Efesɔ̀s 3:8 - Mundani

⁸ Mâ batè nkuà nè kwèn tè ntse a tandiakwèn ane bòt Mbɔ̧ɔ̧mà, ka Mbɔ̧ɔ̧mà li nkɔ̀ŋkè am, ŋà am àfàꞋ yaa nê, è me tsɔ̀te Ntu̧ Ntsɔ̧̀ abua bòt kà wu Bèjuê shua awɔb ànəa èwuu èghɨ ntsɔ̧̀ bu Yesò Klistò nàa ŋǎ la.

Efesɔ̀s 3:8 Iomraidhean Croise

Lûk 14:22

“WafàꞋ wu kɨ̀Ꞌɨ̂, shu abua tǎt vi nê, ‘Tê, mâ ghà tê ngɨ̀ àghɨa à shu la, ka lob ka lu̧.’

Jɔ̌n 1:16

Tà kɨꞋɨ ale me kɔ̀ŋkè bòt nyaŋ ngɨ̀à ba bɔ mèngùꞋte mu è dzə abua Mbɔ̧ɔ̧mà la a ngo̧ a ngò̧.

ÀfaꞋa 5:41

Bɔntu̧ bu e sà lob èsaꞋa yu me ghȩ̀ȩ̀na ngùꞋtà awɔb nê, Mbɔ̧ɔ̧mà ye nê bɔ kùꞋù èbe bɔ̀ɔ jɨ àkù ane èlen Yesò la.

ÀfaꞋa 9:15

Tè Yesò mè shu abua Ànàniàs nê, “Ghà wuê ghǎ, nkàà nê mâ lȩ̀ atò nê tà faꞋa àfàꞋ am. Nê tà tɨŋe bòt kà wu Bèjuê bɔ̂ bèfɔ̧̀ bɔb, nè bòt Izəèlȩê bàgème bɔ ko wòt è ngu wùà la.

Lûm 11:33

Bɨ̀ ye ndɨ ènɨ̧ Mbɔ̧ɔ̧mà e ghe la! Tà taꞋa bɔ èyì, mè nko mènəè ègème! Wòt wu betsiꞋa tà ko ndɨ tàa ngɨ̀à mènəè mi la wu wàà? BetsiꞋa wàa ko balu̧ tò à?

Lûm 12:10

Bɨ̀ me kɔ̀ŋkè bɔnyɨ bɨ̧ nɨa ngà nè mbì nè èntɨ̧ɨ̧ wɨ̧ ègème, mè ngu bòt mbì a mànkukta bɔnyɨ bɨ̧.

Lûm 2:4

Kò àa mɨ̀ɨ̀tà nê ndɨ̀ wu Mbɔ̧ɔ̧mà bɔ a bɔɔla èntɨ̧ɨ̧ mè me baãaã èntɨ̧ɨ̧ vi nkua tèsȩte bòt la, tàa sà àwê aa ghà àku à? À bakà ko nê ntsɔ̧̀ waa Mbɔ̧ɔ̧mà nyɨ̀Ꞌta la, wua nkɨà mbɨ̀Ꞌɨ̀ aa kubte ane mènəè kàbɔ̀ŋ mê?

1 Kɔlìn 1:30

Wu Mbɔ̧ɔ̧mà ka tà ghɨ̂ ba tsiꞋi àghɨ yeamɔꞋ nè Yesò Klistò la. Yesò Klistò wu mbɨ̀Ꞌɨ̀ èyǐ Mbɔ̧ɔ̧mà abua ya. Tà ghɨ̂ ba tsiꞋi bòt mènəè ntsɔ̧̀ e mbì Mbɔ̧ɔ̧mà, mè ntsìꞋi bòt bɔ ŋa wɔb abua Mbɔ̧ɔ̧mà la. Wu tòa tà tsì àwa a èbem kàbɔ̀ŋ la mɨ̧̂.

1 Kɔlìn 15:9

E ngu tandiakwèn ane bɔntu̧ Yesò Klistò. E mbakà kuꞋu wòt bɔ̀ɔ me tɔ atò ane wantu̧ Yesò Klistò la nkàà nê, e ndi ngua nkɨà ètsə bòt chɔsì Mbɔ̧ɔ̧mà enɨ.

1 Kɔlìn 2:9

Mbɨ̀Ꞌɨ̀ Àkata Mbɔ̧ɔ̧mà a shu la, “Àghɨa kà èghɨ e li mè ye, Nè àghɨa kà àtû̧ a li mè zə Nè àghɨa kà èntɨ̧ɨ̧ e li mè mɨ̀ɨ̀te, Wu àghɨa Mbɔ̧ɔ̧mà taŋke abua bòt bu bɔ̀ɔ nkɔ̀ŋkà tò la.”

Gàlashìà 1:16

nyɨ̀Ꞌte waã vi abua am mbɨ̀Ꞌɨ̀ maa tsɔ̀te Ntu̧ Ntsɔ̧̀ tò ayɔɔ bòt kà ko a Mbɔ̧ɔ̧mà. ÀfɨꞋa mbɔŋ, è nka gha enɨ nkɨ̀a abua wɔ̀bȩ̂ kǒ,

Gàlashìà 2:8

Mbɔ̧ɔ̧mà li ngɨ̀ e ntsiꞋi wantu̧ tò a màndaꞋa èngǎ̧ tò abua bòt kà wu Bèjuê, wuê mbɨ̀Ꞌɨ̀ tà li ngɨ̀ Pità tsìꞋi wantu̧ tò a màndaꞋa èngǎ̧ tò abua Bèjuê la.

Efesɔ̀s 2:7

Tà li ngɨ̀ àyaa mbɨ̀Ꞌɨ̀ li me tseka nyɨ̀Ꞌta ntsɔ̧̀ vi wu è ghe la. Baa ndzea ntsɔ̧̀ tò waa ane àghɨa Yesò Klistò ghɨ ane ya la.

Efesɔ̀s 3:1

Àyaa a ghɨ̂, mmɔ̌ Pɔ̂l wu è ngu a tèfȩ nkàà èngǎ̧ Yesò Klistò wu màa ndàꞋà abua yɨ̧ bɨ̀a bòt kà wu Bèjuê la, e me tsàꞋte a Mbɔ̧ɔ̧mà.

Efesɔ̀s 3:16

Maà ntsàꞋta Mbɔ̧ɔ̧mà nê tà ghǎ ane èghɨ bi bu a ègwet e ghe la, nɨ Fo zi ngɨ̀ èŋa awɨ̧ mètàŋ mbɨ̀Ꞌɨ̀ mèntɨ̧ɨ̧ mɨ̧ naa me kweele.

Efesɔ̀s 3:19

e mě, kɨꞋɨ te ndzə àdziꞋa bɨ̀a ko èkɔŋ Yesò Klistò la, mbɔ̂ èkɔŋ mbɔŋ e faŋ ntsè àghɨ betsiꞋa bòt e koê la. Bɨ koa èkɔŋ Yesò waa ko bɨa bɔ èntɨ̧ɨ̧ wu Mbɔ̧ɔ̧mà bɔ la nènkèm.

Efesɔ̀s 3:2

Mâ mɨɨtè nê bɨ zə ndɨ Mbɔ̧ɔ̧mà nyɨꞋte a ntsɔ̧̀ vi, ŋǎ àfàꞋ yaa abua am nê è me fàꞋa nɨa ntɨ̀ŋa wɨ̧ la.

Filìpȩ 2:3

Wòt ka me ghɨ̌ àghɨ nkɨà nê bɔ̀ me ye wuê avi kò shua nè ye ghe leꞋ. Ka waa waa nɨ avi a si a mbì bɔnyɨ bi, mè me nɨ awɔb mbɨ̀Ꞌɨ̀ bòt bɔ tsè àvi la.

Filìpȩ 4:19

Mbɔ̧ɔ̧mà am naa nɨ èghɨ kèfɔ̧̀ vi eŋa èghɨ ègème bɨ̀a nkɨ̀ŋkà la kà kuꞋte àbu, ndɨ̀ wu bɨ Yesò Klistò ba è tsiꞋi àghɨ yeamɔꞋ la.

Kɔ̀losìà 1:27

Mbɔ̧ɔ̧mà kɔ̀ŋkè nê yea tùꞋu ànəa ndò̧ zi yu abua yɔb mbɨ̀Ꞌɨ̀ nɨ enyɨꞋte ndɨ yea mbà̧aã bòt èlaꞋ ègème ntsɔ̧̀, ngɨ̀à bɔ bɔ èghɨ ntsɔ̧̀ bu ègème àa ndzəa ane ntsèm yaa la. Ntsèm mbɔŋ wu nê, Yesò Klistò wu a mèntɨ̧ɨ̧ mɨ̧. Àyaa a wua shua nê, bɨà li ewu ne Mbɔ̧ɔ̧mà a èbem ènɨ̧ tò.

1 Tɔ̀màtià 1:13

È li mbàte ngu àfɨꞋa mbì, e me làꞋa mènəè kàbɔ̀ŋ ane tò nkɨà àtsəa bòt tò enɨ, mè ntsò̧ò̧ta atò, tà bɔ̂ nkù tèsȩ taã. Me ku tèsȩ taã ale ngu nê e ndi è nka ko àghɨa e ngɨ̀à la, nkàà ndɨ̀ è baka zìꞋ ndzì èntɨ̧ɨ̧ am ane tò la.

1 Tɔ̀màtià 1:15

Èngà̧ waa e shua la wu ngule èngǎ̧ bòt e wu ebɨ̧ɨ̧ne, e mě zì mèntɨ̧ɨ̧ mɔb ègème adù̧ la. Yesò Klistò li nkɨ̀Ꞌɨ̂ a ngɔ̀ŋ ŋaa etsǐ bòt a èbem ndɔ̀ kàbɔ̀ŋ wɔb, e mbɔ̂ ngɨ̀a a kàbɔ̀ŋ tè ntsè bòt bàgème.

1 Tɔ̀màtià 2:7

Eyaa wu lə Mbɔ̧ɔ̧mà li ndzì am ane wantu̧ vi nê, è me tsɔ̀te ntu̧ yaa abua bòt kà wu Bèjuê la. Tà li nê, è nyɨꞋte èngǎ̧ vi wu è wû nkûŋ la abua bòt, mbɨ̀Ꞌɨ̀ bɔɔ la ebɨ̧ɨ̧ne. È nka laꞋà mèfà̧. E shua nkûŋ.

2 Tɔ̀màtià 1:11

Mbɔ̧ɔ̧mà è lȩ̀ am ane wantu̧ vi nê è nyɨꞋte mè ntsɔ̀tè Ntu̧ Ntsɔ̧̀ yu abua bɔbȩ.

Ètsə 3:18

Ale, mâ kɨɨte awɨ̧ nê bɨ̀ kɨꞋɨ abua am njû̧ a ngule goêl bɔ to̧ a èwet tè ndɔ̀tetsə te dzə adù̧ la, mbɨ̀Ꞌɨ̀ wu ndaŋe bòt èsi ntsɔ̧̀. Bɨ̀ kɨꞋɨ mɨ̧̂ njû̧ ndìte kèfə nkàbte mbɨ̧̀ tɨ̧, mbɨ̀Ꞌɨ̀ tea ghɨ̌ bɨa baka tsi mbɔ̀ àtsəa kɔꞋɔ. Bɨ̀ mě nkɨ̀Ꞌɨ̂ njû̧ èghɨbə ndzì àghɨ ayɨ̧ mbɨ̀Ꞌɨ̀ e me ye èdziꞋ ntsɔ̧̀.