2 Tɔ̀màtià 3:5 - Mundani

⁵ Naa li ngu ane èli mbɔŋ, bòt e me shu nê bɔ wu bòt Mbɔ̧ɔ̧mà ka bɔ̀ ka wu eye àghɨa mètàŋ Mbɔ̧ɔ̧mà ghɨ̌ ane yɔb la. À yea èwuu bòt baa, à ka ngà a ngèt yɔb.

2 Tɔ̀màtià 3:5 Iomraidhean Croise

Matìù 7:15

“Bɨ̀ me ko awɨ̧ mbɨ̀Ꞌɨ̀ bèndàꞋàtɔŋ Mbɔ̧ɔ̧mà fɨte e nyi ayɔɔ yɨ̧. Bɔ̀ɔ ngɨ̀ bɔ me nyɨꞋte nê bɔ̀ɔ njùa ane mènəè mɔb mbɨ̀Ꞌɨ̀ njɨ̀tsə, ka mbɔ̂ ngu a èbem mbɨ̀Ꞌɨ̀ ngwitenyà̧.

Efesɔ̀s 4:14

Ba tsiꞋi anè ko bà ka tsi ewu mbɨ̀Ꞌɨ̀ bɔtechɨɨle, bòt mèfà̧ àa nɨa kèghebte fɨ̀ta wɔb mpàà wɔb mbɨ̀Ꞌɨ̀ àfeme maꞋa àbâ abà, ngɨ̀à èbeko ane yɨ̧ e bɨ̧̀ɨ̧̀nà mènəè fɨ̀te la a.

2 Tèsàlonikà 3:14

Wòt kǒ ayɔɔ yɨ̧ tu̧u̧ e ghɨ̀ mbɨ̀Ꞌɨ̀ ba shu a èbem àkatè ya la, bɨ nɔ̀ŋè èghɨ ane ŋut, bɨ̀ ka mbɔ̀ àghɨa ko e ghɨ̀ ne ŋut, mbɨ̀Ꞌɨ̀ taa bɔ àtsəa kɔꞋɔ.

2 Tèsàlonikà 3:6

Bɔnyɨ, ba wua shua wɨ̧ ane èlen Yesò Klistò Lefɨ̀Ꞌ wa nê, bɨ̀ ka mbɔ̀ àghɨa ko a màngɨa ne bɔnyɨ ba bòt Yesò bu bɔ̀ɔ ndȩȩta a màfaꞋa, bɔ̀ ka wua ngɨ̀à mbɨ̀Ꞌɨ̀ ba li nyɨ̀Ꞌte awɨ̧ nê bɨ̀ me ghɨ̀ la.

1 Tɔ̀màtià 4:7

Ko mbɨ̀Ꞌɨ̀ à yute tèlete èkèghɨ̧̀ tu bòt àa ndzèa ngoꞋ ntsàà kà te bɔ ànəê ane èngǎ̧ Mbɔ̧ɔ̧mà la. Me taŋke awê ndɨ àa me tseke wuê mbɨ̀Ꞌɨ̀ Mbɔ̧ɔ̧mà è kɨa la.

1 Tɔ̀màtià 4:8

Wòt me nyàbtè ènyit zi, à ka bɨ, ka wòt me taŋke avi e me ghɨ̌ àfàꞋa Mbɔ̧ɔ̧mà, àyea ngaa a bɔ̀ŋ ntsè àghɨ àgème, nkàà nê betsiꞋa a tɨŋe a ŋut ane mèntsèke atò a ngɔ̀ŋ ŋaa, mè ngu etɨŋe atò taa bɔ mèmpème kàlìà.

1 Tɔ̀màtià 5:8

Wòt bakà wua ndɨ̀ŋkà bòt àndà̧ àzi, tè ngwaꞋ fɔ̀ɔ̀le bòt èbem lob zi, ŋut ko nê ye tu̧ alu̧ Yesò. Tà ghɨ̀ ale, tà ko nê ye bɨɨ te ntsè wòt kà zì èntɨ̧ɨ̧ vi ane Yesò.

1 Tɔ̀màtià 6:5

Àyaa aà mè ngɨ̀à bòt bu mèyǐ mɔb nàa ka tsi efàꞋ ntsɔ̧̀, ànəa nkûŋ à ka tsi ngu a èbem lɔb la, e tseka nkàànà wuê mènəè, mɨ̀ɨ̀tà nê e wu wòt Mbɔ̧ɔ̧mà wu alu̧ màmbɔ èkab nè èghɨ ko tsa nyaŋ.

2 Tɔ̀màtià 2:16

Ko mbɨ̀Ꞌɨ̀ à zì ètsəê wê ane mènəè àku mu kà bɔ àbu ane mènəè Mbɔ̧ɔ̧mà la. Èwuu mènəè mbɔŋ nàà mpàa ntsìà bòt tsǐ ane Mbɔ̧ɔ̧mà.

2 Tɔ̀màtià 2:23

Ko mbɨ̀Ꞌɨ̀ à zì ètsəê wê a èbem mèngǎ̧ àku mu bòt àa ndàꞋà kà ko ànəa bɔ shua la. Ko nê, mèngǎ̧ mbɔŋ nàà ndìà wuê nè àyɔ̀ŋ.

Tȩtɔ̀s 1:16

Bɔ̀ɔ ngɨ̀ bɔ me shu nê, bɔ ko a Mbɔ̧ɔ̧mà ka èghɨ bɔ̀ɔ ngɨ̀à la e me nyɨꞋte nê bɔ bakà ko atò. Bèŋût e bê ngɨ̀ àtsəa kekweelè nge, mènəè mɔb mè mbɨ̀ɨ̀ nenkèm, tè ntsɔ̧̀ kà tsi ngu ane yɔb.

Tȩtɔ̀s 3:10

Wòt me tsòkè àtsəa bòt Yesò nkɨ eghàbtè àwɔb, à ŋȩ̀te atò. À ŋȩte ngò̧ tebe, tà me ghɨ̀ wuê ghɨ̌, à tsi atò ayɔɔ.