Efesɔ̀s 2:3 - Mundani

³ Bàa gème e li ngu mbɨ̀Ꞌɨ̀ bɔ̀ɔ̀ba wàa, me tseke mbɨꞋɨ̀ mbɨ̧te ènyit ta tèa nkɨà la mbɨ̀Ꞌɨ̀ bɔbȩ. Ba li ngua ngɨ̀à àghɨ àgème a kɔꞋɔ a ètsə ba la, nè àyea mbɨ̧te ènyit ta tèa nkɨà la mbɨ̀Ꞌɨ̀ bɔbȩ. Ale, ntsǒ Mbɔ̧ɔ̧mà li mbɔ̌ ndɨ nàa nɔ̀ŋke a ètsə ba wuê mbɨ̀Ꞌɨ̀ nàa nɔ̀ŋke àtsəa wɔ̀bȩ̂ ègème la.

Efesɔ̀s 2:3 Iomraidhean Croise

Ntu̧ Ntsɔ̧̀ MAK 4:19

ka ndɨ̀ wu bɔ̀ɔ ndèbà ènyit yɔb ane èghɨ sitsǎꞋ nè èkɔŋ èghɨ èkab, mè ndzì mèntɨ̧ɨ̧ mɔb ane èghɨ tsa la, ekuule èngà̧ wu tè èngǎ̧ mbɔŋ e tsiꞋi tsè àku.

Jɔ̌n 1:13

Ka bɔ me wu bɔ̧ Mbɔ̧ɔ̧mà ale, è kà wu wɔ̀bȩ̂ tà bi awɔb bɔ tsiꞋi àlo̧ atò la, è kà mê ngu wɔ̀bȩ̂ ka tà ghɨ̀ a wu ale la. Wu Mbɔ̧ɔ̧mà zìambɔŋ ka tà ghɨ̀à wɔb bɔ tsiꞋi bɔ̧ tò la.

Jɔ̌n 8:44

Satàn wu tǎt wɨ̧, àfàꞋ àyɨ̧ wu ndɨ bɨ̀a me ghɨ̀ wuê àghɨa tàa nkɨà la. Tà lè yaŋe wu wòt tàa mbùŋà bòt la, tà kà wua nkɨà nkûŋ, nkàà nê tà bakà li me làꞋa nkûŋ. Tàa ngɨ̀ tà me làꞋà mèfà̧, tà wua ndàꞋà mbɨ̀Ꞌɨ̀ tàa ndzìà ngɨ̀a àfɨ̀Ꞌ àgème la, nkàà nê, tà wu wòt mèfà̧, mè ngu tǎt mèfà̧ ègème.

ÀfaꞋa 14:16

È li ngu àfɨꞋa mbì, tà sà àlaꞋ ègème a me sààla nga a vi ne alu̧.

Lûm 1:24

Mbɔ̧ɔ̧mà ye ale, sà àwɔb nê bɔ̀ me ghɨ̌ èbɨꞋte èghɨ bu bɔ zì mèntɨ̧ɨ̧ mɔb adù̧ la, bɔ tsiꞋa ngɨ̀à mènəè àtsəa kɔꞋɔ a kètsìà wɔb bɔ̀ɔmbɔŋ.

Lûm 11:30

Bɨ̀a bòt kà wu Bèjuê è le kaꞋa wua ndzəa Mbɔ̧ɔ̧mà, ka àfɨ̀Ꞌ yaa tà ku tèsȩ tɨ̧, ndɨ̀ wu Bèjuê àa ka zə atò la.

Lûm 13:14

Ka bɨ̀ wèà àwɨ̧ nè mààlà Yesò Klistò Lefɨ̀Ꞌ, bɨ̀ ka me mɨ̀ɨ̀tè èghɨ mbɨ̧̀ ènyit, e me ghɨ̀ àghɨa è kɨa la.

Lûm 2:14

Bòt bu kà wu Bèjuê la àa ngɨ̀ bɔ̀ ghɨ̀ àghɨa mbɨ̧ yu Mbɔ̧ɔ̧mà li ŋa abua Musì la nàa shua la, a wua nyɨ̀Ꞌta nê bɔ batè bɔ̀ ka bɔ àkata mbɨ̧ ale, mbɔ̂ nko mbɨ̧.

Lûm 5:10

Baa li mbèle bɔmbù̧ Mbɔ̧ɔ̧mà, tà ghɨ̀ baa tsiꞋi ane àlàŋkè nè tò, nkàà èvə waã tò. Àyaa a wua mpàa nyɨ̀Ꞌta nê ndɨ̀ waa bàà tsiꞋi ane àlàŋkè nè tò la, taa li ghɨ̌ baa peme nkàà nê waã tò wu yu̧.

Lûm 5:9

Ndɨ̀ wu àlo̧ a Yesò Klistò a ghɨ̂ Mbɔ̧ɔ̧mà nɨ awa mbɨ̀Ꞌɨ̀ bòt bɔ tɨ̧ɨ̧ ndɨŋndɨ̀ŋ a mbì li la, baa lâ nko nê Yesò Klistò wu naa li ghɨ̌ baa peme ane ntsǒ Mbɔ̧ɔ̧mà.

Lûm 6:12

È wu ale, bɨ̀ ka tsi mbɨ̧̀ɨ̧̀ne kàbɔ̀ŋ bɔ mètàŋ a ègwet mbɨ̧ tɨ̧ tu tè bele fì la, e ghɨ̌ bɨa me ghɨ̀ èbɨꞋte èghɨ bu mbɨ̧te ènyit tɨ̧ tèa nkɨà la.

Lûm 7:18

Mâ ko nê àghɨa ntsɔ̧̀ àko a ntsě ane yaã mmɔ̌ wɔ̀bȩ̂. Maà nkɔ̀ŋkà a màngɨa ntsɔ̧̀, ka è nka wua nkòâ ngɨ̀à wùà.

Lûm 9:22

A bê ngu mbɨ̀Ꞌɨ̀ àghɨa Mbɔ̧ɔ̧mà ghɨ̀ la. Mbɔ̧ɔ̧mà nàà nkɨ e nyɨ̀Ꞌte ntsǒ zi, ka mbɔ̂ me kɨ nê bòt è ye mètàŋ mi, ale tà me tsèna nkùùla èntɨ̧ɨ̧ vi adù̧ bòt bu ntsǒ tò è nɔ̀ŋkè a ègwet lɔb, bɔ̀ tsiꞋi e be bɔ̀ɔ liime awɔb la.

1 Kɔlìn 4:7

Wòt wu tà ghɨ̀ àwɨ̧ bɨ tsè bòt ko la wu wàà? Àghɨ yu bɨ li mbɔ̀ ka wu Mbɔ̧ɔ̧mà tà ŋa abua yɨ̧ la wu ghàà? È wu nê èghɨ ègème bɨ bɔ la, e dzə abua Mbɔ̧ɔ̧mà ghǎ ghɨ̀ ka bɨ me ŋeꞋe tèkwȩ tɨ̧ a ègwet à?

2 Kɔlìn 7:1

Bɔnyɨ ba, ndɨ̀ wu Mbɔ̧ɔ̧mà kàꞋà wa èghɨ ba la, bà ka mbà̧à̧te àghɨa àa tsòkè àwa a èbèm nè àbȩ̂ a mbì Mbɔ̧ɔ̧mà la. Bà ŋa awa nènkèm abua Mbɔ̧ɔ̧mà me ŋa kènuke abua tò ntsèka mbɨ̀Ꞌɨ̀ tàa nkɨà la.

Gàlashìà 3:22

Ka Àkata Mbɔ̧ɔ̧mà a laꞋnê bòt sitsǎꞋ bàgème e wu mbɨ̀Ꞌɨ̀ èbùꞋ abua mènəè kàbɔ̀ŋ. A wu ale mbɨ̀Ꞌɨ̀ bòt bu bɔ zì mèntɨ̧ɨ̧ mɔb ane Yesò Klistò la aa bɔŋ àghɨa Mbɔ̧ɔ̧mà li nkàꞋ nê bɔ bɨ̧ɨ̧ne a Yesò ko bɔɔ bɔ la.

Efesɔ̀s 2:2

È li ngu àfɨꞋa mbɔŋ bɨ me tseke mbɨꞋɨ̀ bòt ngɔ̀ŋ àa ntsèka ngɨ̀a èbɨte mènəê la. Bɨ li ngua ndzəa wòt kàbɔ̀ŋ wu tà wu àtsəa fote kàbɔ̀ŋ tu a ègwet la. Eyaa wu wòt kàbɔ̀ŋ wu tàa ngɨ̀à bòt e kweela àtsə abua Mbɔ̧ɔ̧mà la.

Efesɔ̀s 4:22

Ale, bɨ̀ waꞋa mènəè nyǎꞋ mu bɨ̀ le yaã ngua ntsèka ngɨ̀à la. Wu mèntsèke nyǎꞋ màa bɨ li ngua ntsèka la ka è li ngua ntsòkà wɨ̧, fɨ̀ta wɨ̧ bɨ ghɨ̀à mènəè kà kùꞋ la.

Kɔ̀losìà 1:21

È lè wu àfɨ̀Ꞌ àko, bɨ teme kwen tɨ̧ ŋǎ abua Mbɔ̧ɔ̧mà tè ntsìꞋi bɔmbù̧ tò, nkàà mènəè kàbɔ̀ŋ mu bɨ̀ le wua ngɨ̀à mè nkwàꞋtà la.

1 Tèsàlonikà 4:13

Bɔnyɨ ba, baa kà kɨ laꞋ nê bɨ̀ tseke ane lèmàkè, ane ànəa bòt bu bɔ pfəꞋte la. Ba kɨ eshu awɨ̧ ale, mbɨ̀Ꞌɨ̀ ka bɨ me dɨ̌ a èlɨ̀ wu bòt bu kà bɔ ntɨ̀ ane Yesò àa ndɨ̀à la.

1 Tèsàlonikà 5:6

È wu ale, bà ka me li mbɨꞋɨ̀ bòt bu kà zi mèntɨ̧ɨ̧ mɔb ane Yesò àa ndìa la. Bà tseka àtatsi me chɨ̀Ꞌɨ.

1 Tɔ̀màtià 6:9

Ka, wòt nàa ngɨ̀ tà bela nkɨ̀a èghɨ nyaŋ, tà kwene a èbem àtaã Satàn, ntsìꞋi me kɔ̀ŋkè èkèghɨ̧̀ èghɨ bu àa ntsòkà wòt ndììma tò nènkèm la.

Tȩtɔ̀s 3:3

À wu ale nkàà nê bàambɔŋ e li ndzaã ngu èkèghɨ̧̀, me ghɨ̀ àtsəa kekweelè, mè ngɨ̀à mènəè kàbɔ̀ŋ. Ba li ndzaã ngu èbùꞋ èbɨꞋte mènəè, mè me zì mèntɨ̧ɨ̧ ma wuê adù̧ tèwuute èghɨ tèa mbɔ̀ awa la. Ba li ngua ntsèka nkwàꞋtà wuê mènəè kàbɔ̀ŋ mè ngòꞋnà bòt. Bòt ko e li ngua mpààbà awa, ba mèà mpààbà àwɔb mɨ̧̂.

1 Pità 1:14

Bɨ̀ me zə wuê a Mbɔ̧ɔ̧mà mbɨ̀Ꞌɨ̀ bɔ̧ tò, bɨ̀ ka tsi ngɨ̀ mènəè kàbɔ̀ŋ mu mèntɨ̧ɨ̧ mɨ̧ li ndzaã ngua nùà nkɨà àfɨꞋa kà bɨ ko a Mbɔ̧ɔ̧mà la.

2 Pità 2:14

Mèmɨ̀ɨ̀te mɔb ègème bê ngu wuê ànəa mànjɨa àbȩ, tè bɔ̀ ka wua nkà̧aã a màngɨa kàbɔ̀ŋ. Bɔɔ səèà bòt bu mèntɨ̧ɨ̧ mɔb nàa njùa ane Mbɔ̧ɔ̧mà la, ngɨ̀à bɔ ghɨa kàbɔ̀ŋ. Bɔ ghe bɔ̀ɔ nkɔ̀ŋkà e me nɨ nɨ la. Mbɔ̧ɔ̧mà nɔ̀ŋe ndɔ̀ àtsəa yɔb tè ndɔ̀Ꞌ.

2 Pità 2:18

Bɔ taꞋa wua ngwàbta mètsəê mɔb ngù̧a nkùꞋ tɔb, mbɔ̂ ngua ndàꞋà mènəè àku. Bɔɔ nyɨ̀Ꞌta nê bòt è me ghɨ̌ àghɨ àgème mbɨ̧te ènyit tɔb tèa nkɨà la, nɨa səèà bòt bu mbèla ndzəèa dzəâ ayɔɔ bòt bɔ fà̧à̧tè èka bɔb la, mè mvəèəè àwɔb a èbèm.

1 Jɔ̌n 2:16

Èghɨ bu ègème a ngɔ̀ŋ ŋaa, è wu èghɨ mbɨ̧̀ ènyit nàa nkɨà la, nè èghɨ bòt àa ndzea mè nkɨà la, nè àghɨ àgème a sitsǎꞋ ŋàa bòt àa ŋèꞋa tèkwȩ tɔb adù̧ la, è ka dzə abua Tǎt wa Mbɔ̧ɔ̧mà. Èghɨ mbɔŋ wu èghɨ sitsǎꞋ.

1 Jɔ̌n 2:8

A batè ngu ale ka mbɨ̧ yàa e shɨ̀a abua yɨ̧ la mè ntsìꞋi ye fi. Yesò Klistò è nyɨꞋtè nê, mbɨ̧ mbɔŋ wu nkûŋ, bɨ̀a mbɔŋ e mè nyɨ̀Ꞌte nê wu nkûŋ mɨ̧̂. Aa ale nkàà nê ndzěm tsiꞋa mìà mǐ, ngule èkaꞋà e mè mbùꞋ tè me bàŋe èdziꞋ.