Efesɔ̀s 4:16 - Mundani

¹⁶ Wu tòà ka tàa ngɨ̀à èdziꞋi ènyit ègème e tsəꞋnà ntsìꞋa àghɨ yeamɔꞋ la, è mè ngu mbɔ̀ɔ̀la ègème a mbɨ̧̀ ènyit nàa fèta mbɨ̧̀ ènyit mbɔŋ nènkèm mbà̧aã la. Ale, àdziꞋa ènyit àgème a me ghɨ̀ àghɨa a bɔ ndɨ àa ghɨ̀ la, ko bòt aa me kɔ̀ŋkè bɔnyɨ bɔb, mbɨ̧̀ ènyit ègème naa me tsəa nkwèèla.

Efesɔ̀s 4:16 Iomraidhean Croise

Jɔ̌n 15:5

“E ngu àyɨt vȩn, bɨ wu mèntaãaã. Wòt tà wu àghɨ yeamɔꞋ nè nà̧, e mè ngu àghɨ yeamɔꞋ nè tò la, wu mbɨ̀Ꞌɨ̀ èntaãaã àyɨt àa nkɔ̀ɔ̀la ntsɔ̧̀ la. Tà bakà wu nè nà̧ tà kà koê ngɨ̀ àghɨ.

Lûm 12:4

Baa bɔ mbɨ̧̀ ènyit yemɔ̀Ꞌ nè èdziꞋ nyaŋ, àdziꞋ àgème a bɔ mbɔ̌ àfàꞋ àzi.

1 Kɔlìn 10:17

Ndɨ̀ wu bled nàa wemɔ̀Ꞌ, bàagème e mè me jɨ a bled ngaa la, a wua nyɨ̀Ꞌta nê, baa mbàta ndzà̧aã ale ka mbɔ̂ ngu mbɨ̧̀ ènyit yemɔ̀Ꞌ.

1 Kɔlìn 13:13

Ale, màndzia èntɨ̧ɨ̧ nè màmbɔ ntɨ̀ ane Mbɔ̧ɔ̧mà nè èkɔŋ, èghɨ bàa betat la aa li tèꞋa, mbɔ̂ àyea a tsè èbeko la wu èkɔŋ.

1 Kɔlìn 8:1

È wu ane ànəa èghɨjɨ bɔ nɨŋ njɨ̀a bènàmbəa la, ko baa ko nê, “Bàa gème e ko mènəè.” Wòt nàa nkoa mènəè è me ghɨ̌ tà me ŋeꞋe tèkwȩ ti a ègwet, ka èkɔŋ e me lɔktè mèntɨ̧ɨ̧ bòt.

Gàlashìà 5:22

Ka èghɨ Fo Mbɔ̧ɔ̧mà nàa ŋǎ la wu èkɔŋ, nè mèngùꞋte, nè àlàŋkè, nè màmbɔɔla èntɨ̧ɨ̧, mànkua tèsȩ nè màngɨa ntsɔ̧̀, nè màndaꞋa nkûŋ,

Gàlashìà 5:6

Ndɨ̀ wu bà wu bòt Yesò Klistò la, ba bakà tsi mbɔ̌ ndɨ bàa me lȩ̂ nê bɔ naŋe wòt kò bɔ bakà nàŋe atò leꞋ la. Àghɨa bɔ kɨa la wu èntɨ̧ɨ̧ wu wòt zi ane Yesò Klistò la, e wu bɔ̀ɔ ndzèa ane èkɔŋ wu ŋut bɔ ane bɔbȩ la.

Efesɔ̀s 1:4

Ngɔ̀ŋ li me laꞋ nê nàà mbùꞋà, Mbɔ̧ɔ̧mà lȩ̀a wa mbɨ̀Ꞌɨ̀ baa tsiꞋi àghɨ yeamɔꞋ nè Yesò Klistò, ngɨ̀ àwa ane bòt mènəè ntsɔ̧̀ kà ye àghɨa ko bɔ̀ɔ fèèlè àwa adù̧ la a mbì li.

Efesɔ̀s 3:17

E mè me tsàꞋte nê bɨ̀ ghɨa Yesò Klistò me tseke a mèntɨ̧ɨ̧ mɨ̧, ndɨ̀ wu bɨ̀a ndzìà èntɨ̧ɨ̧ wɨ̧ ane tò la. Maà ntsàꞋtà nê, tsiꞋ è wu èkɔŋ wɨ̧ ka e baãaã àghɨ àgème bɨ̀a ngɨ̀à la,

Efesɔ̀s 3:7

Mbɔ̧ɔ̧mà li ngɨ̀ e ngu wafàꞋ a màntsɔta Ntu̧ Ntsɔ̧̀ yaa. E ntsɔ̀ta ane èghab wu tà ŋa abua am la. Tà li ŋa am èghab waa ane mètàŋ mi.

Efesɔ̀s 4:12

Tà li ngɨ̀ àyaa mbɨ̀Ꞌɨ̀ e ghɨ̌ bòt Mbɔ̧ɔ̧mà bàgème aa kùꞋu a màngɨa àfaꞋa bɔ bɔ ndɨ bɔ̀ɔ ghɨ̀ la, ngɨ̀à bòt bu bɔ̀ wu mbɨ̧̀ ènyit Yesò Klistò la e kweelà.

Efesɔ̀s 4:15

Baa tsiꞋi me nɨ èkɔŋ ndàꞋà mènəè nkûŋ, etsə ane balu̧ bàgème te tsiꞋi mbɨ̀Ꞌɨ̀ Yesò Klistò wu tà wu àtsə la.

Filìpȩ 1:9

Maà ntsàꞋtà Mbɔ̧ɔ̧mà àtsəa yɨ̧ nê, èkɔŋ wɨ̧ è me tsəa ngà wuê nè mbì, a màmbɔ èyì, e mě lâ eko ndɨ bɨ̀a me ghɨ̌ àghɨ àgème la.

Kɔ̀losìà 2:19

Ŋut nàà kà tsi ndzəèa Yesò wu tà wu àtsəa ènyit yu è wu bòt Mbɔ̧ɔ̧mà la. Wu Yesò Klistò ka tàa ngɨ̀à ènyit mbɔŋ e bɔ èghɨjɨ, mè ngɨ̀à èdziꞋ ènyit ègème e tsəꞋnà ngua mbɨ̧̀ yemɔ̀Ꞌ, ale ngɨ̀à è tsəa ndɨ Mbɔ̧ɔ̧mà nàa nkɨà nê è me tsə la.

Kɔ̀losìà 2:2

E ngɨ̀à ale mbɨ̀Ꞌɨ̀ enɨ lɔ̀ktè mèntɨ̧ɨ̧ mɨ̧, e ghɨ̌ bɨa tsiꞋi bòt bɔ̀ɔ ndâ nkɔ̀ŋkà bɔnyɨ bɔb tè ntsìꞋi àghɨ yeamɔꞋ la. A wu anè ko bɨa lâ eko nkûŋ ane ànəê yu Mbɔ̧ɔ̧mà li ndò̧, ka me wu àfɨ̀Ꞌ yaa ngɨ̀ ba ko la. Nkûŋ ya wu ane ànəa Yesò Klistò zìambɔŋ.

1 Tèsàlonikà 1:3

Bàa ngɨ̀ baa me ku̧u̧te mènəè mu bɨ̀a ngɨ̀à ndɨ̀ wu bɨ zì mèntɨ̧ɨ̧ mɨ̧ ane Yesò la. Baa nkù̧ù̧ta mɨ̧̂ ndɨ bɨ taꞋa wua fàꞋà nkàà nê bɨ̀a nkɔ̀ŋkà tò la, mè me ku̧u̧te ndɨ bɨ nɔ̀ŋe ntɨ̀ yɨ̧ ane Yesò Klistò Lefɨ̀Ꞌ wa la.

1 Tèsàlonikà 2:13

Lə kǒ bàa mè ntsèka nkɔ̀ŋkà a Mbɔ̧ɔ̧mà la wu nê, ba li ndàꞋà èngà̧ wu e dzə abua Mbɔ̧ɔ̧mà la abua yɨ̧ ale, bɨ zə mbɨ̧̀ɨ̧̀nê. Bɨ li mbɨ̧̀ɨ̧̀nê nê, è ntsě èngǎ̧ wɔ̀bȩ̂, nê wu èwe Mbɔ̧ɔ̧mà, è bɔ̂ ngu kwàꞋ èngǎ̧ Mbɔ̧ɔ̧mà. Wu èngǎ̧ mbɔŋ Mbɔ̧ɔ̧mà nɨŋ me fàꞋa ane yɨ̧ wu bɨ zì mèntɨ̧ɨ̧ mɨ̧ ane tò la.

1 Tèsàlonikà 3:12

Ba mè ntsàꞋtà nê Lefɨ̀Ꞌ ghɨa èkɔŋ wɨ̧ ane bɔnyɨ bɨ̧ è me kweela ngà nè mbì, bɨ̀ mèe me nèèta nkɔ̀ŋkà waa waa wuê mbɨ̀Ꞌɨ̀ bàa nkɔ̀ŋkà àwɨ̧ la.

2 Tèsàlonikà 1:3

Bɔnyɨ, ba bɔ ndɨ bàa me kɔ̀ŋka Mbɔ̧ɔ̧mà àfɨ̀Ꞌ àgème ane ànəa yɨ̧ la. A bɔ̂ŋ nê bà me ghɨ̀ ale, nkàà nê, bɨa mpaa ndzìà èntɨ̧ɨ̧ wɨ̧ ane Yesò Klistò nɨa ngà nè mbì, èkɔŋ wɨ̧ ane bɔnyɨ bɨ̧ e mè me ghà ne mbì.

1 Tɔ̀màtià 1:5

E shua nê kele awɔb anè mbɨ̀Ꞌɨ̀ bɔɔ me kɔ̀ŋkè bɔnyɨ bɔb nè èntɨ̧ɨ̧ kà wua fèèlè àwɔb, mè me ghɨ̀ wuê èghɨ bɔ ko nê e kùꞋù la, mè me nèèta ndzìà mèntɨ̧ɨ̧ mɔb ane Mbɔ̧ɔ̧mà.

1 Pità 1:22

Àfɨ̀Ꞌ yaa bɨ tsiꞋa ngɨ̀à mbɨ̀Ꞌɨ̀ nkûŋ yu è dzə abua Mbɔ̧ɔ̧mà la nàa shua la, bɨ bɔ mèntɨ̧ɨ̧ kèfə tè ntsìꞋa ndâ nkɔ̀ŋkà bɔnyɨ bɨ̧ bòt Mbɔ̧ɔ̧mà. È wu ale, bɨ̀ me kɔ̀ŋkè bɔnyɨ bɨ̧ nɨa ngà nè mbì nè èntɨ̧ɨ̧ wɨ̧ ègème.

1 Jɔ̌n 4:16

Ale, ba koê mè ndâ mbɨ̧̀ɨ̧̀nê nê Mbɔ̧ɔ̧mà nàà nkɔ̀ŋkà wa. Mbɔ̧ɔ̧mà wu èkɔŋ. Ale, wòt ègème tàa ntsèka nyɨ̀Ꞌta èkɔŋ la tsiꞋi àghɨ yeamɔꞋ bɔ̂ Mbɔ̧ɔ̧mà, Mbɔ̧ɔ̧mà mè ntsìꞋi àghɨ yeamɔꞋ bɔ̂ ŋut mɨ̧̂.