2 Tɔ̀màtià 3:3 - Mundani

³ Naa li ngu ane èli mbɔŋ, bòt è ka tsi ngua nkɔ̀ŋkà bòt, bɔ̀ ka tsi ngua nkua tèsȩte bòt. Bòt aa li tsiꞋa ndàꞋà kàbɔ̀ŋ adù̧ tèlente bòt ko, ngɨ̀à mènəè mbɨ̀Ꞌɨ̀ nyaãtebàꞋ mè ngèmtà, ntsìꞋa mpààbà wuê a ntsɔ̧̀ ègème.

2 Tɔ̀màtià 3:3 Iomraidhean Croise

Matìù 10:21

“Bòt aa li ŋa bɔnyɨ bɔb ne bɔ buŋa, bètǎt bɔ̧ e mè ngɨ̀ wuê a èlɨ mbɔŋ ane bɔ̧ bɔb, bɔ̧ e mè ngu li elɔ̀ke mbù̧tsə ane bètǎt bɔb e ghɨ̌ bɔ bùŋè àwɔb.

Matìù 4:1

AfɨꞋa mbɔŋ, Fo Mbɔ̧ɔ̧mà nɨa Yesò nkɔꞋ ngà àbâ àlaꞋ àyuube, Satàn naa taãaãte atò.

Lûk 10:16

Yesò shu abua bɔkatè bi nê, “Wòt me zə awɨ̧, tà wua ndzəa am, we tà teme kwèn zi ŋǎ abua yɨ̧ la, wua ntèma kwèn zi ŋǎ abua am, wòt tà teme kwèn zi ŋǎ abua am la, wua ntèma kwèn zi ŋǎ abua wòt wu tà tsàà am la.”

Lûk 16:14

Mbɨ̀Ꞌɨ̀ Bèfalèsiì e zə èghɨ bàa Yesò shu la, bɔ̀ bùꞋ me wȩ̀ȩ̀te atò nkàà ndɨ bɔ̀ɔ nkɔ̀ŋkà èkab nyaŋ la.

Jɔ̌n 6:70

Yesò bɨ̀ɨ̀lè nê “E ndɨ è nka laa wɨ̧ ntsɔ̀b babe, wòt wemɔ̀Ꞌ naa bɔ ewu wòt Satàn?”

Lûm 1:29

Ale, mèntɨ̧ɨ̧ mɔb lu̧u̧ ne tèwuute èbɨꞋte ènəê ègème, kàbɔ̀ŋ nè mànkɨa nè èghɨ bòt tsa e wu tsiꞋi bɔb, mè nè màmɨɨta wuê a kàbɔ̀ŋ ane bòt ko. Mèntɨ̧ɨ̧ mɔb è lu̧u̧ ne ghòꞋnà, bɔ mè ngu bèlɨ̧̀, me tseka nùà bòt, fɨ̀ta bòt, mɨ̀ɨ̀tà wua kàbɔ̀ŋ ane bòt, ndàꞋa kàbɔ̀ŋ ane tèlente bòt.

Lûm 1:31

Bɔɔ ngɨ̀à mbɨ̀Ꞌɨ̀ èkèghɨ̧̀, bɔ̀ ka wua shua ànəê, ngɨ̀à a èlɨ mbɔŋ, mè me ghɨ̧̀ɨ̧̀ne bòt kà wua nkua tèsȩ.

1 Kɔlìn 7:5

Wòt ka tù̧ù̧ èku̧ abua wekǒ kà wu ànəa bɨ làŋkè nê à wu ane kètem àfɨ̀Ꞌ, mbɨ̀Ꞌɨ̀ bɨa nɨ àfɨꞋa mbɔŋ e me tsàꞋte a Mbɔ̧ɔ̧mà la. Bɨ̀ paa bɨ mè me fɔte àdziꞋ mbɨ̀Ꞌɨ̀ Satàn kɨ̀kè àwɨ̧ nkàà ndɨ betsiꞋa bɨ̀ ka koê ntsèke kà fɔte èku̧ la.

1 Kɔlìn 7:9

Ka bɔ bakà wu ko tseke ale bɔ yɔꞋ. Aà mbɔ̀ a màndzɔꞋɔ tè ntsè ndɨ wòt nàa me tseka nkwàꞋtà ànəa màmpaꞋta àbɨ̧ àfɨ̀Ꞌ àgème la.

1 Tèsàlonikà 4:8

È wu ale, wòt tù̧a èngà̧ waa ba nyɨꞋtà la, tà ko nê ye tu̧a Mbɔ̧ɔ̧mà wu tà ŋa Fo Kèfə abua yɨ̧ la, tà kà ntu̧a wɔ̀bȩ̂.

1 Tɔ̀màtià 3:11

Bèzi bɔb e bɔ̂ ndɨ bɔ̀ɔ bɔ mènəè ntsɔ̧̀ la, bɔ̀ ka me ghɨ̀ mènàŋ. Bɔ̀ ka me nu mèlùꞋ nyaŋ. Bɔ̀ me ghɨ̀ wuê mènəè è kùꞋu ane balu̧ bàgème la.

Tȩtɔ̀s 1:8

Ka ŋut e bɔ ndɨ tàa wu wòt tàa nkòa èsèà bègɨ̧̀ a lob zi la, mè ngu wòt tàa nkɔ̀ŋkà wuê àghɨa àa mbɔ̀ la. Ngu wòt tàa mbà̧aã èntɨ̧ɨ̧ vi ka ngɨ̀à mènəè, mènəè tò mè ntɨ̧ɨ̧ ndɨŋndɨ̀ŋ la. Tà bɔ ndɨ tàa wu ngule wòt Mbɔ̧ɔ̧mà, e mě me ghɨ̌ mènəè mbɨ̀Ꞌɨ̀ wòt tà ko èdziꞋ la.

Tȩtɔ̀s 2:3

Shu abua bèzi juŋ mɨ̧̂ nê, bɔ̀ me ghɨ̀ mènəè mɔb wuê mbɨ̀Ꞌɨ̀ Mbɔ̧ɔ̧mà nàa nkɨ̀a la. Bɔ̀ ka me tsòkè tèlente bòt, kò ngu èbaala mèlùꞋ leꞋ. Bɔ bɔ ndɨ bɔ̀ɔ me nyɨꞋte mènəè ntsɔ̧̀ la,

Jimsì 2:6

Ka bɨa ngwàa bòt ntseb, awɨ̧ bɔ̂ ngua ngɨ̧̀ɨ̧̀nà bòt èkab. Wu bɔ̀ɔ̀ba ka bɔ̀ɔ səèŋnà wɨ̧ nɨ̀a nga a èbem lob èsaꞋa la.

2 Pità 2:14

Mèmɨ̀ɨ̀te mɔb ègème bê ngu wuê ànəa mànjɨa àbȩ, tè bɔ̀ ka wua nkà̧aã a màngɨa kàbɔ̀ŋ. Bɔɔ səèà bòt bu mèntɨ̧ɨ̧ mɔb nàa njùa ane Mbɔ̧ɔ̧mà la, ngɨ̀à bɔ ghɨa kàbɔ̀ŋ. Bɔ ghe bɔ̀ɔ nkɔ̀ŋkà e me nɨ nɨ la. Mbɔ̧ɔ̧mà nɔ̀ŋe ndɔ̀ àtsəa yɔb tè ndɔ̀Ꞌ.

2 Pità 2:19

BènyɨꞋtà fɨte bàa àa ngɨ̀ bɔ kàꞋà bòt nê bɔ ko ane wɔb ne èyì ndɨ bɔ̀ɔ me tseke ntsɔ̧̀ la, mbɔ̂ mbèle ayɔb èbùꞋ a èbem kàbɔ̀ŋ. Aa ale nkàà nê, àghɨ aa ngɨ̀ a bɔ mètàŋ a ègwet wòt, ŋut tsiꞋi àbùꞋ àghɨa mbɔŋ.

2 Pità 3:3

Bɨ̀ bɨa ndzì àyaa a mèntɨ̧ɨ̧ mɨ̧ nê, naa li ngu àfɨꞋa ngɔ̀ŋ tsìꞋa ndɨ̀à lìa la, bòt bɔ̀ɔ nkɨ me ghɨ̀ wuê èghɨ mbɨ̧te ènyit tèa nkɨà la aa kɨꞋɨ e me wȩ̀ȩ̀tè àwɨ̧.

Jûd 1:16

Bòt baa aà ntsèka ndèmà a tèbèm tɔb, fèèlà bòt. Bɔɔ ngɨ̀à mènəè wuê mbɨ̀Ꞌɨ̀ mbɨ̧te ènyit tɔb tèa nkɨà la, ngwàbta mètsəê mɔb ngù̧a nkùꞋ tɔb. Bɔɔ fɨ̀ta bòt mɨ̧̂ mbɨꞋɨ ejɨ àbȩ̀ akwen yɔb.

Jûd 1:18

Bɔ li shu abua yɨ̧ nê, “Naa li ngu ane èli bu ngɔ̀ŋ tsìꞋa nkɨ elìà la, bòt ko e bùꞋ me wȩ̀ȩ̀tè ànəê àgème è wù àyea Mbɔ̧ɔ̧mà la, mè nkùŋà wuê èghɨ mèntɨ̧ɨ̧ mɔb nàa nkɨà, è wù èghɨ àa mbɨ̀a Mbɔ̧ɔ̧mà la.”

Ètsə 13:15

Bɔ sà nyà̧mɔ̀Ꞌ kwèn yu tà yèènè fo mèmpème ane wamâlem wu bɔ̀ɔ nɨa ngùꞋtà nyà̧mɔ̀Ꞌ mbì yu la, mbɨ̀Ꞌɨ̀ ghɨ̌ tàa me làꞋa, e mě ghɨ̌ tàa bùŋe bòt bɔ tu̧u̧ wùꞋte atò la.

Ètsə 13:17

Bɔ li nê wòt ka njû̧ àghɨ, kò fɨ̧ɨ̧nè leꞋ, kà wu wòt tà bɔ àlȩê yu, è wu èlen nyà̧mɔ̀Ꞌ yu kò nɔmbà wu è tɨ̧ɨ̧ àdziꞋa èlen mbɔŋ la leꞋ.

Ètsə 16:6

Bòt baa e li mbùŋè bòt bê nè bèndàꞋàtɔŋ bê, à ŋa àlo̧ bɔ nu. Bɔ wua ndzèa ngoꞋ è kùꞋu ane àfàꞋ àyɔb la.”

Ètsə 17:6

E mè me ye àvi ngaa be àlo̧ a bòt Mbɔ̧ɔ̧mà tà nu la, nè àyea bòt bu bɔ bùŋè àwɔb nkàà ndɨ bɔ̀ɔ ndàꞋà èngǎ̧ Yesò la. Mâ ye atò ale a taꞋa tsè am.