Filìpȩ 1:7 - Mundani

⁷ Mâ bɔ̂ ndɨ màa me tseka mɨ̀ɨ̀tà àwɨ̧ wuê anè la, nkàà nê bɨ wu èntɨ̧ɨ̧ am. Aa ale, nkàà nê ba nɨ̧̀ ba e ye a ntsɔ̧̀ wu Mbɔ̧ɔ̧mà è ghɨ abua ya la. Ba ye a ntsɔ̧̀ mbɔŋ àfɨ̀Ꞌ yaa è ngu a tèfȩ la, fɔ̀ɔ̀le ne àfɨ̀Ꞌ yu e ndi ngua ngèèba ntsɔ̀tà Ntu̧ Ntsɔ̧̀ Yesò Klistò nyɨ̀Ꞌta ndɨ è wû nkûŋ la.

Filìpȩ 1:7 Iomraidhean Croise

ÀfaꞋa 20:23

Mâ ko wuê nê, Fo Kèfə nàà shu am a èbem àpfəèà nɨ̧ àgème mâ tsè la nê è nko na lob tèfȩ nè ngoꞋtsə tèa nchɨ̀Ꞌà am la.

ÀfaꞋa 21:33

Tǎt banyà̧ wu gha a mbɨ̧̀ Pɔ̂l, ndzì èbu ane tò, mbɔ̂ ngɨ̀ bɔ kuule atò ane fȩ tebe. Tà bɔ̂ mbììte nê, “Mbê waa wu wàà à? Tà ghɨ̀ ghà à?”

1 Kɔlìn 13:7

Èkɔŋ aa nkìà èghɨ ègème, è ka wua ntsia èntɨ̧ɨ̧ ane àghɨ, mbɔ̌ ntɨ̀ ane èghɨ ègème, mè nkùùla èntɨ̧ɨ̧ ane èghɨ ègème.

1 Kɔlìn 9:23

E ngɨ̀à èghɨ bàagème mbɨ̀Ꞌɨ̀ ghɨ̌ Ntu̧ Ntsɔ̧̀ naa me ghà ne mbì, màa nkɨà mbɨ̀Ꞌɨ̀ è ngu bɔ wɔ̧ ne èghàb ane àbȩ̀ èngǎ̧ mbɔŋ la.

2 Kɔlìn 3:2

Bɨ wu àkata ya ba bɔ a èntɨ̧ɨ̧ wa betsiꞋa waa waa tɔ è nko àghɨ bà wu yùà la.

2 Kɔlìn 7:3

È nka laꞋa anè shua nê bɨ bakà kùꞋ. Mâ yaŋe shu nê baa ndâ nkɔ̀ŋkà àwɨ̧, tè è màà ngu wuê èvə, è ka sabte awa ba nɨ̧̀ ba.

Gàlashìà 5:6

Ndɨ̀ wu bà wu bòt Yesò Klistò la, ba bakà tsi mbɔ̌ ndɨ bàa me lȩ̂ nê bɔ naŋe wòt kò bɔ bakà nàŋe atò leꞋ la. Àghɨa bɔ kɨa la wu èntɨ̧ɨ̧ wu wòt zi ane Yesò Klistò la, e wu bɔ̀ɔ ndzèa ane èkɔŋ wu ŋut bɔ ane bɔbȩ la.

Efesɔ̀s 3:1

Àyaa a ghɨ̂, mmɔ̌ Pɔ̂l wu è ngu a tèfȩ nkàà èngǎ̧ Yesò Klistò wu màa ndàꞋà abua yɨ̧ bɨ̀a bòt kà wu Bèjuê la, e me tsàꞋte a Mbɔ̧ɔ̧mà.

Efesɔ̀s 4:1

Ale, mmɔ̌ wu è ngu wɔ̀tèfȩ nkàà ànəa Yesò Klistò la, e ngua shù̧ù̧ta wɨ̧ nê, bɨ̀ me tseke a èlɨ̀ wu Mbɔ̧ɔ̧mà li me tɔ awɨ̧ ane bòt bi nê bɨ me tseke la.

Efesɔ̀s 6:20

Mâ tɨ̧ɨ̧ ane èlen Yesò, mbɔ̂ ngu a tèfȩ nkàà ànəa Ntu̧ Ntsɔ̧̀ yaa. Bɨ̀ tsàꞋta Mbɔ̧ɔ̧mà nê tà tsì kèbɔɔ ane yaã mbɨ̀Ꞌɨ̀ maa tsɔ̀te Ntu̧ Ntsɔ̧̀ yaa ane ndɨ mâ bɔ ndɨ màa tsɔ̀tè la.

Filìpȩ 1:12

Bɔnyɨ bɔ̧, maa nkɨ̀a bɨa ko nê, mènəè maa ndze am la è paà ntsiꞋi ghaꞋa èlu̧ bòt e me zə Ntu̧ Ntsɔ̧̀ Yesò Klistò nɨa ngà nè mbì.

Filìpȩ 1:13

Àghɨa a ghɨ̀ la wu nê, mbɨ̀Ꞌɨ̀ è ngu a tèfȩ a èbem ntɔꞋ anè la, a ghɨ̂ bèshujà bu mbààba ntɔꞋ mbɔŋ la, nè wòt ègème a si ŋàa e ko nê bɔ kȩ̀ am nkàà ànəa Yesò Klistò.

Filìpȩ 1:14

Ànəa ko yeamɔꞋ wu nê, tèfȩ tàa è ngu a èbèm la, te ghɨ̂ bɔnyɨ ba nyaŋ e paà nkweele ane ànəa Lefɨ̀Ꞌ, tè ntsìꞋa ndàꞋà èngǎ̧ tò kà bɔ̀ɔ̂.

Filìpȩ 1:5

nkàà nê bɨ li ndzaŋe wua ntɨ̀ŋa am a màntsɔta Ntu̧ Ntsɔ̧̀ Yesò Klistò, e bùꞋu àfɨꞋa bɨ li mbɨ̧̀ɨ̧̀ne èngǎ̧ tò la, ekɨꞋɨ edzəè laane waa.

Filìpȩ 2:22

È me wu Tɔ̀màtià, ko tà nyɨꞋte mènəè ntsɔ̧̀ mi tè bɨ̀ambɔŋ e ye. Ba tò e li ngua fàꞋà nɔ̂ wuê mbɨ̀Ꞌɨ̀ wòt bɔ̂ waã vi a màntsɔta Ntu̧ Ntsɔ̧̀ Yesò.

Filìpȩ 4:14

Mâ batè ndàꞋ anè, mbɔ̂ ntaꞋa kɔ̀ŋkè àwɨ̧ ndɨ̀ wu bɨ tɨŋe am àfɨ̀Ꞌ yaa è ngu a ngoꞋ la.

Filìpȩ 4:15

Bɨ̀a bòt Filìpȩ e ko nê, e ndi sà àbâ àlaꞋ a Màsèdonìà ane èli mbì bu màa ntsɔ̀tà Ntu̧ Ntsɔ̧̀ yu la ale, bɨ wu ndàꞋà chɔsì è li ntɨ̀ŋe am la. Wu wuê ba nɨ̧̀ ba, ba li ngua ngàbtà èghɨ bàa nkɨ̀ŋkà la.

Filìpȩ 4:3

Mè me shu abua yê, shu̧ yaã wafàꞋ ba nè àa fàꞋà nɔ̂ la nê, à tɨŋe bèzi baa mpaâ nèètè ànəa yɔb. Ba tò ba nè Klemin, nè bòt ko bu bàgème bɔ li ngua nkùŋà àwa la e li ntaꞋa fàꞋà a màntsɔta Ntu̧ Ntsɔ̧̀. Mbɔ̧ɔ̧mà shɨ tèlen tɔb bɔ̀ɔgème a èbem àkata mèmpème.

Kɔ̀losìà 4:18

E ntsiꞋa shɨa àdziꞋ ya ane àbu am mmɔ̌ mbɔŋ nê: Mmɔ̌ Pɔ̂l maà tsàꞋtà àwɨ̧. Bɨ̀ ka ndèènè nê e ngu a tèfȩ. Maà ntsàꞋtà nê Mbɔ̧ɔ̧mà me nyɨꞋte a ntsɔ̧̀ vi abua yɨ̧.

Kɔ̀losìà 4:3

Bɨ̀ me tsàꞋte a Mbɔ̧ɔ̧mà ane ya mɨ̧̂, mbɨ̀Ꞌɨ̀ tà wu ghaꞋa wa èlu̧ baa me làꞋa èngǎ̧ tò wu è wû ànəa ndò̧ ane ànəa Yesò Klistò la abua bòt. Wu ànəa èngǎ̧ mbɔŋ ka a ghɨ̂ e ngu a tèfȩ anè la.

1 Tèsàlonikà 5:5

Bɨ̀agème wu bòt bɔ̀ɔ ntsèka a èbem èkaꞋà, ngȩ̀ȩ̀nà a èbem àbȩ nèngû̧ la. Baa kà tseke mbɨꞋɨ̀ bòt bɔ̀ɔ ngɨ̀à mènəè mɔb ètsəꞋ a èbem ndzěm la.

2 Tɔ̀màtià 1:8

Ale, à ka mbɔ̀ àtsə kɔꞋɔ e làꞋa ànəê à ko ane Lefɨ̀Ꞌ wa la. À ka mè ngɨ̀ ngaa mbɨ̀Ꞌɨ̀ à bakà ko am è ngu wòt tèfȩ nkàà ànəa Yesò la. Ka nɨ mètàŋ mu Mbɔ̧ɔ̧mà è ŋa abua yê la, ndzě ye nè ngoꞋ nkàà Ntu̧ Ntsɔ̧̀ Yesò, mbɨ̀Ꞌɨ̀ mmɔ̌.

2 Tɔ̀màtià 2:9

Wu ànəa yùà ka a ghɨ̂ e me ye ngoꞋ tè bɔ kuule am mbɨ̀Ꞌɨ̀ wòt tà ghɨ ànəa kàbɔ̀ŋ la. Bɔ batè nkùùlè am ale, ka bɔ̀ ka kuulè Ntu̧ Ntsɔ̧̀ yu.

Fȩlemùn 1:13

È wu nè nà̧ ko mâ kɔ̀ŋkè nê tà tseke ba tò àdziꞋ yaa e ngu a tèfȩ ane ànəa Ntu̧ Ntsɔ̧̀ la, me tɨŋe am mbɨ̀Ꞌɨ̀ àwɔ̀ mbɔŋ à wu etɨŋe la.

Ebùlù 3:1

Bɔnyɨ bɔ̧ bu Mbɔ̧ɔ̧mà làà wa ba nɨ̧̀ ba ayɔɔ bòt nɨ̀ awa ane bòt bi la, bɨ̀ kwàꞋtè èwuu wòt Yesò wu wùà la. Yesò wu wantu̧ Mbɔ̧ɔ̧mà mè ngu àtsəa bèntsìà mèpɨ̧̀ a Mbɔ̧ɔ̧mà yu àa ntɨ̀ŋa wa ane mènəè mu ba bɨ̧ɨ̧nè nê wu nkûŋ la.

1 Pità 4:13

Ka bɨ̀ wùꞋtè àwɨ̧ nê bɨa ndzea ngoꞋ mbɨ̀Ꞌɨ̀ Yesò Klistò li ndze la, mbɨ̀Ꞌɨ̀ e li taꞋa ewùꞋtè àwɨ̧ àfɨꞋa tàa kɨꞋɨ bɨa ye ènɨ̧ tò la.

1 Pità 5:1

E ngua shù̧ù̧ta wɨ̧ bɔɔjuŋ ayɔɔ bòt Mbɔ̧ɔ̧mà mbɨ̀Ꞌɨ̀ wajûŋ kǒ, mè ngua ndàꞋà mbɨ̀Ꞌɨ̀ wòt tà ye ngoꞋ Yesò Klistò li ndze la; mè ngu ebɔ wɔ̧ nê èghàb ane ènɨ̧ tò wu tàa li kɨꞋɨ nê wùà la.

2 Pità 1:13

Mâ mɨɨtè nê aa mbɔ̀ nê è ndɔ̀ktè mèntɨ̧ɨ̧ mɨ̧ nɨŋ nkù̧ù̧te awɨ̧ mbɨ̀Ꞌɨ̀ è mbele yû̧ a nkem yaã la.

1 Jɔ̌n 3:14

Bàa mbɔŋ e ko nê ba dzə a èbem èvə tè mbɔ̀ mèmpème nkàà nê baà nkɔ̀ŋkà bɔnyɨ ba. Waa waa tàa ka kɔ̀ŋkè wanyɨ vi la nàà ntsèka a èbem èvə.