2 Tɔ̀màtià 3:8 - Mundani

⁸ Bòt mbɔŋ bɔ̀ɔ ngèèba ale la aa ntù̧a mènəè nkûŋ wuê mbɨ̀Ꞌɨ̀ Janèsìs bɔ̂ Jamblès è le tu̧u̧ mènəè mu Musì li ngua ndàꞋà la. Eyaa wu bòt bɔ̀ɔ ka tsi nko nkwàꞋtè mènəè ntsɔ̧̀, mèntɨ̧ɨ̧ mɔb ka meè ndâ ngu ane Yesò la.

2 Tɔ̀màtià 3:8 Iomraidhean Croise

ÀfaꞋa 15:24

Ba zə nê bòt ko e li ndzə ayɔɔ aya kà ba tu̧u̧ awɔb nkɨ̀Ꞌɨ̂ ndàꞋà èbɨꞋte mèngǎ̧ kǒ nɨŋ ntsòkè mèntɨ̧ɨ̧ mɨ̧.

Lûm 1:28

Ndɨ̀ wu bòt mbɔŋ e tu̧u̧ zì mèntɨ̧ɨ̧ mɔb ane mènəè nkûŋ mu nàa nyɨ̀Ꞌta wòt Mbɔ̧ɔ̧mà wu wùà la, Mbɔ̧ɔ̧mà sà àwɔb bɔ tsiꞋi zì mèntɨ̧ɨ̧ mɔb ane èbɨꞋte èghɨ àa ŋa àtsəa kɔꞋɔ la.

Lûm 16:18

Èwuu bòt mbɔŋ è ka faꞋa abua Yesò Klistò Lefɨ̀Ꞌ wa, bɔ fàꞋà wuê abua tèbêm tɔb. Bɔɔ nɨa mèngǎ̧ ntsɔ̧̀ nè àvəèəèlè fɨ̀ta bòt bu bɔ̀ɔ ka kwaꞋte mènəè ntsɔ̧̀ la.

Efesɔ̀s 4:14

Ba tsiꞋi anè ko bà ka tsi ewu mbɨ̀Ꞌɨ̀ bɔtechɨɨle, bòt mèfà̧ àa nɨa kèghebte fɨ̀ta wɔb mpàà wɔb mbɨ̀Ꞌɨ̀ àfeme maꞋa àbâ abà, ngɨ̀à èbeko ane yɨ̧ e bɨ̧̀ɨ̧̀nà mènəè fɨ̀te la a.

1 Tɔ̀màtià 1:19

Me zi èntɨ̧ɨ̧ wê wuê ane Mbɔ̧ɔ̧mà, mè ngɨ̀ èntɨ̧ɨ̧ wê è ka me fèèlè àwê a mbì tò. Bòt ko aà və bɔ tu̧u̧ e ghɨ̀ mènəè bɔ ko nê è kùꞋù la, tè ntsì mèntɨ̧ɨ̧ mɔb ane Yesò Klistò la.

1 Tɔ̀màtià 4:2

Bòt bu bɔ̀ɔ me nyɨꞋte èwuu mènəè maa la, wu bòt bu bɔ̀ɔ fɨta nê bɔ wu bòt Mbɔ̧ɔ̧mà la. Bɔ bakà tsi nko a ntsɔ̧̀, ngu nê Satàn ghɨ̂ mèntɨ̧ɨ̧ mɔb fene tê è kà tsi ngua fèèlè àwɔb.

1 Tɔ̀màtià 6:5

Àyaa aà mè ngɨ̀à bòt bu mèyǐ mɔb nàa ka tsi efàꞋ ntsɔ̧̀, ànəa nkûŋ à ka tsi ngu a èbem lɔb la, e tseka nkàànà wuê mènəè, mɨ̀ɨ̀tà nê e wu wòt Mbɔ̧ɔ̧mà wu alu̧ màmbɔ èkab nè èghɨ ko tsa nyaŋ.

2 Tɔ̀màtià 4:15

Me ko mbɨ̀Ꞌɨ̀ tà ghɨ ane yê mɨ̧̂, nkàà nê tà li tà kà bê ngùa nkɨ̌ eyute mèngà̧ mu ba nyɨꞋtà la.

Tȩtɔ̀s 1:10

Bòt ko nyaŋ aà və bɔ̀ɔ ŋàa àtsə àsaa, bɔ̀ ka bê ngùa ndzəèa ànəê, mè me nɨ mèngǎ̧ àkû èfɨ̀ta bòt ko la. Bɔɔ̀ ndzea àya nyaŋ ane Bèjuê bu ayɔɔ yɔb bɔ̀ɔ ŋwèèlà shua wuê nê bɔ naŋe wòt ka tà wu wòt Mbɔ̧ɔ̧mà la.

Tȩtɔ̀s 1:16

Bɔ̀ɔ ngɨ̀ bɔ me shu nê, bɔ ko a Mbɔ̧ɔ̧mà ka èghɨ bɔ̀ɔ ngɨ̀à la e me nyɨꞋte nê bɔ bakà ko atò. Bèŋût e bê ngɨ̀ àtsəa kekweelè nge, mènəè mɔb mè mbɨ̀ɨ̀ nenkèm, tè ntsɔ̧̀ kà tsi ngu ane yɔb.

2 Pità 2:14

Mèmɨ̀ɨ̀te mɔb ègème bê ngu wuê ànəa mànjɨa àbȩ, tè bɔ̀ ka wua nkà̧aã a màngɨa kàbɔ̀ŋ. Bɔɔ səèà bòt bu mèntɨ̧ɨ̧ mɔb nàa njùa ane Mbɔ̧ɔ̧mà la, ngɨ̀à bɔ ghɨa kàbɔ̀ŋ. Bɔ ghe bɔ̀ɔ nkɔ̀ŋkà e me nɨ nɨ la. Mbɔ̧ɔ̧mà nɔ̀ŋe ndɔ̀ àtsəa yɔb tè ndɔ̀Ꞌ.

1 Jɔ̌n 2:18

Bɔ̧ bɔ̧, ngɔ̀ŋ bele yàŋe elìa. Bɨ li ndzə nê, wɔ̀mbù̧ Yesò Klistò naa li ekɨꞋɨ. Ka nè àfɨ̀Ꞌ yaa bɔmbù̧ tò e taꞋa saꞋa a si tè àyea mbɔŋ a ghɨ̂ ba ko nê ngɔ̀ŋ bele yàŋe elìa.

1 Jɔ̌n 4:1

Ngule bèshu̧ bɔ̧, wòt nê ye bɔ Fo Mbɔ̧ɔ̧mà, bɨ̀ ka mbê mbɨ̧̀ɨ̧̀nê nèmbuꞋ kà nyɔꞋte a ŋut eye nê kò fo yu ane tò la wu Fo Mbɔ̧ɔ̧mà leꞋ. Bɨ̀ me ghɨ̀ ale nkàà nê bèndàꞋàtɔŋ Mbɔ̧ɔ̧mà fɨte be taꞋa wu àbȩ àfɨ̀Ꞌ yaa.

Ètsə 2:20

“ ‘Ka àghɨ aà yeamɔꞋ bɨ̀a ngɨ̀à màa ka kɔ̀ŋkè la. Bɨ sǎ Jezebèl ayɔɔ yɨ̧, àvi wu tàa ntɔ avi nê ye wu ndàꞋàtɔŋ Mbɔ̧ɔ̧mà la. Tàa fɨ̀ta bɔfàꞋ bɔ̧ ngɨ̀à bɔ paꞋtà àbɨ̧ mè njɨ̀a èghɨ bɔ nɨŋ ntsì mèpɨ̧̀ la.

Ètsə 2:6

Ka àghɨ aà yeamɔꞋ màa kɔ̀ŋkà wɨ̧ adù̧ la. Bɨà mpààbà èbɨꞋte èghɨ bu bòt bu bɔ̀ɔ nkuŋa Nìkòlatàn la, àa ngɨ̀à la, mbɨ̀Ꞌɨ̀ mmɔ̌ mbɔŋ màa mpààbà la.