2 Tɔ̀màtià 3:14 - Mundani

¹⁴ Ka è wu awê àwɔ̀ mbɔŋ, ko mâ laꞋnê, me kùŋè wuê mènəè mu bɔ li nyɨ̀Ꞌte awê, à mè mbɨ̧̀ɨ̧̀ne nè èntɨ̧ɨ̧ wê ègème la. Me kùŋè mènəè mbɔŋ ndɨ̀ wu à ko èwuu bòt bu bɔ li nyɨ̀Ꞌte awê la,

2 Tɔ̀màtià 3:14 Iomraidhean Croise

ÀfaꞋa 17:31

Aà ale nkàà nê, tà tsia àlia tàa li tsě ane wòt kǒ tà yɔꞋ la, esaꞋa ngɔ̀ŋ yaa ane ndɨ a kùꞋù la. Tà nyɨꞋte a waa waa nê ànəê yaa aa li tsè mbɨꞋɨ̀ ye kàꞋà la, nkàà nê tà ghɨ̂ ŋut pfə mè njù̧ù̧mê.”

Lûm 14:5

Wòt kǒ nàa ngɨ̀ tà me nɨ àlia ko nê wu àlia nɨ̧, ka wekǒ me nɨ èli ègème nê aà ndɨŋndɨ̀ŋ. Ka tsiꞋ waa waa lâ nko nê àyea àa èntɨ̧ɨ̧ vi la wu ndɨ a bɔ ndɨ àa wu la.

Kɔ̀losìà 2:2

E ngɨ̀à ale mbɨ̀Ꞌɨ̀ enɨ lɔ̀ktè mèntɨ̧ɨ̧ mɨ̧, e ghɨ̌ bɨa tsiꞋi bòt bɔ̀ɔ ndâ nkɔ̀ŋkà bɔnyɨ bɔb tè ntsìꞋi àghɨ yeamɔꞋ la. A wu anè ko bɨa lâ eko nkûŋ ane ànəê yu Mbɔ̧ɔ̧mà li ndò̧, ka me wu àfɨ̀Ꞌ yaa ngɨ̀ ba ko la. Nkûŋ ya wu ane ànəa Yesò Klistò zìambɔŋ.

1 Tèsàlonikà 1:5

Ba li bàà ka nɨ Ntu̧ Ntsɔ̧̀ yu ekɨꞋɨ abua yɨ̧ wuê ane èngǎ̧ ètsəê. È li nkɨ̀Ꞌɨ̂ nè mètàŋ nè Fo Kèfə ndâ kùbte awɨ̧. Bɨ ko ndɨ ba li ngu ayɔɔ yɨ̧ ale me tseke la. Ba li ngua ngɨ̀à ale ane ntsɔ̧̀ wɨ̧.

1 Tèsàlonikà 2:13

Lə kǒ bàa mè ntsèka nkɔ̀ŋkà a Mbɔ̧ɔ̧mà la wu nê, ba li ndàꞋà èngà̧ wu e dzə abua Mbɔ̧ɔ̧mà la abua yɨ̧ ale, bɨ zə mbɨ̧̀ɨ̧̀nê. Bɨ li mbɨ̧̀ɨ̧̀nê nê, è ntsě èngǎ̧ wɔ̀bȩ̂, nê wu èwe Mbɔ̧ɔ̧mà, è bɔ̂ ngu kwàꞋ èngǎ̧ Mbɔ̧ɔ̧mà. Wu èngǎ̧ mbɔŋ Mbɔ̧ɔ̧mà nɨŋ me fàꞋa ane yɨ̧ wu bɨ zì mèntɨ̧ɨ̧ mɨ̧ ane tò la.

1 Tɔ̀màtià 4:16

Me nèèta mbààba awê mè mbààba èngà̧ wu àa nyɨ̀Ꞌta la. Me ghɨ̀ wuê èghɨ bàa nkàà nê, à ghɨ̀ ale, ko aa tɨŋe awê nè bòt bu bɔ̀ɔ njùtâ awê la, bɨa bɔ ngule mèmpème.

2 Tɔ̀màtià 1:13

Baãaã èngǎ̧ nkûŋ waa mâ laꞋa abua yê la, me làꞋa abua bòt ko mɨ̧̂, me zì wuê èntɨ̧ɨ̧ wê ane Mbɔ̧ɔ̧mà, nkɔ̀ŋkà tò mbɨ̀Ꞌɨ̀ ba wu ba tsiꞋi àghɨ yeamɔꞋ nè Yesò Klistò la àa ngɨ̀à la.

2 Tɔ̀màtià 2:2

Nɨ mèngǎ̧ Mbɔ̧ɔ̧mà mu à li ndzə e ndàꞋ abua bòt nyaŋ la ndzì a tèkitebu ngule bòt bu bɔ kùꞋu a mànyɨꞋta bòt ko la mɨ̧̂.

2 Tɔ̀màtià 3:15

mè nko ànəa Àkata Mbɔ̧ɔ̧mà a shua la, e bùꞋù tê àfɨ̀Ꞌ yu à li mbèle watèchɨɨle la. Letà waa nàa nyɨ̀Ꞌta ndɨ betsiꞋa à bɔ̌ èyì wu àa ghɨ̌ aa zǐ èntɨ̧ɨ̧ wê ane Yesò Klistò mbɨ̀Ꞌɨ̀ Mbɔ̧ɔ̧mà naa ŋa awê mèmpème mi la.

Tȩtɔ̀s 1:9

Ŋut bɔ ndɨ tàa nèète ebaãaã èngǎ̧ nkûŋ waa ba nyɨ̀Ꞌta la. Tà ghɨ̀ anè, ko taa ko enyɨꞋte bòt ko èngà̧ wu è wû nkûŋ la, e mě ghɨ̌ aa pùùla ayaã nê bòt bu bɔ̀ɔ ntù̧a èngà̧ waa la wu bòt mèfà̧.

Ebùlù 10:22

Ale, bà ghǎ ndàꞋà a ngèt Mbɔ̧ɔ̧mà nè èntɨ̧ɨ̧ kèfə kà màkè ànəê àko ane èngǎ̧ tò. Bà gha a ngèt tò nè mèntɨ̧ɨ̧ bɔ shùù è fə tê è kà tsi ngua fèèlà wa nê ba wu bòt kàbɔ̀ŋ la, mè nkɨ̀Ꞌɨ̂ nè mbɨ̧te ènyit tèa mbɨꞋɨ̀ è te bɔ shùù ne mèleb ntsɔ̧̀ la.

Ebùlù 6:11

Baa nkɨà nê, wòt ègème ane yɨ̧ baãaã wuê a èlɨ̀ waa tè ngà ndìà, mbɨ̀Ꞌɨ̀ ebɔ àghɨa tà kuule èntɨ̧ɨ̧ vi me chɨ̀Ꞌɨ la.