2 Tɔ̀màtià 3:2 - Mundani

² Naa li ngu ane èli mbɔŋ, waa waa tsiꞋa kɔ̀ŋkà wuê avi zìambɔŋ, nkwàꞋtà wuê ànəa mèkab mɔb, ngù̧a nkùꞋ tɔb mè ŋèꞋa tèkwȩ tɔb a ègwet. Naa li ngu ane èli mbɔŋ, bòt e tsiꞋa ntsɔ̧̀ɔ̧̀tà beko, ngɨ̀à àtsə àkekweelè abua bètǎt bɔb, bɔ̀ ka tsi ngùa nkuŋà Mbɔ̧ɔ̧mà, wòt ghɨa ntsɔ̧̀ abua wòt tà kà lem ntsi nkɔ̀ŋkè atò.

2 Tɔ̀màtià 3:2 Iomraidhean Croise

Matìù 15:6

Ale, bɨ gha ambo mènəè ndɨ̧ yɨ̧, ngwaꞋa ànəa Mbɔ̧ɔ̧mà shu nê bɨ̀ me ghɨ̀ la.

Lûk 12:15

Tà ghɨ̀ ale, shu abua yɔb bàgème nê, “Bɨ̀ nɨ àfɨ̀Ꞌ, mbɔ̂ me nko mbɨ̀Ꞌɨ̀ èghoꞋ e wu a kètsìà wɨ̧. Mèmpème wòt nè mèntsèke ntsɔ̧̀ tò ntsě ane èghɨ tà bɔ la, ka tà màà mbɔ èghɨ wu nà leꞋ.”

Lûk 16:14

Mbɨ̀Ꞌɨ̀ Bèfalèsiì e zə èghɨ bàa Yesò shu la, bɔ̀ bùꞋ me wȩ̀ȩ̀te atò nkàà ndɨ bɔ̀ɔ nkɔ̀ŋkà èkab nyaŋ la.

Lûk 6:35

Àghɨa bɨ bɔ ndɨ bɨ̀a me ghɨ̀ la wu nê, bɨ̀ me kɔ̀ŋke bɔmbù̧ bɨ̧ mè ngɨ̀a ntsɔ̧̀ abua yɔb; à fù wòt àghɨ à ka me chɨ̀Ꞌɨ̀ taa vəâ. Bɨ ghɨ̀ ale, ko bɨa li ebɔ taꞋa àbȩ̀, abua Mbɔ̧ɔ̧mà e mě wu ngule bɔ̧ Mbɔ̧ɔ̧mà Àtsèàngɔ̀ŋ. Ngu nê tàà ngɨ̀à a ntsɔ̧̀ abua bòt kàbɔ̀ŋ nè bòt bu bɔ̀ɔ ka ŋa mènkɔ̀ŋke abua tò la.

ÀfaꞋa 5:36

È li ndɔ̀Ꞌ ngu àfɨ̀Ꞌ àko, Tìodà kǒ lɔ̀Ꞌ me fɨta shua nê, ye wu wòt nɨ̧, tè bòt mbɔ̀ŋè ènkɨ̀ yekwì e kuŋe atò. AdzìꞋ me wù̧ù̧ne, bɔ kɨ̧ɨ̧mè atò, bòt tò bu bàgème e taatè, èngǎ̧ tò wu e mî.

Lûm 11:18

È wu ale, bɨ̀ ka me ŋeꞋe tèkwȩ tɨ̧ a ègwet shua nê bɨ tsě bòt Izəèlȩê bu bɔ li ndòòte àwɔb mbɨ̀Ꞌɨ̀ mèntaãaã la. Bɨ me shu nê bɨ tsè àwɔb, bɨ ko nê ntsě bɨ̀a mèntaãaã ka ntɔ̀kà tèghaŋtsə la, wu tèghaŋtsə ka ntɔ̀kà àwɨ̧ la.

2 Kɔlìn 5:15

Tà li mpfə ane ànəa bòt bàgème, mbɨ̀Ꞌɨ̀ bòt bu tà ŋa awɔb mèmpème la è ka tsi me ghɨ̀ àghɨa àa mbɔ̀ wɔb la a. Bɔɔ tsiꞋi me ghɨ̀ àghɨa àa mbɔ̀ wòt wu tà li mpfə ambo yɔb Mbɔ̧ɔ̧mà yù̧ù̧me atò la.

Filìpȩ 2:21

Bòt ko nyaŋ mâ ye la bɔɔ ndzəèa wuê mɔb nè mènəè, wòt kà wuê ane yɔb tàa nkwàꞋtà ànəa Yesò Klistò la.

Kɔ̀losìà 3:5

Ale, bɨ̀ waꞋa èghɨ sitsǎꞋ bu ègème mbɨ̧te ènyit tɨ̧ tèa nkɨà la. Èghɨ mbɔŋ wu mànkuŋa bèzi kò mbâ̧tsə leꞋ ane balu̧ bàgème, nè mèmɨ̀ɨ̀te kàbɔ̀ŋ, nè mànkɨa nê ye wu me nɨ nɨ, na àyaa à wua nyɨ̀Ꞌta nê wòt kɔ̀ŋke èghɨ mbɔŋ tè e tsiꞋi mbɨ̀Ꞌɨ̀ a mbɔ̧ɔ̧mà tò la.

2 Tèsàlonikà 2:4

Taa kɨꞋɨ etu̧u̧ àghɨ àgème bòt àa ngùꞋtà nê wu mbɔ̧ɔ̧mà la, e me ŋeꞋe avi a ègwet shua nê ye tse bùà ègème. Taa ghǎ fɔɔle a èbem lob nɨ̧ Mbɔ̧ɔ̧mà, e tseke a èbem e me shu bòt nê zìambɔŋ ka ye wu Mbɔ̧ɔ̧mà la.

1 Tɔ̀màtià 1:20

Èbeko ane bòt ngaa wu Ghɨ̀menɔ̀s bɔ̂ Àlèkzandà. Mâ zì àwɔb wàa a tèkitebu Satàn. Àyaa aa nyɨꞋte awɔb nê, bɔ̀ ka ndi ndɔ̀Ꞌɔ̀ ane àli ako mè ndàꞋà a kàbɔ̀ŋ adù̧ èlen Mbɔ̧ɔ̧mà.

1 Tɔ̀màtià 1:9

Ba chɨɨme nko ntsɔ̧̀ nê, Mbɔ̧ɔ̧mà li tà kà wua ngɨ̀à mbɨ̧ taa abua bòt bɔ tɨ̧ɨ̧ ndɨŋndɨ̀ŋ la. Tà li ngùa ngɨ̀à mbɨ̧tsə abua bòt bɔ̀ɔ mpààtà mbɨ̧tsə la, nè bòt àtsə àkekweelè. Mbɨ̧tsə te wu abua bòt bu bɔ̀ɔ ntsò̧ò̧ta a Mbɔ̧ɔ̧mà, mè ngɨ̀à mènəè kàbɔ̀ŋ la. Mè ngu abua bòt bu mènəè mɔb bakà tɨ̧ɨ̧ ndɨŋndɨ̀ŋ a mbì tò la, mè nè bòt bu bɔ̀ɔ ntsòꞋa èngǎ̧ tò la. Mbɔ̧ɔ̧mà li mèe ngɨ̀ mbɨ̧ taa abua bòt bu bɔ̀ɔ mbùŋà bètǎt bɔb nè bènyɨ̌ bɔb la, nè waa waa tàa mbùŋa bɔbȩ la.

1 Tɔ̀màtià 3:3

Wòt àtsəa bòt Yesò ka ngu àbaala mèlùꞋ, tà ka ngu wòt tàa nkàà mèntɨ̧̀ la. A nyɨꞋte nê, tà wu mbɔɔlè wòt tàa ndàŋkà mènəè la, tà ka me zǐ èntɨ̧ɨ̧ vi ane èkab.

1 Tɔ̀màtià 6:10

Aa ale nkàà nê, èkɔŋ èkab ka àa nɨ̀a mènəè kàbɔ̀ŋ ègème nkɨ̀Ꞌa sitsǎꞋ ŋàa la. Àtɔŋ bòt ko a kɨ èkab nyaŋ, tè bɔ tu̧ alu̧ Yesò, ngoꞋtsə te ghɨ̀ mèntɨ̧ɨ̧ mɔb lootè.

1 Tɔ̀màtià 6:4

ŋut wua ŋèꞋa avi a ègwet, ntanda nê ye ko àghɨ ako ale, ka àghɨ à ka wu àtsə atò. ÀfàꞋ atò a kùꞋu ndɨ tàa me ghɨ̧̀ɨ̧̀na ndzɔ̀ mè nkàànà mèngà̧ la. Àyaa aà ndìꞋa ghòꞋnà, nè àyɔ̀ŋ, bɔ̂ tèntsɔ̧̀ɔ̧̀mètsə, mè ngɨ̀à bòt e mɨ̀ɨ̀tà kàbɔ̀ŋ adù̧ bɔnyɨ bɔb.

2 Tɔ̀màtià 3:4

Bòt aa li tsiꞋa ndàꞋà mèngà̧ nɨ̀a fɨ̧̀ɨ̧̀nà beko, ngɨ̀à mènəè èkèghɨ̧̀ ŋèꞋa tèkwȩ tɔb a ègwet kwàꞋ ànyaꞋne. Bɔɔ li tsiꞋa nkɔ̀ŋkà wuê èghɨ àa mbɔ̀ àwɔb la, tè ntse a Mbɔ̧ɔ̧mà.

Jimsì 2:8

È wu nê bɨà nchɨɨma ngɨ̀à àghɨa mbɨ̧ Kèfɔ̧̀ Mbɔ̧ɔ̧mà nàa shua la, mbɨ̀Ꞌɨ̀ Àkata Mbɔ̧ɔ̧mà a nyɨꞋte la nê, “Me kɔ̀ŋkè wanyɨ wè mbɨ̀Ꞌɨ̀ àwɔ̀ mbɔŋ”, ko bɨà ngɨ̀à ntsɔ̧̀.

Jimsì 4:16

Ka bɨa ŋèꞋe tèkwȩ tɨ̧ a ègwet, ngù̧a nkùꞋ tɨ̧, ka bɔ̂ tèkwȩ tɨ̧ ngaa bɨ ŋeꞋe a ègwet la wu ànəa kàbɔ̀ŋ.

Jimsì 4:6

Mbɔ̧ɔ̧mà bê nge tàa ngɨa a ntsɔ̧̀ la. Ale, Àkata tò a laꞋnê, “Mbɔ̧ɔ̧mà nàà shuka bòt bu bɔ̀ɔ ŋèꞋa tèkwȩ tɔb a ègwet la a si, mbɔ̂ me nyɨꞋte a ntsɔ̧̀ vi abua bòt bu bɔ̀ɔ nɨ̀a wɔb a si la.”

1 Pità 5:5

È me wu awɨ̧ wu bɨ̀ bele e be techɨɨle la, e me shu abua yɨ̧ nê, bɨ̀ me zə bɔɔjuŋ. E mè ntsiꞋa shua abua bòt bàgème àfɨ̀Ꞌ yaa nê bɨ̀ me nɨ awɨ̧ a si ane ndɨ bɨ̀a mbà̧à̧ta bɔnyɨ bɨ̧ la, nkàà nê Àkata Mbɔ̧ɔ̧mà a laꞋnê, “Mbɔ̧ɔ̧mà nàà shuka bòt bu bɔ̀ɔ ŋèꞋa tèkwȩ tɔb ègwet la a si, mbɔ̂ me tɨŋe bòt bu bɔ̀ɔ nɨa wɔb a si la.”

2 Pità 2:10

Mbɔ̧ɔ̧mà naa ghɨ̀ anè te tsě, ane bòt bu bɔ̀ɔ ngɨ̀à wuê èbɨꞋte èghɨ bu mbɨ̧te ènyit tɔb tèa nkɨà la, bɔ̀ ka mê ngua ndzəa bòt bu bɔ̀ wu àtsəa yɔb la, ka è màà ngu wuê wà leꞋ. BènyɨꞋtà fɨte ngaa e kweele àtsə mè mbɔ̀ mètsəê kàbɔ̀ŋ tè bɔ̀ ka tsi ngua mbɔ̀a elàꞋa kàbɔ̀ŋ adù̧ èghɨ àa ntsèka a ègwet la.

2 Pità 2:12

Ka bòt baa aa ndàꞋa kàbɔ̀ŋ ane mènəè bɔ̀ baka ko la. Bɔɔ mbɨ̀Ꞌɨ̀ nyaãtebàꞋ kà wua kwàꞋtà ànəê, bɔ bi awɔb wuê mbɨ̀Ꞌɨ̀ eliime la. Bɔ̀ɔ wàa aa li eleme wuê mbɨ̀Ꞌɨ̀ nyaãtebàꞋ tèa ndèma la.

2 Pità 2:18

Bɔ taꞋa wua ngwàbta mètsəê mɔb ngù̧a nkùꞋ tɔb, mbɔ̂ ngua ndàꞋà mènəè àku. Bɔɔ nyɨ̀Ꞌta nê bòt è me ghɨ̌ àghɨ àgème mbɨ̧te ènyit tɔb tèa nkɨà la, nɨa səèà bòt bu mbèla ndzəèa dzəâ ayɔɔ bòt bɔ fà̧à̧tè èka bɔb la, mè mvəèəè àwɔb a èbèm.

2 Pità 2:3

BènyɨꞋtà fɨte bàa aa gha ambo èlɨ̀ wu bɔ̀ɔ nkɨ me nɨ nɨ la, me dèbè mètaã mɔb mènəè kɔ̀Ꞌa bɔ shua mbɨ̀Ꞌɨ̀ enɨ èghɨ àku abua yɨ̧. Bɔ li mbê ndzaŋe saꞋa awɔb tè ndɔ̀Ꞌ, tè Mbɔ̧ɔ̧mà wu tàa eliime awɔb la tsiꞋì àtatsi nchɨ̀Ꞌà.

Jûd 1:16

Bòt baa aà ntsèka ndèmà a tèbèm tɔb, fèèlà bòt. Bɔɔ ngɨ̀à mènəè wuê mbɨ̀Ꞌɨ̀ mbɨ̧te ènyit tɔb tèa nkɨà la, ngwàbta mètsəê mɔb ngù̧a nkùꞋ tɔb. Bɔɔ fɨ̀ta bòt mɨ̧̂ mbɨꞋɨ ejɨ àbȩ̀ akwen yɔb.

Ètsə 13:1

E ndze nyà̧mɔ̀Ꞌ nkɔ̀Ꞌa a èbem *èdzî, è bɔ̀ ndɔŋtsə èghem nè ètsə besà̧à̧mbe. Ntà̧ nàà nyɨ̀Ꞌta mètàŋ tò la è wu a ègwet ndɔŋ ègème, àtsə àgème a bɔ èlen ko tsa àa ndàꞋa kàbɔ̀ŋ adù̧ èlen Mbɔ̧ɔ̧mà la.

Ètsə 16:11

Bɔ me tsàà tèntsɔ̧̀ɔ̧̀mètsə adù̧ Mbɔ̧ɔ̧mà wu a ègwet la, nkàà ngoꞋ tɔb nè fɨŋ tu ane yɔb la. Ngɨ̀ ale bɔ̀ ka bɨ̧ɨ̧ne ekubte ane mènəè kàbɔ̀ŋ mɔb.

Ètsə 16:21

TaꞋà èwèt ko e chu nkwènte ègwet bɔbȩ. Kèmbèm èwèt kemɔꞋ ke me lèlè mbɨ̀Ꞌɨ̀ mbe sìmen. NgoꞋ mbɔŋ li mbê nge tê bòt e tsiꞋa ntsàà tèntsɔ̧̀ɔ̧̀mètsə adù̧ Mbɔ̧ɔ̧mà.

Ètsə 16:9

Àtaãnyèm yu a tò̧ò̧tè àwɔb ale, bɔ tsiꞋi me tsàà tèntsɔ̧̀ɔ̧̀mètsə adù̧ èlen Mbɔ̧ɔ̧mà wu tà bɔ mètàŋ a ègwet ngoꞋte mbɔŋ la. Ngɨ̀ ale ntu̧ kubte ane mènəè kàbɔ̀ŋ mɔb e ŋa mèngùꞋte abua Mbɔ̧ɔ̧mà.