Filìpȩ 2:11 - Mundani

¹¹ Èghɨ baa ègème e mè ngu elàꞋa ane mètsəê mɔb nê, Yesò Klistò wu Tǎt a ègwet àghɨ àgème, mbɨ̀Ꞌɨ̀ àghɨ àgème aa wùꞋtè èlen Tǎt tò Mbɔ̧ɔ̧mà.

Filìpȩ 2:11 Iomraidhean Croise

Matìù 10:32

“Ale, wòt ègème tà tɨ̧ɨ̧ a kètsìà bòt mbɨ̧̀ɨ̧̀ne nê ye wu wòt am la, maa li mbɨ̧̀ɨ̧̀ne nê tà wu wòt am mɨ̧̂ a mbì Tǎt am wu a ègwet la.

Lûk 2:11

Bɔ bi waã ètsəꞋ wàa a èbem àpfəèa Fɔ̧̀ Dàbid, è wu Mpemnà wɨ̧ la. Tà wu Klistò Lefɨ̀Ꞌ.

Jɔ̌n 12:42

A li mbàte ngu anè ale, ka bɔɔjuŋ nyaŋ ayɔɔ Bèjuê bu e bɔ̂ ndzì èntɨ̧ɨ̧ wɔb ane Yesò ka ndɨ̀ wu bɔ̀ɔ mbɔ̀a Bèfalèsiì la, bɔ̀ ka nɨ ètsəê wɔb elàꞋa bòt aa zə, mbɨ̀Ꞌɨ̀ ka bɔ fəè àwɔb a èbem lob Mbɔ̧ɔ̧mà yɔb.

Jɔ̌n 13:13

Bɨa ntɔ am ane nyɨꞋtà, mè ntɔ am ane tǎt wɨ̧ mbɔ̂ ngua shua nkûŋ, nkàà nê e ye wu àghɨa è ngu yùà la.

Jɔ̌n 13:14

Ndɨ̀ wu mmɔ̌ wu è ngu tǎt wɨ̧ mè ngu nyɨꞋtà wɨ̧, mâ shùù èka bɨ̧ la, bɨ bɔ ndɨ bɨ̀a me ghɨ̌ a èlɨ mbɔŋ, wòt naa me shùù èka wanyɨ vi la.

Jɔ̌n 14:13

Ale, àghɨ àgème bɨ̀a lo̧o̧ abua Tǎt am ane èlen laã la, maa ghɨ̌, mbɨꞋɨ̀ e ghɨ̌ bòt aa wùꞋte a Tǎt am nkàà èghɨ bu mmɔ̌ Waã tò màa ngɨ̀à la.

Jɔ̌n 14:23

Yesò bɨ̀ɨ̀lè nê, “Wòt me kɔ̀ŋkè am, ko taa me ghɨ̌ àghɨa mâ shu nê tà me ghɨ̀ la, Tǎt am mè ngu me kɔ̀ŋkè atò, ba Tǎt am e mè ngu ekɨꞋɨ tseke ba tò ba.

Jɔ̌n 17:1

Mbɨ̀Ꞌɨ̀ Yesò làꞋà mèngà̧ maa la, tà lɔ̀kè àvi ndȩ̀ ègwet nê: “Tê, àfɨ̀Ꞌ yu a kuêꞋ, ghɨa bòt è ye ènɨ̧ Waã wè, mbɨ̀Ꞌɨ̀ Waã wè naa ghɨ̌ bòt aa ye ènɨ̧ wê mɨ̧̂.

Jɔ̌n 20:28

Tɔmasì tɔ atò nê, “Lefɨ̀Ꞌ am, Mbɔ̧ɔ̧mà am!”

Jɔ̌n 5:23

mbɨ̀Ꞌɨ̀ bòt bàgème aa me ŋa kènuke abua Waã mbɨ̀Ꞌɨ̀ bɔ̀ɔ ŋa abua Tǎt la. Wòt bakà wua ŋa kènuke abua Waã, tà ko nê yea kà ŋa abua tǎt wu tà tsàà tò la.

Jɔ̌n 9:22

Tǎt tò bɔ̂ nyɨ̌ tò aà ndàꞋà ale ngua mbɔ̀ɔ bɔɔjuŋ Bèjuê, nkàà nê bɔɔjuŋ mbɔŋ e li ndzaŋe nɔ̀ŋe nê wòt bɨ̧̀ɨ̧̀na, mè shu nê Yesò wu Fɔ̧̀ wu Mbɔ̧ɔ̧mà li ndzɔꞋ etsàà la, ko bɔɔ fəa tò a èbem lob Mbɔ̧ɔ̧mà yɔb.

ÀfaꞋa 10:36

Bɨ koê ntu̧ yu tà lè tsaa abua bòt Izəèlȩê la. Ntu̧ Ntsɔ̧̀ mbɔŋ nàà shua ndɨ baa bɔ àlàŋkè nè Mbɔ̧ɔ̧mà mbɨ̀Ꞌɨ̀ ba zì mèntɨ̧ɨ̧ ma ane Yesò Klistò wu, tà wu Fɔ̧̀ àtsəa bòt bàgème a sitsǎꞋ ŋàa la.

ÀfaꞋa 2:36

“Bɨ̀a bòt Izəèlȩê bàgème, bɨ ko nkûŋ nkûŋ nê, Mbɔ̧ɔ̧mà lȩ̂ a Yesò wu bɨ li ngù̧ù̧te atò a mbɨ̧̀ mbasa la ane Tǎt wa, mè ndzɔ̀Ꞌɔ atò mbɨ̀Ꞌɨ̀ Fɔ̧̀ wu ye tsàà la.”

Lûm 14:11

A wu mbɨ̀Ꞌɨ̀ àkata Mbɔ̧ɔ̧mà a shu la nê, “Lefɨ̀Ꞌ laꞋnê, mbɨ̀Ꞌɨ̀ màa və la, bòt bàgème aa li teme tènjûŋ tɔb a mbì laã wòt ègème mè ngu laꞋa ane ètsəê vi nê e ngu Mbɔ̧ɔ̧mà.”

Lûm 14:9

Yesò Klistò li mpfə mè njù̧ù̧me, mbɨ̀Ꞌɨ̀ wu Tǎt abua bòt bɔ pfəꞋte la nè bòt bɔ̀ bele be yû̧ la.

Lûm 15:9

A li ngu ale mbɨ̀Ꞌɨ̀ bòt kà wu Bèjuê aa wùꞋte a Mbɔ̧ɔ̧mà mɨ̧̂ ane tèsȩ tu tà li mbɔ ane yɔb la. A wu mbɨ̀Ꞌɨ̀ bɔ shɨ a èbem Àkata Mbɔ̧ɔ̧mà la nê, “Ale maa wuꞋtè àwê a kètsìà bòt kà wu Bèjuê, e mèe kɔ̧ mètsəkù̧ ane èlen lê.”

1 Kɔlìn 12:3

Ale, maà nkɨà bɨa ko nê, betsiꞋa wòt Fo Kèfə è ghɨ̂ tà me làꞋà la ka tsɔ̧ɔ̧ a Yesò, wòt kà mê ngu ko shu nê Yesò wu Tàt, kà wu wòt Fo Kèfə nàa èntɨ̧ɨ̧ tò la.

1 Kɔlìn 15:47

Wòt mbì li ngu wòt sitsǎꞋ, ngu wòt bɔ nɨ ètsaꞋ ka ngɨ̀ atò la, è we kwèn wu wòt ègwet.

1 Kɔlìn 8:6

ko abua ya, ba bɔ wuê a Mbɔ̧ɔ̧mà wemɔ̀Ꞌ, tà wu Tǎt wa la. Èghɨ ègème ghɨ̀à tòà, è mè ngu tòà ka tà ghɨ̀ àwa mbɨ̀Ꞌɨ̀ baa wu bòt tò la, ba mè mbɔ a Lefɨ̀Ꞌ wuê wemɔ̀Ꞌ, wù Yesò Klistò la. Tà wu wòt Mbɔ̧ɔ̧mà ghɨ̂ tà nɨ̀ èbu bi ngɨ̀ èghɨ ègème la, è mè ngu tòà ka tà ghɨ̂ baa me ko tseka mbɨ̀Ꞌɨ̀ bòt Mbɔ̧ɔ̧mà la.

1 Pità 1:21

Yesò ghɨ̂ bɨ zì èntɨ̧ɨ̧ wɨ̧ ane Mbɔ̧ɔ̧mà wu tà li njù̧ù̧me atò àfɨꞋa tà pfə la, ngɨ̀ tà bɔ̀ ènɨ̧ vi la. Eyaa wu àghɨa a ghɨ̂ ka bɨ zì mèntɨ̧ɨ̧ mɨ̧ ane Mbɔ̧ɔ̧mà, mè nɔ̀ŋè ntɨ̀ yɨ̧ ane tò la.

1 Jɔ̌n 4:15

Waa waa tà bɨ̧ɨ̧nè mè me shu ane ètsəê vi nê, Yesò wu Waã Mbɔ̧ɔ̧mà la, ko nê Mbɔ̧ɔ̧mà tsiꞋi àghɨ yeamɔꞋ bɔ̂ tò, tà mè ntsìꞋi àghɨ yeamɔꞋ bɔ̂ Mbɔ̧ɔ̧mà mɨ̧̂.

1 Jɔ̌n 4:2

Àghɨa àa ghɨ̌ bɨa ko nê fo yu ane wòt la wu ye Mbɔ̧ɔ̧mà la wu nê, waa waa tà bɨ̧ɨ̧nè mè me shu ane ètsəê vi nê, Yesò Klistò li ntsìꞋi wɔ̀bȩ̂ la, bɨ ko nê fo yu ane ŋut la wu ye Mbɔ̧ɔ̧mà.

2 Jɔ̌n 1:7

Bòt mèfà̧ e taꞋa wu àbȩ àfɨ̀Ꞌ yaa. Bèŋût wu bòt bu bɔ̀ɔ ka bɨ̧̀ɨ̧̀ne laꞋ nê Yesò Klistò li ntsìꞋi wɔ̀bȩ̂ la. Èwuu bòt mbɔŋ wu bòt mèfà̧, mè ngu bɔmbù̧ Yesò Klistò.

Ètsə 3:5

Wòt kùùla èntɨ̧ɨ̧ vi nùà tè ntsèà, ko tàa li kwaã ndìte kèfə, è nka mè ngu tsì èlen tò a èbem àkata mèmpème. Maa li mě tɨ̧ɨ̧ a mbì Tǎt am nè bɔntu̧ bi e shu nê tà wu wòt am.