəè maa li ngɨ̀ e paa ngùꞋtè am.

Filìpȩ 1:4

Màa ngɨ̀ è me tsàꞋte a Mbɔ̧ɔ̧mà àtsəa yɨ̧ bɨ̀agème, èntɨ̧ɨ̧ am e lu̧u̧ ne kèŋwaŋ,

Filìpȩ 2:16

mbɨ̀Ꞌɨ̀ bɨ̀a ngɨ̀à mènəè mɨ̧ ane ndɨ èngà̧ wu àa ŋǎ mèmpème la àa nkɨà la. Bɨ ghɨ̀ ale, ko naa li ngu ane àlia Yesò Klistò è mê nkɨ̀Ꞌɨ̂ la, e me wu̧u̧ nkùꞋ yaã ngùꞋtè am, nkàà nê àfàꞋ yu e ndi ngua ndèmnà ngɨ̀à la a bakà tse àku.

Filìpȩ 2:20

Tà wu ndàꞋà wòt tàa nkwàꞋtà mènəè mbɨ̀Ꞌɨ̀ mmɔ̌, mè ntaꞋa wua mɨ̀ɨ̀tè àwɨ̧ la.

Filìpȩ 4:2

Maà shù̧ù̧ta awê à Èyodià bɨ Sintichè nê, bɨ̀ wu ane ètsəê wemɔꞋ ndɨ̀ wu bɨ̀ wu bòt Yesò la.

Kɔ̀losìà 2:5

Bɨ̀ ko nê, mâ batè è nka wu adzìꞋ yu ba nɨ̧̀ ba ale, mbɔ̂ mbèla mɨ̀ɨ̀tà wɨ̧ àfɨ̀Ꞌ àgème. Aa mbɔ̀ am ndɨ̀ wu mâ ye bɨ lâ fɔtè ntɨ̧̀ɨ̧ me kweele ane mèntɨ̧ɨ̧ mɨ̧ mu bɨ zi ane Yesò Klistò la.

2 Tèsàlonikà 2:13

Bɔnyɨ, bɨ̀a wu Mbɔ̧ɔ̧mà nàa nkɔ̀ŋkà àwɨ̧ la, ba bɔ ndɨ bàa me kɔ̀ŋka Mbɔ̧ɔ̧mà ane ànəa yɨ̧ àfɨ̀Ꞌ àgème la. Aa ale nkàà nê Mbɔ̧ɔ̧mà li me laꞋ nê yea ngɨ̀à ngɔ̀ŋ, ndàà àwɨ̧ tè ndɔ̀Ꞌ, mbɨ̀Ꞌɨ̀ e ghɨ̌ bɨa peme. Mbɔ̧ɔ̧mà li ngɨ̀ ayaa ane Fo zi yu tà li ngɨ̀ è ghɨ̀ àwɨ̧ bɨ tsiꞋi mbɨ̀Ꞌɨ̀ tòà la, mè nè ndɨ bɨ li ndzì èntɨ̧ɨ̧ ane èngà̧ wu è wu nkûŋ la.

2 Tɔ̀màtià 1:4

Màa ngɨ̀ è ku̧u̧te àfɨ̀Ꞌ yu e ndi me sà awê mèsi chu àghɨ ayê la, e me nùa nkɨ eye awê, mbɨ̀Ꞌɨ̀ èntɨ̧ɨ̧ am aa lu̧u̧ nè mèngùꞋte.

Fȩlemùn 1:20

Wanɔ̧, tɨŋe am ane èlen Tǎt wa. Ghɨa èntɨ̧ɨ̧ am è me bɔ̌ mbɨ̀Ꞌɨ̀ wanyɨ wè ane Yesò Klistò.

2 Jɔ̌n 1:4

Mâ taꞋa wùꞋtè am ndɨ̀ wu mâ ye nê bɔ̧ bè ko aà nkùŋà mènəè nkûŋ wuê mbɨ̀Ꞌɨ̀ Tǎt wa li shuê nê bà me ghɨ̀ la.

3 Jɔ̌n 1:4

Ànəa ko a ntsě betsiꞋa a bɔ̀ am nyaŋ tè ntsè ndɨ mâ zə nê, bɔ̧ bɔ̧ aà ngɨ̀à mènəè nkûŋ la.