Efesɔ̀s 3:7 - Mundani

⁷ Mbɔ̧ɔ̧mà li ngɨ̀ e ngu wafàꞋ a màntsɔta Ntu̧ Ntsɔ̧̀ yaa. E ntsɔ̀ta ane èghab wu tà ŋa abua am la. Tà li ŋa am èghab waa ane mètàŋ mi.

Efesɔ̀s 3:7 Iomraidhean Croise

ÀfaꞋa 9:15

Tè Yesò mè shu abua Ànàniàs nê, “Ghà wuê ghǎ, nkàà nê mâ lȩ̀ atò nê tà faꞋa àfàꞋ am. Nê tà tɨŋe bòt kà wu Bèjuê bɔ̂ bèfɔ̧̀ bɔb, nè bòt Izəèlȩê bàgème bɔ ko wòt è ngu wùà la.

Lûm 1:5

Mbɔ̧ɔ̧mà li ntsè ane Yesò nɨa ntsɔ̧̀ vi ngɨ̀ am ane wantu̧ Yesò, mbɨ̀Ꞌɨ̀ maa me ghaãaã ane èlen Yesò ndàꞋà èngǎ̧ tò abua bòt èlaꞋ ègème, mbɨ̀Ꞌɨ̀ bɔɔ bɨ̧ɨ̧ne èngǎ̧ mbɔŋ, e tsiꞋi me zə wuê atò.

Lûm 12:3

E ngua ndàꞋà ane àtɔŋ yu Mbɔ̧ɔ̧mà ŋa abua am mbɨ̀Ꞌɨ̀ wantu̧ Yesò nkàà ntsɔ̧̀ vi la shua abua wòt ègème ane yɨ̧ nê, wòt ka mɨ̀ɨ̀te nê ye wu àghɨa kà wu yùà. Ka wòt ègème me nɨ avi mbɨ̀Ꞌɨ̀ tàa la, nkoa è vi ne èghab Mbɔ̧ɔ̧mà è ŋa ndɨ̀ wu tà zi èntɨ̧ɨ̧ vi ane Yesò Klistò la.

Lûm 15:16

tà nɨŋ ngɨ̀ e ntsiꞋi wafàꞋ Yesò Klistò la. Maà ntsɔ̀tà Ntu̧ Ntsɔ̧̀ Mbɔ̧ɔ̧mà abua bòt kà wu Bèjuê ale, àfàꞋ am a wu mbɨ̀Ꞌɨ̀ àfaꞋa ntsìà mèpɨ̧̀, e ghɨ̌ Mbɔ̧ɔ̧mà naa nɨ awɔb mbɨ̀Ꞌɨ̀ àghɨa èpɨ̧̀ a kuꞋ, nkàà ndɨ Fo Kèfə ghɨ awɔb ane bòt Mbɔ̧ɔ̧mà la.

1 Kɔlìn 15:10

Ka Mbɔ̧ɔ̧mà nɨa ntsɔ̧̀ vi ngɨ̀ e ngu àghɨa è ngu yùà la, ntsɔ̧̀ tò mbɔŋ li è kà tse àku. Ane nkûŋ, e ndi fàꞋ tè ntsè àwɔb bàgème, mbɔ̂ è li è kà lem ngu mmɔ̌, è li ngu ntsɔ̧̀ Mbɔ̧ɔ̧mà wu ane yaã la.

1 Kɔlìn 3:5

Àpolòs nàa nè ngu wàà? Pɔ̂l mè ngu wàà? Ba wu wuê bɔfàꞋ Mbɔ̧ɔ̧mà tà li ntsè ane ya ngɨ̀ bɨ zì mèntɨ̧ɨ̧ mɨ̧ ane Yesò Klistò la. Waa waa ane ya nàà ngɨ̀à wuê àfaꞋa Mbɔ̧ɔ̧mà ŋa nê tà ghɨa la.

2 Kɔlìn 3:6

Tà ghɨ̀ àwa ba kùꞋù èbe bàa me làꞋà ànəa mènkàꞋa kèkweelè fi tò la. Ànəa mènkàꞋa mbɔŋ ntsě a màndzəa mènəè mbɨ̧ bɔ shɨ a si la, wu màndzəa mènəè Fo Mbɔ̧ɔ̧mà nàa shua la. Mènəè mbɨ̧ bɔ shɨ a si la nàà ngɨ̀à bòt e pfəꞋtà, ka mènəè Fo Mbɔ̧ɔ̧mà me ŋa mèmpème.

2 Kɔlìn 4:1

Ale, ndɨ̀ wu Mbɔ̧ɔ̧mà nɨ tèsȩ ti ŋà àwa àfàꞋ màshua bòt mènəè Fo Mbɔ̧ɔ̧mà maa la, baa kà kaãaã a mà faꞋa.

Gàlashìà 2:8

Mbɔ̧ɔ̧mà li ngɨ̀ e ntsiꞋi wantu̧ tò a màndaꞋa èngǎ̧ tò abua bòt kà wu Bèjuê, wuê mbɨ̀Ꞌɨ̀ tà li ngɨ̀ Pità tsìꞋi wantu̧ tò a màndaꞋa èngǎ̧ tò abua Bèjuê la.

Efesɔ̀s 1:19

Mè nè èlɨ mètàŋ kèkweelè Mbɔ̧ɔ̧mà mu nàa ntɨ̀ŋa wa wu ba zì mèntɨ̧ɨ̧ ma ane Yesò la. Mètàŋ maa Mbɔ̧ɔ̧mà nàa nɨa ntɨ̀ŋa wa la, wu wuê mètàŋ mbɔŋ tà li nɨŋ

Efesɔ̀s 3:2

Mâ mɨɨtè nê bɨ zə ndɨ Mbɔ̧ɔ̧mà nyɨꞋte a ntsɔ̧̀ vi, ŋǎ àfàꞋ yaa abua am nê è me fàꞋa nɨa ntɨ̀ŋa wɨ̧ la.

Efesɔ̀s 3:20

Bà ŋa mèngùꞋte abua Mbɔ̧ɔ̧mà wu tàa faꞋa ane ya nyaŋ tè ntsè ndɨ betsiꞋa ba mɨ̀ɨ̀tè kò shuê la.

Efesɔ̀s 3:8

Mâ batè nkuà nè kwèn tè ntse a tandiakwèn ane bòt Mbɔ̧ɔ̧mà, ka Mbɔ̧ɔ̧mà li nkɔ̀ŋkè am, ŋà am àfàꞋ yaa nê, è me tsɔ̀te Ntu̧ Ntsɔ̧̀ abua bòt kà wu Bèjuê shua awɔb ànəa èwuu èghɨ ntsɔ̧̀ bu Yesò Klistò nàa ŋǎ la.

Efesɔ̀s 4:16

Wu tòà ka tàa ngɨ̀à èdziꞋi ènyit ègème e tsəꞋnà ntsìꞋa àghɨ yeamɔꞋ la, è mè ngu mbɔ̀ɔ̀la ègème a mbɨ̧̀ ènyit nàa fèta mbɨ̧̀ ènyit mbɔŋ nènkèm mbà̧aã la. Ale, àdziꞋa ènyit àgème a me ghɨ̀ àghɨa a bɔ ndɨ àa ghɨ̀ la, ko bòt aa me kɔ̀ŋkè bɔnyɨ bɔb, mbɨ̧̀ ènyit ègème naa me tsəa nkwèèla.

Kɔ̀losìà 1:29

Maa ndâ fàꞋà ànyaꞋne nè mètàŋ mu è ghe Yesò Klistò e ŋǎ abua am la, mbɨ̀Ꞌɨ̀ eye nê mâ ghɨ èghɨ bàagème.

1 Tèsàlonikà 2:13

Lə kǒ bàa mè ntsèka nkɔ̀ŋkà a Mbɔ̧ɔ̧mà la wu nê, ba li ndàꞋà èngà̧ wu e dzə abua Mbɔ̧ɔ̧mà la abua yɨ̧ ale, bɨ zə mbɨ̧̀ɨ̧̀nê. Bɨ li mbɨ̧̀ɨ̧̀nê nê, è ntsě èngǎ̧ wɔ̀bȩ̂, nê wu èwe Mbɔ̧ɔ̧mà, è bɔ̂ ngu kwàꞋ èngǎ̧ Mbɔ̧ɔ̧mà. Wu èngǎ̧ mbɔŋ Mbɔ̧ɔ̧mà nɨŋ me fàꞋa ane yɨ̧ wu bɨ zì mèntɨ̧ɨ̧ mɨ̧ ane tò la.

Ebùlù 13:21

ŋà àwɨ̧ àghɨa ntsɔ̧̀ àgème mbɨ̀Ꞌɨ̀ bɨa me ghɨ̀ àghɨa tàa nkɨà la. TsiꞋ tà tsě ane Yesò ngɨ̀ àghɨa àa mbɔ̂ atò la. MèngùꞋte wu abua tò ane àlia nè àlia! Àmèn.