Fȩlemùn 1:22 - Mundani

²² Mbɨ̀Ꞌɨ̀ àà ngɨ̀à ale la, à ye nê à nèètè àtsəalob abua am nkàà nê, mâ ko nê Mbɔ̧ɔ̧mà nàà nga ezə ndɨ bɨ dɨa abua tò la e ghɨ̌ maa dzəâ a tèfȩ ekɨꞋɨ kwene ane yɨ̧.

Fȩlemùn 1:22 Iomraidhean Croise

ÀfaꞋa 27:24

‘Pɔ̂l, ko mbɨ̀Ꞌɨ̀ à bɔ̀â. À bɔ̂ ndɨ àa ghǎ tê e tɨ̧ɨ̧ a mbì empelɔ̀ la. Mbɔ̧ɔ̧mà nɨ ntsɔ̧̀ vi wu tà nyɨꞋte abua yê la, nket mbɨ̀Ꞌɨ̀ wòt kǒ ane bòt baa a èbem taꞋà ànkànuꞋ yaa bɨ tò ba la pfə.’

ÀfaꞋa 28:23

Ale, bɔ̂ Pɔ̂l ba e kàꞋà àlia, tè bòt e kɨꞋɨ kwàꞋ ànyaꞋne ane àlia mbɔŋ àdzìꞋa tàa ntsèka la. Bɔ kɨꞋɨ ale, tà bùꞋ a ntɔtetsɔ̌Ꞌ eghǎ ewu ètsəꞋ me yààte ànəa Kèfɔ̧̀ Mbɔ̧ɔ̧mà, è shua awɔb. Tà ghɨ̀ ale, tà me wȩȩte mènəè kǒ adù̧ mbɨ̧te Musì nè àkatè yu bèndàꞋàtɔŋ Mbɔ̧ɔ̧mà e li shɨŋ la shua awɔb, è nkɨ enyɔ̀Ꞌte e ghɨ̌ bòt ko ane yɔb aa zì mèntɨ̧ɨ̧ mɔb ane Yesò.

Lûm 15:24

mâ mɨ̀ɨ̀tè nê maa kɨꞋɨ afɨ̀Ꞌ yaa. Maa tsě e ye awɨ̧ mbɨ̀Ꞌɨ̀ è ngu nga a Spen la. Maa nga kɨꞋɨ e wu baa nɨ̧̀ ba ane àfɨ̀Ꞌ à ko bɨa tɨŋe am ane lèghȩ̀ȩ̀nè am a mànga Spen.

2 Kɔlìn 1:11

Bɨ̀a mbɔŋ è me tɨŋe awa mɨ̧̂ ntsàꞋta Mbɔ̧ɔ̧mà. Bɨ̀ ghɨ̀ ale, mbɨ̀Ꞌɨ̀ bòt nyaŋ è dɨ̂ abua Mbɔ̧ɔ̧mà ane ànəa ya, Mbɔ̧ɔ̧mà zəè àtɔŋ èdɨ̂ àyɔb ngɨ̀ ba zə a ntsɔ̧̀. Tà ghɨ̀ ale, bòt nyaŋ e kɔ̀ŋkè atò ane àghɨa tà ghɨ ane ya la.

Filìpȩ 1:19

nkàà nê mâ ko nê, maa peme ngoꞋ ndɨ̀ wu bɨ̀a ntsàꞋtà Mbɔ̧ɔ̧mà àtsəa am, Fo Yesò Klistò mè me ŋa etɨŋe la.

Filìpȩ 2:24

Mâ lâ nkoê nê, Tǎt wa Yesò Klistò naa tɨŋe am maa yàŋe ekɨꞋɨ eye awɨ̧ mɨ̧̂.

Ebùlù 13:19

Mâ lâ shù̧ù̧te awɨ̧ nè èntɨ̧ɨ̧ am ègème nê, bɨ̀ tsaꞋta mbɨ̀Ꞌɨ̀ Mbɔ̧ɔ̧mà naa ghɨ̀ maa mèe yaŋe kɨꞋɨ ekwene ane yɨ̧.

Ebùlù 13:23

Bɨ̀ ko nê bɔ tsɔꞋɔ wanyɨ wa Tɔ̀màtià wu tàà wu a tèfȩ la tè sàŋ. Tà yàŋà nkɨ̀Ꞌa ko wu ba tò nga ekɨꞋɨ ye awɨ̧ la.

Jimsì 5:16

È wu ale, bɨ̀ me shu mènəè kàbɔ̀ŋ mɨ̧ abua bɔnyɨ bɨ̧, mè ntsàꞋta Mbɔ̧ɔ̧mà àtsəa waa waa mbɨ̀Ꞌɨ̀ ekweele. Wòt wu tà tɨ̧ɨ̧ ndɨŋndɨ̀ŋ e mbì Mbɔ̧ɔ̧mà la nàa ngɨ̀ tà tsàꞋte atò, mèntsàꞋte mu bɔ mètàŋ, ànəa tà kɨa la a bê mè ngu wuê yùà.

2 Jɔ̌n 1:12

Mâ taꞋa bɔ mènəè ma wuê eshu awɨ̧ la, ka è nka wu eshɨ a èbem àkatè. Maà nkwàꞋtà wuê nê, mâ wuê kɨꞋɨ eye awɨ̧ ba nɨ̧̀ ba aa mù mènəè mbɔŋ ane ètsəê, mbɨ̀Ꞌɨ̀ mèngùꞋte naa paa elu̧u̧ a mèntɨ̧ɨ̧ ma.

3 Jɔ̌n 1:14

Maà nkwàꞋtà wuê nê, è bele yàŋe kɨꞋɨ eye awê, baa mù mènəè mbɔŋ ane ètsəê.