2 Tɔ̀màtià 4:3 - Mundani

³ Ko nê àfɨ̀Ꞌ àko aa nkɨ̀Ꞌa kà bòt e wu tsi me yute bòt bu bɔ̀ɔ ndàꞋà mènəè nkûŋ la. Bɔɔ li egha ambo ndɨ bɔ̀ɔ nkɨa wuê àghɨa mèntɨ̧ɨ̧ mɔb nàa nkɨà la, etsiꞋi me nɨ wuê bènyɨꞋtà bu bɔ̀ɔ me shu awɔb èghɨ ètû̧ bɔb aa ntèa nkɨ ezə la, e bɔ̂ me kwèꞋnè àwɔb nɨa ngà nè mbì.

2 Tɔ̀màtià 4:3 Iomraidhean Croise

Lûk 20:19

BènyɨꞋtà mbɨ̧te Musì nè bètǎt bèntsìà mèpɨ̧̀ Mbɔ̧ɔ̧mà è lɔ̀Ꞌɔ àfɨꞋa mbɔŋ me kɨ ebaãaã a Yesò, nkàà nê tà làꞋa èngà̧teme wu ŋa abua yɔb. Ka mbɔ̂ ngɨ̀ ale me bɔa bòt bu.

Lûk 6:26

Aa li bɨa awɨ̧, àfɨꞋa bòt bàgème bɔ̀ɔ ndàꞋà ntsɔ̧̀ ane yɨ̧ la, nkàà nê, bètǎt nyaꞋ bɔb e li shu èwuu ènəê baa adù̧ bòt bu bɔ̀ le shu nê bɔ wu bèndàꞋàtɔŋ Mbɔ̧ɔ̧mà kà wu bùà la.

Jɔ̌n 8:45

Ka ndɨ̀ wu màa ndàꞋa nkûŋ la, bɨ̀ ka wua bɨ̧̀ɨ̧̀nâ èngǎ̧ am.

ÀfaꞋa 17:21

(Bɔɔ̀ mbììta ale ngu ndɨ bòt Atèns bàgème nè bègɨ̧̀ abàꞋ və, e li ntàꞋa wua nkɔ̀ŋkà e me shu mè ndzəa mènəè fi la.)

1 Kɔlìn 2:1

Bɔnyɨ bɔ̧, e ndi nkɨ̀Ꞌɨ̂ me làꞋa mènəè mu Mbɔ̧ɔ̧mà ghɨ̂ ba ko ane ànəa Yesò la abua yɨ̧ ale, è nka wua nyɨ̀Ꞌta wɨ̧ nê maa nkòa ndàꞋà, è nka wua nyɨ̀Ꞌta èyì.

1 Kɔlìn 2:4

E ndi è ka wua nyɨ̀Ꞌta mè ndàꞋà èngǎ̧ Mbɔ̧ɔ̧mà ane ètsəê ntsɔ̧̀ wu bɔbȩ àa nɨa èyǐ wɔb ndàꞋà la, ka Mbɔ̧ɔ̧mà li nɨ̌ Fo zi nyɨ̀Ꞌte mètàŋ mi, ngɨ̀ bòt e ko nê ànəa e ndàꞋà la wu nkûŋ.

Gàlashìà 4:16

Tè maa anè ntsìꞋi wɔ̀mbù̧ wɨ̧ na mâ làꞋa nkûŋ abua yɨ̧ la à?

1 Tɔ̀màtià 1:10

Mbɨ̧ taa te wu abua bòt bu bɔ̀ɔ nɔ̀ŋkà nè bèzi kà wu ebɔb la, nè mbâ̧ tu tèa mpàꞋta teko la. Mbɔ̧ɔ̧mà li ngɨ̀ mbɨ̧ taa abua bòt bu bɔ̀ɔ mbà̧aã bɔbȩ efɨ̧̀ɨ̧̀nà la. Mè ngɨ̀ abua bòt mèfà̧, nè bòt bu bɔ̀ɔ ndàꞋà mèfà̧ àtsəa bòt ko la, nè bòt bu bɔ̀ɔ ngɨ̀à mènəè kà kuꞋ ane èlɨ wu Mbɔ̧ɔ̧mà è nyɨꞋte awa nê bà me ghɨ̌ la.

2 Tɔ̀màtià 1:13

Baãaã èngǎ̧ nkûŋ waa mâ laꞋa abua yê la, me làꞋa abua bòt ko mɨ̧̂, me zì wuê èntɨ̧ɨ̧ wê ane Mbɔ̧ɔ̧mà, nkɔ̀ŋkà tò mbɨ̀Ꞌɨ̀ ba wu ba tsiꞋi àghɨ yeamɔꞋ nè Yesò Klistò la àa ngɨ̀à la.

Jûd 1:18

Bɔ li shu abua yɨ̧ nê, “Naa li ngu ane èli bu ngɔ̀ŋ tsìꞋa nkɨ elìà la, bòt ko e bùꞋ me wȩ̀ȩ̀tè ànəê àgème è wù àyea Mbɔ̧ɔ̧mà la, mè nkùŋà wuê èghɨ mèntɨ̧ɨ̧ mɔb nàa nkɨà, è wù èghɨ àa mbɨ̀a Mbɔ̧ɔ̧mà la.”