Ètsə 1:1 - Mundani

¹ Àkatè yaa a làꞋà ànəa ètsə Yesò Klistò li nyɨ̀Ꞌte abua bɔfàꞋa Mbɔ̧ɔ̧mà, ane èghɨ è bele yaŋe e ghɨ̀ la. Wu Mbɔ̧ɔ̧mà ka tà li ngɨ̀ Yesò koê èghɨ ngaa la. Yesò li ntsàa wantu̧ vi, tà nyɨ̀Ꞌte èghɨ ngaa abua wɔ̀fàꞋ vi Jɔ̌n.

Ètsə 1:1 Iomraidhean Croise

Jɔ̌n 12:49

Aa ale nkàà nê è nka laꞋà mènəè è dzəâ àtsəa am la; Tǎt am wu tà tsàà am la ka tà shu am ànəa màa me làꞋa ntsɔ̀tà la.

Jɔ̌n 15:15

È nka tsi tɔ awɨ̧ ane bɔ̧ àfàꞋ bɔ̧a, nkàà nê wafàꞋ nàà kà ko ntsèmte tǎt àfàꞋ vi, ka mâ tsiꞋa ntɔ awɨ̧ ane bèshu̧ bɔ̧ nkàà nê, mâ shua wɨ̧ ànəa àgème mâ zə abua Tǎt am la.

Jɔ̌n 17:8

Mâ shu awɔb mènəè mu à li ndzi a tèkitebu taã la, bɔ zə mùà nɔŋe a mèntɨ̧ɨ̧ mɔb, mè nko ane nkûŋ nê, e ndzə abua yê, mè mbɨ̧̀ɨ̧̀ne nê, àwɔ̀ ka à tsàà am la.

Jɔ̌n 3:32

Tàa ngɨ̀ tà shu bòt àghɨa ye ye, mè nko la, ka wòt kà bɨ̧ɨ̧ne èngǎ̧ tò.

Jɔ̌n 8:26

Mènəè taꞋa wu betsiꞋa e shu ane yɨ̧ mè saꞋà wɨ̧ adù̧ la. Ka maa shu bòt ngɔ̀ŋ yaa wuê àghɨa mâ zə abua wòt wu tà tsàà am la, mbɔ̂ tàà ndàꞋà wuê nkûŋ.”

Lûm 16:25

Bàa ŋa mèngùꞋte abua Mbɔ̧ɔ̧mà! Tà bɔ mètàŋ e ghɨ̌ bɨa me kweele mbɨ̀Ꞌɨ̀ Ntu̧ Ntsɔ̧̀ nàa shua la. Ntu̧ Ntsɔ̧̀ mbɔŋ wu ntu̧ yu màa ndàꞋà ane ànəa Yesò Klistò la, è wu nkûŋ yu bɔ li bɔ̀ ka ko ànəa yùà ane mèngùꞋ nyaŋ è tsè la.

Gàlashìà 1:12

E ndi e ka nɨ èngǎ̧ mbɔŋ abua wɔ̀bȩ̂, è ka mèe ngu wɔ̀bȩ̂ ka tà nyɨꞋte am la. Yesò Klistò zìambɔŋ ka tà li ngàꞋte èngǎ̧ mbɔŋ nyɨ̀Ꞌte am la.

Efesɔ̀s 3:3

Mbɔ̧ɔ̧mà zìambɔŋ li shu am ànəa ndò̧ àzi yu a li à kà tuꞋa àbȩ bòt aa ko la. Mâ nyaꞋà shɨ adzìꞋ ane ànəa mbɔŋ abua yɨ̧.

Tȩtɔ̀s 1:1

Letà Pɔ̂l, wɔ̀fàꞋ Mbɔ̧ɔ̧mà, nè wantu̧ Yesò Klistò. Mbɔ̧ɔ̧mà li ndȩ̀ atò nê nè tà tɨŋe bòt bu ye làà la, ndɨ bɔ̀ɔ nèète zì mèntɨ̧ɨ̧ mɔb ane zi, e mě ko mènəè nkûŋ mu nàa nyɨ̀Ꞌta ndɨ betsiꞋa ba tsekè tè a bɔ a Mbɔ̧ɔ̧mà la,

Ètsə 1:19

“Ale, shɨ èghɨ bàagème à ye la. Shɨ èghɨ bu àa ghɨ àfɨ̀Ꞌ yaa la, mè shɨ e bu è bele kaa ghɨ̀ la.

Ètsə 1:9

Mmɔ̌ Jɔ̌n wanyɨ wɨ̧, ba nɨ̧̀ ba è tsìꞋi àghɨ yeamɔꞋ ane Yesò Klistò la. Ba nɨ̧̀ ba e kuule mèntɨ̧ɨ̧ ma a èbem ngoꞋ tu ndzèa wa la, nkàà nê ba nɨ a Yesò Klistò mbɨ̀Ꞌɨ̀ fɔ̧̀ wa. Bɔ li mbà̧ am ntsàà a èbem àdziꞋa si àyuube ako a èbem *èdzî bɔɔ ntɔ nê Patmɔ̀s la, nkàà ndɨ mâ làꞋa èngǎ̧ Mbɔ̧ɔ̧mà, Yesò Klistò nyɨ̀Ꞌte nê wu nkûŋ la.

Ètsə 17:1

ÀfɨꞋa mbɔŋ wekǒ ane bɔntu̧ Mbɔ̧ɔ̧mà bu basà̧à̧mbe bɔ li mbɔ̀ tèpfəèꞋ tu tesà̧à̧mbȩ la kɨꞋɨ̀ shu abua am nê, “KɨꞋɨ è nyɨꞋte awê ngoꞋ Mbɔ̧ɔ̧mà nàa nɔ̀ŋe àtsəa àghɨꞋna ghȩ̀ȩ̀nè ghȩ̀ȩ̀nè wu, è wù taꞋa àpfəèà nɨ̧ yu a nget mèdzî nyaŋ la.

Ètsə 19:10

E mbê mbɔ̀te a si a tèkate tò e wùꞋte atò. Tà shu abua am nê, “Ka ngɨ̀ ale. E ngu wuê wafàꞋ mbɨ̀Ꞌɨ̀ àwɔb nè bɔnyɨ bè bu bɔ bɨ̧ɨ̧ne èngǎ̧ Yesò la. WùꞋte wuê a Mbɔ̧ɔ̧mà.” Èngà̧ wu Yesò làꞋà la, wu àdziꞋa bèndàꞋàtɔŋ Mbɔ̧ɔ̧mà e nɨ mèngǎ̧ mɔb la.

Ètsə 19:9

Wantu̧ Mbɔ̧ɔ̧mà wu shu abua am nê “Shɨ ayaa a si: Ntsɔ̧̀ wu bòt bu bɔ tɔ awɔb nê bɔ̀ kɨꞋɨ njɨ èpǎ̧ ndzɔꞋɔ Wanjɨ̀ wu la.” Tà mè shu abua am nê, “Eyaa wu mèngǎ̧ nkûŋ è dzəè abua Mbɔ̧ɔ̧mà la.”

Ètsə 21:2

E ndze àpfəèà nɨ̧ a Mbɔ̧ɔ̧mà yu, è wu Jèlusalèm fi la, a lɔ̀Ꞌa abua Mbɔ̧ɔ̧mà a ègwet me chu a si. Bɔ nèètè yùà a tsiꞋi mbɨ̀Ꞌɨ̀ ndzà bɔ wèa tò tà me chɨ̀Ꞌɨ̀ lu̧ vi la.

Ètsə 21:9

Wantu̧ Mbɔ̧ɔ̧mà kǒ ane bɔntu̧ Mbɔ̧ɔ̧mà bu basà̧à̧mbe tà bèà tèpfəèꞋ tu tesà̧à̧mbe, te lu̧u̧ nè ngoꞋte Mbɔ̧ɔ̧mà tu tesà̧à̧mbe tê lìà la, kɨꞋɨ shu abua am nê, “KɨꞋɨ, maa nyɨꞋte awê ndzà yu Wanjɨ̀ wu yɔꞋɔ la.”

Ètsə 22:1

Wantu̧ Mbɔ̧ɔ̧mà wu è ghɨ̀ ale, mè nyɨ̀Ꞌte am èdzî ko àa ŋa mèmpème la, e me kàꞋtè mbɨ̀Ꞌɨ̀ àlùgɨ̀lâ. Èdzî mbɔŋ e dzə adù̧ àtɨ̧a kèfɔ̧̀ a Mbɔ̧ɔ̧mà bɔ̂ Wanjɨ̀ wu,

Ètsə 22:16

“Mmɔ̌ Yesò mâ tsàà wantu̧ am abua yɨ̧ nê tà kɨꞋɨ shu awɨ̧ mènəè maa, bɨ̀ shu abua bèchɔsì. E ngu èntaãaã e tu a àndǎ̧ Fɔ̧̀ Dàbid la, kěnto̧ ntɔtetsɔ̌Ꞌ kèa nkàꞋtà la.”

Ètsə 22:6

Wantu̧ Mbɔ̧ɔ̧mà wu mè shu abua am nê, “Eyaa wu mèngǎ̧ nkûŋ, è kùꞋu me wòt nàa bɨ̧ɨ̧ne la. Mbɔ̧ɔ̧mà Lefɨ̀Ꞌ wu tàa ndzìà Fo zi ane bèndàꞋàtɔŋ bi, bɔ làꞋà èngǎ̧ tò la, è tsàà wantu̧ vi nê tà kɨꞋɨ nyɨ̀Ꞌte bɔfàꞋ bi àghɨa à bele nyàŋe e ghɨ̀ la.”

Ètsə 22:8

Wu mmɔ̌ Jɔ̌n e ndi ndzə, mè ndze èghɨ bàa la. Mbɨ̀Ꞌɨ̀ mâ zə mè ndze bùà la, e mbɔ̀te a si a mbì wantu̧ Mbɔ̧ɔ̧mà wu tà nyɨꞋte am èghɨ bàa la, nê e nkɨ wùꞋte atò,

Ètsə 22:9

tà shu abua am nê, “Ka ngɨ̀ ale. E ngu wafàꞋ wuê mbɨ̀Ꞌɨ̀ àwɔ̀ nè bɔnyɨ bè bu è wù bèndàꞋàtɔŋ la, mè nè bòt bu bàgème bɔ̀ɔ ngɨ̀à àghɨa bɔ shɨ a èbem àkatè yaa la. WùꞋte wuê a Mbɔ̧ɔ̧mà.”

Ètsə 4:1

Mènəè maa ègème tsè e mè ndze àtsə, me ye ètsələèꞋ ko etsɔꞋɔ a ègwet. E ndzə àtɔŋ yu a li ndàꞋà abua am mbɨ̀Ꞌɨ̀ èsɔndɨk la, a nê “KɔꞋ àdziꞋ yaa mbɨ̀Ꞌɨ̀ maa nyɨꞋte àwê èghɨ è bele kaa ghɨ̀ la.”

Ètsə 5:7

Tà ghà nɨ àkatè yu àbualu̧ a wòt wu tà tseke a ègwet àtɨ̧a kèfɔ̧̀ yu la.