Fȩlemùn 1:11 - Mundani

¹¹ Tà lɔ̀Ꞌ ngu àghɨ aku abua yê, ka nè àfɨ̀Ꞌ yaa, tà lâ ntsìꞋi wòt betsiꞋa tà tɨ̀ŋe awê mè ntɨŋe am la.

Fȩlemùn 1:11 Iomraidhean Croise

Matìù 25:30

È me wu wafàꞋ wu kà ye àtsəa ànəê àzi la ko bɨ̀ baãaã atò maꞋa àbȩ a èbem kèbìꞋà, àdziꞋa tàa me dɨ̀a mè nkwèla àsɔŋ zi la.’

Lûk 15:24

Na waã am waa lè lɔ̂Ꞌ mpfə, ka nè àfɨ̀Ꞌ yaa tà yu̧u̧mè, tà lè lɔ̂Ꞌ nyɔ̂, ka nè àfɨ̀Ꞌ yaa mâ ye atò.” Tà làꞋ ale, bɔ bùꞋ me wùꞋtè àwɔb.

Lûk 15:32

Ka ba ghɨ̂ mbɔ̌ ndɨ bàa wùꞋtè àwa la. Wanyɨ wè lè lɔ̂Ꞌ mpfə, ka nè àfɨ̀Ꞌ yaa tà yu̧u̧mè, nyɔ̂ ka mâ ye atò.’ ”

Lûk 17:10

Eyaa ndɨ àa ane yɨ̧ la mɨ̧̂. Bɨ paatè àghɨa bɔ shu nê bɨ̀ ghɨa la, bɨ bɔ̂ ndɨ bɨ̀a shu nê, ‘Ba bê ngu wuê bɔfàꞋ. Ba ghɨ wuê àghɨa ba wu ghɨ̀ la.’ ”

Lûm 3:12

Bòt bàgème e tem kwèn tɔb ŋa abua Mbɔ̧ɔ̧mà, bɔ̀ɔgème e tsiꞋi bòt kàbɔ̀ŋ. Wòt kǒ tà bèla ngɨ̀à ntsɔ̧̀ ane yɔb la te ntsě, ka wuê wemɔ̀Ꞌ.”

2 Tɔ̀màtià 4:11

Wu ndàꞋà Luêk tà tsìꞋì ba tò a si ŋàa la. Nɨ a Mak, bɨ tò è kɨꞋɨ nɔ̂, nkàà nê taa tɨŋe am ane àfàꞋ yaa.

Fȩlemùn 1:10

E ngua shù̧ù̧te awê ane ànəa waã am Ònesìmùs wu mâ tsiꞋi tǎt tò ane Yesò mbɨ̀Ꞌɨ̀ e ngu a tèfȩ anè la.

Fȩlemùn 1:12

E ngua anè mvəèà tò wu tà tsiꞋi kwàꞋ èntɨ̧ɨ̧ am la abua yê.

1 Pità 2:10

È li ngu àfɨ̀Ꞌ àko bɨ̀ ka wu bòt Mbɔ̧ɔ̧mà, ka nè àfɨ̀Ꞌ yaa bɨ̀ tsiꞋi bòt tò. È li ngu àfɨ̀Ꞌ àko Mbɔ̧ɔ̧mà kà wua nkua tèsȩ tɨ̧, ka nè àfɨ̀Ꞌ yaa tà ku tèsȩ tɨ̧.