Ètsə 2:3 - Mundani

³ Bɨ batè ntaꞋa ye ngoꞋ ane èlen laã ale, ka mbɔ̀ nkùùle mèntɨ̧ɨ̧ mɨ̧, bɨ̀ ka kaã.

Ètsə 2:3 Iomraidhean Croise

Ntu̧ Ntsɔ̧̀ MAK 15:21

Bɔ li ndzèa Simùn wòt Silenè, tǎt Àlèkzandà bɔ̂ Lufùs alu̧ tà dzəa àbâ àlaꞋ àko me kɨꞋɨ àpfəèà nɨ̧ la. Bèshujà bu e baãaã atò, ŋɨ̀Ꞌa tò tà ŋèꞋe mbasa Yesò.

Lûk 14:27

Wòt bakà bɨ̧̀ɨ̧̀ne eŋeꞋe mbasa vi ekùŋè am tà kà kuꞋ èwe tàa wu wakatè am la.

Lûk 18:1

Yesò ghɨ̀ ale, shu bɔkatè bi èngà̧teme wàa nɨŋ nyɨ̀Ꞌte awɔb nê, bɔ bɔ̂ ndɨ bɔ̀ɔ me dɨ̀a abua Mbɔ̧ɔ̧mà àfɨ̀Ꞌ àgème kà kaã la.

Lûk 21:19

Bɨ kuulà mèntɨ̧ɨ̧ mɨ̧ tè ngà ndzəè a mèndìa, ko bɨa li bɔ mèmpème.”

Lûk 5:5

Simùn bɨ̀ɨ̀lè nê, “Tê, ba lia li a lè bùꞋu ka bà ka bê mbà̧aã àghɨ. Ka ndɨ̀ wu è shu àwɔ̀ la, maa màꞋa bètasat bu.”

Lûk 8:15

È me wu èsaãaãme wu e kwente a si ntsɔ̧̀ la, e wu mbɨ̀Ꞌɨ̀ bòt bu bɔ zə èngà̧ wu, mbɨ̧̀ɨ̧̀nê nè èntɨ̧ɨ̧ wɔb wemɔꞋ nkùùla èntɨ̧ɨ̧ wɔb me ghɨ̀ àghɨ àa shua la nɨa ngà nè mbì la.”

Jɔ̌n 15:21

Ka bɔ̀ɔ ghɨ̧̀ɨ̧̀nè àwɨ̧ anè ndɨ̀ wu bɨ̀ wu bòt bɔ̧ la, nkàà nê, bɔ bakà ko wòt tà tsàà am la.

Lûm 12:12

Bɨ̀ me wùꞋtè àwɨ̧ mbɨ̀Ꞌɨ̀ bɨ̀a nchɨ̀Ꞌà àghɨ yu Mbɔ̧ɔ̧mà nàa ghɨ̌ ane yɨ̧ la, nkùùla mèntɨ̧ɨ̧ mɨ̧ a èbem ngoꞋ, mè ntsàꞋta Mbɔ̧ɔ̧mà kà kaã.

Lûm 16:12

Bɨ̀ tsàꞋte Tȩ̀fenà bɔ̂ Tȩ̀fosà, è wu bòt bɔ̀ɔ fàꞋà abua Yesò Klistò la. Bɨ̀ tsàꞋtè ngule shu̧ yaã Pesìs wu tàa ndâ fàꞋa abua Yesò Klistò la.

Lûm 2:7

È me wu bòt bu bɔ̀ɔ nkùùla mèntɨ̧ɨ̧ mɔb ngɨ̀à mènəè ntsɔ̧̀, nkɨà ènɨ̧, nkɨà kènùke, mè me kɨ e li tseke ane àlia nè àlia la, ko Mbɔ̧ɔ̧mà nàa ŋa awɔb mèmpème kàlìà.

Lûm 8:25

Ka bàa me chɨ̀Ꞌɨ̀ àghɨa bàà baka ye la, ko baa bɔɔle awa ka me chɨ̀Ꞌɨ.

1 Kɔlìn 13:7

Èkɔŋ aa nkìà èghɨ ègème, è ka wua ntsia èntɨ̧ɨ̧ ane àghɨ, mbɔ̌ ntɨ̀ ane èghɨ ègème, mè nkùùla èntɨ̧ɨ̧ ane èghɨ ègème.

1 Kɔlìn 16:16

Mâ shu̧u̧te awɨ̧ nê bɨ̀ me zə èwuu bòt baa, nè bòt ko tsa bɔ̀ɔ fɔta fàꞋà nè Stefanàs ba la.

2 Kɔlìn 10:15

Bà ka ghaꞋte awa te gha ewu àdziꞋa kà wu ayea Mbɔ̧ɔ̧mà ŋa abua ya la. Ka àghɨa ba kɨa la wu nê mèntɨ̧ɨ̧ mɨ̧ mu bɨ zi ane Yesò Klistò la me kweela ngà nè mbì, mbɨ̀Ꞌɨ̀ aa wu nê èlu̧ e ghaꞋà abua ya baa kwèꞋne àfàꞋ àya a kètsìà wɨ̧.

2 Kɔlìn 11:23

Bɔ me shu nê bɔ wu bɔfàꞋ Yesò Klistò, ko maa tsiꞋi làꞋà mbɨ̀Ꞌɨ̀ wòt àbààla nê e ngu wɔ̀fàꞋ Yesò tè ntsè àwɔb. Mâ faꞋa àfàꞋa nyaŋ tè ntsè àwɔb, bɔ zì am a tèfȩ ngò̧tsə nyaŋ tè ntsè àwɔb, shu̧u̧ am tè ntsè àwɔb, èvə e mè nəꞋə a tèdzi taã ngò̧ nyaŋ.

2 Kɔlìn 4:1

Ale, ndɨ̀ wu Mbɔ̧ɔ̧mà nɨ tèsȩ ti ŋà àwa àfàꞋ màshua bòt mènəè Fo Mbɔ̧ɔ̧mà maa la, baa kà kaãaã a mà faꞋa.

2 Kɔlìn 4:16

Ale, ba ka kaãaã a mà faꞋa. Mbɨ̧te ènyit ta tea mbàta mbɨ̀a ngà, ka Mbɔ̧ɔ̧mà bɔ̂ me ghɨ̌ mèntɨ̧ɨ̧ ma me kweele àli àgème.

2 Kɔlìn 5:9

Eyaa wu lə ba màà mbèle a sitsǎꞋ ŋàa, kò ngà tè ntsìꞋi nè tò leꞋ, ko ànəa mbì abua ya wu màngɨa àghɨa àa mbɔ̀ atò la.

2 Kɔlìn 6:5

Bɔ shu̧a wa, ndzì awa a tèfȩ, banɔ̧̀ e lɔ̀kè mèbet ambo ya, ba fàꞋà nkà̧aã, ndia àtatsi, mè ntsèka ndzìtsə.

Gàlashìà 6:2

Bɨ̀ me ŋeꞋe ètoole bɔnyɨ bɨ̧ nɨ̀a nyɨ̀Ꞌta nê bɨa ngɨ̀à mbɨ̀Ꞌɨ̀ mbɨ̧ Yesò Klistò shu la.

Gàlashìà 6:9

Ale, bà ka nkaã a màngɨa ntsɔ̧̀ nkàà nê, àfɨ̀Ꞌ aa ghɨ̌ nkùꞋ, ba bɔ àbȩ̀ aya, na è me wu ale ba bakà kaã la.

Filìpȩ 2:16

mbɨ̀Ꞌɨ̀ bɨ̀a ngɨ̀à mènəè mɨ̧ ane ndɨ èngà̧ wu àa ŋǎ mèmpème la àa nkɨà la. Bɨ ghɨ̀ ale, ko naa li ngu ane àlia Yesò Klistò è mê nkɨ̀Ꞌɨ̂ la, e me wu̧u̧ nkùꞋ yaã ngùꞋtè am, nkàà nê àfàꞋ yu e ndi ngua ndèmnà ngɨ̀à la a bakà tse àku.

Filìpȩ 4:3

Mè me shu abua yê, shu̧ yaã wafàꞋ ba nè àa fàꞋà nɔ̂ la nê, à tɨŋe bèzi baa mpaâ nèètè ànəa yɔb. Ba tò ba nè Klemin, nè bòt ko bu bàgème bɔ li ngua nkùŋà àwa la e li ntaꞋa fàꞋà a màntsɔta Ntu̧ Ntsɔ̧̀. Mbɔ̧ɔ̧mà shɨ tèlen tɔb bɔ̀ɔgème a èbem àkata mèmpème.

Kɔ̀losìà 1:11

Maà ntsàꞋtà nê Mbɔ̧ɔ̧mà nɨ mètàŋ mi mu è ghe la ngɨ̀ mèntɨ̧ɨ̧ mɨ̧ neeta nkwèèlê, mbɨ̀Ꞌɨ̀ bɨa me kuule mèntɨ̧ɨ̧ mɨ̧ nkìà mènəè ègème nè mèngùꞋte,

1 Tèsàlonikà 1:3

Bàa ngɨ̀ baa me ku̧u̧te mènəè mu bɨ̀a ngɨ̀à ndɨ̀ wu bɨ zì mèntɨ̧ɨ̧ mɨ̧ ane Yesò la. Baa nkù̧ù̧ta mɨ̧̂ ndɨ bɨ taꞋa wua fàꞋà nkàà nê bɨ̀a nkɔ̀ŋkà tò la, mè me ku̧u̧te ndɨ bɨ nɔ̀ŋe ntɨ̀ yɨ̧ ane Yesò Klistò Lefɨ̀Ꞌ wa la.

1 Tèsàlonikà 2:9

Bɔnyɨ ba, ba ko nkûŋ nê bɨ bakà leenè ndɨ ba li ndâ ngua fàꞋà mbɔ̌ tèbəꞋtsə la. Ba li ngua fàꞋà ètsəꞋ bɔ̂ nèngû̧ mbɨ̀Ꞌɨ̀ bà me tsɔ̀te Ntu̧ Ntsɔ̧̀ yu è dzəè abua Mbɔ̧ɔ̧mà la, bà ka ŋa ngoꞋ abua wòt kǒ ane yɨ̧.

1 Tèsàlonikà 5:12

Bɔnyɨ ba, baa shù̧ù̧ta awɨ̧ nê bɨ̀ me ŋa kènuke abua bòt bu bɔ̀ɔ ndâ faꞋa ayɔɔ yɨ̧ la. Baa shua bòt bu Mbɔ̧ɔ̧mà tsia àtsəa yɨ̧ nê bɔ̀ me kɨɨte awɨ̧ ndɨ bɨ̀a me tseke la.

2 Tèsàlonikà 3:13

Ka è me wu awɨ̧ à bɔnyɨ ba, bɨ̀ ka nkà̧aã a màngɨa ntsɔ̧̀.

2 Tèsàlonikà 3:5

Baa tsàꞋtà nê, Yesò Klistò ghɨa bɨ̀ kuule mèntɨ̧ɨ̧ mɨ̧ me kweele ane mènəè tò, mè nko ndɨ Mbɔ̧ɔ̧mà nàa ndâ nkɔ̀ŋkà àwɨ̧ la.

2 Tèsàlonikà 3:8

Bà le kaꞋa wua njɨ̀a àghɨ àku. Ka ba li ngua fàꞋà mbɔ tèbəꞋtsə, ètsəꞋ bɔ̂ nèngû̧, mbɨ̀Ꞌɨ̀ ka ba me ŋa ngoꞋ abua wòt kǒ ane yɨ̧.

1 Tɔ̀màtià 4:10

Eyaa wu àghɨ a ghɨ̀ ba me nyɔ̀Ꞌta fàꞋà nyaŋ nkàà nê ba zǐ ntɨ̀ ya ane Mbɔ̧ɔ̧mà wu tà wu eyû̧ la. Tà wu Mpemnà wɔ̀bȩ̂ ègème, mbɔ̂ mèmpème mbɔŋ wu abua bòt bu bɔ zì mèntɨ̧ɨ̧ mɔb ane Yesò la.

1 Tɔ̀màtià 5:17

Bɨ̀ me nèèta mbà̧aã bɔɔjuŋ bu bɔ̀ɔ fàꞋà àfaꞋa Yesò la ntsɔ̧̀. È me wu èbu bɔ̀ɔ fàꞋà nyaŋ, ndàꞋà mè nyɨ̀Ꞌta èngǎ̧ Mbɔ̧ɔ̧mà la, bɨ baãaã awɔb ntsɔ̧̀ tè ntsè bòt bàgème.

Ebùlù 10:36

Bɨ bɔ ndɨ bɨ̀a kuule èntɨ̧ɨ̧ wɨ̧ mbɨ̀Ꞌɨ̀ ghɨ̀ àghɨa Mbɔ̧ɔ̧mà nàa nkɨà la, ebɔ àbȩ̀ yu tà kàꞋà la.

Ebùlù 12:1

È me wu awa ko ba bɔ taꞋà ènɔ̧̂ bòt baa bɔ li ndzì mèntɨ̧ɨ̧ mɔb ane Mbɔ̧ɔ̧mà la, bɔ ghaale awa ndzi a kètsìà la. Ale, bɨ̀ tsiꞋ bà waꞋ àghɨ àgème àa nkèla wa nê bà ka ngɨ̀ àghɨa ba wu e ghɨ̀ la, mè ngwàꞋà mènəè kàbɔ̀ŋ mu è kuule awa la. Bà kuule mèntɨ̧ɨ̧ ma ndùùlà àlùùlà yu ba bɔ ndɨ bàa lùùla àyùà la.

Ebùlù 13:13

Ale, bɨ̀ ghɨa bà dzə a èbem àpfəè nga àbȩ nkwene ane tò, mbɔ̀ àtsəa kɔꞋɔ, mbɨ̀Ꞌɨ̀ tà li mbɔŋ la.

Ebùlù 6:10

Mbɔ̧ɔ̧mà nàà kà saꞋa ànəê kàbɔ̀ŋ. BetsiꞋa tà kà leene èfàꞋ bɨ̧, nè èkɔŋ wu bɨ nyɨꞋtè nkàà tò la. Bɨ li ngua ntɨ̀ŋa bɔnyɨ bɨ̧ bɔ̀ɔ nkùŋa a Mbɔ̧ɔ̧mà la, mè mbèla ngɨ̀à wuê a èlɨ mbɔŋ.

Ebùlù 6:12

Baà kà kɨ laꞋnê bɨ̀ wu bòt àlȩ̀ȩ̀tè, ka baa nkɨà nê bɨ̀ wu mbɨꞋɨ̀ bòt bu bɔ li ndzì mèntɨ̧ɨ̧ mɔb ane Mbɔ̧ɔ̧mà, mè nchɨ̀Ꞌ tè mbɔ̀ àghɨa Mbɔ̧ɔ̧mà kàꞋà wɔb la.

Ebùlù 6:15

Ale, Abàlàghâm kùùle èntɨ̧ɨ̧ nchɨ̀Ꞌ tè ngɨ̀ mbɔ̀ àghɨa Mbɔ̧ɔ̧mà li nkàꞋ atò la.

2 Pità 1:6

Bɨ̀ mě me nèèta nkùùla ènyit yɨ̧, nèètà nkùùla mèntɨ̧ɨ̧ mɨ̧, mè ntsèka mbɨ̀Ꞌɨ̀ Mbɔ̧ɔ̧mà nàa nkɨà la,

Ètsə 1:9

Mmɔ̌ Jɔ̌n wanyɨ wɨ̧, ba nɨ̧̀ ba è tsìꞋi àghɨ yeamɔꞋ ane Yesò Klistò la. Ba nɨ̧̀ ba e kuule mèntɨ̧ɨ̧ ma a èbem ngoꞋ tu ndzèa wa la, nkàà nê ba nɨ a Yesò Klistò mbɨ̀Ꞌɨ̀ fɔ̧̀ wa. Bɔ li mbà̧ am ntsàà a èbem àdziꞋa si àyuube ako a èbem *èdzî bɔɔ ntɔ nê Patmɔ̀s la, nkàà ndɨ mâ làꞋa èngǎ̧ Mbɔ̧ɔ̧mà, Yesò Klistò nyɨ̀Ꞌte nê wu nkûŋ la.

Ètsə 3:10

Mâ shu nê ndɨ̀ wu bɨ kuule mèntɨ̧ɨ̧ mɨ̧ ngɨ̀ mbɨ̀Ꞌɨ̀ mâ shu la, maa baaba awɨ̧ àfɨꞋa màa nɨ ngoꞋ enyɔ̀Ꞌte bòt sitsǎꞋ bàgème la.