Efesɔ̀s 4:5 - Mundani

⁵ Lefɨ̀Ꞌ nàà wemɔ̀Ꞌ, alu̧ màndzia èntɨ̧ɨ̧ ane Yesò e wu wemɔꞋ, èlɨ màndzia a èdzî e wu wemɔꞋ.

Efesɔ̀s 4:5 Iomraidhean Croise

Matìù 28:19

È wu ale, bɨ̀ ghǎ ngɨ̀ bòt èlaꞋ ègème è tsiꞋi bɔkatè bɔ̧, ngɨ̀ bɔ zì àwɔb a èdzî ane èlen Mbɔ̧ɔ̧mà, nè èlen Waã, nè èlen Fo Kèfə,

ÀfaꞋa 10:36

Bɨ koê ntu̧ yu tà lè tsaa abua bòt Izəèlȩê la. Ntu̧ Ntsɔ̧̀ mbɔŋ nàà shua ndɨ baa bɔ àlàŋkè nè Mbɔ̧ɔ̧mà mbɨ̀Ꞌɨ̀ ba zì mèntɨ̧ɨ̧ ma ane Yesò Klistò wu, tà wu Fɔ̧̀ àtsəa bòt bàgème a sitsǎꞋ ŋàa la.

ÀfaꞋa 2:36

“Bɨ̀a bòt Izəèlȩê bàgème, bɨ ko nkûŋ nkûŋ nê, Mbɔ̧ɔ̧mà lȩ̂ a Yesò wu bɨ li ngù̧ù̧te atò a mbɨ̧̀ mbasa la ane Tǎt wa, mè ndzɔ̀Ꞌɔ atò mbɨ̀Ꞌɨ̀ Fɔ̧̀ wu ye tsàà la.”

Lûm 3:30

ndɨ̀ wu Mbɔ̧ɔ̧mà nàa wemɔ̀Ꞌ la. Tàa nɨ wòt ègème tà zi èntɨ̧ɨ̧ vi ane Yesò la mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, kò ŋut wu wòt Juê, kò wòt kà wu Juê leꞋ.

1 Kɔlìn 1:13

Bɔ bakà ghabta Yesò Klistò a èdziꞋ èdziꞋ. Wu Pɔ̂l ka tà li mpfə a mbɨ̧̀ mbasa ane ànəa yɨ̧ la à? Bɔ li ngua ndzìà àwɨ̧ a èdzî ane èlen Pɔ̂l?

1 Kɔlìn 1:2

Abua bòt chɔsì Mbɔ̧ɔ̧mà wu a Kɔlìn la, bɔ̀ɔ wu bɔ̀ tsiꞋi àghɨ yeamɔꞋ nè Yesò Klistò, bɔ̀ tsiꞋi bòt Mbɔ̧ɔ̧mà la, nè bòt bu àdzìꞋ ègème bɔ̀ɔ ngùꞋtà èlen Yesò Klistò mbɨ̀Ꞌɨ̀ Lefɨ̀Ꞌ wɔb nè wa la.

1 Kɔlìn 12:13

Wu wuê ndɨ bàagème, kò ba wu Bèjuê, kò bòt kà wu Bèjuê, kò èbùꞋ, kò bòt kà wu èbùꞋ leꞋ, bɔ zì àwa a èdzî baa bɔ Fo ngaa yemɔ̀Ꞌ ntsìꞋi mbɨ̧̀ ènyit yemɔ̀Ꞌ la. Mbɔ̧ɔ̧mà mè ndzì Fo ngaa a mèntɨ̧ɨ̧ ma bàagème.

1 Kɔlìn 12:5

Balu̧ aa nyaŋ betsiꞋa bòt e fàꞋ la, bɔ bɔ̂ ngua fàꞋà wuê abua Tǎt wemɔ̀Ꞌ.

1 Kɔlìn 8:6

ko abua ya, ba bɔ wuê a Mbɔ̧ɔ̧mà wemɔ̀Ꞌ, tà wu Tǎt wa la. Èghɨ ègème ghɨ̀à tòà, è mè ngu tòà ka tà ghɨ̀ àwa mbɨ̀Ꞌɨ̀ baa wu bòt tò la, ba mè mbɔ a Lefɨ̀Ꞌ wuê wemɔ̀Ꞌ, wù Yesò Klistò la. Tà wu wòt Mbɔ̧ɔ̧mà ghɨ̂ tà nɨ̀ èbu bi ngɨ̀ èghɨ ègème la, è mè ngu tòà ka tà ghɨ̂ baa me ko tseka mbɨ̀Ꞌɨ̀ bòt Mbɔ̧ɔ̧mà la.

2 Kɔlìn 11:4

E shua anè nkàà nê mâ ye nê bɨa mbeà mbɨ̧̀ɨ̧̀na ànəê àgème bɨ zə la. Wòt nàa ngɨ̀ tà kɨꞋɨ tà làꞋa ànəa Yesò tsǎ kà wu yu ba làꞋà la, kò ànəa fo tsǎ kà wu Fo Mbɔ̧ɔ̧mà yu bɨ li mbɔŋ la, kò ntsɔ̀tè ntu̧ tsǎ kà wu Ntu̧ Ntsɔ̧̀ Yesò Klistò yu bɨ li ndzə mbɨ̧̀ɨ̧̀ne la leꞋ, bɨ bê mbɨ̧̀ɨ̧̀ne kà kwàꞋtè.

Gàlashìà 5:6

Ndɨ̀ wu bà wu bòt Yesò Klistò la, ba bakà tsi mbɔ̌ ndɨ bàa me lȩ̂ nê bɔ naŋe wòt kò bɔ bakà nàŋe atò leꞋ la. Àghɨa bɔ kɨa la wu èntɨ̧ɨ̧ wu wòt zi ane Yesò Klistò la, e wu bɔ̀ɔ ndzèa ane èkɔŋ wu ŋut bɔ ane bɔbȩ la.

Efesɔ̀s 4:13

Bɔɔ me ghɨ̀ ale, tè waa waa ane ya naa tsiꞋi bɨ̧ɨ̧ne àghɨ yeamɔꞋ, e zǐ mèntɨ̧ɨ̧ ma ane Yesò Klistò ane èlɨ̀ wemɔꞋ mè nè ndɨ baa neetè nko Waã Mbɔ̧ɔ̧mà la. Èghɨ ba ègème aa ghɨ̌ baa tsiꞋi mbɨ̀Ꞌɨ̀ bòt bɔ tsə tê nkùꞋ tè ntsìꞋi mbɨ̀Ꞌɨ̀ Yesò Klistò nàa la ane balu̧ bàgème.

Filìpȩ 2:11

Èghɨ baa ègème e mè ngu elàꞋa ane mètsəê mɔb nê, Yesò Klistò wu Tǎt a ègwet àghɨ àgème, mbɨ̀Ꞌɨ̀ àghɨ àgème aa wùꞋtè èlen Tǎt tò Mbɔ̧ɔ̧mà.

Filìpȩ 3:8

Ane nkûŋ, è ndem ntsě wuê ndàꞋ èbùà. Mâ ntsiꞋa ndzèa èghɨ ègème àfɨ̀Ꞌ yaa mbɨ̀Ꞌɨ̀ e te ntsě èghɨ, mbɨ̀Ꞌɨ̀ e lâ eko wòt Tǎt am Yesò Klistò wû wùà la. Àyaa a bɔ̀ tê ntsè èghɨ tsa bu ègème. Mâ sǎ èghɨ bu ègème e ndi ngua ngɨ̀à la nkaa atò. Mâ ntsiꞋa ndzèa èghɨ ngaa ègème mbɨ̀Ꞌɨ̀ tabtsə, mbɨ̀Ꞌɨ̀ è ngu e tsiꞋi wuê ba Yesò Klistò,

Tȩtɔ̀s 1:1

Letà Pɔ̂l, wɔ̀fàꞋ Mbɔ̧ɔ̧mà, nè wantu̧ Yesò Klistò. Mbɔ̧ɔ̧mà li ndȩ̀ atò nê nè tà tɨŋe bòt bu ye làà la, ndɨ bɔ̀ɔ nèète zì mèntɨ̧ɨ̧ mɔb ane zi, e mě ko mènəè nkûŋ mu nàa nyɨ̀Ꞌta ndɨ betsiꞋa ba tsekè tè a bɔ a Mbɔ̧ɔ̧mà la,

Tȩtɔ̀s 1:4

E shɨa letà waa abua Tȩtɔ̀s, ngule waã am, ba tò e zì mèntɨ̧ɨ̧ ma ane wòt wemɔ̀Ꞌ la. Maà shù̧ù̧ta Tǎt wa Mbɔ̧ɔ̧mà bɔ̂ Yesò Klistò Mpemnà wa nê bɔ̀ me nyɨꞋte awê a ntsɔ̧̀ wɔb, mè ngɨ̀ à bɔ àlàŋkè a èntɨ̧ɨ̧ wê.

Ebùlù 13:7

Bɨ̀ ku̧u̧te ànəa bòt bu bɔ li ngu àtsəa yɨ̧ la, ye bu bɔ li ndàꞋ èngǎ̧ Mbɔ̧ɔ̧mà abua yɨ̧ la. Bɨ̀ kwàꞋte ndɨ bɔ li ngua ntsèka tè ndɨ pfə la, ndzì èntɨ̧ɨ̧ wɨ̧ ane Mbɔ̧ɔ̧mà mbɨ̀Ꞌɨ̀ bɔ li ndzì è wɔb la.

Ebùlù 6:6

Bɔ tsìà mèntɨ̧ɨ̧ mɔb ane Yesò ko aa taꞋa kweele bɔɔ mě zì mèntɨ̧ɨ̧ mɔb ane tò, nkàà nê a wu mbɨ̀Ꞌɨ̀ bɔ wua mè ngù̧ù̧ta Yesò waã Mbɔ̧ɔ̧mà a mbɨ̧̀ mbasa, mè ŋa àtsəa kɔꞋɔ abua tò a kètsìà banɔ̧̀.

Jimsì 2:18

Wòt kǒ naa laꞋnê, “A zi èntɨ̧ɨ̧ wê ane Mbɔ̧ɔ̧mà, e me fàꞋa èfaꞋa ntsɔ̧̀.” À bɨ̀ɨ̀lè am wu nê “NyɨꞋte am èntɨ̧ɨ̧ wu à zi ane Mbɔ̧ɔ̧mà la, è nɨ èfaꞋa ntsɔ̧̀ bɔ̧ nyɨ̀Ꞌte awê èntɨ̧ɨ̧ wu mâ zi ane Mbɔ̧ɔ̧mà la.”

1 Pità 3:21

Mèleb mu è li ŋèꞋe ànkànuꞋ yu la wu mbɨ̀Ꞌɨ̀, bɔ̀ɔ ngɨ̀ bɔ̀ zì àwa a èdzî àfɨ̀Ꞌ yaa, a nyɨꞋte nê bàà pem, mbɨ̀Ꞌɨ̀ Yesò Klistò li mpfə mè njù̧ù̧me la. Nàà kà tsi mèkɔb a mbɨ̧̀ ènyit wòt, mbɔ̂ me lo̧o̧ èntɨ̧ɨ̧ kà wua fèèlà wòt abua Mbɔ̧ɔ̧mà. Nàà ngɨ̀à ba pema ndɨ̀ wu Yesò Klistò li mpfə mè njù̧ù̧me la.

2 Pità 1:1

Letà Simùn Pità, wɔ̀fàꞋ nè wantu̧ Yesò Klistò, Abua bòt bu bɔ̀ɔ nkùŋà alu̧ Mbɔ̧ɔ̧mà, è wù alu̧ bàa bɔntu̧ àà nkùŋà la. Wu Yesò Klistò ka tà ghɨ̂ bɨ me kùŋè ale la, nkàà nê tàà ngɨ̀à mènəè wuê mbɨ̀Ꞌɨ̀ Mbɔ̧ɔ̧mà nàa nkɨà la. Wu Mbɔ̧ɔ̧mà bɔ̂ Yesò Klistò Mpemnà wa.

Jûd 1:20

Bèshu̧ bɔ̧, è me wu awɨ̧ ko bɨ̀ baãaã mènəè mu bɨ bɨ̧ɨ̧ne la me kweela ngà nè mbì. Mènəè maa dzə abua Mbɔ̧ɔ̧mà zìambɔŋ. Bɨ̀ me tsàꞋte Mbɔ̧ɔ̧mà ane mètàŋ Fo Kèfə.

Jûd 1:3

Ngule bèshu̧ bɔ̧, è ndi ngua nkɨ e shɨ letà waa abua yɨ̧ ane ànəa mèmpème mu ba nɨ̧̀ ba e fɔtè mbɔŋ la. È ngɨ̀ ale èntɨ̧ɨ̧ am e tsiꞋi me ŋwèèlè am nê è shɨŋ ngɨ̀ bɨ̀ neeta mbà̧aã ànəa Ntu̧ Ntsɔ̧̀ yu Mbɔ̧ɔ̧mà ŋa abua bòt bi nènkèm tè ndɔ̀Ꞌ la.