Bìoball air-loidhne

2 Tɔ̀màtià 3:16 - Mundani

¹⁶ Wu Mbɔ̧ɔ̧mà zìambɔŋ ka tà ghɨ̂ bɔ shɨ àghɨ àgème àa a èbem Àkata tò la. Ale, betsiꞋa wòt nɨ̀ letà waa me nyɨꞋte mènəè nkûŋ, ntù̧a mènəè kàbɔ̀ŋ, nyɨ̀Ꞌta awa mènəè ba fà̧à̧tè la, mè ŋà àwa nkɨ̀atsə ndɨ bàa tɨ̧ɨ̧ ndɨŋndɨ̀ŋ e mbì Mbɔ̧ɔ̧mà la.

Faic an caibideil Dèan lethbhreac

dol air ais ⬆

2 Tɔ̀màtià 3:16
43 Iomraidhean Croise

Matìù 13:52

Tà mè shu abua yɔb nê è wu ale, nyɨꞋtà mbɨ̧tsə tà tsiꞋi wakatè a kèfɔ̧̀ Mbɔ̧ɔ̧mà la, wu mbɨ̀Ꞌɨ̀ tǎt lob wu tàa ngɨ̀ tà tsɔꞋɔ àtsəa lob zi ntsì èghɨ ntsɔ̧̀ fi bi nè èbe nyaꞋ àfɨꞋa tà kɔ̀ŋkè la.

Faic an caibideil

Matìù 21:42

Yesò bììte awɔb nê “Tè bɨ bakà li me tɔ èngà̧ waa a èbem Àkata Mbɔ̧ɔ̧mà ezə? ‘Èti lu bèmbɔ̧ɔ̧ lob e li ngwaꞋ nê wu èti kàbɔ̀ŋ la, wu lùà ka è tsìꞋi ngule èti tɔ̀Ꞌɔ̀ lob la. Eyaa wu àghɨa Mbɔ̧ɔ̧mà ghɨ̀ la, a ghe àa mbɔ̀ la.’

Faic an caibideil

Matìù 22:43

Tà mè mbììte awɔb nê, “Ale, ghǎ li ngɨ̀ ka Fo Mbɔ̧ɔ̧mà ghɨ̀ Fɔ̧̀ Dàbid me tɔ tò ane tǎt vi à? Dàbid li nê,

Faic an caibideil

Matìù 26:54

Ka a wu anè, ko ànəa bɔ shɨ a èbem Àkata Mbɔ̧ɔ̧mà la, àa ghɨ̀ na ka wu nkûŋ à?”

Faic an caibideil

Matìù 26:56

ka èghɨ bàagème e tsè ane mbɨ̀Ꞌɨ̀ e ghɨ̌ àghɨa bèndàꞋàtɔŋ Mbɔ̧ɔ̧mà e li shɨŋ a èbem Àkata tò la aa wu nkûŋ.” ÀfɨꞋa mbɔŋ bɔkatè tò bàgème e sa tò ndùùlà.

Faic an caibideil

Ntu̧ Ntsɔ̧̀ MAK 12:24

Yesò bɨ̀ɨ̀lè èngǎ̧ wɔb nê, “Bɨ fà̧, nkàà ndɨ̀ wu bɨ̀ bakà ko èngǎ̧ Mbɔ̧ɔ̧mà nè mètàŋ tò la.

Faic an caibideil

Ntu̧ Ntsɔ̧̀ MAK 12:36

Fo Kèfə li ngɨ̀ Dàbid zìambɔŋ nê, ‘Mbɔ̧ɔ̧mà Lefɨ̀Ꞌ li shu abua Lefɨ̀Ꞌ am nê, Tseke àbâ àbualu̧ am tè è ŋà èlu̧ à tsite èka bê a ègwet bɔmbù̧ bê.’

Faic an caibideil

Jɔ̌n 10:35

Mbɔ̧ɔ̧mà li ndàꞋ àyaa ane bòt bu tà li ndzì èngǎ̧ vi a tèkitebu tɔb la. Ba bɔ nko nê, ànəa Àkata Mbɔ̧ɔ̧mà a shua la wu nkûŋ ane àlia nè àlia.

Faic an caibideil

Jɔ̌n 3:20

Wòt ègème tàa ngɨa kàbɔ̀ŋ la nàà mpààbà èkaꞋà, tà kà wua nkɔ̀ŋkà ekɨꞋɨ a èbem èkaꞋà, mbɨ̀Ꞌɨ̀ ka bɔ gha ghɨ̌ ndzè mènəè kàbɔ̀ŋ tò.

Faic an caibideil

ÀfaꞋa 1:16

“Bɔnyɨ bɔ̧, èngǎ̧ Mbɔ̧ɔ̧mà wu Fo Kèfə li ngɨ̀ Fɔ̧̀ Dàbid làꞋà ane ànəa Judàs la, e li mbɔ̌ ndɨ àa wu nkûŋ la. Fɔ̧̀ Dàbid li shu ndɨ Judàs wu wòt tàa li tɨ̧ɨ̧ a mbì e ghɨ̌ ka bɔɔ baãaã a Yesò la.

Faic an caibideil

ÀfaꞋa 18:25

Tà li nko mènəè Yesò mbɨ̀Ꞌɨ̀ bɔ nyɨꞋte atò la, tè me nèèta ndàꞋà mènəè mbɔŋ mbɨ̀Ꞌɨ̀ wòt tà ko nê ànəa ye làꞋà la wu ngule ànəê la. Mbàte ngɨ̀ ale, ka nko wuê mènəè mu Jɔ̌n li ngua ndaꞋa ane Yesò àfɨ̀Ꞌ yu tà li ngua ndzìà bòt a èdzî la.

Faic an caibideil

ÀfaꞋa 20:20

Bɨ ko nê, ngule ànəê àko betsiꞋa a tɨŋe awɨ̧ e ndi è ka laꞋa abua yɨ̧ àsà̧aã èwen nè lob tɨ̧ la, a ntsě.

Faic an caibideil

ÀfaꞋa 20:27

Ngu nê ànəa ako Mbɔ̧ɔ̧mà nàa nkwaꞋta eghɨ̀ kâ e shu awɨ̧ la a ntsě.

Faic an caibideil

ÀfaꞋa 28:25

ale bɔ bùꞋ me taate, nkàànà a kètsìà wɔb. Mbɨ̀Ꞌɨ̀ bɔ̀ɔ ntààtâ la, Pɔ̂l làꞋ èngà̧ ko wemɔꞋ abua yɔb nê “Fo Kèfə li nchɨɨme ngɨ̀ Àsayà ndàꞋàtɔŋ Mbɔ̧ɔ̧mà làꞋà nkûŋ abua bètǎt nyaꞋ bɨ̧ nê:

Faic an caibideil

Lûm 15:4

Àghɨ àgème bɔ li shɨ a èbem Àkata Mbɔ̧ɔ̧mà àfɨꞋa mbì la a li ngua mànyɨꞋte awa, è me ghɨ̌ baa me kuule mèntɨ̧ɨ̧ ma, mè ndzìà mèntɨ̧ɨ̧ ma, mbɨ̀Ꞌɨ̀ baa me chɨ̀Ꞌɨ èghɨ bu ègème Mbɔ̧ɔ̧mà kàꞋà àwa la.

Faic an caibideil

Lûm 2:20

nê ye wu nyɨꞋtà bòt bu kà ko mènəè Mbɔ̧ɔ̧mà la, mè ngu nyɨꞋtà bòt bu bɔ̀ baka zìꞋì nkwèèle ane mènəè Mbɔ̧ɔ̧mà la. Mè ndâ nko àwɔ̀ mbɔŋ nê ndɨ̀ wu à ko mbɨ̧ la, à ko àghɨ àgème, mè nko nkûŋ.

Faic an caibideil

Lûm 3:2

Àbȩ̀ a taꞋa wu ane èghɨ bàa, ane abà àgème. Enɨ bùꞋu, Mbɔ̧ɔ̧mà li ndzì èngǎ̧ vi a tèkitebu Bèjuê.

Faic an caibideil

Lûm 4:23

Mèngà̧ mu bɔ li shɨŋ nê, “Mbɔ̧ɔ̧mà li nɨa tò mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la”, li è kà wu abua tò zìa ndziꞋne.

Faic an caibideil

1 Kɔlìn 12:7

Wòt ègème nàà mbɔ èghab Fo Mbɔ̧ɔ̧mà ane ntsɔ̧̀ waa waa.

Faic an caibideil

Gàlashìà 3:8

Bɔ li ndɔ̀Ꞌ shu a èbem Àkata Mbɔ̧ɔ̧mà nê, Mbɔ̧ɔ̧mà naa li ghɨ̌ bòt kà wu Bèjuê aa tɨ̧ɨ̧ ndɨŋndɨ̀ŋ a mbì li nkàà èntɨ̧ɨ̧ wɔb bɔ zi ane tò la. Ale, tà bèle àfɨꞋa tsa ntsɔ̀tè Ntu̧ Ntsɔ̧̀ zi abua Abàlàghâm nê, “ÈlaꞋ ègème aa li eghǎ ambo yè ebɔ èlɔ̂t.”

Faic an caibideil

2 Tɔ̀màtià 2:25

Tà bɔ ndɨ tàa baãaã èntɨ̧ɨ̧ vi ka me kɨɨte bòt bu ntù̧a èngà̧ wu tàa nyɨ̀Ꞌta la. Tà ghɨ anè ko ateko Mbɔ̧ɔ̧mà naa ŋa awɔb èlu̧ bɔɔ kubte mènəè kàbɔ̀ŋ mɔb e mě eko nkûŋ la.

Faic an caibideil

2 Tɔ̀màtià 4:2

Maa shu awê nê, tsɔte Ntu̧ Ntsɔ̧̀ yu, nèètè èsènte yùà, kò àfɨ̀Ꞌ aà və, kò a ntsě leꞋ, ko mâ shu awê nê, bòt e ghɨ a kàbɔ̀ŋ, à ŋȩ̀te awɔb. Shu awɔb mɨ̧̂ nê, bɔ̀ sà mènəè kàbɔ̀ŋ mɔb, mè ndɔ̀ktè ètsə bɔb nê, bɔ̀ me ghɨ̌ mènəè ntsɔ̧̀. Me bɔɔle awê àfɨ̀Ꞌ àgème nyɨ̀Ꞌta awɔb.

Faic an caibideil

Ebùlù 11:1

Ba zìà èntɨ̧ɨ̧ wa ane Mbɔ̧ɔ̧mà, è wu mànkoa nkûŋ nkûŋ nê baa bɔ èghɨ bu ba chɨ̀Ꞌà la, mè nko nkûŋ nkûŋ nê èghɨ bu bàa ka ye la aà və.

Faic an caibideil

Ebùlù 3:7

Mbɨ̀Ꞌɨ̀ Fo Kèfə è shu la nê, “Bɨ zə ànəa Mbɔ̧ɔ̧mà shu la laane,

Faic an caibideil

Ebùlù 4:12

Èngǎ̧ Mbɔ̧ɔ̧mà e wu èyu̧ mè mbɔ̀ mètàŋ. E tɔɔ te ntsè nyi èbà bebe. Aà sɔ̀ɔ̀bà tè ngà ndzə àdziꞋa àlɨ̀ŋka wɔ̀bȩ̂ nè fo tò à wu abot la, mè sɔ̀ɔ̀bà tè ngà ngu a èbem èkwȩ bɔ̂ mbɔ̀ɔ̀latsə. Aa ngɨ̀à Mbɔ̧ɔ̧mà ko àghɨa wòt nàa mɨ̀ɨ̀tà la nè àyea tàa nkɨ e ghɨ̀ la.

Faic an caibideil

Lean sinn:

Ceanglaichean taic

Sanasan

Sanasan