Filìpȩ 1:8 - Mundani

⁸ Mbɔ̧ɔ̧mà è ko nkûŋ nkûŋ nê, maa ndâ nkɔ̀ŋkà àwɨ̧ nè èkɔŋ wu e dzəa abua Yesò Klistò zìa mbɔŋ la.

Filìpȩ 1:8 Iomraidhean Croise

Lûk 1:78

ndɨ̀ wu tà wu mbɔɔlà wòt, mè ngu mànkua tèsȩ la. Taa li ghɨ̌ mèmpème mi naa saꞋa ane ya mbɨ̀Ꞌɨ̀ nyèm ntɔtetsɔ̌Ꞌ è saꞋa a ègwet la,

Lûm 1:9

Mbɔ̧ɔ̧mà wu mâ ŋa am nènkèm abua tò a mànstsɔta Ntu̧ Ntsɔ̧̀ waã tò la, è koê nê ànəa e ndàꞋà la wu nkûŋ nê, màa ngɨ̀ e me tsàꞋte atò àfɨ̀Ꞌ àgeme e me làꞋà ànəa yɨ̧ abua tò,

Lûm 9:1

Ànəa e shua la wu nkûŋ, ndɨ̀ wu è ntsiꞋi àghɨ yeamɔꞋ nè Yesò Klistò la. È nka laꞋà mèfà̧. Mèmɨ̀ɨ̀te mɔ̧ ane ndɨ Fo Kèfə nàa nyɨ̀Ꞌta la, è shu am nê è nka fɨta fɨte.

2 Kɔlìn 13:9

Ba màà me yu ka bɨ bɔ̂ me kweele ane alu̧ Mbɔ̧ɔ̧mà, ko ànəa ngaa aa me bɔ̀ àwa. Ale, baà ntsàꞋta Mbɔ̧ɔ̧mà nê tà ghɨa bɨ̀ paa nkwèèle.

2 Kɔlìn 6:12

Èkɔŋ wu ba bɔ ane yɨ̧ la e bakà fi a mèntɨ̧ɨ̧ ma, wu bɨ̀a ka bɨ ghɨ̂ èkɔŋ wu bɨ bɔ ane ya la e fi a mèntɨ̧ɨ̧ mɨ̧ la.

2 Kɔlìn 7:15

Tȩtɔ̀s nàa ngɨ̀ tà mɨ̀ɨ̀te ndɨ bɨ̀agème e li ngua nkɨ e ghɨ àghɨa ye shu la, mè mɨ̀ɨ̀tè nê bɨ li me sèe àvi me bɔa mè mbènta, tà me paa nkɔ̀ŋkà àwɨ̧ nɨa ngà nè mbì.

Gàlashìà 1:20

Ane nkûŋ, a mbì Mbɔ̧ɔ̧mà, ànəê yaa e shɨa abua yɨ̧ la, ntsě àfɨte.

Gàlashìà 3:26

Èntɨ̧ɨ̧ wu bɨ zi ane Yesò Klistò la è ghɨ bɨ tsiꞋi bɔ̧ Mbɔ̧ɔ̧mà.

Gàlashìà 4:19

Bɔ̧ bɔ̧, ànəa yɨ̧ aà saa am mbɨ̀Ꞌɨ̀ àvi nàa ngɨ̀ tà me lu̧u̧te nkɨ ebi la te eghǎ e wu àfɨꞋa bɔ̀ɔ ye nê Yesò Klistò naa ane mèntsèke mɨ̧ la.

Filìpȩ 2:1

Mâ ko nê ndɨ̀ wu bɨ Yesò Klistò ba è tsiꞋi àghɨ yeamɔꞋ la, tàà ndɔ̀ktà mèntɨ̧ɨ̧ mɨ̧, mèntɨ̧ɨ̧ mɨ̧ mè me fi nkàà nê tàà nkɔ̀ŋkà àwɨ̧. Mâ ko mɨ̧̂ nê bɨ Fo Mbɔ̧ɔ̧mà ba e tsiꞋi àghɨ yeamɔꞋ, bɨ mè me kɔ̀ŋkè bɔnyɨ bɨ̧ ndɔ̀Ꞌ nkua tèsȩte waa waa.

Filìpȩ 2:26

Èntɨ̧ɨ̧ tò aà ŋweele atò nê, tà kɨꞋɨ mè ndzè àwɨ̧ bɨ̀agème. A li à ka bɔ atò ndɨ̀ wu bɨ li ndzə nê tàà ngò̧ò̧nà la.

Filìpȩ 4:1

Mbɨ̀Ꞌɨ̀ àa anè la à bɔnyɨ bɔ̧, maà nkɔ̀ŋkà àwɨ̧, mè ndâ me kɨ eye awɨ̧. Bɨà ngɨ̀à èntɨ̧ɨ̧ am e bɔ̀, e mè me wu̧u̧ nkùꞋ yaã nkàà wɨ̧. Ngule bèshu̧ bɔ̧, mbɨ̀Ꞌɨ̀ àa anè la, bɨ̀ baãaã ànəa Tè Yesò me kweele.

Kɔ̀losìà 2:1

Maà nkɨà bɨa ko ndɨ màa ndèbà ènyit yaã mbɨ̀Ꞌɨ̀ è ngu etɨŋe awɨ̧ nè bòt Làoêdisìà, nè bòt ko bu bàgème kà li tè mè ye am la.

Kɔ̀losìà 3:12

Ale, ndɨ̀ wu bɨ̀ wu bòt Mbɔ̧ɔ̧mà tà kɔ̀ŋkà wɨ̧ ndàà àwɨ̧ la, bɨ̀ me ku tèsȩte bòt, mè ngɨa ntsɔ̧̀ abua bòt ko. Bɨ̀ me nɨ awɨ̧ a si, njùa ane mènəè mɨ̧, bɨ̀ ka mè me yàŋa ntsòa ane bòt.

1 Tèsàlonikà 2:5

Bɨ ko ntsɔ̧̀ Mbɔ̧ɔ̧mà mè nko mɨ̧̂ nê ba li bà ka làꞋà abua yɨ̧ ne ètsəê nendɨ̧, bà ka làꞋà èngà̧ àfible mbɨ̀Ꞌɨ̀ enɨ àghɨa ko abua wòt.

1 Tèsàlonikà 2:8

Ba li ngua nkɔ̀ŋkà àwɨ̧ nyaŋ tè bà ka wua nkɨ etsɔ̀tè wuê ndàꞋ Ntu̧ Ntsɔ̧̀ yu è dzəè abua Mbɔ̧ɔ̧mà la abua yɨ̧. Ba li ŋà àwa nènkèm abua yɨ̧, nkàà nê bɨ li ndâ ngu a mèntɨ̧ɨ̧ ma.

2 Tɔ̀màtià 1:4

Màa ngɨ̀ è ku̧u̧te àfɨ̀Ꞌ yu e ndi me sà awê mèsi chu àghɨ ayê la, e me nùa nkɨ eye awê, mbɨ̀Ꞌɨ̀ èntɨ̧ɨ̧ am aa lu̧u̧ nè mèngùꞋte.

Fȩlemùn 1:12

E ngua anè mvəèà tò wu tà tsiꞋi kwàꞋ èntɨ̧ɨ̧ am la abua yê.

Fȩlemùn 1:20

Wanɔ̧, tɨŋe am ane èlen Tǎt wa. Ghɨa èntɨ̧ɨ̧ am è me bɔ̌ mbɨ̀Ꞌɨ̀ wanyɨ wè ane Yesò Klistò.

1 Jɔ̌n 3:17

Wòt bɔ èghɨ nyaŋ a ngɔ̀ŋ ŋaa, wanyɨ tò wu ane mbuŋ, tà tu̧ eku tèsȩte tò etɨŋe atò, ŋut ghɨ̀ nà ka mɨ̀ɨ̀tè nê yea nkɔ̀ŋkà Mbɔ̧ɔ̧mà à?