2 Tɔ̀màtià 2:9 - Mundani

⁹ Wu ànəa yùà ka a ghɨ̂ e me ye ngoꞋ tè bɔ kuule am mbɨ̀Ꞌɨ̀ wòt tà ghɨ ànəa kàbɔ̀ŋ la. Bɔ batè nkùùlè am ale, ka bɔ̀ ka kuulè Ntu̧ Ntsɔ̧̀ yu.

2 Tɔ̀màtià 2:9 Iomraidhean Croise

Lûk 23:32

Bɔ li nɨ̌ bòt mènəè kàbɔ̀ŋ ko babe, e ghǎ ebùŋè àwɔb bɔ̂ tò ba nɔ̂.

ÀfaꞋa 21:33

Tǎt banyà̧ wu gha a mbɨ̧̀ Pɔ̂l, ndzì èbu ane tò, mbɔ̂ ngɨ̀ bɔ kuule atò ane fȩ tebe. Tà bɔ̂ mbììte nê, “Mbê waa wu wàà à? Tà ghɨ̀ ghà à?”

ÀfaꞋa 28:31

Tà li ngua ndàꞋà ànəa kèfɔ̧̀ Mbɔ̧ɔ̧mà nè mènəè Yesò Klistò Lefɨ̀Ꞌ kà bɔ̀â, wòt kà mê nkèle atò.

ÀfaꞋa 9:16

Mmɔ̌ mbɔŋ, maa nyɨꞋte atò ngoꞋ tàa ye mbɨ̀Ꞌɨ̀ e ghɨ̌ bòt àa ko am la.”

Efesɔ̀s 3:1

Àyaa a ghɨ̂, mmɔ̌ Pɔ̂l wu è ngu a tèfȩ nkàà èngǎ̧ Yesò Klistò wu màa ndàꞋà abua yɨ̧ bɨ̀a bòt kà wu Bèjuê la, e me tsàꞋte a Mbɔ̧ɔ̧mà.

Filìpȩ 1:17

Bòt ghòꞋnà bu è ka laꞋà èngǎ̧ Yesò Klistò nè èntɨ̧ɨ̧ kèfə. Bɔɔ mɨ̀ɨ̀tà nê betsiꞋa bɔ kwèꞋne ngoꞋ adù̧ yaã mbɨ̀Ꞌɨ̀ è ngu a tèfȩ anè la.

Filìpȩ 1:7

Mâ bɔ̂ ndɨ màa me tseka mɨ̀ɨ̀tà àwɨ̧ wuê anè la, nkàà nê bɨ wu èntɨ̧ɨ̧ am. Aa ale, nkàà nê ba nɨ̧̀ ba e ye a ntsɔ̧̀ wu Mbɔ̧ɔ̧mà è ghɨ abua ya la. Ba ye a ntsɔ̧̀ mbɔŋ àfɨ̀Ꞌ yaa è ngu a tèfȩ la, fɔ̀ɔ̀le ne àfɨ̀Ꞌ yu e ndi ngua ngèèba ntsɔ̀tà Ntu̧ Ntsɔ̧̀ Yesò Klistò nyɨ̀Ꞌta ndɨ è wû nkûŋ la.

Kɔ̀losìà 4:18

E ntsiꞋa shɨa àdziꞋ ya ane àbu am mmɔ̌ mbɔŋ nê: Mmɔ̌ Pɔ̂l maà tsàꞋtà àwɨ̧. Bɨ̀ ka ndèènè nê e ngu a tèfȩ. Maà ntsàꞋtà nê Mbɔ̧ɔ̧mà me nyɨꞋte a ntsɔ̧̀ vi abua yɨ̧.

Kɔ̀losìà 4:3

Bɨ̀ me tsàꞋte a Mbɔ̧ɔ̧mà ane ya mɨ̧̂, mbɨ̀Ꞌɨ̀ tà wu ghaꞋa wa èlu̧ baa me làꞋa èngǎ̧ tò wu è wû ànəa ndò̧ ane ànəa Yesò Klistò la abua bòt. Wu ànəa èngǎ̧ mbɔŋ ka a ghɨ̂ e ngu a tèfȩ anè la.

1 Tèsàlonikà 1:8

Ntu̧ Ntsɔ̧̀ Yesò yaa lè kaꞋa dzə abua yɨ̧ e ghà wuê ndaꞋa Màsèdonìà bɔ̂ Akayà. Bòt èdziꞋ ègème e zə fɔ̀ɔ̀le ndɨ bɨ zì mèntɨ̧ɨ̧ mɨ̧ ane Mbɔ̧ɔ̧mà la, tè ànəa ko à ka tsi ngu bàa mě shu awɔb la.

2 Tèsàlonikà 3:1

Bɔnyɨ, enɨ lìa, bɨ̀ me tsàꞋte a Mbɔ̧ɔ̧mà ane ya nê, èngǎ̧ Tǎt wa Yesò è gha àdzìꞋ àgème, bòt è me bɨ̧ɨ̧ne wùà nè mèngùꞋte, mbà̧aã mbɨ̀Ꞌɨ̀ bɔ bɔ ndɨ bɔ̀ɔ baãaã la, mbɨ̀Ꞌɨ̀ e li nkɨ̀Ꞌɨ̂ abua yɨ̧ ngu la.

2 Tɔ̀màtià 1:12

Eyaa wu lə yu e ndzèa ngoꞋ yaa la. Ka betsiꞋa è nka bɔ àtsəa kɔꞋɔ ane ànəa ko nkàà nê mâ ko wòt wu mâ zì ntɨ̀ yaã ane tò la. Mâ ko mɨ̧̂ nê, betsiꞋa tà baabe Ntu̧ Ntsɔ̧̀ yu tà ŋa abua am la tè ngà ngu ane àli yu tàa li e mě kɨꞋɨ la.

2 Tɔ̀màtià 1:16

È wua Ònesìfolùs, ko maà ntsàꞋtà nê Mbɔ̧ɔ̧mà ku tèsȩte bòt tò. Tà taꞋa wua nkɨ̀Ꞌâ ndàꞋà nè nà̧. Mâ batè ngu a tèfȩ ale, ka tà kà wua mbɔ̌ àtsəa kɔꞋɔ nkàà am.

2 Tɔ̀màtià 1:8

Ale, à ka mbɔ̀ àtsə kɔꞋɔ e làꞋa ànəê à ko ane Lefɨ̀Ꞌ wa la. À ka mè ngɨ̀ ngaa mbɨ̀Ꞌɨ̀ à bakà ko am è ngu wòt tèfȩ nkàà ànəa Yesò la. Ka nɨ mètàŋ mu Mbɔ̧ɔ̧mà è ŋa abua yê la, ndzě ye nè ngoꞋ nkàà Ntu̧ Ntsɔ̧̀ Yesò, mbɨ̀Ꞌɨ̀ mmɔ̌.

2 Tɔ̀màtià 2:3

Fɔte am ndzě yê nè ngoꞋ, mbɨ̀Ꞌɨ̀ shujà tàa nùà èbet Yesò Klistò nè èntɨ̧ɨ̧ vi wemɔꞋ la.

2 Tɔ̀màtià 4:17

Ka Mbɔ̧ɔ̧mà li ngu nè nà̧, ŋa am mètàŋ, e nɨŋ ntsɔ̀tè Ntu̧ Ntsɔ̧̀ yu ègème tè bòt kà wu Bèjuê bàgème e zə. Mbɔ̧ɔ̧mà li ntɨ̀ŋe ngɨ̀ e mpem èvə mbɨ̀Ꞌɨ̀ wòt bɔ fàa tò a ètsəê sambàŋ la.

1 Pità 2:12

Bɨ̀ wu bòt mènəè ntsɔ̧̀ ayɔɔ bòt bu kà ko a Mbɔ̧ɔ̧mà la, mbɨ̀Ꞌɨ̀ bɔ̀ me shu nê bɨ wu bòt kàbɔ̀ŋ, bɔ ye mènəè ntsɔ̧̀ mu bɨ̀a ngɨ̀à la, ngùꞋtè a Mbɔ̧ɔ̧mà ane àli yu tàa li esaꞋa ngɔ̀ŋ la.

1 Pità 2:14

Bɨ̀ mèe me zə bèkěm bu Fɔ̧̀ nɨ̧ wu tsaà nê bɔ̀ me ghɔɔ bòt bɔ̀ɔ ngɨ̀à èbɨꞋte ènəê, ngùꞋtà bòt bɔ̀ɔ ngɨa ntsɔ̧̀ la.

1 Pità 3:16

Bɨ̀ ka ngɨ̀ àghɨa èntɨ̧ɨ̧ wɨ̧ àa fèèlè awɨ̧ la, mbɨ̀Ꞌɨ̀ wòt tsɔ̧̀ awɨ̧ nkàà mènəè ntsɔ̧̀ mu bɨa ngɨ̀à mbɨ̀Ꞌɨ̀ bòt Yesò Klistò la, ŋut bɔ wuê àtsəa kɔꞋɔ.

1 Pità 4:15

Ka wòt ane yɨ̧ ka ndzě ngoꞋ nkàà a kàbɔ̀ŋ tàa ngɨ̀à la, è wû màmbuŋa bòt, nè ètsɔŋ, kò màŋeꞋe avi echɨ̧ɨ̧ a èbem mènəè bòt tsa leꞋ la.