2 Tɔ̀màtià 4:16 - Mundani

¹⁶ È li ngua ngò̧ mbì yu bɔ saꞋa am la, wòt kǒ ka kɨꞋɨ etɨ̧ɨ̧ akwene yaã. Waa waa li ndùùlà am. Maà shù̧ù̧ta nê Mbɔ̧ɔ̧mà e lèène ànəa ngaa bɔ li ngɨ̀ la.

2 Tɔ̀màtià 4:16 Iomraidhean Croise

Ntu̧ Ntsɔ̧̀ MAK 14:50

ÀfɨꞋa mbɔŋ bɔkatè Yesò bàgème e bê sa tò ndùùlà.

Lûk 12:11

“AfɨꞋa bòt e səèŋnè àwɨ̧ nɨŋ nkɨ̀Ꞌɨ̂ a lob Mbɔ̧ɔ̧mà, a mbì bɔɔjuŋ bɔ̂ bègɔvanɔ̀ nè bèfɔ̧̀ bɔɔ saꞋa awɨ̧ la, bɨ̀ ka me mɨ̀ɨ̀te ànəa bɨ̀a shu enɨ fà àwɨ̧ la.

Jɔ̌n 16:32

Àfɨ̀Ꞌ a bele kùꞋu, a bɔ̂ kùꞋ tè ndɔ̀Ꞌ, bɨ̀a lùùlà am bàgème e ghǎ a èpfəè bɨ̧ tè maa tsiꞋi mmɔ̌ ndziꞋne la, ka è nka wu mmɔ̌ ndziꞋne nkàà nê e ngu ba Tǎt am.

ÀfaꞋa 22:1

Pɔ̂l nê, “Bètǎt bɔ̧ nè bɔnyɨ bɔ̧, bɨ̀ yute èngǎ̧ am mbɨ̀Ꞌɨ̀ è nkɨ etsǐ ànəê àtsə am a mbì lɨ̧ anè la.”

ÀfaꞋa 25:16

“Ka e shu abua yɔb nê, aa abua ya bàa bòt Luêm, bɔ̀ɔ ngɨ̀ bɔ̀ laꞋnê wòt è ghɨ ànəa kàbɔ̀ŋ, bà me laꞋ nê baa ngɨ̀à taa tsə àtsɔb, ba ye nê, bɔ̂ bòt bu bɔ shu ànəê yu àtsəa ŋut la e bù̧ù̧te a lob èsaꞋa, tè tà làꞋ èngà̧ enɨ fàà àtsə azi.

ÀfaꞋa 7:60

Tà ntèm tènjûŋ ti a si ŋȩ̂ ane àtɔŋ nɨ̧ nê, “Lefɨ̀Ꞌ, ko mbɨ̀Ꞌɨ̀ à bèà ànəa kàbɔ̀ŋ yaa bɔ ghɨ̀ la a èntɨ̧ɨ̧ wê.” Tà shu ale, mbɔ̂ mpfə.

1 Kɔlìn 13:5

Èkɔŋ àa kà wuꞋne bòt, è ka wua nkɨà wuê àzi ne àbȩ̀, è ka wua ndzàŋà ntsòa, è ka wua mpàŋa mènəè kàbɔ̀ŋ bòt e ghɨ̀ la.

1 Kɔlìn 9:3

Eyaa wu àbɨ̀t màa ŋǎ abua bòt bu bɔ̀ɔ mbàŋè am la.

2 Kɔlìn 7:11

Bɨ̀ lâ ndzè àghɨa ànəê yaa a saa awɨ̧, àbu a Mbɔ̧ɔ̧mà àa adù̧ la, a ghɨ ane yɨ̧ la. Bɨ li ngɨ̀ ntsɔ̧̀ a mànkubta mèntɨ̧ɨ̧ mɨ̧, mè ntso ane àghɨa bòt e ghɨ̀ la. A li ngɨ̀ bɨ lâ me kɨ eye am, mè me kɨ etàŋe ànəê am, mè ndɔ̀Ꞌ me kɨ enɔ̀ŋe ngoꞋ àtsəa wòt tà ghɨ a kàbɔ̀ŋ la. Bɨ nyɨꞋte ane balu̧ bàgème nê àbu ayɨ̧ a ntsě ane ànəa mbɔŋ.

Filìpȩ 1:17

Bòt ghòꞋnà bu è ka laꞋà èngǎ̧ Yesò Klistò nè èntɨ̧ɨ̧ kèfə. Bɔɔ mɨ̀ɨ̀tà nê betsiꞋa bɔ kwèꞋne ngoꞋ adù̧ yaã mbɨ̀Ꞌɨ̀ è ngu a tèfȩ anè la.

Filìpȩ 1:7

Mâ bɔ̂ ndɨ màa me tseka mɨ̀ɨ̀tà àwɨ̧ wuê anè la, nkàà nê bɨ wu èntɨ̧ɨ̧ am. Aa ale, nkàà nê ba nɨ̧̀ ba e ye a ntsɔ̧̀ wu Mbɔ̧ɔ̧mà è ghɨ abua ya la. Ba ye a ntsɔ̧̀ mbɔŋ àfɨ̀Ꞌ yaa è ngu a tèfȩ la, fɔ̀ɔ̀le ne àfɨ̀Ꞌ yu e ndi ngua ngèèba ntsɔ̀tà Ntu̧ Ntsɔ̧̀ Yesò Klistò nyɨ̀Ꞌta ndɨ è wû nkûŋ la.

2 Tɔ̀màtià 1:15

À ko nê, bòt bàgème àbâ àlaꞋ a Esìà, fɔ̀ɔ̀le ne Fìgelùs nè Emogìn, e waꞋa am.

2 Tɔ̀màtià 4:10

Demàs è zì èntɨ̧ɨ̧ vi ane èghɨ ngɔ̀ŋ yaa tè ngwaꞋ am ngà àvi a Tèsàlonikà. Klesèns è ghà a Gàlashìà, Tȩtɔ̀s è ghà a Dàmatìà.

2 Tɔ̀màtià 4:15

Me ko mbɨ̀Ꞌɨ̀ tà ghɨ ane yê mɨ̧̂, nkàà nê tà li tà kà bê ngùa nkɨ̌ eyute mèngà̧ mu ba nyɨꞋtà la.

1 Pità 3:15

Ka bɨ tsiꞋ mèntɨ̧ɨ̧ mɨ̧ me kweele ane Yesò Klistò, bɨ̀ mě me ŋa kènuke abua tò mbɨ̀Ꞌɨ̀ Tǎt wɨ̧. Bɨ̀ taŋke awɨ̧ ane ndɨ wòt bììte awɨ̧ ànəa ntɨ̀ yu bɨ bɔ ane Yesò la, ka wuê a ka àfɨ̀Ꞌà leꞋ, bɨ̀ ka bu ànəê eshu la. Ka bɨ̀ me làꞋa bɨ nyaꞋà mbɔ̀ɔ̀le awɨ̧ me làꞋa bò̧ bò̧.