Efesɔ̀s 4:3 - Mundani

³ Fo Mbɔ̧ɔ̧mà ghɨ̂ bɨ tsiꞋi ane ètsəê wemɔꞋ, è wu ale bɨ̀ la ndze nê bɨa ntsèka ane àlàŋkè yu a fete awɨ̧ ngɨ̀ bɨ tsiꞋi àghɨ yeamɔꞋ la.

Efesɔ̀s 4:3 Iomraidhean Croise

Ntu̧ Ntsɔ̧̀ MAK 3:24

Nê àlaꞋ a ghàbtè tè bòt e tsiꞋa nùà èbeko, ko àlaꞋ a mbɔŋ aa kwene.

Jɔ̌n 13:34

“Mâ ŋa awɨ̧ mbɨ̧ fi nê, bɨ̀ me kɔ̀ŋkè bɔnyɨ bɨ̧. Mbɨ̀Ꞌɨ̀ ndɨ maa wua nkɔ̀ŋkà àwɨ̧ la, bɨ̀ me kɔ̀ŋkè bɔnyɨ bɨ̧ mɨ̧̂.

1 Kɔlìn 1:10

Bɔnyɨ bɔ̧, e ngua shù̧ù̧ta wɨ̧ ane èlen Yesò Klistò Lefɨ̀Ꞌ wa nê, bɨ̀ wu ane ètsəê wemɔꞋ, mbɨ̀Ꞌɨ̀ àyɔ̀ŋ a wu a kètsìà wɨ̧. Bɨ̀ wu àghɨ yeamɔꞋ ane ndɨ bɨ̀a nkwàꞋtà mènəè la.

2 Kɔlìn 13:11

Bɔnyɨ bɔ̧, enɨ lìa e ngua shua nê bɨ̀ tseke ntsɔ̧̀. Bɨ̀ kubte mènəè mɨ̧, mè me zə ànəa mâ shu la, ngɨ̀à mènəè mɨ̧ nè èntɨ̧ɨ̧ wemɔꞋ, mè ntsèka ane àlàŋkè bɨ bɔnyɨ bɨ̧. Bɨ me ghɨ̀ anè ko Mbɔ̧ɔ̧mà èkɔŋ nè àlàŋkè èntɨ̧ɨ̧ naa wu ne nɨ̧̀.

Efesɔ̀s 4:13

Bɔɔ me ghɨ̀ ale, tè waa waa ane ya naa tsiꞋi bɨ̧ɨ̧ne àghɨ yeamɔꞋ, e zǐ mèntɨ̧ɨ̧ ma ane Yesò Klistò ane èlɨ̀ wemɔꞋ mè nè ndɨ baa neetè nko Waã Mbɔ̧ɔ̧mà la. Èghɨ ba ègème aa ghɨ̌ baa tsiꞋi mbɨ̀Ꞌɨ̀ bòt bɔ tsə tê nkùꞋ tè ntsìꞋi mbɨ̀Ꞌɨ̀ Yesò Klistò nàa la ane balu̧ bàgème.

Efesɔ̀s 4:4

Mbɨ̧̀ ènyit nàà yemɔ̀Ꞌ, Fo Mbɔ̧ɔ̧mà mè ngu yemɔ̀Ꞌ, wuê mbɨꞋɨ̀ àghɨ yu Mbɔ̧ɔ̧mà tɔ awa ba me chɨ̀Ꞌà la àa yeamɔꞋ la.

1 Tèsàlonikà 5:13

Bɨ̀ la me kukte awɔb mè nkɔ̀ŋkà àwɔb ntsɔ̧̀ ane àfàꞋ yu bɔ̀ɔ fàꞋà la. Bɨ̀a mbɔŋ è me tseke ane àlàŋkè bɨ bɔnyɨ bɨ̧.

Ebùlù 12:14

Bɨ nyɔta ndze nê bɨà ntsèke ane àlàŋkè nè waa waa, mè me tseke mbɨ̀Ꞌɨ̀ bòt mènəè ntsɔ̧̀ nkàà nê, wòt bakà wua ngɨ̀à ale, tà kà ye a Mbɔ̧ɔ̧mà.