Efesɔ̀s 2:2 - Mundani

² È li ngu àfɨꞋa mbɔŋ bɨ me tseke mbɨꞋɨ̀ bòt ngɔ̀ŋ àa ntsèka ngɨ̀a èbɨte mènəê la. Bɨ li ngua ndzəa wòt kàbɔ̀ŋ wu tà wu àtsəa fote kàbɔ̀ŋ tu a ègwet la. Eyaa wu wòt kàbɔ̀ŋ wu tàa ngɨ̀à bòt e kweela àtsə abua Mbɔ̧ɔ̧mà la.

Efesɔ̀s 2:2 Iomraidhean Croise

Matìù 11:19

Waã Wòt kɨ̀Ꞌɨ̂ me jɨ èghɨjɨ mè nua mèlùꞋ, bɔ nê, ‘Bɨ yea mbê waa! Tà wu mpfəà èghɨjɨ, mè ngu àbaala mèlùꞋ, mè ngu shu̧ bòt bɔ̀ɔ nɨa mèkab taksì la, nè bòt kàbɔ̀ŋ ko’. A batè ngu ale, ka bòt e bɔ̂ ndâ me ye èyǐ Mbɔ̧ɔ̧mà ane èghɨ èyǐ mbɔŋ àa ngɨ̀à la.”

Matìù 13:22

Èsaãaãme wu e kwente a èbèm àdzɔ̧ la, e wu mbɨ̀Ꞌɨ̀ bòt bu bɔ zə èngà̧ waa ka ndɨ̀ wu bɔ̀ɔ ndèbà ènyit yɔb ane èghɨ sitsǎꞋ nè èkɔŋ èghɨ èkab nyaŋ la, èngǎ̧ mbɔŋ è ka tsi mbɔ̌ àdziꞋ a èntɨ̧ɨ̧ wɔb, e tsiꞋi tsè àku.

Matìù 13:38

mbȩ yu wu mbɨ̀Ꞌɨ̀ ngɔ̀ŋ yaa, èsaãaãme ntsɔ̧̀ wu wu bòt bu bɔ̀ɔ ndzəa mènəè kèfɔ̧̀ Mbɔ̧ɔ̧mà la. AfəèꞋ kàbɔ̀ŋ wu, wu mbɨ̀Ꞌɨ̀ bòt Satàn wòt kàbɔ̀ŋ.

Ntu̧ Ntsɔ̧̀ MAK 4:19

ka ndɨ̀ wu bɔ̀ɔ ndèbà ènyit yɔb ane èghɨ sitsǎꞋ nè èkɔŋ èghɨ èkab, mè ndzì mèntɨ̧ɨ̧ mɔb ane èghɨ tsa la, ekuule èngà̧ wu tè èngǎ̧ mbɔŋ e tsiꞋi tsè àku.

Lûk 16:8

“Tǎt àfàꞋ wu bɨ̧ɨ̧ne ànəa waã àtsəa àfàꞋ bèyuŋ wu è ghɨ̀ la nê tà lâ mbɔ̂ èyì. Nkàà nê, bòt ngɔ̀ŋ yaa aa ngɨ̀à mènəè mɔb ane bèyuŋ tè ntsè bòt Mbɔ̧ɔ̧mà.

Lûk 22:31

Yesò ghɨ̀ ale, ntɔ Simùn wu èlen tò ko wu Pità la nê, “Simùn, zə ànəa e nkɨ eshu awê la. Mbɔ̧ɔ̧mà bɨ̧̀ɨ̧̀nè nê Satàn kɨꞋɨ nyìꞋì àwɨ̧ bàgème, mbɨ̀Ꞌɨ̀ bɔ̀ɔ nyìꞋà ntsəètsə ntsìà èfaa la.

Jɔ̌n 12:31

Eyaa wu àfɨꞋa Mbɔ̧ɔ̧mà nàa saꞋa ngɔ̀ŋ yaa la. Eyaa mè ngu àfɨꞋa Mbɔ̧ɔ̧mà nàa tsɔꞋɔ wòt wu tà wua àtsəa ngɔ̀ŋ yaa la emàꞋa àbȩ la.

Jɔ̌n 13:2

È tseke tè ngu àfɨꞋa nyèmtèsi ane àlia ngaa, bɔ̂ tò ba e tseke a si me jɨ èghɨjɨ, Satàn ko nê ye ghɨ̂ Judàs wu è wu waã Simùn Iskaliòt la me mɨ̀ɨ̀te ndɨ yea fɨ̧̀ɨ̧̀ne a Yesò la.

Jɔ̌n 13:27

Mbɨ̀Ꞌɨ̀ Judàs bê nɨa bled wu la Satàn nyi a èntɨ̧ɨ̧ tò. Ale, Yesò shu abua Judàs nê “Ghɨ̀ àghɨa à kɨ eghɨ̀ la chàba.”

Jɔ̌n 14:30

È nka tsi làꞋà ba nɨ̧̀ ba ane àfɨ̀Ꞌ à seè à, nkàà nê Satàn wu, tà wu àtsəa ngɔ̀ŋ yaa la nàà nkɨ̀Ꞌa. Tà bakà bɔ mètàŋ a ègwet laã.

Jɔ̌n 15:19

Bɨ ghɨ̀ ale ngu àghɨ yeamɔꞋ nè bòt ngɔ̀ŋ yaa, ko bòt ngɔ̀ŋ mbɔŋ aa me kɔ̀ŋkè àwɨ̧, mbɨ̀Ꞌɨ̀ bòt bɔb. Ka ndɨ̀ wu bɨ ntsě bòt ngɔ̀ŋ yaa, e mbɔ̂ ndàà àwɨ̧ ntsì a kètsìà wɔb la, bɔ tsiꞋa mpààbà àwɨ̧ pààbe.

Jɔ̌n 16:11

Bɔɔ li mě eye èsaꞋa Mbɔ̧ɔ̧mà nkàà nê, Mbɔ̧ɔ̧mà saꞋa wòt wu tà wu àtsəa ngɔ̀ŋ yaa la tè ndɔ̀Ꞌ.

Jɔ̌n 7:7

BetsiꞋa bòt ngɔ̀ŋ è ka ye àghɨa bɔ̀ɔ me pààbè àwɨ̧ adù̧ la, ka mbɔ̂ me pààbè am, nkàà nê maa shua àghɨa mâ ye mè nko ane yɔb la, nê mènəè mɔb nàà kàbɔ̀ŋ.

Jɔ̌n 8:23

Yesò shu abua yɔb nê, “Bɨ dzəa sitsǎꞋ, è wu am, ko e ndzəa a ègwet. Bɨ ndzəa ngɔ̀ŋ ŋaa, è me wu am, e nka dzəa ngɔ̀ŋ ŋaa.

Jɔ̌n 8:44

Satàn wu tǎt wɨ̧, àfàꞋ àyɨ̧ wu ndɨ bɨ̀a me ghɨ̀ wuê àghɨa tàa nkɨà la. Tà lè yaŋe wu wòt tàa mbùŋà bòt la, tà kà wua nkɨà nkûŋ, nkàà nê tà bakà li me làꞋa nkûŋ. Tàa ngɨ̀ tà me làꞋà mèfà̧, tà wua ndàꞋà mbɨ̀Ꞌɨ̀ tàa ndzìà ngɨ̀a àfɨ̀Ꞌ àgème la, nkàà nê, tà wu wòt mèfà̧, mè ngu tǎt mèfà̧ ègème.

ÀfaꞋa 19:35

A ghà me lìa, wòt tàa shɨa mèkatè àpfəèà nɨ̧ və la, nyɔ̀Ꞌtè ngɨ̀ ènɔ̧̂ bòt bu e buŋ. Tà nê, “Bɔnyɨ bɔ̧ bòt Efesɔ̀s, waa waa è ko nê, lob taꞋà nàmbəa wa Àtemìs nè èti nàmbəa lu e li nchu a ègwet la, e wu àpfəèà nɨ̧ a Efesɔ̀s.

ÀfaꞋa 5:3

Pità bììte a Ànàniàs nê, “Ànàniàs, ghǎ ghɨ̂ ka a ghɨ̀ Satàn nyi a èntɨ̧ɨ̧ wê, tè ngɨ̀ à làꞋà mèfà̧ abua Fo Kèfə, kwat tè ndò̧ àbəèꞋ ane èkab wu bɨ fɨ̧̀ɨ̧̀nè àdziꞋa si yu nɨŋ la à?

Lûm 12:2

Bɨ̀ ka me fɨŋe bòt ngɔ̀ŋ ngɨ̀à èghɨ bɔ̀ɔ ngɨ̀à la, ka tsiꞋ mèmɨ̀ɨ̀te fi mɨ̧ kubte mènəè mɨ̧. Bɨ ghɨ̀ ale, ko bɨa me ghɨ̀ àghɨa Mbɔ̧ɔ̧mà nàa nkɔ̀ŋkà la, è wù àghɨa è wu àyea ntsɔ̧̀ la, nè àyea àa mbɔ̀ atò la, mè nè àyea a lâ nkùꞋu a mbì tò la.

1 Kɔlìn 5:10

E ndi è nka wua shua bòt ngɔ̀ŋ bɔ̀ɔ mpàꞋta àbɨ̧ la, kò bòt aghàbà, kò bètsɔŋ, kò bòt bɔɔ nkùkta bènàmbəa la leꞋ. E ndi ngua shua nê bɨ̀ ka mbɔ̀ àghɨa ko a màngɨa ne nɔ̀b, ko bɨ bɔ ndɨ bɨ̀a sǎ ngɔ̀ŋ yaa nènkèm la.

1 Kɔlìn 6:11

ÀbəèꞋ àyɨ̧ ako a li ngu a èlɨ ngaa, ka Yesò Klistò shùù àwɨ̧, ngɨ̀ bɨ tsiꞋi bòt Mbɔ̧ɔ̧mà; bɨ kùꞋu a mbì Mbɔ̧ɔ̧mà nkàà èlen Yesò Klistò Lefɨ̀Ꞌ nè Fo Tǎt wa Mbɔ̧ɔ̧mà.

2 Kɔlìn 4:4

Bòt ngaa e tu̧u̧ bɨ̧ɨ̧ne nkàà nê, Satàn wu tà wu mbɔ̧ɔ̧mà ngɔ̀ŋ yaa la, è kɔke mbàꞋ a mèntɨ̧ɨ̧ mɔb. Tà kabte àghɨ ayɔb mbɨ̀Ꞌɨ̀ ka bɔ ye èkaꞋà wu è wu Ntu̧ Ntsɔ̧̀ yu nàa ndàꞋà ànəa ènɨ̧ Yesò Klistò wu tà wù mbɨ̀Ꞌɨ̀ Mbɔ̧ɔ̧mà la.

Gàlashìà 1:4

Yesò waa li ŋa àtsəa zi ane mènəè kàbɔ̀ŋ ma mbɨ̀Ꞌɨ̀ etsì àwa a èbem mènəè kàbɔ̀ŋ ngɔ̀ŋ laane, mbɨ̀Ꞌɨ̀ Mbɔ̧ɔ̧mà li ntsia nê aa li wu la.

Efesɔ̀s 1:21

Yesò Klistò wu a ègwet və àtsə àghɨ àgème àa mbà̧aã èlaꞋ mè ntsìta mènəè la, nè yea a bɔ àtɔŋ nè mètàŋ a ègwet la, mè ntsè èlen ègème bɔ̀ɔ ndzəa àfɨ̀Ꞌ yaa, nè àfɨ̀Ꞌ yu nga ekɨꞋɨ la.

Efesɔ̀s 2:11

Bɨ̀ ku̧u̧te nê bɔ̀ le kaꞋa bi awɨ̧ a èbem àndǎ̧ Bèjuê. Bèjuê aa nàŋa awɔb e nɨ nyɨꞋte nê bɔ wu bòt Mbɔ̧ɔ̧mà. Bɔɔ shua nê bɨ ntsě bòt Mbɔ̧ɔ̧mà ndɨ̀ wu bɔ̀ɔ ka nàŋe awɨ̧ la. Ka e naŋe wòt bɔ̂ ngu wu àghɨa wɔ̀bȩ̂ è nɨ àbu azi ngɨ̀ a mbɨ̧̀ ènyit la.

Efesɔ̀s 2:13

Bɨ̀a wu bɨ li ngu a endɨ̌ ane Mbɔ̧ɔ̧mà la, e tsiꞋi àghɨ yeamɔꞋ nè Yesò Klistò. Bɨ tsiꞋi a ngèt Mbɔ̧ɔ̧mà nkàà nê Yesò Klistò li mpfə nɨ̀ àlo̧ a zi nɨŋ shùù àwɨ̧ ntsia kàbɔ̀ŋ wɨ̧.

Efesɔ̀s 2:3

Bàa gème e li ngu mbɨ̀Ꞌɨ̀ bɔ̀ɔ̀ba wàa, me tseke mbɨꞋɨ̀ mbɨ̧te ènyit ta tèa nkɨà la mbɨ̀Ꞌɨ̀ bɔbȩ. Ba li ngua ngɨ̀à àghɨ àgème a kɔꞋɔ a ètsə ba la, nè àyea mbɨ̧te ènyit ta tèa nkɨà la mbɨ̀Ꞌɨ̀ bɔbȩ. Ale, ntsǒ Mbɔ̧ɔ̧mà li mbɔ̌ ndɨ nàa nɔ̀ŋke a ètsə ba wuê mbɨ̀Ꞌɨ̀ nàa nɔ̀ŋke àtsəa wɔ̀bȩ̂ ègème la.

Efesɔ̀s 4:17

Ale, e ngua səèŋkà ètû̧ bɨ̧ ane àtɔŋ yu Yesò Klistò ŋa abua am la shua nê, bɨ̀ ka tsi me ghɨ̀ mènəè mɨ̧ mbɨ̀Ꞌɨ̀ bòt bu kà ko a Mbɔ̧ɔ̧mà la. Mèmɨ̀ɨ̀te mɔb wu àku.

Efesɔ̀s 4:22

Ale, bɨ̀ waꞋa mènəè nyǎꞋ mu bɨ̀ le yaã ngua ntsèka ngɨ̀à la. Wu mèntsèke nyǎꞋ màa bɨ li ngua ntsèka la ka è li ngua ntsòkà wɨ̧, fɨ̀ta wɨ̧ bɨ ghɨ̀à mènəè kà kùꞋ la.

Efesɔ̀s 5:6

Bɨ̀ ka mbɨ̧̀ɨ̧̀ne wòt fɨ̀te awɨ̧ ngɨ̀ bɨ bɨ̧ɨ̧ne mèngǎ̧ èkèghɨ̧̀. Ntsǒ Mbɔ̧ɔ̧mà nàà ènkɨ̀Ꞌa enɔ̀ŋke àtsəa bòt bu bɔ̀ɔ ngɨ̀à èghɨ bàa ntu̧ me zə atò la.

Efesɔ̀s 5:8

Bɨ̀a mbɔŋ bɨ li ngu mbɨ̀Ꞌɨ̀ ndzěm, ka àfɨ̀Ꞌ yaa bɨ̀ tsiꞋi bòt Tè Yesò la, bɨ tsiꞋi mbɨ̀Ꞌɨ̀ èkaꞋà. Ale, bɨ̀ me tseke mbɨ̀Ꞌɨ̀ bòt bɔ̀ wu a èbem èkaꞋà la.

Efesɔ̀s 6:12

Baa ntsea nùà bɔbȩ. Ba wua nùà fote kàbɔ̀ŋ tu tèa mbà̧aã èlaꞋ, mè ntsìta mènəè la, nè bènàmbəa bu a ngɔ̀ŋ ŋaa bòt àa ngùꞋtà la, ndɔ̀Ꞌ nè fo tu a ègwet tèa ngɨa kàbɔ̀ŋ la.

Kɔ̀losìà 1:21

È lè wu àfɨ̀Ꞌ àko, bɨ teme kwen tɨ̧ ŋǎ abua Mbɔ̧ɔ̧mà tè ntsìꞋi bɔmbù̧ tò, nkàà mènəè kàbɔ̀ŋ mu bɨ̀ le wua ngɨ̀à mè nkwàꞋtà la.

2 Tɔ̀màtià 4:10

Demàs è zì èntɨ̧ɨ̧ vi ane èghɨ ngɔ̀ŋ yaa tè ngwaꞋ am ngà àvi a Tèsàlonikà. Klesèns è ghà a Gàlashìà, Tȩtɔ̀s è ghà a Dàmatìà.

Jimsì 1:27

Wòt Tǎt wa Mbɔ̧ɔ̧mà nɨa tò mbɨ̀Ꞌɨ̀ wòt tà nèètè nko avi la, wu wòt tàa ntɨ̀ŋa batsi bɔ̂ bènempfə a èbem ngoꞋ tɔb, mè me baabe avi mbɨ̀Ꞌɨ̀ ngɔ̀ŋ zi a kàbɔ̀ŋ ane zi la.

Jimsì 1:7

Àfəa wòt waa tà bɔ èntɨ̧ɨ̧ tebe, tà kà wua mbà̧aã ànəê ntɨ̧̀ɨ̧ adù̧ la ka mɨ̀ɨ̀tè nê betsiꞋa ye bɔ àghɨa ko abua Mbɔ̧ɔ̧mà.

Jimsì 4:4

Bɨ wu mbɨ̀Ꞌɨ̀ bòt mànjɨa àbȩ. Bɨ bakà ko laꞋ nê wòt nàa me kɔ̀ŋkè èghɨ sitsǎꞋ tà tsiꞋi wɔ̀mbù̧ Mbɔ̧ɔ̧mà à? Ale, wòt me kɨ me kɔ̀ŋkè èghɨ sitsǎꞋ tà ko nê ye wu wɔ̀mbù̧ Mbɔ̧ɔ̧mà.

1 Pità 1:14

Bɨ̀ me zə wuê a Mbɔ̧ɔ̧mà mbɨ̀Ꞌɨ̀ bɔ̧ tò, bɨ̀ ka tsi ngɨ̀ mènəè kàbɔ̀ŋ mu mèntɨ̧ɨ̧ mɨ̧ li ndzaã ngua nùà nkɨà àfɨꞋa kà bɨ ko a Mbɔ̧ɔ̧mà la.

1 Pità 4:3

Bɨ li ntaꞋa tsoke àfɨ̀Ꞌ a màngɨa èghɨ bu bòt kà ko a Mbɔ̧ɔ̧mà àa ngɨ̀à la. Bɨ li ngua njɨ̀a mèpǎ̧ màpaꞋta àbɨ̧, mpfəa akwen èghɨ bu mbɨ̧te ènyit tɨ̧ tèa nkɨà la, mbea mèlùꞋ, ngɨ̀à àghɨa àgème èntɨ̧ɨ̧ wɨ̧ àa nkɨà la, mè nɨa èghɨ tsa ane bèmbɔ̧ɔ̧mà bɨ̧, è wu kwàꞋ àbɨꞋte ànəê la.

2 Pità 2:14

Mèmɨ̀ɨ̀te mɔb ègème bê ngu wuê ànəa mànjɨa àbȩ, tè bɔ̀ ka wua nkà̧aã a màngɨa kàbɔ̀ŋ. Bɔɔ səèà bòt bu mèntɨ̧ɨ̧ mɔb nàa njùa ane Mbɔ̧ɔ̧mà la, ngɨ̀à bɔ ghɨa kàbɔ̀ŋ. Bɔ ghe bɔ̀ɔ nkɔ̀ŋkà e me nɨ nɨ la. Mbɔ̧ɔ̧mà nɔ̀ŋe ndɔ̀ àtsəa yɔb tè ndɔ̀Ꞌ.

1 Jɔ̌n 3:10

Ngule àghɨa àa ghɨ̌ bòt aa lȩ̀ bɔ̧ Mbɔ̧ɔ̧mà ane bɔ̧ Satàn wòt kàbɔ̀ŋ la wu nê, waa waa tàa ka ghɨ àghɨa Mbɔ̧ɔ̧mà nàa nkɨà la, nè waa waa tàa ka kɔ̀ŋkè wanyɨ vi la, ntsě Waã Mbɔ̧ɔ̧mà.

1 Jɔ̌n 3:8

Ka waa waa tàa ngɨa kàbɔ̀ŋ la wu waã Satàn wòt kàbɔ̀ŋ, nkàà nê Satàn lè yaŋe wua ngɨa a kàbɔ̀ŋ ka ngɔ̀ŋ naa li lɔ̀Ꞌɔ ebùꞋu. Waã Mbɔ̧ɔ̧mà li ngua nkɨ̀Ꞌa a ngɔ̀ŋ ŋaa mbɨ̀Ꞌɨ̀ etsòke àfaꞋa Satàn wòt kàbɔ̀ŋ.

1 Jɔ̌n 4:4

Ka è me wu awɨ̧, bɔ̧ bɔ̧ bɨ wu bòt Mbɔ̧ɔ̧mà. Bɨ nù bèndàꞋàtɔŋ Mbɔ̧ɔ̧mà àfɨte tè ntsè, nkàà nê Fo yu a mèntɨ̧ɨ̧ mɨ̧ la è kweele tê ntsè yu a mèntɨ̧ɨ̧ bòt ngɔ̀ŋ yaa la.

1 Jɔ̌n 5:19

Ngɔ̀ŋ yaa è batè ngu a tèkitebu Satàn wòt kàbɔ̀ŋ, ka baa koê nê ba wu bɔ̧ Mbɔ̧ɔ̧mà.

1 Jɔ̌n 5:4

nkàà nê waa waa tà wù Waã Mbɔ̧ɔ̧mà la tà tsě ngɔ̀ŋ yaa. Àghɨa a ghɨ̂ ba tsè ngɔ̀ŋ yaa la wu ndɨ̀ wu ba bɨ̧ɨ̧nè nê Yesò wu Fɔ̧̀ wu Mbɔ̧ɔ̧mà li ndzɔꞋ ntsà la.

Ètsə 12:9

Bɔ ghɨ̀ ale, màꞋà taꞋà dlagɔ̀n wu a sitsǎꞋ. Wu dlagɔ̀n wu è li ndzaŋe wu bɔ̀ɔ ntɔ ane fɔ̧̀ fote kàbɔ̀ŋ nè Satàn la, tà mè me fɨte bòt ngɔ̀ŋ bàgème la. Bɔ li màꞋà atò a sitsǎꞋ bɔ̂ bɔntu̧ bi.

Ètsə 13:14

Tà nɨ ngɨŋa mènəè mu bɔ sa atò nê tà ghɨa a mbì nyà̧mɔ̀Ꞌ mbì yu la, nɨŋ fɨ̀te bòt sitsǎꞋ bàgème. Nyà̧mɔ̀Ꞌ yu ghɨ̀ bɔ kɔ̧ wamâlem kǒ bɔ̀ɔ me nɨa ngùꞋtà nyà̧mɔ̀Ꞌ mbì yu bɔ li nɨ nyi ndzì fɨŋ ane tò, tà bɔ mbèle yû̧ la.

Ètsə 13:8

Waa waa a sitsǎꞋ bɔ̀ le kaꞋa shɨ èlen tò a èbem àkata mèmpème ka ngɔ̀ŋ naa li bùꞋu la naa wùꞋte atò. Àkata mbɔŋ wu àkata Wanjɨ̀ wu bɔ li mbùŋe atò la.

Ètsə 16:17

We basà̧à̧mbe ane bɔntu̧ Mbɔ̧ɔ̧mà bu tsəè è li ne èpfəèꞋ a èbem fo. TaꞋà àtɔŋ ko a dzə a ègwet àtɨ̧a kèfɔ̧̀ a Mbɔ̧ɔ̧mà a èbem lob nɨ̧ Mbɔ̧ɔ̧mà nê, “A mî!”

Ètsə 20:2

Tà ghà mbà̧à̧ taꞋa dlagɔ̀n wu è fəə nyà̧kàbɔ̀ŋ la nkùùle atò ndzì a tèfȩ ane mèngùꞋebȩ tɔsì. Nyà̧kàbɔ̀ŋ mbɔŋ li ndzaŋe wu, è wu fɔ̧̀ fote kàbɔ̀ŋ tu bɔ̀ɔ ntɔ ane Satàn la.