Filìpȩ 2:12 - Mundani

¹² Ngule bèshu̧ bɔ̧, mbɨ̀Ꞌɨ̀ àa anè la, ndɨ̀ wu bɨ li ngua ndzəèa am àfɨ̀Ꞌ yu e ndi ngu ba nɨ̧̀ ba la, a bɔ̂ŋ nê bɨ̀ paa me zə am àfɨ̀Ꞌ yaa e nte ntsě a ngèt yɨ̧ la. Bɨ̀ me ghɨ̀ mènəè mɨ̧ mbɔ̀ɔ a Mbɔ̧ɔ̧mà, mèntɨ̧ɨ̧ mɨ̧ mě me bente mbɨ̀Ꞌɨ̀ bɨa paa bɔ mèmpème.

Filìpȩ 2:12 Iomraidhean Croise

Matìù 11:12

E buꞋu afɨꞋa Jɔ̌n ndzìà èdzî li mbùꞋ me làꞋa èngǎ̧ Mbɔ̧ɔ̧mà la, ekɨꞋɨ dzə àfɨ̀Ꞌ yaa, kèfɔ̧̀ Mbɔ̧ɔ̧mà nàà nkɨ̀Ꞌa nè ètɨ̧̂, bòt mètàŋ bɔ̂ ngu bòt bɔ̀ɔ fàa ane ètɨ̧̂ la.

Matìù 11:29

Bɨ bɨ̧ɨ̧nè mèngǎ̧ mɔ̧, ka è màà ndèt ntsèa wɨ̧, mè me kùŋè tèka taã, ko mèntɨ̧ɨ̧ mɨ̧ naa yète, nkàà nê mènəè mɔ̧ naa njùa, e mè mbɔ àbɔɔla èntɨ̧ɨ̧.

ÀfaꞋa 16:29

Mbê mbɔŋ lo̧o̧ èkaꞋà, nde ndèbà a èbem lob tèfȩ yu, nkwen a tèkate Pɔ̂l bɔ̂ Sȩlàs ntsìꞋa mbènta bente.

ÀfaꞋa 9:6

Ka, lɔ̀Ꞌɔ a si nga a èbem àpfəèà nɨ̧ yu, ko bɔɔ shu awê àghɨa à bɔ̂ ndɨ àa ghɨ̌ la.”

Lûm 2:7

È me wu bòt bu bɔ̀ɔ nkùùla mèntɨ̧ɨ̧ mɔb ngɨ̀à mènəè ntsɔ̧̀, nkɨà ènɨ̧, nkɨà kènùke, mè me kɨ e li tseke ane àlia nè àlia la, ko Mbɔ̧ɔ̧mà nàa ŋa awɔb mèmpème kàlìà.

1 Kɔlìn 15:58

È wu ale, à ngule bɔnyɨ bɔ̧, bɨ̀ tɨ̧ɨ̧ ntsɔ̧̀, àghɨ à ka nyìꞋì àwɨ̧. Bɨ̀ me ghɨ̌ àfaꞋa Lefɨ̀Ꞌ nɨa ngà nè mbì àfɨ̀Ꞌ àgème, ndɨ̀ wu bɨ ko nê betsiꞋa àfàꞋ àyɨ̧ abua Lefɨ̀Ꞌ à ka tse àku la.

1 Kɔlìn 2:3

E ndi ngu ba nɨ̧̀ ba me yu mè ntaꞋa wua mbènta mbɔ̀a.

1 Kɔlìn 4:14

È nka shɨa èghɨ ba nkɨ ghɨ̌ bɨa bɔ àtsəa kɔꞋɔ, e shɨa ekɨɨte awɨ̧ mbɨ̀Ꞌɨ̀ bɔ̧ bɔ̧.

2 Kɔlìn 7:15

Tȩtɔ̀s nàa ngɨ̀ tà mɨ̀ɨ̀te ndɨ bɨ̀agème e li ngua nkɨ e ghɨ àghɨa ye shu la, mè mɨ̀ɨ̀tè nê bɨ li me sèe àvi me bɔa mè mbènta, tà me paa nkɔ̀ŋkà àwɨ̧ nɨa ngà nè mbì.

Efesɔ̀s 6:5

ÈbùꞋ, bɨ̀ me zə bòt bu bɔ bɔ awɨ̧ a sitsǎꞋ ŋàa la nè kèbɔɔ, mèntɨ̧ɨ̧ mɨ̧ mèe me bente. Bɨ̀ me ghɨ̀ ne èntɨ̧ɨ̧ kèfə mbɨ̀Ꞌɨ̀ bɨ wua ngɨa abua Yesò Klistò.

Filìpȩ 1:27

Ànəa nɨ̧ àfɨ̀Ꞌ yaa wu nê, bɨ̀ me ghɨ̀ mènəè mɨ̧ ègème wuê mbɨ̀Ꞌɨ̀ Ntu̧ Ntsɔ̧̀ Yesò Klistò nàa nkɨà la. Bɨ̀ ghɨ̀ ale, mbɨ̀Ꞌɨ̀ è nkɨꞋɨ e ndze awɨ̧, kò è mbaka nkɨ̀Ꞌɨ̂ leꞋ, e ndzə ndɨ bɨ̀a nèètà mbǎ̧ èngǎ̧ Yesò Klistò nè èntɨ̧ɨ̧ wɨ̧ wemɔꞋ la. Mè ndzəâ ndɨ bɨ̀a fàꞋà nè ètsəê wemɔꞋ mbɨ̀Ꞌɨ̀ bɨ fɔtà nùà nê Ntu̧ Ntsɔ̧̀ Yesò Klistò me ghà nê mbì la.

Filìpȩ 1:29

Aa ale nkàà nê, Mbɔ̧ɔ̧mà è ŋa awɨ̧ èlu̧ a màfaꞋa abua Yesò Klistò nê bɨ̀ ka me zì wuê ndàꞋ mèntɨ̧ɨ̧ mɨ̧ ane tò, tà ŋǎ nê bɨ̀ me ye ngoꞋ ambo ànəa tò mɨ̧̂.

Filìpȩ 1:5

nkàà nê bɨ li ndzaŋe wua ntɨ̀ŋa am a màntsɔta Ntu̧ Ntsɔ̧̀ Yesò Klistò, e bùꞋu àfɨꞋa bɨ li mbɨ̧̀ɨ̧̀ne èngǎ̧ tò la, ekɨꞋɨ edzəè laane waa.

Filìpȩ 1:6

Mâ lâ nkoê nkûŋ nkûŋ nê, Mbɔ̧ɔ̧mà wu tà li mbùꞋ àfàꞋa ntsɔ̧̀ àzi a èbem mèntɨ̧ɨ̧ mɨ̧ la, naa me ghɨa nɨa ngà nè mbì te tsiꞋi epaate ane àli yu Yesò Klistò nàa li mě ekɨꞋɨ la.

Filìpȩ 2:19

Yesò Lefɨ̀Ꞌ bɨ̧̀ɨ̧̀na mbɨ̀Ꞌɨ̀ màa mɨ̀ɨ̀tà la, ko maa tsàa a Tɔ̀màtià kwàla taa kɨꞋɨ eye awɨ̧ mbɨ̀Ꞌɨ̀ tà kua tà shu am ndɨ bɨ̀a la, èntɨ̧ɨ̧ am e me bɔ̌.

Filìpȩ 4:1

Mbɨ̀Ꞌɨ̀ àa anè la à bɔnyɨ bɔ̧, maà nkɔ̀ŋkà àwɨ̧, mè ndâ me kɨ eye awɨ̧. Bɨà ngɨ̀à èntɨ̧ɨ̧ am e bɔ̀, e mè me wu̧u̧ nkùꞋ yaã nkàà wɨ̧. Ngule bèshu̧ bɔ̧, mbɨ̀Ꞌɨ̀ àa anè la, bɨ̀ baãaã ànəa Tè Yesò me kweele.

Filìpȩ 4:15

Bɨ̀a bòt Filìpȩ e ko nê, e ndi sà àbâ àlaꞋ a Màsèdonìà ane èli mbì bu màa ntsɔ̀tà Ntu̧ Ntsɔ̧̀ yu la ale, bɨ wu ndàꞋà chɔsì è li ntɨ̀ŋe am la. Wu wuê ba nɨ̧̀ ba, ba li ngua ngàbtà èghɨ bàa nkɨ̀ŋkà la.

1 Tèsàlonikà 1:3

Bàa ngɨ̀ baa me ku̧u̧te mènəè mu bɨ̀a ngɨ̀à ndɨ̀ wu bɨ zì mèntɨ̧ɨ̧ mɨ̧ ane Yesò la. Baa nkù̧ù̧ta mɨ̧̂ ndɨ bɨ taꞋa wua fàꞋà nkàà nê bɨ̀a nkɔ̀ŋkà tò la, mè me ku̧u̧te ndɨ bɨ nɔ̀ŋe ntɨ̀ yɨ̧ ane Yesò Klistò Lefɨ̀Ꞌ wa la.

2 Tɔ̀màtià 2:10

Mbɨ̀Ꞌɨ̀ àa anè la, maà nkìà ngoꞋ tègème nkàà bòt bu Mbɔ̧ɔ̧mà è làà àwɔb ane bòt ebi la. E nkìà ale mbɨ̀Ꞌɨ̀ Yesò Klistò naa ŋa awɔb mèmpème mi, bɔɔ ghǎ me tseke a èbem Kèfɔ̧̀ nɨ̧ tò wu kà wu li elìa la.

Ebùlù 12:1

È me wu awa ko ba bɔ taꞋà ènɔ̧̂ bòt baa bɔ li ndzì mèntɨ̧ɨ̧ mɔb ane Mbɔ̧ɔ̧mà la, bɔ ghaale awa ndzi a kètsìà la. Ale, bɨ̀ tsiꞋ bà waꞋ àghɨ àgème àa nkèla wa nê bà ka ngɨ̀ àghɨa ba wu e ghɨ̀ la, mè ngwàꞋà mènəè kàbɔ̀ŋ mu è kuule awa la. Bà kuule mèntɨ̧ɨ̧ ma ndùùlà àlùùlà yu ba bɔ ndɨ bàa lùùla àyùà la.

Ebùlù 4:1

Ndɨ̀ wu Mbɔ̧ɔ̧mà bakà kùbte mènkàꞋa mi nê baa li ekɨꞋɨ àdziꞋa yea ghɨ̌ baa yètè la, bɨ̀ me ko awɨ̧ mbɨ̀Ꞌɨ̀ ka wòt kǒ ane yɨ̧ bela ngɨ̀à tà kà tsi nkùꞋù è we tàa nyi àdziꞋa mbɔŋ la.

Ebùlù 4:11

Ale, bà nyɔ̀Ꞌtà ndze nê ba nyi àdzìꞋ yu Mbɔ̧ɔ̧mà nàa ghɨ̌ baa yètè la. Bà ka mbɨ̧̀ɨ̧̀ne wòt kǒ ane ya tseke kà nyi mbɨ̀Ꞌɨ̀ bɔ li nkwèèle àtsə bɔ̀ kà kǒ nyi la.

Ebùlù 5:9

ÀfɨꞋa Mbɔ̧ɔ̧mà li ndzèa tò tà kùꞋ la, tà ghɨ̀ tà tsìꞋi èlu̧ mèmpème kàlìà abua bòt bu bɔ̀ɔ ndzəèa tò la.

1 Pità 2:11

Bèshu̧ bɔ̧, bɨ̀ wu bègɨ̧̀ mè ngu bòt ntsèa ntsě a ngɔ̀ŋ ŋaa la, è wu ale e me shu̧u̧te awɨ̧ nê bɨ̀ ka tsi ngɨ̀ èghɨ mbɨ̧te ènyit tɨ̧ tèa nkɨà la. Èghɨ mbɔŋ wu èghɨ bu àa nùà mèntɨ̧ɨ̧ mɨ̧ la.

2 Pità 3:18

È me wu awɨ̧ ko bɨ̀ tsiꞋ èkɔŋ wɨ̧ ane Yesò Klistò Lefɨ̀Ꞌ wu tà wu Mpemnà wa la è me tsə, bɨ̀ mèe me ko atò nɨa ngà nè mbì. TsiꞋ mèngùꞋte wu abua Yesò Klistò ebùꞋu àfɨ̀Ꞌ yaa egha wu ane àlia nè àlia. Àmèn.