2 Tɔ̀màtià 4:10 - Mundani

¹⁰ Demàs è zì èntɨ̧ɨ̧ vi ane èghɨ ngɔ̀ŋ yaa tè ngwaꞋ am ngà àvi a Tèsàlonikà. Klesèns è ghà a Gàlashìà, Tȩtɔ̀s è ghà a Dàmatìà.

2 Tɔ̀màtià 4:10 Iomraidhean Croise

Matìù 12:32

Wòt làꞋà èngǎ̧ kàbɔ̀ŋ adù̧ Waã Wòt ko Mbɔ̧ɔ̧mà naa waꞋa kàbɔ̀ŋ tò, ka wòt tà laꞋa èngǎ̧ kàbɔ̀ŋ adù̧ Fo Kèfə la, betsiꞋa Mbɔ̧ɔ̧mà ka waꞋa a kàbɔ̀ŋ ŋut, ka wuê àfɨ̀Ꞌ yaa kò ndɨ ngɔ̀ŋ nàa li lìà la leꞋ.

Matìù 26:56

ka èghɨ bàagème e tsè ane mbɨ̀Ꞌɨ̀ e ghɨ̌ àghɨa bèndàꞋàtɔŋ Mbɔ̧ɔ̧mà e li shɨŋ a èbem Àkata tò la aa wu nkûŋ.” ÀfɨꞋa mbɔŋ bɔkatè tò bàgème e sa tò ndùùlà.

Lûk 14:33

Yesò me lìa nê, “Wu wuê a èlɨ mbɔŋ betsiꞋa wòt ane yɨ̧ ka kuꞋù wòt tàa wu wakatè am la kà bɨ lèène àghɨ àgème tà bɔ la.”

Lûk 16:13

“BetsiꞋa wafàꞋ kà ko fàꞋ abua bètǎt àfàꞋ babe, nkàà nê tà bakà wua mpààbà wekǒ, nkɔ̀ŋkà wekǒ, mbə taa me zə wekǒ ngwǎ wekǒ. BetsiꞋa wòt kà me kùŋa Mbɔ̧ɔ̧mà mè nkùŋà èkab.”

Lûk 17:32

Bɨ̀ ku̧u̧te àghɨa à le ghɨ vi Lɔ̂t la.

ÀfaꞋa 13:13

Pɔ̂l bɔ̂ bòt bi e li ndɔ̀Ꞌɔ a Pafɔ̀s, ntu̧ a èbem ànkànuꞋ nga a Pegà, a èbem àlaꞋ a Pàmfilìà. Me ghà ale, Jɔ̌n Mak è sà àwɔb ngwènè a Jèlusalèm.

ÀfaꞋa 15:38

ka Pɔ̂l kwàꞋtè nê, a bakà bɔ̂ŋ nê bɔ̀ nɨ atò, ngu ndɨ̀ wu tà li sà àwɔb a Pàmfilìà nkua akwèn, tà kà lem ntsèke bɔ̂ tò ba aa paa àfàꞋ yu nɔ̂ la.

ÀfaꞋa 16:6

Bɔ li ngȩ̀ȩ̀nè ntse adzìꞋ yu a kètsìà èlaꞋa Fligìà bɔ̂ Gàlashìà la, nkàà nê Fo Kèfə li è kà sa awɔb nê, bɔ̀ làꞋa èngǎ̧ Yesò àlaꞋ a Esìà.

ÀfaꞋa 17:1

Pɔ̂l bɔ̂ Sȩlàs e ghɨ̀ ale, me ghȩ̀ȩ̀na ngà nè mbì, ntsè èpfəè nɨ̧ bu è wu Àmfipolìs bɔ̂ Àpòlonià la, ngà nyi a Tèsàlonikà, è wu àdziꞋa lob Bèjuê àa ntsàꞋta Mbɔ̧ɔ̧mà la, nàa abot la.

ÀfaꞋa 17:11

Bèjuê bu adzìꞋ yaa la e li ngu bòt bɔ̀ɔ nkɨ eyute èngǎ̧ Mbɔ̧ɔ̧mà la, tè ntsè bòt Tèsàlonikà. Bɔ̀ɔ ngɨ̀, bɔ me nèèta njùta èngǎ̧ Mbɔ̧ɔ̧mà wu, tè è ghɨ̀ è wu àli àgème, bɔ me ghaꞋte èdziꞋ èkatè Mbɔ̧ɔ̧mà ndɨ̀ŋkà nê tè èngǎ̧ wu Pɔ̂l è làꞋa la lâ ngu nkûŋ leꞋ.

ÀfaꞋa 17:13

Ka àfɨꞋa Bèjuê bu a Tèsàlonikà la e zə nê Pɔ̂l wua Belìà ndàꞋà èngǎ̧ Mbɔ̧ɔ̧mà la, bɔ kɨꞋɨ abot mbùꞋ me tsòkè àtsəa ndzɔ̀ŋ bòt yu.

ÀfaꞋa 18:23

Tà tseke ane àfɨ̀Ꞌ àko abàꞋ və, tà bɔ̂ ndɔ̀Ꞌ mè me ghȩ̀ȩ̀na ntsea àbâ àlaꞋ a Fligìà bɔ̂ Gàlashìà ndɔ̀ktà bɔkatè Yesò bu bàgème a èdziꞋi mbɔŋ la.

2 Kɔlìn 2:13

Mbàte ngàꞋa ale ka èntɨ̧ɨ̧ am è ka nɔ̀ŋke a èbèm laã ntsɔ̧̀ nkàà nê e ndi è nka ye wanɔ̧ Tȩtɔ̀s abàꞋ və. Ale, e ndàꞋnè àwɔb ntsiꞋi ghà ne Màsèdonìà.

2 Kɔlìn 7:6

Bà bela ndzea ngoꞋ ale, Mbɔ̧ɔ̧mà wòt tàa ndzìà mèntɨ̧ɨ̧ bòt mèntɨ̧ɨ̧ mɔb ntsě ntsɔ̧̀ la, nɨa Tȩtɔ̀s nɨŋ nkɨ̀Ꞌɨ̂ ndzì mèntɨ̧ɨ̧ ma.

2 Kɔlìn 8:16

Mâ kɔ̀ŋka Mbɔ̧ɔ̧mà nê tà ghɨ̂ Tȩtɔ̀s me kɨ etɨŋe awɨ̧ wuê mbɨ̀Ꞌɨ̀ màa nkɨ me ghɨ̀ la.

2 Kɔlìn 8:23

È me wua Tȩtɔ̀s ko tà wu wòt ba tò àa fàꞋà nɔ̂ a màntɨŋa wɨ̧ la. È me wu bɔnyɨ ba ko bu nkɨ̀Ꞌa bɔ̂ tò ba la ko wu bòt bèchɔsì e tsàà la. ÀfàꞋ àyɔb aà ndɔ̀kà èlen Yesò Klistò ntsaa a ègwet.

2 Kɔlìn 8:6

Ndɨ̀ wu bòt Màsèdonìà è le wua ŋǎ nyaŋ la a ghɨ̂ ba me shu abua Tȩtɔ̀s nê, ndɨ̀ wu tà li ndzaŋe ebuꞋu àfàꞋ yaa la, tà kɨꞋɨ nkwene ane yɨ̧ mpàa àfaꞋa ntsɔ̧̀ a màfeta èghɨ bu bòt Mbɔ̧ɔ̧mà àa ŋǎ ambo èkɔŋ tò la.

Gàlashìà 1:2

Nè bɔnyɨ ba bu bàgème bɔ̀ wu ba tò ba la, Abua bèchɔsì bu a Gàlashìà la.

Filìpȩ 2:21

Bòt ko nyaŋ mâ ye la bɔɔ ndzəèa wuê mɔb nè mènəè, wòt kà wuê ane yɔb tàa nkwàꞋtà ànəa Yesò Klistò la.

1 Tɔ̀màtià 6:10

Aa ale nkàà nê, èkɔŋ èkab ka àa nɨ̀a mènəè kàbɔ̀ŋ ègème nkɨ̀Ꞌa sitsǎꞋ ŋàa la. Àtɔŋ bòt ko a kɨ èkab nyaŋ, tè bɔ tu̧ alu̧ Yesò, ngoꞋtsə te ghɨ̀ mèntɨ̧ɨ̧ mɔb lootè.

1 Tɔ̀màtià 6:17

Shu abua bòt bu bɔ bɔ èghɨ ngɔ̀ŋ baa nyaŋ la nê, bɔ̀ ka me ŋeꞋe awɔb a ègwet, mè ndzìà ntɨ̀ yɔb ane èghɨ ngɔ̀ŋ baa àa li elɔ̀Ꞌɔ ebɨɨ la. Bɔ̀ zǐ ntɨ̀ yɔb wuê ane Mbɔ̧ɔ̧mà wu tà taꞋa wua ŋǎ awa èghɨ ègème nê bà me wùꞋtè ènyit ya adù̧ la.

2 Tɔ̀màtià 1:15

À ko nê, bòt bàgème àbâ àlaꞋ a Esìà, fɔ̀ɔ̀le ne Fìgelùs nè Emogìn, e waꞋa am.

2 Tɔ̀màtià 4:16

È li ngua ngò̧ mbì yu bɔ saꞋa am la, wòt kǒ ka kɨꞋɨ etɨ̧ɨ̧ akwene yaã. Waa waa li ndùùlà am. Maà shù̧ù̧ta nê Mbɔ̧ɔ̧mà e lèène ànəa ngaa bɔ li ngɨ̀ la.

Tȩtɔ̀s 1:4

E shɨa letà waa abua Tȩtɔ̀s, ngule waã am, ba tò e zì mèntɨ̧ɨ̧ ma ane wòt wemɔ̀Ꞌ la. Maà shù̧ù̧ta Tǎt wa Mbɔ̧ɔ̧mà bɔ̂ Yesò Klistò Mpemnà wa nê bɔ̀ me nyɨꞋte awê a ntsɔ̧̀ wɔb, mè ngɨ̀ à bɔ àlàŋkè a èntɨ̧ɨ̧ wê.

Fȩlemùn 1:24

Mak bɔ̂ Àlistakùs nè Demàs, nè Luêk wu ba tò ba àa fàꞋà nɔ̂ la e tsaꞋtè mɨ̧̂.

2 Pità 2:15

Bɔ sà èlu̧ ntsɔ̧̀ ntsìꞋa nkùŋà èwe kàbɔ̀ŋ. Bɔ tsiꞋi kùŋè wuê tèkate Balààm waã Beò wu tà li nkɔ̀ŋkè e ghɨ a kàbɔ̀ŋ, mbɨ̀Ꞌɨ̀ ebɔ èkab ane àbȩ̀ àzi la.