Efesɔ̀s 1:8 - Mundani

⁸ ka tà li nɨŋ ngɨ̀ èwuu ànəê yaa ane ya la.

Efesɔ̀s 1:8 Iomraidhean Croise

Matìù 11:19

Waã Wòt kɨ̀Ꞌɨ̂ me jɨ èghɨjɨ mè nua mèlùꞋ, bɔ nê, ‘Bɨ yea mbê waa! Tà wu mpfəà èghɨjɨ, mè ngu àbaala mèlùꞋ, mè ngu shu̧ bòt bɔ̀ɔ nɨa mèkab taksì la, nè bòt kàbɔ̀ŋ ko’. A batè ngu ale, ka bòt e bɔ̂ ndâ me ye èyǐ Mbɔ̧ɔ̧mà ane èghɨ èyǐ mbɔŋ àa ngɨ̀à la.”

Lûm 11:33

Bɨ̀ ye ndɨ ènɨ̧ Mbɔ̧ɔ̧mà e ghe la! Tà taꞋa bɔ èyì, mè nko mènəè ègème! Wòt wu betsiꞋa tà ko ndɨ tàa ngɨ̀à mènəè mi la wu wàà? BetsiꞋa wàa ko balu̧ tò à?

Lûm 5:15

Ka betsiꞋa bɔ̀ ka fɨꞋnè àghɨ yu Mbɔ̧ɔ̧mà nɨa ntsɔ̧̀ vi ngɨ̀ la ane àghɨ yu Adàm li ngɨ̀ a màmpaata mbɨ̧ la. Wòt wemɔ̀Ꞌ li ngɨa kàbɔ̀ŋ nɨ̀ èvə ekɨꞋɨ adù̧ wòt ègème, ka àghɨa Mbɔ̧ɔ̧mà ghɨ̀ la a taꞋa tsè àyaa. Mbɔ̧ɔ̧mà li ntsè ane wòt wemɔ̀Ꞌ, è wu Yesò Klistò la, nyɨ̀Ꞌte a ntsɔ̧̀ vi ànyaꞋne abua bòt bàgème àku.

1 Kɔlìn 2:7

Ba làꞋà ànəa èyǐ Mbɔ̧ɔ̧mà wu tà lè yaã ndò̧ la. Ngɔ̀ŋ li me bùꞋu tà yaŋe taŋke ayaa mbɨ̀Ꞌɨ̀ baa bɔ e waa ne èghàb ane ènɨ̧ tò.

Efesɔ̀s 1:11

Mbɔ̧ɔ̧mà nàà ngɨ̀à àghɨ àgème mbɨ̀Ꞌɨ̀ tà kwaꞋtè nê aa wu la. Tà li ndȩ̀ àwa nɨ a Yesò Klistò tà ghɨ̀ ba tsiꞋi bòt Mbɔ̧ɔ̧mà wu mbɨ̀Ꞌɨ̀ tà li ndzaŋe taŋke nê à wu la.

Efesɔ̀s 1:7

Wu Waã tò waa ka tà li nɨ̀ àlo̧ a zi nɨŋ chùꞋù ètsə ba ngɨ̀ Mbɔ̧ɔ̧mà waꞋa bèkàbɔ̀ŋ ba la. Wu taꞋà ntsɔ̧̀ tò wu tàa nyɨ̀Ꞌta abua bòt la,

Efesɔ̀s 1:9

Tà gha ambo èlɨ̀ wu tà bɔ èyì mè nko àghɨ àgeme la, ngɨ̀ ba koê èghɨ ndò̧ tò bu bòt e li bɔ̀ ka ko la. Tà li ndzaŋe taŋke ndɨ Yesò Klistò nàa ghaꞋa èlu̧ bòt aa ko la.

Efesɔ̀s 3:10

Tà li me ghɨ̀ àyaa ngua nkɨà mbɨ̀Ꞌɨ̀ è wu àfɨ̀Ꞌ yaa tà nyɨ̀Ꞌte àghɨ àgème a ègwet àa mbà̧aã èlaꞋ me ntsìta mènəè la ndi ye bɔ èyì ane àghɨ àgème la. Tà li ngɨ̀ bɔ ye àyaa ane èghɨ tàa ngɨ̀à ane chɔsì la.

Kɔ̀losìà 2:3

Wu Yesò waa ka tà ghɨ̂ bòt e ko èyǐ Mbɔ̧ɔ̧mà, nè àghɨa àa àtsəa tò la, è wù èghɨ ntsɔ̧̀ bu e li ndò̧ò̧tè la.

Jûd 1:25

Maà shù̧ù̧ta nê Yesò Klistò Lefɨ̀Ꞌ wa ghɨa bòt è ŋa mèngùꞋte abua tò wu tà wu ndàꞋ Mbɔ̧ɔ̧mà mè ngu Mpemnà wa la. Ètɨ̧̂ ègème, nè mètàŋ ègème e wu abua tò. Kèfɔ̧̀ wu we tò, e bùꞋù tê àfɨꞋa mbì, mè mbèle àfɨ̀Ꞌ yaa, mè ngu ewu ane àlia nè àlia. Àmèn.

Ètsə 5:12

Bɔ me kɔ̧a ŋȩ̀a shua nê, “Wanjɨ̀ wu bɔ li mbùŋè la è kùꞋa màmbɔ mètàŋ, nè èghɨ nyaŋ nè èyì mè nè ènɨ̧. TsiꞋ bòt è ŋa kènuke abua tò, ngùꞋtè atò mè nkɔ̀ŋkè atò.”