Filìpȩ 1:10 - Mundani

¹⁰ A wu ale, ko bɨa me ntsèka nkoa àghɨa è wù àyea ntsɔ̧̀ la. Ko bɨa tsiꞋi bòt mèntɨ̧ɨ̧ kèfə, kà wòt wuê ko eshu nê bɨ ghɨa kàbɔ̀ŋ te eghǎ edzə ane àli yu Yesò Klistò nàa li e mě ekɨꞋɨ la.

Filìpȩ 1:10 Iomraidhean Croise

Matìù 16:23

Ka Yesò ghèble avi shu abua Pità nê, “LɔꞋ a ngèt yaã à Satàn! Àà nkèla alu̧ am. Mènəè maà à mɨ̀ɨ̀tà la ka dzəa abua Mbɔ̧ɔ̧mà, è dzəè nè abua bɔbȩ.”

Matìù 26:33

Pità shu abua Yesò nê, “Bɔ màà ndùùlà wê bàgème, ko e nka lùùlà a.”

Jɔ̌n 1:47

ÀfɨꞋa Yesò yea Nàtanìà nkɨ̀Ꞌa la, tà nê, “Bɨ̀ ye ngule wòt Izəèlȩê, kà ye ànəa fɨte ane zi!”

Jɔ̌n 3:20

Wòt ègème tàa ngɨa kàbɔ̀ŋ la nàà mpààbà èkaꞋà, tà kà wua nkɔ̀ŋkà ekɨꞋɨ a èbem èkaꞋà, mbɨ̀Ꞌɨ̀ ka bɔ gha ghɨ̌ ndzè mènəè kàbɔ̀ŋ tò.

ÀfaꞋa 24:16

È wu ale, màa ngɨ̀ e me nyɔ̀Ꞌte àfɨ̀Ꞌ àgème ebɔ èntɨ̧ɨ̧ kà wua fèèlè am a mbì Mbɔ̧ɔ̧mà bɔ̂ wɔ̀bȩ̂.

Lûm 12:2

Bɨ̀ ka me fɨŋe bòt ngɔ̀ŋ ngɨ̀à èghɨ bɔ̀ɔ ngɨ̀à la, ka tsiꞋ mèmɨ̀ɨ̀te fi mɨ̧ kubte mènəè mɨ̧. Bɨ ghɨ̀ ale, ko bɨa me ghɨ̀ àghɨa Mbɔ̧ɔ̧mà nàa nkɔ̀ŋkà la, è wù àghɨa è wu àyea ntsɔ̧̀ la, nè àyea àa mbɔ̀ atò la, mè nè àyea a lâ nkùꞋu a mbì tò la.

Lûm 12:9

Bɨ̀ me kɔ̀ŋkè bòt nè nkûŋ, mpààbà àghɨa àa kàbɔ̀ŋ la, mbà̧aã àghɨa àa mbɔ̀ la ntsɔ̧̀.

Lûm 16:17

Bɔnyɨ bɔ̧, e ngua shù̧ù̧ta wɨ̧ nê bɨ̀ me ko awɨ̧ ane bòt bu bɔ̀ɔ ndzìà àghàbtè a kètsìà wɨ̧, ntàa bòt, mè nyɨ̀Ꞌta èghɨ ko tsa kà wu èghɨ bu bɔ li nyɨ̀Ꞌte awɨ̧ la. Bɨ̀ ka mbɔ̀ àghɨa ko a màngɨa nê èwuu bòt mbɔŋ.

Lûm 2:18

Àà mè shua nê ye ko àghɨa Mbɔ̧ɔ̧mà nàa nkɨà nê yè ghɨa, mbɨ̧ mè nyɨ̀Ꞌte avi tè ye ko àghɨa è wuê àyea nkûŋ la.

Lûm 7:16

E ngu anè me ghɨ̀ wuê àghɨa màa ka kɔ̀ŋkè e ghɨ̀ la, ko mâ bɨ̧ɨ̧nè nê mbɨ̧ wu àghɨa ntsɔ̧̀.

Lûm 7:22

Maà ndâ nkɔ̀ŋkà mbɨ̧ Mbɔ̧ɔ̧mà a èbem èntɨ̧ɨ̧ am.

Lûm 8:7

Wòt tàa mɨ̀ɨ̀tà wuê ànəa èghɨ mbɨ̧̀ ènyit nàa nkɨà la, wu wɔ̀mbù̧ Mbɔ̧ɔ̧mà. Tàà kà ghɨ̀ àghɨa mbɨ̧ Mbɔ̧ɔ̧mà nàa shua la, ane nkûŋ betsiꞋa tà kà bê nko nɔ̀ŋè yùà.

1 Kɔlìn 1:8

Taa ghɨ̌ èngǎ̧ waa aa shɨꞋɨ a mèntɨ̧ɨ̧ mɨ̧ te ghǎ e dzəâ ane àli yu tàa mě kɨꞋɨ la, tè wòt naa baka ye àghɨa tàa fèèlè àwɨ̧ adù̧ ane àlia ngaa la.

1 Kɔlìn 10:32

Bɨ̀ me tseke ntsɔ̧̀ ane ndɨ bɨ̀ ka ghɨ̌ ngoꞋ ane wòt Juê, kò wòt kà wu Juê, kò bòt chɔsì Mbɔ̧ɔ̧mà la leꞋ.

1 Kɔlìn 8:13

Ale, è wu nê e njɨ̀a èghɨjɨ ko aa ghɨ̌ wanɔ̧ naa ghɨ̌ a kàbɔ̀ŋ, ko è nka tsi lɔ̀Ꞌɔ̀ àlia e kwele nyà̧ a, mbɨ̀Ꞌɨ̀ ka e ngɨ̀ wanɔ̧ ghɨ a kàbɔ̀ŋ.

2 Kɔlìn 1:12

Àghɨa betsiꞋa ba me ghàꞋtè àwa adù̧ la wu nê, mèntɨ̧ɨ̧ ma nàà shua wa nê baa ngɨ̀à mènəè ma a sitsǎꞋ ŋàa fɔɔle a mbì lɨ̧ àfɨ̀Ꞌ àgème mbɨ̀Ꞌɨ̀ bòt Mbɔ̧ɔ̧mà nè nkûŋ. È ntsě èyǐ wɔ̀bȩ̂ ka ba nɨŋ me ghɨ̀ mènəè maa la. Ba ghɨa ane ntsɔ̧̀ Mbɔ̧ɔ̧mà wu tà nyɨꞋte abua ya la.

2 Kɔlìn 2:17

È me wu awa ko ba ntsě mbɨ̀Ꞌɨ̀ bòt ko bɔ̀ɔ ndàꞋà èngǎ̧ Mbɔ̧ɔ̧mà wuê ambo èkab la. Ka ndɨ̀ wu è wu Mbɔ̧ɔ̧mà ka tà tsàà àwa baa mè ngu a mbì tò la, baa ndàꞋà èngǎ̧ tò nè èntɨ̧ɨ̧ kèfə, mbɨ̀Ꞌɨ̀ bɔfàꞋ Yesò Klistò.

2 Kɔlìn 6:3

Baa kà tɨ̧ɨ̧ alu̧ wòt, mbɨ̀Ꞌɨ̀ wòt kǒ fèèlè awa ane àfàꞋ àya mbɨ̀Ꞌɨ̀ bɔntu̧ Mbɔ̧ɔ̧mà.

2 Kɔlìn 8:8

E ntsea ŋwèèlà wɨ̧ nê bɨ̀ ghɨa. Ka e ngua nkɨ enɨ àghɨa bòt ko àa ngɨa la enyɔ̀Ꞌtè àwɨ̧ eye nê ko ane nkûŋ bɨa nkɔ̀ŋkà bòt ko mɨ̧̂ leꞋ.

Gàlashìà 5:11

Bɔnyɨ bɔ̧, mâ ghɨ̀ ale mbèla ndàꞋà shua nê, bɔ̀ me naŋe bòt ko bɔɔ̀ kà tsi nkɨ àtsə am enɨ. Mâ ghɨ̀ ale mbèla ndaꞋa a èlɨ mbɔŋ, ko èngà̧ waa màa ndàꞋà ndɨ bɔ li ngù̧ù̧te a Yesò a mbɨ̧̀ mbasa la aà kà tsi sɔ̀ɔ̀bè èntɨ̧ɨ̧ wòt.

Efesɔ̀s 4:15

Baa tsiꞋi me nɨ èkɔŋ ndàꞋà mènəè nkûŋ, etsə ane balu̧ bàgème te tsiꞋi mbɨ̀Ꞌɨ̀ Yesò Klistò wu tà wu àtsə la.

Efesɔ̀s 5:10

Bɨ̀ nyɔꞋta nko àghɨa Mbɔ̧ɔ̧mà nàa nkɔ̀ŋkà la, me ghɨ̌ yùà.

Efesɔ̀s 5:27

Tà li ngɨ̀ anè mbɨ̀Ꞌɨ̀ enɨ a chɔsì waa ane ndzà zi è ghe nàa mbɔ̀ la, kà ye a kàbɔ̀ŋ adù̧, àghɨ à ka wuê betsiꞋa bɔ fèèle atò adù̧ la. Bɔɔ mbɨ̀Ꞌɨ̀ wòt kà ye àlɔꞋ ane zi, kà ye ka wuê adziꞋi kàbɔ̀ŋ ane zi nè àghɨa ko tsa betsiꞋa a tsòkè wòt la.

Efesɔ̀s 6:24

Maà ntsàꞋtà nê, Tǎt wa Mbɔ̧ɔ̧mà nyɨꞋte a ntsɔ̧̀ vi ane bòt bàgème bɔ̀ɔ nkɔ̀ŋkà Yesò Klistò Lefɨ̀Ꞌ wa nè èkɔŋ kà wu lìa la.

Filìpȩ 1:16

nkàà nê bɔ̀ɔ nkɔ̀ŋkà am la. Bɔ ko nê wu Mbɔ̧ɔ̧mà ka tà tsàà am a si ŋàa nê è nyɨꞋte ndɨ Ntu̧ Ntsɔ̧̀ yu wu nkûŋ la.

Filìpȩ 1:6

Mâ lâ nkoê nkûŋ nkûŋ nê, Mbɔ̧ɔ̧mà wu tà li mbùꞋ àfàꞋa ntsɔ̧̀ àzi a èbem mèntɨ̧ɨ̧ mɨ̧ la, naa me ghɨa nɨa ngà nè mbì te tsiꞋi epaate ane àli yu Yesò Klistò nàa li mě ekɨꞋɨ la.

Filìpȩ 2:16

mbɨ̀Ꞌɨ̀ bɨ̀a ngɨ̀à mènəè mɨ̧ ane ndɨ èngà̧ wu àa ŋǎ mèmpème la àa nkɨà la. Bɨ ghɨ̀ ale, ko naa li ngu ane àlia Yesò Klistò è mê nkɨ̀Ꞌɨ̂ la, e me wu̧u̧ nkùꞋ yaã ngùꞋtè am, nkàà nê àfàꞋ yu e ndi ngua ndèmnà ngɨ̀à la a bakà tse àku.

1 Tèsàlonikà 3:13

Bɨ me ghɨ̀ ane ko Mbɔ̧ɔ̧mà naa zì mèntɨ̧ɨ̧ mɨ̧ e mě ghɨ̌ bɨa tsiꞋi bòt tò nènkèm mbɨ̀Ꞌɨ̀ è li e wu ane àli yu Yesò Lefɨ̀Ꞌ wa nàa kɨꞋɨ ne bòt bi bàgème la, bɨ tɨ̧ɨ̧ a mbì Tǎt wa Mbɔ̧ɔ̧mà kà ye àghɨa wòt nàa fèèlè àwɨ̧ adù̧ la.

1 Tèsàlonikà 5:21

Bɨ̀ lȩ̂ èngà̧ ègème waa waa làꞋà la, ndze nê tè e dzə abua Mbɔ̧ɔ̧mà leꞋ, mbɔ̂ mbɨ̧̀ɨ̧̀nê èwe àa mbɔ̀ la.

1 Tèsàlonikà 5:23

TsiꞋ Tǎt wa Mbɔ̧ɔ̧mà wu tàa ngɨ̀à ba bɔ àlàŋkà èntɨ̧ɨ̧ la ghɨa bɨ̀ tsiꞋi mbɨꞋɨ̀ tòà ane balu̧ bàgème. TsiꞋ mèntsèke mɨ̧ nènkèm, nè mèmɨ̀ɨ̀te mɨ̧, nè mbɨ̧̀ ènyit yɨ̧ è wu ka ye àghɨa wòt nàa fèèlè àwɨ̧ adù̧ la, tè ndɨ Yesò Klistò Lefɨ̀Ꞌ wa nàa li mèe ekɨꞋɨ la.

1 Jɔ̌n 4:1

Ngule bèshu̧ bɔ̧, wòt nê ye bɔ Fo Mbɔ̧ɔ̧mà, bɨ̀ ka mbê mbɨ̧̀ɨ̧̀nê nèmbuꞋ kà nyɔꞋte a ŋut eye nê kò fo yu ane tò la wu Fo Mbɔ̧ɔ̧mà leꞋ. Bɨ̀ me ghɨ̀ ale nkàà nê bèndàꞋàtɔŋ Mbɔ̧ɔ̧mà fɨte be taꞋa wu àbȩ àfɨ̀Ꞌ yaa.

Ètsə 2:2

Mâ ko èghɨ bɨ̀a ngɨ̀à la. Mâ ko tèbəꞋte bɨ faꞋ mbɔŋ, mè nkùùlè mèntɨ̧ɨ̧ mɨ̧ a èbem ngoꞋtsə la. Mâ ko nê bɨ̀a ka bɨ̧ɨ̧ne nê bòt kàbɔ̀ŋ è wu ayɔɔ yɨ̧. Bɨ bàŋe bòt bu bɔ̀ɔ shua nê bɔ wu bɔntu̧ Yesò, ka bɔ̀ ka wu bùà la, ndze nê bɔ wu bòt mèfà̧.