Ètsə 1:3 - Mundani

³ Ntsɔ̧̀ wu wòt wu tàa tɔ mèngǎ̧ màa Mbɔ̧ɔ̧mà nyɨꞋte atò la abua bòt la. Ntsɔ̧̀ mè ngu bòt bu bɔ̀ɔ ndzəa mè nɔ̀ŋà èghɨ bàa bɔ shɨ la, nkàà nê àfɨꞋa èghɨ mbɔŋ àa ghɨ̀ la aà nkùꞋà.

Ètsə 1:3 Iomraidhean Croise

Matìù 24:15

“Naa li ngu àfɨꞋa mbɔŋ bɨ ye àbɨꞋte àghɨ yu Danià ndàꞋàtɔŋ Mbɔ̧ɔ̧mà li shuê la, a tɨ̧ɨ̧ a èbem lob nɨ̧ Mbɔ̧ɔ̧mà la. (Wòt wu ntɔ èngà̧ waa la nyɔꞋta nko ànəa èngǎ̧ mbɔŋ e shua la.)

Lûk 11:28

Yesò bɨ̀ɨ̀lè èngǎ̧ tò nê, “ÀwɔꞋ, ntsɔ̧̀ wu wuê bòt bu bɔ zə èngǎ̧ Mbɔ̧ɔ̧mà mè ngɨ̀ àghɨa èa shuà la.”

Lûm 13:11

Bɨ̀ me ghɨ̀ àyaa nkoa mɨ̧̂ nê bɨ ko èwuu àfɨꞋa bɨ̀ wu adù̧ la. ÀfɨꞋa bɨ bɔ ndɨ bɨ̀a lɔ̀Ꞌɔ a si mbɨ̀Ꞌɨ̀ bòt bɔ ku̧u̧te awɔb la, a kuêꞋ. ÀfɨꞋa bàa bɔ mèmpème la a kɨꞋɨ tê ngu a ngèt ya àfɨ̀Ꞌ yaa tè ntsè ndɨ à le wuê àfɨ̀Ꞌ yu baa li mbùꞋ ndzì mèntɨ̧ɨ̧ ma ane Yesò la.

Lûm 13:12

A bê ntsìꞋi mbɨ̀Ꞌɨ̀ ètsəꞋ e tsi tè àbȩ a bùꞋ me ghaꞋte. È wu ale, bàà waꞋa èbɨꞋte èghɨ bu bàa ngɨ̀à a èbem ndzěm la, mè ngwèè àwa nè èghɨ èbet mbɨ̀Ꞌɨ̀ etaŋke a mànua a èbem èkaꞋà.

1 Pità 4:7

ÀfɨꞋa ngɔ̀ŋ nàa lìà la a tsiꞋa nkùꞋà, è wu ale bɨ̀ zì àtsə me baabe ènyit yɨ̧ ntsɔ̧̀ mbɨ̀Ꞌɨ̀ me ko ntsàꞋta Mbɔ̧ɔ̧mà.

2 Pità 3:8

Bèshu̧ bɔ̧, bɨ̀ ka ndèènè ànəê yaa yeamɔꞋ la nê, aa abua Mbɔ̧ɔ̧mà àliabȩ yeamɔꞋ à ka kubte ane èngùꞋebȩ tɔsì. Àliabȩ ngaa yeamɔꞋ la, nè èngùꞋebȩ ngaa tɔsì la abua tò bê ngu wuê àghɨ yeamɔꞋ.

Ètsə 22:10

Tà mè shu abua am nê, “À ka ndò̧ mèngà̧ mu bɔ li shu bɔ shɨ a èbem àkatè yaa la, nkàà nê àfɨꞋa èghɨ mbɔŋ àa ghɨ̀ la a tsiꞋa nkùꞋà.

Ètsə 22:12

Yesò nê, “Bɨ̀ zə, e mbele yàŋe kɨꞋɨ nè àbȩ̀, e tsɔꞋɔ àfàꞋa wòt ègème ane àghɨa tà ghɨ̀ la.

Ètsə 22:20

Wòt wu tà shu nê èghɨ bàa wu nkûŋ la, è laꞋnê, “Ane nkûŋ, e mbele yàŋe kɨꞋɨ.” Àmèn, Yesò Lefɨ̀Ꞌ, kɨꞋɨ.

Ètsə 3:11

“ ‘E mbele yàŋe kɨꞋɨ, è wu ale bɨ̀ baãaã èghɨ bu bɨ bɔ tê ndɔ̀Ꞌ la ntsɔ̧̀, mbɨ̀Ꞌɨ̀ ka wòt kǒ fàà ènɨ̧ wu Mbɔ̧ɔ̧mà nɔ̀ŋe abua yɨ̧ la.